ລິ້ງ ສຳຫລັບເຂົ້າຫາ

logo-print

ຣັດເຊຍ ຖືກກົດດັນ ຈາກນາໆຊາດ ເພື່ອຊ່ອຍໃຫ້ ຄະນະ ສືບສວນ ເຂົ້າໄປ ບ່ອນທີ່ເຮືອບິນຕົກ (ສະໄລດ໌/ວີດີໂອ)


Ukraine Rebels Surrender MH17 Black Boxes
please wait

No media source currently available

0:00 0:03:04 0:00

ຫລາຍໆມື້ ຫລັງຈາກເຮືອບິນໂດຍສານຂອງມາເລເຊຍ ໄດ້ຖືກ
ຍິງຕົກໃນເຂດທີ່ພວກກະບົດຄວບຄຸມ ຢູ່ໃນພາກຕາເວັນອອກ
ຂອງຢູເຄຣນ ບໍລິເວນທີ່ເຮືອບິນດັ່ງກ່າວຕົກຍັງຢູ່ພາຍໃຕ້ການ ຄວບຄຸມຂອງພວກກະບົດທີ່ນິຍົມຣັດເຊຍ ຊຶ່ງພາໃຫ້ ມີການສົງ
ໄສກັນວ່າ ພວກເຂົາພວມຫາທາງທຳລາຍຫຼັກຖານເພື່ອປົກປິດ
ການພົວພັນຂອງຕົນ. ຜູ້ສື່ຂ່າວວີໂອເອ Zlatica Hoke ລາຍ
ງານວ່າ ມີການກົດດັນເພີ້ມຂຶ້ນຕໍ່ຣັດເຊຍ ເພື່ອຊ່ອຍໃຫ້ຄະນະ
ສືບສວນຂອງນາໆຊາດ ໄດ້ເຂົ້າໄປໃນບໍລິເວນ ທີ່ເຮືອບິນຖືກ
ຍິງຕົກ ໂດຍປາດສະຈາກຂໍ້ຈຳກັດໃດໆ ດັ່ງໄພສານມີລາຍລະ
ອຽດ ມາສະເໜີທ່ານ ໃນອັນດັບຕໍ່ໄປ.

ຂະບວນລົດໄຟ ພ້ອມດ້ວຍຊາກສົບຂອງຜູ້ໂດຍສານທີ່ໃສ່ຕູ້ເຢັນ
ເກືອບ 300 ຄົນ ໄດ້ເດີນທາງອອກຈາກເມືອງ Torez ທີ່ພວກກະ
ບົດຄວບຄຸມ ໃນວັນຈັນມື້ກ່ອນນີ້ ແລະໄປຮອດເມືອງ Kharkiv ​ທີ່ລັດຖະບານ​ຄວບ​ຄຸມ ຢູ່ໃນ ພາກ​ຕາ​ເວັນ​ອອກຂອງຢູເຄຣນໃນວັນອັງຄານວານນີ້ ຫລັງຈາກໄດ້ມີການຮ້ອງຂໍ ເປັນເວລາ ຫຼາຍໆມື້ ຈາກພວກເຈົ້າໜ້າທີ່ແລະສະມາຊິກໃນຄອບຄົວຂອງພວກເຄາະຮ້າຍ ໃຫ້ມອບສົບ ເຫຼົ່ານີ້ ໃຫ້ແກ່ພວກເຂົາເຈົ້າເພື່ອຈະໄດ້ນຳໄປຝັງ. ຄະນະສືບສວນຂອງໂຮນລັງ ທີ່ໄດ້ຮັບອະ ນຸຍາດໃຫ້ເຂົ້າໄປໃນລົດໄຟກ່າວວ່າ ຊາກສົບເຫຼົ່ານີ້ໄດ້ຮັບການມ້ຽນມັດ ຢ່າງເໝາະສົມ. ແຕ່ ພວກກະບົດທີ່ນິຍົມຣັດເຊຍ ຍັງສືບຕໍ່ຂັດຂວາງບໍ່ໃຫ້ຄະນະສືບສວນ ຂອງນາໆຊາດເຂົ້າໄປ ກວດກາເບິ່ງບ່ອນທີ່ເຮືອບິນຖືກຍິງຕົກຢ່າງເປັນອິດສະຫຼະ.

ໃນມື້ວັນຈັນຜ່ານມານີ້ ປະທານທິບໍດີສະຫະລັດ ທ່ານບາຣັກ ໂອບາມາ ໄດ້ສະເໜີແນະວ່າ ພວກກະບົດອາດຫາທາງທຳລາຍຫລັກຖານ.

