ລິ້ງ ສຳຫລັບເຂົ້າຫາ

logo-print

ສິງກະໂປ ກະກຽມ ກອງປະຊຸມ ສຸດຍອດ ລະຫວ່າງ ປ. ທຣໍາ ແລະ ທ່ານກິມ


ພວກນັກ​ຂ່າວ​ຫຼາຍ​ພັນ​ຄົນ ມີກຳນົດທີ່ຈະໄປເຖິງສິງກະໂປ ຊຶ່ງເປັນປະເທດ​ນ້ອຍໆໃນ
ອາທິດ​ໜ້ານີ້ ໃນ​ຂະນະ​ທີ່ການ​ກະກຽມຍັງ​ດຳ​ເນີນຕໍ່ໄປກ່ຽວກັບການຈັດ​ກອງ​ປະຊຸມ​
ສຸດ​ຍອດ ​ລະຫວ່າງປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣໍາ ​ແລະ ​ຜູ້ນຳ​ເກົາຫຼີ​ເໜືອ
ທ່ານ​ກິມ ຈົງ ອຶຶນ. ນັກ​ຂ່າວວີ​ໂອ​ເອ ບິ​ລ ກາລ​ໂລ ມີລາຍງານເພີ້ມຕື່ມຈາກສິງກະໂປ
ກ່ຽວກັບ​ວ່າເປັນ​ຫຍັງ​ ປະ​ເທດ​ເກາະດອນ ທີ່ຕັ້ງ​ຢູ່​ນອກ​ຝັ່ງ​ທະ​ເລຂອງ​ມາ​ເລ​ເຊຍ ຈຶ່ງ​ຖືກ
ເລືອ​ກໃຫ້ເປັນບ່ອນຈັດກອງປະຊຸມສຸດຍອດດັ່ງກ່າວ ຊຶ່ງ ກິ່ງ​ສະ​ຫວັນ ຈະ​ນຳເອົາລາຍ
ລະອຽດມາສະ​ເໜີ​ທ່ານໃນອັນດັບຕໍ່ໄປ.

ສິງກະ​ໂປ ຍິນ​ດີ​ຕ້ອນຮັບ.

ປະ​ເທດ​ເກາະ​ດອນ​ນ້ອຍໆ​ດັ່ງ​ກ່າວ​ມີ​ປະຊາກອນ​ຢູ່​ຫ້າ​ລ້ານ​ຄົນ.

ມີເງິນ​ເປັນຈຳນວນຫຼວງຫຼາຍ.

ແລະ​ມີບ່ອນທີ່ສວຍ​ສົດງົດ​ງາມ​ຕ່າງໆ ເປັນຈຳນວນຫຼວງຫຼາຍ.

ນັກຂ່າວວິລລຽມ ກາລ​ໂລ ກ່າວ​ວ່າ “ສິງກະໂປ​ອາດ​ເປັນ​ບ່ອນທີ່ມີຜູ້ຄົນມາຈາກຫຼາຍໆ
ແຫ່ງ ​ແຕ່ຢູ່​ທີ່​ນີ້ ກໍ​ບໍ່ໄດ້ມີຄວາມຫລູຫລາ ​ເປັນພິເສດແຕ່ຢ່າງໃດ ​ແລະ​ມີ​ຮ້ານ​ຄ້າ​ທີ່​ສະອາດງາມ ຊຶ່ງ​ໃນທາງນຶ່ງນັ້ນ ແມ່ນບໍ່ມີທ່າທາງວ່າຈະຖືກໃຊ້ເປັນສາກໂທລະ​ພາບ
​ຊີວິດຈິງ​ ສຳລັບກອງປະຊຸມສຸດຍອດ ລະຫວ່າງປະທານາທິບໍດີ​ ດໍ​ໂນ​ລ ທຣໍາ ​ແລະ​ຜູ້
ນຳ​ກິມ ຈົງ​ ອຶນ.

ກອງ​ປະຊຸມ​ນີ້ ເກືອບ​ບໍ່​ເກີດ​ຂຶ້ນ.

​ໃນເດືອນ​ແລ້ວ​ນີ້ ປະທານາທິບໍດີ​ທຣໍາ ​ໄດ້​ຍົກເລີກ​ກອງ​ປະຊຸມ​ສຸດ​ຍອດຊົ່ວໄລຍະນຶ່ງ
ກ່ອນ​ທີ່ຈະກ່າວ​ວ່າ ​ຈະພົບປະກັນຄືນອີກຕາມໝາຍກຳນົດ.

ດັ່ງນັ້ນ ​ຈຶ່ງ​ເຮັດ​ໃຫ້ການ​ກະກຽມ​ຢູ່​ທີ່​ນີ້ ​ເປັນການ​ທ້າ​ທາຍ​ຢ່າງ​ໃຫຍ່.

ທ່າມກາງບັນຫາຕ່າງໆໃນການຈັດ​ກອງ​ປະຊຸມ​ສຸດຍອດນັ້ນ ຄວາມ​ຈິງ​ຢ່າ​ງນຶ່ງທີ່​ເຮັດ
ໃຫ້​ມີ​ການ​ຄາດເດົາໄດ້ນັ້ນກໍ​ຄື ​ການ​ເມືອງ​ຂອງ​ສິງກະ​ໂປ.

ທ່ານ​ວິລລຽມ ກ່າວ​ວ່າ “ການ​ປະ​ທ້ວງ​ຂອງປະຊາຊົນ​ບໍ່​ຄ່ອຍ​ມີ​ຢູ່​ທີ່​ນີ້. ຄວາມ​ຈິງ​ແລ້ວ ລັດຖະບານ​ບໍ່ໃຫ້ມີການປະ​ທ້ວງ​ໂດຍທີ່ບໍ່ໄດ້​ຮັບອະນຸຍາດ. ນັ້ນ​ອາດ​ເປັນ ເຫດຜົນ​
ອັນ​ສຳຄັນ ທີ່​ຜູ້ນຳ​ຂອງໂລກ​ທັງ​ສອງ ​ມີ​ຄວາມ​ຮູ້ສຶກ​ຢ່າງແຮງ​ກ້າ.”

ນອກນັ້ນ ສິງກະ​ໂປ​ຍັງ​ເປັນ​ບ່ອນ​ທີ່​ມີ​ຄວາມ​ປອດ​ໄພ ​ເພາະ​ຖືກເບິ່ງກັນວ່າ ​ເປັນດິນ​
ແດນ​ທີ່​ເປັນກາງ.

ສິງກະໂປ​ມີ​ການ​ທູດ ​ແລະ​ຈົນ​ເຖິງ​ເທົ້າ​ຫວ່າງ​ມໍ່ໆ​ມາ​ນີ້ ​ມີການພົວພັນ​ທາງ​ດ້ານເສດ
ຖະກິດ​ຢ່າງແຂງຂັນ ​ກັບທັງ ສະຫະລັດ ​ແລະ​ເກົາຫຼີ​ເໜືອ.

ທ່ານ​ລິ​ມ ​ໄຕ ​ເວ ສາ​ດສະ​ດາ​ຈານຢູ່​ມະຫາວິທະຍາ​ໄລ​ແຫ່ງ​ຊາດ​ຂອງສິງກະໂປ ກ່າວ
​ວ່າ “​ສິງກະໂປ​ມີ​ປະສົບ​ການຢ່າງຫຼວງຫຼາຍໃນ​ການ​ຈັດ​ກອງ​ປະຊຸ​ມທີ່​ສຳຄັນ ​ແລະ​ການພົບປະຂອງ​ບັນດາ​ຜູ້ນຳ. ບັນດາອະດີດ​ປະທານາທິບໍດີກໍເຄີຍ​ໄດ້​ມາ​ທີ່​ນີ້​. ອາ​
ຊຽນ​ໄດ້​ມີ​ກອງ​ປະຊຸມ​ຫຼາຍໆຄັ້ງ​ຢູ່​ທີ່​ນີ້ ຮວມທັງ​ກອງ​ປະຊຸມ​ສຸດ​ຍອດ​ອາ​ຊຽນຫວ່າງ​
ມໍ່ໆ​ມາ​ນີ້. ​ເພາະສະ​ນັ້ນ ສິງກະໂປຈຶ່ງມີ​ປະສົບ​ການຢ່າງຫຼວງຫຼາຍໃນ ການຈັດພິທີ
ແບບ​ນີ້.”

ໃນອາທິດ​ແລ້​ວນີ້​ ສິງກະ​ໂປ​ໄດ້​ຕ້ອນຮັບ​ບັນດາ​ເຈົ້າ​ໜ້າ​ທີ່​ປ້ອງ​ກັນ​ປະ​ເທດ ແລະແຂກ
ຜູ້ມີກຽດ​ຫຼາຍ​ສິບ​ຄົນ ​ໃນ​ກອງປະຊຸມປະຈຳ​ປີ​ຊັງ​ກຣີ-ລາ.

ການທີ່ກາຍເປັນຈຸດສົນ​ໃຈ​ແມ່ນດີສຳລັບເສດຖະກິດ​ທ້ອງ​ຖິ່ນ. ​ແຕ່​ທ່ານ​ຈະ​ບໍ່​ສາມາດ
​ເຫັນ​ການ​ຂາຍເສື້ອ​ຍືດ ທີ່ມີຮູບທ່ານ​ທຣໍາ ກັບທ່ານ​ກິມ ຢູ່​ຕາມ​ຖະໜົນຫົນທາງ ຢູ່ໃນ
ບ່ອນ​ທີ່​ມີ​ກົດ​ລະບຽບ​ເຄັ່ງຄັດ​ທີ່​ສຸດ.

ແທນ​ທີ່ຈະ​ແມ່ນຂາຍເຄື່ອງຂອງເຫຼົ່ານັ້ນ ກັບແມ່ນຂາຍ​ເຄື່ອງ​ດື່ມ​ຄັອກເທ​ລສ໌.

ທ່ານ​ດໍ​ໂນ​ລ ທຣໍາ ​ແລະ​ທ່ານກິມ ຈົງ ອຶນ ມີ​ຢູ່​ໃນລາຍການ​ເຄື່ອງ​ດື່ມ​ຄັອກ​ເທລສ໌

ທ່ານ​ສະ​ແຕນ ສຣີ ກາ​ແນັ​ສ ​ເຈົ້າ​ຂອງ​ຮ້ານ​ແອັສ​ໂກ​ບາຣ ບິ​ສ​ໂຕຣ ກ່າວ​ວ່າ “ນີ້​ແມ່ນ​
ທ່ານ​ທຣໍາ. ທຣໍາ​ແມ່ນ​ເຄື່ອງ​ດື່ມ​ເບີ​ເບິນຄັອກ​ເທລສ໌. ​ເບີ​ເບີ​ນແມ່ນ​ເຫຼົ້າ ຫາ​ໄດ້​ງ່າຍ​
ທີ່​ສຸດ​ຢູ່​ໃນ​ສະຫະລັດ. ​ແລະ​ນີ້​ແມ່​ນທ່ານ​ກິມ ຊຶ່ງ​ແມ່ນ​ເຫຼົ້າ​ເຮັດ​ມາ​ຈາກ​ມັນ​ດ້າງ
ເກົາຫຼີ.”

ບາ​ດັ່ງ​ກ່າວ​ນີ້ຕັ້ງ​ຢູ່​ໃນ​ເຂດ​ທຸລະ​ກິດ​ຂອງ​ສິງກະໂປ.

ມີ​ການລໍຖ້າ​ການເຮັດ​ທຸລະ​ກິດ​ຢ່າງໃຫຍ່ ​ເວລາ​ບັນດາ​ນັກ​ຂ່າວ​ສາກົນເປັນຈຳ ນວນ​
ຫຼວງ​ຫຼາຍ​ ​ພາກັນມາ​ເຖິງ.

ສິງກະໂປພວມພິສູດ​ໃຫ້​ເຫັນ​ວ່າ ​ອາດ​ເປັນນຶ່ງ​ໃນບັນດາປະ​ເທດທີ່​ນ້ອຍ​ສຸດຢູ່​ໃນ​ໂລກ
​ແຕ່​ກໍຮູ້​ຈັກກຳ​ສະຖານະ​ການ​ກ່ຽວກັບເລື້ອງຕ່າງໆໄດ້ເປັນຢ່າງດີ.


Thousands of journalists are set to descend on the tiny city-state of Singapore over the next week, as preparations continue for the summit between U.S. President Donald Trump and North Korean leader Kim Jong Un. VOA's Bill Gallo is in Singapore and has more on why the island off the coast of Malaysia is a logical choice for hosting the event.]]

Welcome, to Singapore

A tiny city-state with five million people,

A lot of money,

And no shortage of beautiful spaces.

"Singapore may be cosmopolitan, but it's not exactly opulent here. And it's got all the spontaneity of a pristine shopping mall. Which in a way makes it an unlikely setting for a reality TV show-worthy summit between Donald Trump and Kim Jong Un."

The meeting almost didn't happen.

Last month, Trump briefly canceled the summit before saying it was back on.

That's made preparations on this end pretty challenging.

Amid all the summit drama, one factor that's provided some predictability is Singapore's politics.

"Public protests are rare here in Singapore. In fact, the government doesn't allow unauthorized protests. That could be a key factor for two world leaders who provoke strong feelings."

Singapore is also safe because it's seen as neutral territory.

It has diplomatic, and until recently, strong economic ties with both the United States and North Korea.

"It has a lot of experience holding major conferences and gatherings of leaders. Past presidents have come here before. ASEAN has a lot of meetings here, including the recent ASEAN summit. So it's very experienced at having this kind of event."

Last week, it hosted dozens of defense officials and other dignitaries for the annual Shangri-La Dialogue.

All the attention is good for the local economy. But you won't find street vendors selling Trump-Kim t-shirts in this tightly regulated city.

Instead, cocktails.

Donald Trump and Kim Jong Un-themed cocktails.

"This is the Trump. Trump is a bourbon-based cocktail. Bourbon being the most common liquor you find in the States. And this one is the Kim, which is a soju-based drink."

This bar in the city's business district...

...waiting to do big business once the hordes of international journalists arrive.

Singapore proving that it may be one of the world's smallest countries but it knows how to handle the spotlight.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG