ທ່ານ ທະນັດ ອະພິຈອນພົງສາຄອນ, ນັກທຸລະກິດອາຍຸ 34 ປີ ເກືອບຈະລົ້ມເລີກໃຈໄປແລ້ວ ໃນເລື້ອງການເມືອງຂອງໄທ. ແຕ່ພາຍຫລັງທີ່ທ່ານເຫັນວ່າ ບັນດານັກການເມືອງໜຸ່ມໄດ້ຕັ້ງພັກໃໝ່ຂຶ້ນ, ທ່ານກໍໄດ້ໄປລົງສະໝັກເລືອກຕັ້ງ ໃນປີກາຍນີ້ ໂດຍມີທັດສະນະຄະຕິໃໝ່ທີ່ບໍ່ພຽງແຕ່ລົງຄະແນນສຽງວ່າ “ບໍ່” ເທົ່ານັ້ນ ດັ່ງທີ່ທ່ານໄດ້ເຮັດ ໃນການເລືອກຕັ້ງ ສອງຄັ້ງຜ່ານມານັບແຕ່ປີ 2011 ເປັນຕົ້ນມາ.
ທ່ານ ທະນັດ ໄດ້ອອກຈາກບ່ອນປ່ອນບັດໄປໃນວັນທີ 24 ມີນາປີ 2019 ດ້ວຍຄວາມຮູ້ສຶກມີຫວັງຫລາຍສຳລັບພັກອະນາຄົດໃໝ່. ໂດຍຕັ້ງຂຶ້ນມາໄດ້ບໍ່ຮອດ 1 ປີ ຊ້ຳ ພັກທີ່ທ່ານໃຫ້ການສະໜັບສະໜຸນນັ້ນກໍໄດ້ຖືກສານຕັດສິນວ່າການປະຕິບັດການດ້ານການເງິນຂອງພັກດັ່ງກ່າວຜິດ, ຊຶ່ງເປັນການຕັດສິນຂັດຕໍ່ຄວາມຄິດເຫັນໃນເມື່ອກ່ອນ ຂອງທ່ານທະນັດໃນເລື້ອງການເມືອງ.
ທ່ານກ່າວວ່າ “ບໍ່ວ່າໃຜກໍຕາມທີ່ຈະເປັນລັດຖະບານໃໝ່, ກໍຈະມີຄົນປະເພດດຽວກັນ ຫລືອົງການດຽວກັນ. ຈະບໍ່ມີຫຍັງປ່ຽນແປງໄດ້.”
ການສິ້ນສຸດລົງຂອງພັກອະນາຄົດໃໝ່ ຊຶ່ງເປັນພັກຝ່າຍຄ້ານໃຫຍ່ອັນດັບສອງຂອງປະເທດ ໄດ້ຍົກເອົາສິ່ງທ້າທາຍຢູ່ໃນສະພາອອກໄປສຳລັບ ລັດຖະບານ ທີ່ໄດ້ຮັບການໜູນຫລັງຈາກທະຫານ ແລະກອງກຳລັງທະຫານ ແລະໄດ້ສົ່ງຜົນກະທົບ ຕໍ່ການພົວພັນລະຫວ່າງສະຫະລັດ ກັບໄທ. ມັນເປັນການທົດສອບຄວາມສາມາດຂອງສະຫະລັດ ທີ່ຈະສອດດ້າຍເສັ້ນແລບໆເຂົ້າໄປໃນຫວ່າງກາງ ຂອງການເພີ້ມຄວາມແຂງແກ່ນໃຫ້ແກ່ສາຍພົວພັນທາງທະຫານກັບພັນທະມິດເກົ່າຢູ່ໃນເຂດເອເຊຍຂຶ້ນ ກັບການຫາທາງສະໜັບສະໜຸນແກ່ປະຊາທິປະໄຕຢູ່ໃນຂົງເຂດທີ່ມີຜູ້ຊາຍແຂງແກ່ນ ລວມທັງ ທ່ານ ຮຸນ ເຊນຂອງກຳປູເຈຍ ແລະນາຍົກລັດຖະມົນຕີ ປຣາຢຸດ ຈັນໂອຊາ ທີ່ໂຜ່ຕົວຂຶ້ນມາເປັນຜູ້ໄດ້ຮັບໄຊຊະນະໃນການເລືອກຕັ້ງຕ່າງໆ ຊຶ່ງບັນດານັກສັງເກດການລະດັບສາກົນເຫັນວ່າເປັນເລື້ອງບໍ່ຖືກຕ້ອງນັ້ນ.
ອ່ານຂ່າວນີ້ເປັນພາສາອັງກິດເພີ້ມ
