ລິ້ງ ສຳຫລັບເຂົ້າຫາ

logo-print

ປ. ທຣໍາ ຍົກເອົາຄວາມຄິດ ໃນການເລື່ອນການເລືອກຕັ້ງ ປະທານາທິບໍດີ ມາໃຫ້ເປັນປະເດັນ


ປະທານາທິບໍດີ ດໍໂນລ ທຣໍາ ປະຊຸມກັບພວກຜູ້ປົກຄອງລັດ ຢູ່ໃນທໍານຽບຂາວວັນທີ 18 ມິຖຸນາ, 2020 ໃນເລື້ອງໃຫ້ເປີດທຸລະກິດຄືນ (ພາບຖ່າຍໂດຍ AP Photo/Alex Brandon)

ປະທານາທິບໍດີສະຫະລັດ ທ່ານ ດໍໂນລ ທຣໍາ ໃນວັນພະຫັດຜ່ານມາ ໄດ້ໃຫ້ຂໍ້ສະເໜີແນະວ່າ ການປ່ອນບັດທີ່ສົ່ງຜ່ານທາງໄປສະນີອາດຈະນໍາໄປສູ່ການສໍ້ໂກງ ການເລືອກຕັ້ງປະທານາທິບໍດີ ທີ່ຈະຈັດຂຶ້ນໃນວັນທີ 3 ພະຈິກນີ້ ແລະໄດ້ຖືກຖາມວ່າ ການເລືອກຕັ້ງຄວນຈະຖືກເລື່ອນອອກໄປ ຫລືບໍ່. ຄໍາເວົ້າທີ່ຂຽນຢູ່ໃນທວີດເຕີຂອງທ່ານທຣຳ ໄດ້ເຮັດໃຫ້ເກີດການຖົກຖຽງກັນ ກ່ຽວກັບການຮັກສາຄວາມປອດໄພ ໃນການເລືອກຕັ້ງ ຢູ່ໃນຫໍລັດຖະສະພາ ບ່ອນທີ່ທ່ານໄມຄ໌ ພອມພຽວ ໄດ້ໄປໃຫ້ການຢູ່ທີ່ນັ້ນ. Cindy Saine ນັກຂ່າວ ດ້ານການທູດຂອງວີໂອເອ ມີລາຍງານ ມາຈາກນະຄອນຫລວງວໍຊິງຕັນ ຊຶ່ງບົວ ສະຫວັນ ຈະນໍາມາສະເໜີທ່ານ ໃນອັນດັບຕໍ່ໄປ.

ເປັນເທື່ອທໍາອິດ ທີ່ທ່ານ ດໍໂນລ ທຣໍາ ປະທານາທິບໍດີສະຫະລັດ ສະເໜີວ່າ ໃຫ້ເລື່ອນການເລືອກ ຕັ້ງປະທານາທິບໍດີຂອງປີນີ້ອອກໄປ- ຊຶ່ງໄດ້ດຶງດູດເອົາ ຄວາມສົນໃຈຂອງໂລກດ້ວຍຄໍາເວົ້າທີ່ຂຽນລົງໃນທວີດເຕີອັນນຶ່ງ. ຢູ່ໃນທວີດເຕີນັ້ນ ທ່ານກ່າວໄປແບບບໍ່ມີຫລັກຖານວ່າ ການສົ່ງບັດລົງຄະແນນສຽງ ທາງໄປສະນີ ອາດຈະເຮັດໃຫ້ ການເລືອກຕັ້ງນີ້ “ເປັນການເລືອກຕັ້ງທີ່ບໍ່ຖືກຕ້ອງ & ມີການສໍ້ໂກງ ທີ່ສຸດ ໃນປະຫວັດສາດ.”

ທ່ານ ທຣໍາ ຖາມວ່າ “…ການຊັກຊ້າໃນການເລືອກຕັ້ງຈົນກວ່າວ່າ ຜູ້ຄົນສາມາດ ໄປລົງຄະແນນສຽງໄດ້ ຢ່າງຄັກແນ່, ມີການຮັບປະກັນ ແລະປອດໄພ ຈະບໍ່ດີບໍ ???”

ທ່ານປະທານາທິບໍດີ ບໍ່ມີອໍານາດໃນການເຮັດໃຫ້ການເລືອກຕັ້ງທີ່ຈະຈັດຂຶ້ນ ໃນວັນທີ 3 ພະຈິກນີ້ ຊັກຊ້າລົງ. ວັນເລືອກຕັ້ງແມ່ນກໍານົດໂດຍລັດຖະສະພາ ພາຍໃຕ້ລັດຖະທໍາມະນູນຂອງສະຫະລັດ.

“ຄະນະກໍາມະການຈະມາອອກຄໍາສັ່ງ.”

ຂໍ້ຄວາມໃນທວີດເຕີນີ້ ມີຂຶ້ນໃນຂະນະທີ່ລັດຖະມົນຕີກະຊວງການຕ່າງປະເທດ, ທ່ານ ໄມຄ໌ ພອມພຽວ ໄປໃຫ້ການຢູ່ໃນການຮັບຟັງພິຈາລະນາຢູ່ສະພາສູງກ່ຽວກັບ ການສະເໜີຕັດເງິນງົບປະມານ ຂອງກະຊວງການຕ່າງປະເທດລົງ.

ບັນດາສະມາຊິກສະພາສູງຫລາຍທ່ານ ເວົ້າວ່າ ພວກເພິ່ນຮູ້ສຶກງົງຍ້ອນຂໍ້ຄວາມ ໃນທວີດເຕີຂອງທ່ານ ປະທານາທິບໍດີ ແລະໄດ້ຖາມທ່ານພອມພຽວວ່າ ປະທານາທິບໍດີສາມາດເລື່ອນການເລືອກຕັ້ງປະທານາທິບໍດີ ອອກໄປໄດ້ບໍ່.

ສະມາຊິກສະພາສູງ ທິມ ເຄນ (Tim Kaine) ຈາກພັກເດໂມແຄຣັດ ຖາມວ່າ:
“ທ່ານເປັນທະນາຍຄວາມຜູ້ນຶ່ງທີ່ໄດ້ຮັບການສຶກສາອົບຮົມ ແລະມີຜົນງານສູງ ຜູ້ທີ່ເປັນສ່ວນນຶ່ງໃນຄະນະລັດຖະບານຊຸດນີ້. ປະທານາທິບໍດີສາມາດເລື່ອນການເລືອກຕັ້ງປະທານາທິບໍດີ ໄປໄດ້ບໍ່?”

ທ່ານໄມຄ໌ ພອມພຽວ, ລັດຖະມົນຕີກະຊວງການຕ່າງປະເທດ ຕອບວ່າ:
“ທ່ານສະມາຊິກສະພາສູງ, ໃນທີ່ສຸດ, ກະຊວງຍຸຕິທໍາ, ຄົນອື່ນໆ ຈະພິຈາລະນາທາງດ້ານກົດໝາຍກ່ຽວກັບເລື້ອງນັ້ນ. ພວກເຮົາທຸກຄົນຄວນຕ້ອງການ, ຂ້າພະເຈົ້າຮູ້ວ່າ ທ່ານກໍຕ້ອງການຄືກັນ, ທ່ານ ສະມາຊິກສະພາສູງ ເຄນ, ຕ້ອງການໃຫ້ຮັບປະກັນວ່າ ພວກເຮົາມີການເລືອກຕັ້ງທີ່ທຸກຄົນ ມີຄວາມໝັ້ນໃຈ. ການເລືອກຕັ້ງນັ້ນ ບໍ່ພຽງແຕ່ຕ້ອງເປັນແບບເສລີ ມັນຍັງຕ້ອງເຮັດໃຫ້ຖືກຕ້ອງອີກດ້ວຍ.”

ສະມາຊິກສະພາສູງ ທອມ ຢູດາລ (Tom Udall) ຈາກພັກເດໂມແຄຣັດ ເວົ້າວ່າ ທ່ານໄດ້ຍິນຄວາມເປັນຫ່ວງຫຼາຍກ່ຽວກັບວ່າ ສະຫະລັດ ຈະສືບຕໍ່ຕັ້ງເປັນແບບຢ່າງທີ່ດີແກ່ປະຊາທິປະໄຕ ໃຫ້ທົ່ວໂລກ ໄດ້ຫລືບໍ່ ເມື່ອທ່ານທຣໍາ ໄດ້ປະຕິເສດ ທີ່ຈະບອກວ່າ ທ່ານຈະຮັບເອົາຜົນການເລືອກຕັ້ງໃນເດືອນພະຈິກ ນີ້ ໄດ້ຫລືບໍ່. ທ່ານໄດ້ ຕັ້ງຄໍາຖາມນີ້ຕໍ່ທ່ານ ພອມພຽວ.

