ຂໍ້ຕົກລົງພາຄີຂ້າມມະຫາສະມຸດປາຊີຟິກ ຫຼື TPP ທີ່ສະຫະລັດ
ເປັນຜູ້ນຳພາ ຊຶ່ງໄດ້ບັນລຸ ໂດຍ 12 ປະເທດ ແຄມມະຫາສະມຸດ
ປາຊີຟິກ ໃນວັນຈັນຜ່ານມາ ແມ່ນຄາດກັນວ່າ ຈະມີການຮັບ
ຮອງເອົາ ໂດຍສະພາຫວຽດນາມ ຢ່າງງ່າຍດາຍ ເຖິງແມ່ນວ່າ
ມັນຈະປະເຊີນກັບພວກທີ່ຍັງມີຄວາມສົງໄສ ຢູ່ໃນລັດຖະສະພາ
ສະຫະລັດກໍຕາມ.
ຂໍ້ຕົກລົງທີ່ມີຄວາມສຳຄັນເປັນປະຫວັດການດັ່ງກ່າວ ແມ່ນແນ
ໃສ່ເພື່ອຕັດພາສີການຄ້າ ແລະ ຈັດຕັ້ງມາດຕະຖານການຄ້າ
ທົ່ວໄປ ສຳຫລັບ ບັນດາປະເທດທີ່ກ່ຽວຂ້ອງ ທີ່ລວມທັງຫວຽດນາມ
ແລະສະຫະລັດ ນຳດ້ວຍ.
ຂໍ້ຕົກລົງດັ່ງກ່າວ ບັດນີ້ຕ້ອງຮັບການໃຫ້ສັດຕະຍາບັນ ໂດຍສະມາຊິກສະພາໃນແຕ່ລະປະເທດ ແລະ ໃນຫວຽດນາມ ບ່ອນທີ່ບັນດາເຈົ້າໜ້າທີ່ ແລະ ສື່ມວນຊົນ ໄດ້ມີຄວາມຍິນດີຢ່າງຖ້ວມລົ້ນກ່ຽວກັບການເຄື່ອນ ໄຫວດັ່ງກ່າວ ຊຶ່ງມັນປາກົດວ່າ ຈະດຳເນີນໜ້າໄປຢ່າງງ່າຍດາຍ.
ທ່ານ Dinh Xuan Thao ປະທານສະຖາບັນຄົ້ນຄວ້ານິຕິບັນຍັດຂອງ ສະພາ ກ່າວວ່າ ທ່ານ ຄາດໝາຍວ່າ ຂໍ້ຕົກລົງນີ້ ຈະໄດ້ຮັບການອະນຸມັດຢ່າງງ່າຍດາຍ.
ທ່ານ Thao ເວົ້າວ່າ "ຫວຽດນາມ ໄດ້ກຽມພ້ອມຢ່າງຄົບຖ້ວນແລ້ວ ສຳຫລັບຂໍ້ຕົກລົງ
TPP. ຂະນະທີ່ຫວຽດນາມ ຕັດສິນໃຈ ທີ່ຈະເຂົ້າຮ່ວມ ໃນຂໍ້ຕົກລົງການຄ້າເສລີ
ຊຶ່ງຕົນໄດ້ຮັບເອົາ ການປະເຊີນໜ້າກັບຄວາມຫຍຸ້ງຍາກຕ່າງໆ ໃນໄລຍະສັ້ນ ສຳຫລັບ ຜົນປະໂຫຍດອັນໃຫຍ່ຫຼວງ ທີ່ຈະໄດ້ຮັບ ໃນໄລຍະຍາວຂ້າງໜ້າ. ລັດຖະບານ ໄດ້ແຈ້ງໃຫ້ພວກເຮົາຊາບ ກ່ຽວກັບຂັ້ນຕອນຕ່າງໆ ໃນລະຫວ່າງ ການເຈລະຈານັ້ນ. ພວກເຮົາ
ມີຄວາມສາມັກຄີກັນ ໃນເລື້ອງດັ່ງກ່າວ. ດັ່ງນັ້ນ ມັນຈຶ່ງບໍ່ຄວນຈະມີບັນຫາ ໃນການໃຫ້ການອະນຸມັດ."
ສະມາຊິກສະພາ ກ່າວວ່າ ຍັງມີຄວາມເຫັນບໍ່ລົງລອຍກັນຢູ່ ກ່ຽວກັບ ສິດທິຂອງກຳມະບານ ທີ່ທາງການໃຫ້ການສະໜັບສະໜຸນ ຢູ່ໃນຫວຽດນາມ ອັນເປັນບັນຫາສ້ຽນໜາມ ທີ່ປະທານາທິບໍດີ ສະຫະລັດ ທ່ານບາຣັກ ໂອບາມາ ໄດ້ຍົກຂຶ້ນມາ ເມື່ອເດືອນພຶດສະພາ ຜ່ານມາ ໃນລະຫວ່າງ ການໂຄສະນາຂອງທ່ານ ກ່ຽວກັບເຂດການຄ້າເສລີນີ້.