ປະທານາທິບໍດີໂອບາມາ ເວົ້າວ່າ “ພວກເຂົາໄດ້ຂັດຂວາງ ຊ້ຳແລ້ວຊ້ຳອີກ ບໍ່ໃຫ້ຄະ ນະສືບສວນຂອງນາໆຊາດ ສາມາດເຂົ້າໄປກວດກາເບິ່ງ ຊາກຫັກພັງ ຂອງເຮືອ ບິນໄດ້ຢ່າງເຕັມທີ່. ພໍ​ພວກເຈົ້າໜ້າທີ່ສືບສວນເຂົ້າໄປໃກ້ໆພວກເຂົາກໍຍິງປືນຂຶ້ນ
ຟ້າ. ພວກແບ່ງແຍກດິນແດນ ໄດ້ຍົກຍ້າຍຫຼັກຖານ ຈາກບ່ອນທີ່ເຮືອບິນຕົກ ຊຶ່ງ
ທັງໝົດນີ້ ໄດ້ພາໃຫ້ມີຄຳຖາມວ່າ ແມ່ນຫຍັງ ຄືສິ່ງທີ່ພວກເຂົາ ກຳລັງຫາທາງປົກ
ປິດ?
"

ປະທານາທິບໍດີໂອບາມາ ໄດ້ປະນາມບົດບາດຂອງຣັດເຊຍ ໃນພາກຕາເວັນອອກຂອງຢູ ເຄຣນ ຊຶ່ງທ່ານໄດ້ໃຊ້ຄຳເວົ້າທີ່ແຮງສຸດເທົ່າທີ່ເຄີຍມີມາໂດຍຮຽກຮ້ອງໃຫ້ປະທານາທິບໍດີ Vladimir Putin ຕັດຄວາມສຳພັນກັບພວກແບ່ງແຍກດິນແດນຫລືຖ້າບໍ່ດັ່ງນັ້ນກໍຈະສ່ຽງ ຕໍ່ການຖືກໂດດດ່ຽວຈາກນາໆຊາດເພີ້ມຂຶ້ນ.

ທ່ານໂອບາມາເວົ້າວ່າ “ເວລານີ້ ມັນເຖິງເວລາແລ້ວທີ່ປະທານາທິບໍດີ Putin ແລະ ຣັດເຊຍທີ່ຈະຫັນໜ້າໜີຈາກຍຸດທະສາດທີ່ພວກເຂົາເຈົ້າໄດ້ດຳເນີນມາ ແລະຫັນ​ມາເອົາຈິງເອົາຈັງ​ໃນການພະຍາຍາມຫາທາງແກ້ໄຂຄວາມເປັນປໍລະປັກກັນ.”

ໃນມື້ວັນຈັນຜ່ານມານີ້ ປະທານາທິບໍດີຣັດເຊຍ ກ່າວວ່າ ໂສກນາດຕະກຳດັ່ງກ່າວ ບໍ່ຄວນ ຖືກສວຍໃຊ້ເພື່ອຜົນປະໂຫຍດທາງການເມືອງ.

ປະທານາທິບໍດີ Putin ເວົ້າວ່າ “ຜູ້ໃດກໍຕາມບໍ່ຄວນ ແລະຜູ້ໃດກໍຕາມບໍ່ມີສິດ ທີ່ຈະ ສວຍໃຊ້ໂສກນາດຕະກຳນີ້ເພື່ອໃຫ້ບັນລຸເປົ້າໝາຍທີ່ເຫັນແກ່ໂຕທາງດ້ານການ ເມືອງຂອງຕົນ. ເຫດການເຫຼົ່ານີ້ບໍ່ຄວນທີ່ຈະແບ່ງແຍກ ແຕ່ຄວນ​ເຕົ້າ​ໂຮມໃຫ້​ສາ​
ມັກ​ຄີ​ກັນ.”

ໃນມື້ວັນຈັນຜ່ານມານີ້ ພວກເຈົ້າໜ້າທີ່ທະຫານຂອງຣັດເຊຍໄດ້ທ້າທາຍຕໍ່ການກ່າວຫາທີ່
ວ່າ ພວກແບ່ງແຍກດິນແດນ ເປັນຜູ້ຮັບຜິດຊອບ ຕໍ່ການຍິງເຮືອບິນໂດຍສານມາເລເຊຍ ຕົກດ້ວຍຈະຫຼວດຂອງຣັດເຊຍໂດຍເວົ້າວ່າບໍ່ມີຮູບພາບໃດໆທາງດາວທຽມພິສູດໄດ້. ພວກ ເຂົາເຈົ້າໄດ້ຖິ້ມໂທດເລື່ອງດັ່ງກ່າວນີ້ ໃສ່ລັດຖະບານຢູເຄຣນ.

ນາຍພົນ Igor Mukushev ເວົ້າວ່າ “ລະບົບຄວບຄຸມເຂດອາກາດຂອງຣັດ ເຊຍໄດ້ ພົບເຫັນເຮືອບິນ ຂອງກອງທັບອາກາດ ຢູເຄຣນລຳນຶ່ງ ຊຶ່ງຄາດວ່າ ເປັນເຮືອບິນ
ລົບ ອາຍພົ່ນ SU-25 ພວມບິນໄປສູ່ທິດທາງດຽວກັບເຮືອບິນໂບອິ້ງ ຂອງມາເລ ເຊຍ.”