ສະມາຊິກສະພາ ຢູດາລ (Udall) ຖາມວ່າ “ທ່ານຈະໃຫ້ການນັບຖືແກ່ຜົນການ ເລືອກຕັ້ງນີ້ບໍ່.

ທ່ານຖາມຕໍ່ໄປວ່າ “ສະນັ້ນແລ້ວ, ທ່ານລັດຖະມົນຕີພອມພຽວ, ຖ້າຫາກປະທານາທິບໍດີ ທຣໍາ ປະຕິເສດບໍ່ຍອມຮັບຮູ້ເອົາການເລືອກຕັ້ງໃນເດືອນພະຈິກທີ່ຈະມາເຖິງນີ້ ຍ້ອນການຂາດຄວາມ ເຊື່ອໝັ້ນຂອງທ່ານ ຕໍ່ການລົງຄະແນນສຽງທີ່ສົ່ງຜ່ານທາງໄປສະນີເດ ແລ້ວທ່ານຈະໃຫ້ ຄວາມ ນັບຖືແກ່ຜົນການເລືອກຕັ້ງ ຄືກັນກັບກະຊວງການຕ່າງປະເທດໂດຍປົກກະຕິແລ້ວຮັບຮູ້ ການເລືອກຕັ້ງທີ່ໄດ້ຮັບການຢືນຢັນ ອັນເປັນການປະຕິບັດເຊັ່ນກັນນີ້ຢູ່ໃນທົ່ວໂລກບໍ່?”

ທ່ານພອມພຽວຕອບວ່າ:
“ທ່ານສະມາຊິກສະພາສູງ ຂ້າພະເຈົ້າຈະບໍ່ຄາດເດົາໄປເທື່ອ ໂດຍທີ່ມີຄໍາຖາມທີ່ເວົ້າວ່າ ຖ້າເປັນແນວນີ້ ແນວນັ້ນຢູ່ 15 ຢ່າງ. ທ່ານຄວນຮູ້ດີ ຂ້າພະເຈົ້າໄດ້ເວົ້າຊໍ້າແລ້ວຊໍ້າອີກຕໍ່ຄະນະກໍາມະການນີ້ວ່າ ຂ້າພະເຈົ້າຈະເຮັດຕາມຕົວບົດກົດໝາຍ, ປະຕິບັດຕາມລັດຖະທໍາມະນູນ. ຂ້າພະເຈົ້າໄດ້ໃຊ້ຄວາມ ບາກບັ່ນທີ່ຈະເຮັດເຊັ່ນນັ້ນ ໃນແຕ່ລະວັນ.”

ຜູ້ນໍາສຽງສ່ວນໜ້ອຍຈາກພັກຣີພັບບລິກັນໃນສະພາຕໍ່າ, ທ່ານ ເຄບວິນ ແມັກຄາທີ (Kevin McCarthy), ເວົ້າວ່າ ການເລືອກຕັ້ງຂອງສະຫະລັດ ຄວນຈະຖືກຈັດຂຶ້ນຕາມແຜນທີ່ວາງໄວ້ ໃນວັນທີ 3 ພະຈິກນີ້ ແນ່ນອນ.

ທ່ານ ເຄບວິນ ແມັກຄາທີ ກ່າວດັ່ງນີ້:
“ຂ້າພະເຈົ້າເຂົ້າໃຈເຖິງຄວາມເປັນຫວ່ງຂອງທ່ານປະທານາທິບໍດີ ກ່ຽວກັບການ ລົງຄະແນນສຽງຜ່ານທາງ ໄປສະນີ ຊຶ່ງຕ່າງກັນກັບການລົງຄະແນນສຽງແບບບໍ່ສາມາດໄປປາກົດຕົວໄດ້ ຫລື absentee voting. ແຕ່ວ່າ ບໍ່ເຄີຍມີໃນປະຫວັດສາດຂອງການເລືອກຕັ້ງຂັ້ນລັດຖະບານກາງເລີຍ ທີ່ພວກເຮົາຈະບໍ່ຈັດການ ເລືອກຕັ້ງຈັກເທື່ອ, ແລະພວກເຮົາ ຄວນຈະກ້າວໄປຂ້າງໜ້າໃນການຈັດການເລືອກຕັ້ງຂອງພວກເຮົາ.”

ກ່ຽວກັບເລື້ອງລົງຄະແນນສຽງໂດຍສົ່ງຜ່ານທາງໄປສະນີ, ທັງບັນດາຫົວໜ້າ ສະມາຄົມເລືອກຕັ້ງແຫ່ງ ຊາດຂອງລັດ ແລະສະມາຄົມບັນດາເຈົ້າໜ້າທີ່ລັດຖະມົນຕີກະຊວງການຕ່າງປະເທດແຫ່ງຊາດ ກ່າວຕໍ່ວີໂອເອໃນວັນພະຫັດຜ່ານມາວ່າ ພວກເຂົາເຈົ້າບໍ່ໄດ້ຮູ້ຈັກເຖິງສະພາບການໃດໆເລີຍ ທີ່ອາດຈະສົ່ງຜົນກະທົບຕໍ່ການຮັກສາຄວາມປອດໄພ ຂອງການເລືອກຕັ້ງຂອງປີນີ້.

ເບິ່ງວີດິໂອກ່ຽວກັບລາຍງານນີ້ເພີ້ມເປັນພາສາອັງກິດ

ອ່ານຂ່າວນີ້ເປັນພາສາອັງກິດຢູ່ລຸ່ມນີ້:

U.S. President Donald Trump on Thursday suggested voting by mail could lead to a fraudulent November 3rd presidential election and asked whether the vote should be delayed. Trump's tweet sparked a debate on election security on Capitol Hill, where Secretary of State Mike Pompeo was testifying. VOA's Diplomatic Correspondent Cindy Saine reports from Washington.

For the first time, U.S. President Donald Trump is suggesting delaying this year’s presidential election - grabbing the world’s attention with a tweet. In it he alleges - without evidence - that mail-in balloting may make this the “most INACCURATE & FRAUDULENT Election in history.”

Trump asks, “…Delay the Election until people can properly, securely and safely vote???”

The president does not have the power to delay the election, which is to be held November 3. The date is set by Congress under the U.S. Constitution.

“The committee will come to order”

The tweet came as Secretary of State Mike Pompeo was testifying at a Senate hearing on proposed cuts to the State Department budget.

Several Democratic senators said they were stunned by the president’s tweet and asked Pompeo if a president can delay a presidential election.

Senator Tim Kaine, (D)

“You are one of the most highly trained, and accomplished lawyers who are part of this administration. Can a president delay a presidential election?”

Mike Pompeo, Secretary of State:
“Senator, in the end, the Department of Justice, others will make that legal determination. We all should want, I know you do too, Senator Kaine, want to make sure we have an election that everyone is confident in. That's not only free but validated.”

((Video: file video of President Trump at a campaign rally))

Democratic Senator Tom Udall said he is hearing concerns about whether the U.S. will continue to set a good example for democracy around the world, with President Trump declining to say whether he will accept the results of the November election.

He posed this question to Pompeo.

“So, Secretary Pompeo, if President Trump refuses to accept the upcoming November election due to his lack of faith in voting by mail, will you respect the results of a certified election as the State Department typically does throughout the world?”

Mike Pompeo, Secretary of State:

“Senator I’m not going to speculate yet with about 15 ifs in there. You should know, I have said repeatedly to this committee, I will follow the rule of law, follow the Constitution. I’ve endeavored to do that in everything I’ve done, and I’ll continue to do that every day.”

House Minority Leader Kevin McCarthy, a Republican, said the US election should definitely be held on November 3rd as planned.

Rep. Kevin McCarthy:

"I understand the president's concern about mail-in voting, which is different than absentee voting. But never in the history of the federal elections have we ever not held an election, and we should go forward with our election.”

Regarding voting by mail, both the National Association of State Election Directors and the National Association of Secretaries of State told VOA Thursday they are unaware of any developments that could have an impact on the security of this year’s election.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG