ສາຍພົວພັນສອງຝ່າຍ ລະຫວ່າງ ສະຫະລັດ ແລະ ໄທ ຫຼັງຈາກອັນທີ່ບັນດານັກວິເຄາະ
ມອງເຫັນວ່າ ເປັນ “ການສູນເສຍໃນໄລຍະ 10 ປີຜ່ານມາ” ໄດ້ເຂົ້າສູ່ “ຍຸກສະໄໝ
ໃໝ່” ພາຍຫລັງທີ່ມີການຕິດຕໍ່ຫາກັນ ລະຫວ່າງ ປະທານາທິບໍດີ ດໍໂນລ ທຣຳ ແລະ
ນາຍົກລັດຖະມົນຕີ ໄທ ທ່ານ Prayut Chan-o-cha.
ໃນການສົນທະນາທາງໂທລະສັບຂອງທ່ານທຣຳ ກັບທ່ານ ປຣະຢຸດ, ທຳນຽບຂາວ
ໄດ້ກ່າວວ່າ ທ່ານປະທານາທິບໍດີ ທຣຳ ໄດ້ເນັ້ນໃຫ້ເຫັນເຖິງພັນທະມິດອັນຍາວນານ
ລະຫວ່າງ ສະຫະລັດ ແລະ ໄທ ແລະ ເປັນ “ການມີຜົນປະໂຫຍດນຳກັນ ໃນການ
ເສີມຂະຫຍາຍ ສາຍພົວພັນ ໃນດ້ານການຄ້າ ແລະ ເສດຖະກິດ ລະຫວ່າງ ສອງ
ປະເທດ.”
ທ່ານທຣຳ ໃນການເຊື້ອເຊີນຢ່າງເປັນທາງການ ທ່ານ ປຣະຢຸດ ມາຢ້ຽມຢາມ
ທຳນຽບຂາວ ຍັງໄດ້ “ຢັ້ງຢືນອີກ” ວ່າ ສະຫະລັດ ໝັ້ນໝາຍ ທີ່ຈະ “ເຄື່ອນໄຫວ
ແລະ ມີບົດບາດນຳພາ ເອເຊຍ” ໃນການເປັນພາຄີທີ່ໃກ້ຊິດຮ່ວມກັນໃນຂົງເຂດ.
ການພົວພັນດັ່ງກ່າວ ໄດ້ເປັນຂີດໝາຍອັນສຳຄັນ ທີ່ຜ່ອນຄາຍ ສາຍພົບພັນ
ສອງຝ່າຍ ຫຼັງຈາກໄທໄດ້ປະເຊີນ ກັບການໂດດດ່ຽວດ້ານການທູດ ໃນເລື່ອງ
ການເຂົ້າແຊກແຊງ ໃນການເມືອງ ຕະຫຼອດ 10 ປີຜ່ານມາ ຂອງທະຫານ.
ລັດຖະບານສະຫະລັດ ພາຍໃຕ້ປະທານາທິບໍດີ ບາຣັກ ໂອບາມາ ໄດ້ຕຳນິ ນະໂຍ
ບາຍ ສິດທິມະນຸດຂອງໄທ ໂດຍການປົກຄອງຂອງທະຫານ ນັບຕັ້ງແຕ່ຕົນ ໄດ້ເຂົ້າ
ກຳອຳນາດ ໃນເດືອນພຶດສະພາ 2014 ເປັນຕົ້ນມາ ດ້ວຍການສະກັດກັ້ນ ການອະ
ພິປາຍ ຂອງມະຫາຊົນ ແລະ ການຫ້າມການເຄືອນໄຫວໃດໆດ້ານການເມືອງ.
