ຂໍ້ຕົກລົງງົບປະມານລັດຖະບານທີ່ໄດ້ຮັບການໜູນຫຼັງໂດຍທ່ານ ທຣຳ ລົ້ມແຫຼວໃນສະພາຕ່ຳ

ຮ່າງງົບປະມານທີ່ໄດ້ຮັບການສະໜັບສະໜູນຈາກ ທ່ານ ດໍໂນລ ທຣໍາ ໄດ້ລົ້ມແຫຼວໃນສະ ພາຕ່ຳ ເມື່ອວັນພະຫັດວານນີ້ ຫຼັງຈາກສະ​ມາ​ຊິກພັກຣີພັບລີກັນຫຼາຍສິບຄົນ ມີຄວາມເຫັນ ຂັດແຍ້ງກັນ.

ປະທານາທິບໍດີທີ່ກຳລັງຈະເຂົ້າຮັບຕໍາແໜ່ງໄດ້​ເຮັດ​ໃຫ້ລັດຖະສະພາບໍ່ມີແຜນທີ່ຈະແຈ້ງ ເພື່ອຫຼີກລ້ຽງການປິດໜ່ວຍງານລັດຖະບານທີ່ໃກ້ເຂົ້າມາຊຶ່ງອາດຈະກະທົບຕໍ່ການເດີນທາງ ໃນຊ່ວງບຸນ ຄຣິສມາສ.

ຜົນການລົງຄະແນນສຽງສະແດງໃຫ້ເຖິງຄວາມບໍ່ເຂົ້າໃຈກັນໃນພັກຣີພັບລີກັນຂອງ ທ່ານ ທຣໍາ ຊຶ່ງອາດຈະເກີດຂື້ນອີກຄັ້ງໃນປີໜ້າເມື່ອເຂົາ​ເຈົ້າ​ຄວບ​ຄຸມທຳນຽບຂ​າວ ແລະ ທັງສອງສະພາຂອງລັດຖະສະພາ.

ທ່ານ ທຣໍາ ໄດ້ກົດດັນໃຫ້ບັນ​ດາສະມາຊິກສະ​ພາແກ້ໄຂບັນຫາຕ່າງໆໃຫ້ແລ້ວກ່ອນທີ່ທ່ານ ຈະເຂົ້າມາຮັບຕໍາແໜ່ງໃນວັນທີ 20 ມັງກອນ ແຕ່ສະມາຊິກໃນກຸ່ມອະນຸລັກນິ​ຍົມຂອງພັກ ຣີພັບລີກັນ ໄດ້ປະຕິເສດທີ່ຈະສະໜັບສະໜູນຮ່າງງົບປະມານທີ່ເພີ່ມການໃຊ້ຈ່າຍ ແລະ ປູທາງສູ່ແຜນທີ່ຈະເພີ້ມໜີ້ສາທາລະນະຂອງລັດຖະບານກາງສູງເຖິງ 36 ລ້ານລ້ານໂດລາ.

“ຂ້ອຍຮູ້ສຶກບໍ່ດີກັບພັກທີ່ຫາສຽງດ້ວຍຄຳໝັ້ນສັນຍາເລື່ອງຄວາມຮັບຜິດຊອບທາງການເງິນ ແຕ່ກັບກ້າມາເວົ້າກັບຊາວອາເມຣິກັນວ່າ ນີ້ຄືຄວາມຮັບຜິດຊອບທາງການເງິນ” ສະ​ມາ​ຊິກ​ສະ​ພາ​ຕ່ຳ​ສັງ​ກັດພັກຣີພັບລີກັນ ທ່ານ ຊິບ ຣອຍ ກ່າວ, ຊຶ່ງເປັນນຶ່ງໃນ 38 ຄົນຂອງ ພັກຣີພັບລີກັນທີ່ລົງມະຕິດຄັດຄ້ານຮ່າງງົບປະມານດັ່ງກ່າວ.

ຮ່າງງົບປະມານນີ້ລົ້ມແຫຼວດ້ວຍຄະແນນສຽງ 174 ຕໍ່ 235 ພຽງບໍ່ພໍເທົ່າໃດຊົ່ວໂມງຫຼັງ ຈາກ ຖືກຈັດທຳຂຶ້ນຢ່າງເລັ່ງດ່ວນໂດຍຜູ້ນໍາພັກຣີພັບລີກັນ ເພື່ອທຳຕາມຂໍ້ຮຽກຮ້ອງຂອງ ທ່ານ ທຣໍາ. ຂໍ້ຕົກລົງສອງຝ່າຍທີ່ສະເໜີມາກ່ອນໜ້ານີ້ຖືກຍົກເລີກຫຼັງຈາກ ທ່ານ ທຣໍາ ແລະ ທ່ານ ອີລອນ ມັສ໌ ຊຶ່ງເປັນບຸກຄົນຮັ່ງມີທີ່ສຸດໃນໂລກອອກມາຄັດຄ້ານເມື່ອວັນພຸດທີ່​ຜ່ານ​ມາ.

ທ່ານ ໄມຄ໌ ຈອນສັນ ປະທານສະພາຕ່ຳ​ສັງ​ກັດພັກຣີພັບລີກັນ ບໍ່ໄດ້ໃຫ້ລາຍລະອຽດ ເມື່ອນັກຂ່າວຖາມເຖິງຂັ້ນຕອນຕໍ່ໄປ ຫຼັງຈາກການລົງຄະແນນສຽງລົ້ມແຫຼວ.

“ເຮົາຈະຫາທາງອອກອື່ນ” ທ່ານກ່າວ.

ງົບປະມານລັດຖະບານມີກຳນົດໝົດອາຍຸໃນເວລາທ່ຽງຄືນຂອງວັນສຸກ ຫາກສະມາຊິກ ສະພານິຕິບັນຍັດບໍ່ສາມາດຂະຫຍາຍກຳນົດເວລາດັ່ງກ່າວໄດ້ ລັດຖະບານ ສະຫະລັດ ຈະເລີ້ມປິດໜ່ວຍງານບາງສ່ວນ ຊຶ່ງຈະເຮັດໃຫ້ການຈັດສັນງົບປະມານຢຸດສະງັກ ຕັ້ງແຕ່ການບັງຄັບໃຊ້ກົດໝາຍຊາຍແດນ ໄປຈົນເຖິງອຸທະຍານແຫ່ງຊາດ ແລະ ຈະຢຸດຈ່າຍເງິນເດືອນໃຫ້ກັບພະນັກງານລັດຖະບານກາງກວ່າ 2 ລ້ານຄົນ.

ສຳນັກງານບໍລິຫານຄວາມປອດໄພດ້ານການຂົນສົ່ງຂອງ ສະຫະລັດ ກ່າວວ່າຜູ້ເດີນທາງ ໃນຊ່ວງເທດສະການວັນພັກທີ່ມີຜູ້ຄົນໜາແໜ້ນອາດຈະຕ້ອງປະເຊີນກັບການ​ລຽນແຖວທີ່ຍາວຢູ່ສະໜາມບິນ.

“ລັດຖະສະພາຕ້ອງຍົກເລີກຫຼືຂະຫຍາຍເພດານໜີ້ອອກໄປຈົນເຖິງ 2029 ບໍ່ດັ່ງນັ້ນເຮົາ ບໍ່ຄວນ​ເຮັດຂໍ້ຕົກລົງໃດໆ” ທ່ານ ທຣໍາ ກ່າວໃນໂພສ Truth Social ບໍ່ພໍເທົ່າໃດຊົ່ວໂມງ ຫຼັງຈາກຮ່າງງົບປະມານລົ້ມແຫຼວ.

ຕິດຕາມອ່ານຂ່າວພາສາອັງກິດດ້ານລຸ່ມ

WASHINGTON, Dec 19 (Reuters) - A spending bill backed by Donald Trump failed in the U.S. House of Representatives on Thursday as dozens of Republicans defied the president-elect, leaving Congress with no clear plan to avert a fast-approaching government shutdown that could disrupt Christmas travel.

The vote laid bare fault lines in Trump's Republican Party that could surface again next year when they control the White House and both chambers of Congress.

Trump had pressured lawmakers to tie up loose ends before he takes office on Jan. 20, but members of the party's right flank refused to support a package that would increase spending and clear the way for a plan that would add trillions more to the federal government's $36 trillion in debt.

"I am absolutely sickened by a party that campaigns on fiscal responsibility and has the temerity to go to the American people and say you think this is fiscally responsible," said Republican Representative Chip Roy, one of 38 Republicans who voted against the bill.

The package failed by a vote of 174-235 just hours after it was hastily assembled by Republican leaders seeking to comply with Trump's demands. A prior bipartisan deal was scuttled after Trump and the world's richest person Elon Musk came out against it on Wednesday.

Republican House Speaker Mike Johnson provided no details when reporters asked him about next steps after the failed vote.

"We will come up with another solution," he said.

Government funding is due to expire at midnight on Friday. If lawmakers fail to extend that deadline, the U.S. government will begin a partial shutdown that would interrupt funding for everything from border enforcement to national parks and cut off paychecks for more than 2 million federal workers. The U.S. Transportation Security Administration warned that travelers during the busy holiday season could face long lines at airports.

"Congress must get rid of, or extend out to, perhaps, 2029, the ridiculous Debt Ceiling. Without this, we should never make a deal," Trump said in a post on Truth Social hours after the bill failed.