ໃນຕອນແລງຂອງມື້ວັນຈັນຜ່ານມານີ້ສະພາຄວາມໝັ້ນຄົງຂອງອົງການສະຫະປະຊາຊາດ ໄດ້ລົງຄະແນນສຽງ ກ່ຽວກັບຮ່າງຍັດຕິຂອງອອສເຕຣເລຍທີ່ທວງໃຫ້ຄະນະສືບສວນຂອງ ນາໆຊາດ ມີສິດເຂົ້າໄປກວດກາເບິ່ງ ບ່ອນທີ່ເຮືອບິນຖືກຍິງຕົກ ແລະໃຫ້ມີການຢຸດຍິງໃນ ບໍລິເວນອ້ອມແອ້ມເຂດດັ່ງກ່າວ. ລັດຖະມົນຕີການຕ່າງປະເທດອອສເຕຣເລຍ ທ່ານນາງ Julie Bishop ແມ່ນຮວມຢູ່ໃນບັນດາຜູ້ ທີ່ກ່າວໃຫ້ການສະໜັບສະໜຸນ.

ທ່ານນາງ Bishop ເວົ້າວ່າ “ຮ່າງຍັດຕິສະບັບນີ້ ທວງໃຫ້ມີການອຳນວຍ​ໃຫ້​ເຂົ້າໄປ ເບິ່ງບ່ອນທີ່ ເຮືອບິນຕົກໄດ້ ໂດຍເຕັມ ຢ່າງ​ປອດ​ໄພ ແລະ ບໍ່ມີການຈຳກັດໃດໆ ເພື່ອວ່າເຈົ້າໜ້າທີ່ສືບສວນ ຈະໄດ້ສາມາດເຮັດວຽກງານ ຂອງພວກເຂົາເຈົ້າ​ໄດ້. ມັນເປັນເລື່ອງທີ່ໜ້າລັງກຽດທີ່ສຸດທີ່ບໍ່ໄດ້ມີການສະໜອງໃຫ້ເຂົ້າໄປ​ເຂດດັ່ງກ່າວ​
ໄດ້. ມັນເປັນການສົບປະໝາດ ຕໍ່ພວກເຄາະຮ້າຍ ແລະຄອບຄົວຂອງພວກເຂົາ ເຈົ້າ.”

ໃນຕອນເຊົ້າຂອງວັນອັງຄານວານນີ້ ພວກກະບົດທີ່ ນິຍົມຣັດເຊຍ ໃນພາກຕາເວັນອອກ ຂອງຢູເຄຣນໄດ້ມອບເຄື່ອງບັນທຶກຂໍ້ມູນ 2 ອັນ ຂອງເຮືອບິນໂດຍສານມາເລເຊຍທີ່ຕົກ ໃຫ້ແກ່ພວກນັກຊ່ຽວຊານຂອງມາເລເຊຍ.

Days after a Malaysian passenger jet was shot down in rebel-held territory in eastern Ukraine, the crash site remains in control of pro-Russian insurgents, fueling suspicions that they are tampering with evidence to cover up their involvement. Zlatica Hoke reports there is a growing pressure on Russia to help enable an unrestricted international investigation.

A train with refrigerated bodies of close to 300 passengers left the rebel-controlled Ukrainian city of Torez Monday after days of pleading by officials and by family members to release the bodies for burial. Dutch investigators who were permitted to enter the train said the bodies were being stored properly. But pro-Russian insurgents continue to block an unfettered international investigation of the accident site.

U.S. President Barack Obama on Monday suggested the rebels may be tampering with evidence.

"They have repeatedly prevented international investigators from gaining full access to the wreckage. As investigators approached, they fired their weapons into the air. The separatists are removing evidence from the crash site - all of which begs the question, what exactly are they trying to hide?

President Obama denounced the Russian role in eastern Ukraine in some of his strongest terms yet, calling on President Vladimir Putin to cut ties with the separatists or risk greater international isolation.

"Now's the time for President Putin and Russia to pivot away from the strategy that they've been taking and get serious about trying to resolve hostilities."

The Russian president on Monday said the tragedy should not be politicized.

"No one should, and no one has the right to use this tragedy to achieve their own selfish political goals. These events should not divide, but unite people.

Russian military officials on Monday challenged accusations that the separatists were responsible for shooting down the Malaysian airliner with a Russian missile, saying there are no satellite images to prove them. They sought to place the blame on Kyiv.

"Russian air space control systems detected a Ukrainian Air Force plane, presumably an SU-25 [fighter jet], moving in the direction of the Malaysian Boeing."

The United Nations Security Council late Monday voted on an Australia-proposed resolution demanding international access to the plane crash site and a cease-fire around the area. Australian Foreign Minister Julie Bishop was among those who spoke.

"It [the resolution] demands that safe and secure, full and unrestricted access to the crash site be provided so the investigating authorities can carry out their work. It is despicable that this access is not being provided. It is an affront to the victims and their families."

Early Tuesday, the pro-Russian rebels in eastern Ukraine handed over to Malaysian experts the two flight data recorders from the downed Malaysian airliner.

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG