ລິ້ງ ສຳຫລັບເຂົ້າຫາ

ວັນສຸກ, ໐໑ ມີນາ ໒໐໒໔

ຄວາມສຳພັນ ທີ່ອົບອຸ່ນຂຶ້ນ ລະຫວ່າງ ເກົາຫຼີເໜືອ ກັບຈີນ ອາດບ່ອນທຳລາຍ ການລົງໂທດສາກົນ


ຜູ້ນຳເກົາຫຼີເໜືອ ທ່ານກິມ ຈົງອືນ ຈັບມືກັບ ປະທານປະເທດຈີນ ທ່ານສີ ຈີ້ນຜິງ ທີ່ນະຄອນຫຼວງປັກກິ່ງ ທີ 28 ມີນາ 2018.
ຜູ້ນຳເກົາຫຼີເໜືອ ທ່ານກິມ ຈົງອືນ ຈັບມືກັບ ປະທານປະເທດຈີນ ທ່ານສີ ຈີ້ນຜິງ ທີ່ນະຄອນຫຼວງປັກກິ່ງ ທີ 28 ມີນາ 2018.

ໃນ​ຂະນະ​ທີ່​ຄວາມ​ສຳພັນ​ລະຫວ່າ​ງປັກ​ກິ່ງ ​ແລະ​ພຽງ​ຢາງ ອົບອຸ່ນຂຶ້ນ​ນ້ອຍ​ນຶ່ງນີ້ ໂອ
ກາດ​ທີ່​ຈີນ ​ຈະຫລຸດຜ່ອນການ​ລົງ​ໂທດຂອງຕົນຕໍ່​ເກົາຫຼີ​ເໜືອ ​ແລະຂັດຂວາງການປຸກ
ລະດົມ ເພື່ອ “​ກົດ​ດັນ​ສູງ​ສຸດ” ຂອງ​ ປະທານາທິບໍດີ​ສະຫະລັດ ທ່ານດໍ​ ໂນ​ລ ທຣໍາ ​ໄດ້​
ເຮັດ​ໃຫ້​ບັນດາ​ຜູ້​ຊ່ຽວຊານ ​ລະມັດລະວັງ.

​ໃນ​ຄວາມ​ພະຍາຍາມເພື່ອ​ຟື້ນຟູ​ຄວາມ​ສຳພັນ​ຄືນ​ໃໝ່​ກັບ​ຈີນນັ້ນ ຜູ້ນຳ​ເກົາຫຼີ​ເໜືອ​ທ່ານ
ກິມ ຈົງ ອຶນ ​ໄດ້​ໄປ​ຢ້ຽມຢາມ​ປັກ​ກິ່ງ​ແບບ​ບໍ່​ຄາດ​ຝັນ ​ເພື່ອ​ພົບ​ປະ​ກັບ ​ປະ ທານ​ປະ​ເທດ​
ຈີນ ທ່ານ​ສີ ຈິ້ນ​ຜິ​ງ ໃນອາທິ​ດ​ແລ້ວ​ນີ້.

ບັນດາ​ຜູ້​ຊ່ຽວຊານ​ດ້ານ​ເສດຖະກິດຂອງ​ເກົາ​ຫຼີ​ເໜືອ​ຄາດກັນ​ວ່າ ຜູ້ນຳ​ເກົາ​ຫຼີ​ເໜືອ ທ່ານ​
ກິມ ຈົງ ອຶນ ອາດ​ໄດ້​ຂໍຮ້ອງ ​ໃຫ້ທ່ານ​ສີ ຫລຸດ​ຜ່ອນ​ການ​ລົງ​ໂທດ ໃນລະ ຫວ່າງ​ການ
​ຢ້ຽມຢາມ​ຂອງ​ທ່ານ ​ແລະ​ຖ້າ​ຫາກ​ທ່າ​ນສີ ຄວາມ​ຈິງ​ແລ້ວ ໄດ້ຕົກລົງ ການ​ເຄື່ອນ​ໄຫວ​
ດັ່ງກ່າວ ອາດສ້າງຄວາມສັບ​ຊ້ອນໃຫ້ແກ່​ຄວາມ​ພະຍາຍາມ​ຂອງ​ສະຫະລັດ ທີ່​ຈະ​ໃຊ້​
ຄວາມ​ກົດ​ດັນຕໍ່​ເກົາຫຼີ​ເໜືອກ່ອນ​ໜ້າ​ກອງ​ປະຊຸມ​ສຸດ​ຍອດ​ນິວ ເຄລຍກັບ​ປະທານາທິ
ບໍດີ​ທຣໍາ ຊຶ່ງໄດ້ກຳນົດກັນໃນຂັ້ນຕົ້ນວ່າ​ຈະມີຂຶ້ນໃນ​ເດືອນ​ພຶດສະພາ​ຈະ​ມາ​ເຖິງ​ນີ້.

ທ່ານ​ວິລລຽມ ບຣາວນ໌ ນັກ​ປາຖະກະ​ຖາ ຈາກສະຖາບັນການ​ຕ່າງປະ​ເທດຂອງ
ມະຫາວິທະຍາ​ໄລ​ຈອຣຈ໌ທາວ ​ ກ່າວ​ວ່າ “ມັນ​ມີ​ເຫດຜົນດີ​ທີ່​ທ່ານ​ກິມ ​ໄປ​ຫາ​ຈີນ​ເພື່ອ
​ຮ້ອງ​ຂໍໃຫ້ມີ​ການບັນ​ເທົາ​ທຸກ.”

ທ່ານ​ບຣາວນ໌ ອ​ະດີດ​ເຈົ້າ​ໜ້າ​ທີ່​ສືບ​ລັບ​ສະຫະລັດ ຜູ້​ທີ່​ໄດ້​ພົວພັນ​ກັບສະ​ຖາ​ບັນ​ເສດ
ຖະກິດ​ເກົາຫຼີຂອງອາ​ເມຣິກາ ກ່າວ​ວ່າ “​ແລະ​ມັນ​ຍັງ​ມີ​ເຫດຜົນ​ທີ່​ຈີນຈະ​ໃຫ້ ການບັນ​
ເທົາ​ທຸກນ້ອຍ​ນຶ່ງແກ່ຜູ້ກ່ຽວ. ​ເພາະສະ​ນັ້ນ ຂ້າພະ​ເຈົ້າ​ສົງ​ໄສ​ວ່າ ມີບາງສິ່ງບາງຢ່າງ
ແບບນີ້ ທີ່ກຳລັງ​ເກີດ​ຂຶ້ນ.”

ຜູ້ນຳເກົາຫຼີເໜືອທ່ານ ກິມ ຈົງອືນ ມີປະຕິກິລິຍາລະຫວ່າງການສະຫຼອງແກ່ນັກວິທະຍາສາດນິວເຄລຍ ແລະນັກວິສະວະກອນ ທີ່ບໍລິຈາກຕໍ່ການສ້າງລະເບີດນິວເຄລຍ ທີ່ນະຄອນພຽງຢາງ ວັນທີ 10 ກັນຍາ 2017.
ຜູ້ນຳເກົາຫຼີເໜືອທ່ານ ກິມ ຈົງອືນ ມີປະຕິກິລິຍາລະຫວ່າງການສະຫຼອງແກ່ນັກວິທະຍາສາດນິວເຄລຍ ແລະນັກວິສະວະກອນ ທີ່ບໍລິຈາກຕໍ່ການສ້າງລະເບີດນິວເຄລຍ ທີ່ນະຄອນພຽງຢາງ ວັນທີ 10 ກັນຍາ 2017.

ອີງ​ຕາມ​ຜູ້ຕາງ​ໜ້າ ສະມາຄົມສິດທິ​ມະນຸດ ​ຂອງ​ອົບ​ພະຍົບ​ເກົາຫຼີ​ເໜືອ ຊຶ່ງເປັນກຸ່ມ​ໃຫ້ຄວາມຊ່ວຍເຫຼືອ ຂອງເກົາຫຼີ​ໃຕ້ ​ແກ່​ຊາວ​ເກົາ​ຫຼີ​ເໜືອ​ທີ່​ໂຕນ​ໜີ ຊຶ່ງເປັນ ບ່ອນ​ນຶ່ງ
​ຢູ່​ໃນ​ຈີນ ທີ່​ໄດ້​ເຫັນ​ການ​ການ​ຫຼັ່ງ​ໄຫຼ ໃນ​ອັນ​ທີ່​ປາກົດ​ວ່າ​ ມີ​ພວກ​ແມ່ຍິງ ເກົາຫຼີ​ເໜືອ
ຫຼາຍຮ້ອຍຄົນ ພາກັນ​ໄປ​ເຖິງ​ຊາຍ​ແດນ​ເມືອງເຮລອງ ຫົວເມືອງຊາຍແດນ​ຈີນ. ແຫຼ່ງ
ຂ່າວແຈ້ງວ່າລາວໄດ້ເຫັນພວກແມ່ຍິງເກົາຫຼີເໜືອຂ້າມຊາຍແດນ ເຂົ້າໄປໃນເມືອງດັ່ງ
ກ່າວ ຂອງຈີນ ເມື່ອວັນ​ທີ 2 ​ເມສາຜ່ານມາ ພຽງ​ບໍ່​ເທົ່​ໃດ​ມື້​ຫຼັງ​ຈາກ​ການ​ຢ້ຽມຢາມປັກ​ກິ່ງ ​ຂອງທ່ານ​ກິມ ​ເພື່ອໄປ​ເຮັດ​ວຽກ​ຢູ່ຕາມໂຮງງານ​ຜະລິດເຄື່ອງ​ອີ​ເລັກ​ໂທຣນິກຕ່າງໆ.

ເອກອັກຄະລັດຖະທູດສະຫະລັດ ປະຈຳສະຫະປະຊາຊາດ ທ່ານນາງນິກກິ ເຮລີ ເຂົ້າຮ່ວມກອງປະຊຸມ ສະພາຄວາມໝັ້ນຄົງສະຫະປະຊາຊາດ ທີ່ນະຄອນນິວຢອກ ທີ 22 ທັນວາ 2017
ເອກອັກຄະລັດຖະທູດສະຫະລັດ ປະຈຳສະຫະປະຊາຊາດ ທ່ານນາງນິກກິ ເຮລີ ເຂົ້າຮ່ວມກອງປະຊຸມ ສະພາຄວາມໝັ້ນຄົງສະຫະປະຊາຊາດ ທີ່ນະຄອນນິວຢອກ ທີ 22 ທັນວາ 2017

ວີ​ໂອ​ເອໄດ້ພົບ​ເຫັນວ່າ ​ກຸ່ມປົກປ້ອງ​ສິດທິ​ມະນຸດຂອງ​ເກົາຫຼີ​ໃຕ້ດັ່ງກ່າວ​ເປັນ​ແຫຼ່ງ​ຂ່າວ
ທີ່ເຊື່ອ​ຖື​ໄດ້​ໃນໄລຍະ​ທີ່​ຜ່າ​ນມາ ​ແຕ່​ກຸ່ມດັ່ງກ່າວຍັງ​ບໍ່​ທັນໄດ້​ຢືນຢັນກ່ຽວກັບ ​ລາຍ​ງານ​
ຂອງ​ພວກ​ຄົນງານຂ້າມ​ຊາຍ​ແດນ​ເຂົ້າ​ໄປໃນ​ຈີນ ຫຼືໃຫ້ການຢືນຢັນກ່ຽວ ກັບວີ​ດີ​ໂອ​
ສັ້ນໆ ທີ່​ໄດ້​ນຳສະ​ເໜີ​ໂດຍກຸ່ມ​ປົກປ້ອງ​ສິດທິ​ມະນຸດດັ່ງກ່າວ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG