ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຈີນສັ່ງຫ້າມສົ່ງ ສິນຄ້າ ທາງເຮືອ ຕາມລໍານໍ້າຂອງ ໄວ້ຊົ່ວຄາວ


ແຜນທີ່ແມ່ນໍ້າຂອງ
ແຜນທີ່ແມ່ນໍ້າຂອງ


















ຈີນ​ໂຈະ​ການ​ສົ່ງ​ສິນ​ຄ້າ​ທາງ​ເຮືອ​ຕາມ​ລໍາ​ແມ່​ນໍ້າຂອງ ​ໃນ​ເວລາ​ບໍ່​ເທົ່າ​ໃດ ມື້​ຫລັງ​ຈາກ​ພວກ​ພະນັກງານ​ໃນ​ເຮືອ​ຂອງ​ຕົນ 13 ຄົນ​ເສຍ​ຊີວິດ​ໃນ​ເຮືອ​ບັນທຸກ​ສິນຄ້າ 2 ລໍາ​ຈາກ​ການ​ປຸ້ນ​ຈີ້​ຢ່າງ​ຈະ​ແຈ້ງ​ໂດຍ​ພວກລັກລອບ​ຄ້າ​ຢາເສບ​ຕິດນັ້ນ.

ອົງການ​ຂ່າວ​ຊິນ​ຫົວ​ທາງ​ການ​ຈີນ ກ່າວ​ວ່າ ການ​ເກືອດ​ຫ້າມ​ສົ່ງ​ສິນຄ້າ​ນີ້ແມ່ນ​ໄດ້​ກວມ​ເຖິງ​ພວກ​ເຮືອ​ຂົນ​ສົ່ງ​ຄົນ​ໂດຍສານ​ຕະຫລອດ​ທັງ​ເຮືອ​ບັນທຸກ​ສິນຄ້ານຳ.

ທ່ານ Liu Weimin ​ໂຄສົກ​ກະຊວງ​ການ​ຕ່າງປະ​ເທດ​ຈີນ ກ່າວ​ວ່າ ເຮືອ​ບັນທຸກ 2 ລໍາ​ນີ້​ແມ່ນ​ຖືກ​ໂຈມ​ຕີ​ໃນ​ວັນ​ພຸດ​ຜ່ານ​ມາ​ໃນ​ເຂດ​ສາມ​ຫລຽມຄໍາ​ແມ່​ນໍ້າຂອງ ຊຶ່ງ​ເປັນ​ເຂດ​ທີ່​ມີ​ຊື່​ສຽງ​ໃນ​ການ​ລັກລອບ​ຄ້າຂາຍ ຢາ​ເສບ​ຕິດ​ເຖື່ອນ​ທີ່​ມີ​ຊາຍ​ແດນ​ຕິດ​ຕໍ່​ກັນ​ລະຫວ່າງ​ມຽນມາ ​ໄທ​ແລະ​ສປປ ລາວ ນັ້ນ.

ພວກ​ປຸ້ນ​ຈີ້​ເຮືອ​ເຫລົ່າ​ນີ້​ໄດ້​ສັງຫານ​ພວກ​ລູກ​ເຮືອ​ທີ່​ຖືກ​ຈັບ​ກຸມ ​ແລ້ວພາກັນຫລົບໜີ​ໄປ​ດ້ວຍ
ເຮືອ​ທີ່​ຖືກ​ຈີ້​ນັ້ນ. ໜັງສືພິມ China Dailyກ່າວ​ວ່າ ​ສົບ​ຂອງພວກ​ທີ່​ໄດ້​ຮັບ​ເຄາະ​ຮ້າຍນັ້ນ​
ໄດ້ຖືກ​ພົບ​ເຫັນ​ແລະ​ເກັບ​ກູ້​ຢູ່​ໃກ້ໆ​ກັບ​ທ່າ​ເຮືອ​ເມືອງ​ຊຽງ​ແສນຂອງ​ໄທ ທີ່​ຖືກ​ມັດ​ແຂນ​ມັດ
ມື​ແລະຕາກໍ​ຖືກ​ເອົາ​ເທບ​ຕິດໄວ້.

ໜັງສືພິມ Bangkok Post ​ເວົ້າ​ວ່າ ​ໃນ​ເວລາ​ຕໍ່​ມາ​ພວກ​ກໍາລັງ​ຂອງ​ໄທ​ໄດ້​ລັດ​ຈັບ​ເຮືອ​ທີ່
ຖືກຈີ້​ແລະ​ຍຶດ​ເອົາ​ເຮືອ​ນັ້ນ​ຄືນ ​ແລະ​ຍຶດຢາ​ບ້າ​ໄດ້ 9 ​ແສນ​ເມັດ​ຢູ່​ໃນ​ເຮືອ​ນັ້ນ ​ແລະ​ເວົ້າ​ຕໍ່​
ໄປ​ວ່າພວກ​ຈີ້​ເຮືອ​ນັ້ນ​ຄົນ​ນຶ່ງ​ໄດ້​ເສຍ​ຊີວິດ​ໃນ​ການ​ຍິງ​ຕໍ່ສູ້​ກັນ​ກັບ​ພວກ​ທະຫານ​ໄທ ຂະ
ນະ​ທີ່ພວກ​ຈີ້​ເຮືອຄົນ​ອື່ນໆ​ເອົາ​ໂຕ​ຫລົບໜີ​ໄປ.

XS
SM
MD
LG