ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ລັດຖະບານ​ທະຫານ ​ຂອງ​ໄທ ​ແລະ​ ຄະນະກຳມາ​ທິການ ​ຮ່າງ​ລັດຖະທຳ​ມະນູນ ​ກຳລັງ​ປະ​ເຊີນ​ໜ້າ​ກັນ


ນາຍົກລັດຖະມົນຕີ ໄທ ທ່ານ Prayuth Chan-ocha ກ່າວຄຳປາໄສຕໍ່ປະເທດຊາດ ແລະ ສະລຸບລາຍງານປະຈຳປີ ຂອງລັດຖະບານ ທະຫານ ຢູ່ໃນນະຄອນຫຼວງບາງກອກ ປະເທດໄທ.
ນາຍົກລັດຖະມົນຕີ ໄທ ທ່ານ Prayuth Chan-ocha ກ່າວຄຳປາໄສຕໍ່ປະເທດຊາດ ແລະ ສະລຸບລາຍງານປະຈຳປີ ຂອງລັດຖະບານ ທະຫານ ຢູ່ໃນນະຄອນຫຼວງບາງກອກ ປະເທດໄທ.

ລັດຖະບານ​ທະຫານ​ຂອງ​ໄທ ​ແລະ​ຄະນະ​ກຳມາ​ທິການ​ຮ່າງ​
ລັດຖະທຳ​ມະນູນ ​ກຳລັງ​ປະ​ເຊີນ​ໜ້າ​ກັນ ຫລັ​ງຈາກ​ຄະນະ
​ລັດຖະບານ ​ຮຽກຮ້ອງ​ໃຫ້​ລັດຖະທຳ​ມະນູນສະບັບ​ໃໝ່ ຮວມ
​ເອົາສະພາ​ສູງ ​ທີ່​ບໍ່​ຕ້ອງ​ມີ​ການ​ເລືອກ​ຕັ້ງ ​ແລະ​ລັດຖະມົນຕີ
ທີ່​ໄດ້​ຮັບ​ການ​ແຕ່ງຕັ້ງ ​ໃຫ້​ເຂົ້າ​ຮັບ​ຕຳ​ແໜ່​ງ​ ໃນ​ໄລຍະ​ຂ້າມ​
ຜ່ານ​ເປັນ​ເວລາຫ້າ​ປີ.​ ຂໍ້​ສະ​ເໜີ​ດັ່ງກ່າວ​ ຂອງ​ລັດຖະບານ​ ໄດ້
​ກໍ່​ໃຫ້​ເກີດ​ມີ​ປະຕິ​ກິລິຍາ​ຢ່າງ​ແຮງ​ຈາກ​ພັກ​ການ​ເມືອງ​ທີ່​ສຳຄັນໆ
ທ່າມກາງ​ທີ່​ໄດ້ມີການ​ເຕືອນກ່ຽວ​ກັບ​ບັນຫາ​ຂັດ​ແຍ້​ງທີ່​ອາດ​ຈະ
​ເກີດ​ຂຶ້ນ ຖ້າ​ຫາກ​ຂໍ້​ສະ​ເໜີ​ດັ່ງກ່າວ ໄດ້​ຖືກ​ຮວມ​ເຂົ້າຢູ່​ໃນ​ລັດ
ຖະທຳ​ມະນູນ​ສະບັບ​ໃໝ່.

ຮ່າງ​ລັດຖະທຳ​ມະນູນຂອງຄະນະ​ກຳມາ​ທິການ ອະນຸຍາດ​ໃຫ້​ມີ​ການ​ເລືອກ​ຕັ້ງສະມາຊິກ​
ສະພາ​ແຫ່ງ​ຊາດຈຳນວນ 500 ທ່ານ. ສ່ວນ​ສະມາຊິກ​ສະພາ​ສູງ​ ຫລື ​ວຸດ​ທິສະພາ ຈຳ​ນວນ
200 ທ່ານຈະ​ໄດ້​ຖືກ​ເລືອກ​ຈາກ​ກຸ່ມ​ຜົນ​ປະ​ໂຫຍ​ດ​ແລະ​ອົງ ການຈັດຕັ້ງຕ່າງໆ.

​ແຕ່​ຂໍ້​ສະ​ເໜີ​ຂອງ​ລັດຖະບານ​ໄດ້​ຮຽກຮ້ອງ​ໃຫ້​ມີ​ການ​ແຕ່ງ​ຕັ້ງສະມາຊິ​ກສະພາ​ສູງ ຈຳນວນ
250 ທ່ານ ຮວມທັງ​ຮັກສາ​ບ່ອນ​ນັ່ງ​ຈຳນວນ​ນຶ່ງ​ໄວ້​ສຳລັບ​ເລຂາທິການ ຖາວອນ​ຈາກ​ກະຊວງ
​ປ້ອງ​ກັນ​ປະ​ເທດ ຜູ້​ບັນຊາ​ການ​ທະຫານ​ສູງ​ສຸດ ​ແລະ​ຜູ້​ບັນ ຊາ​ການ​ກອງທັບ​ບົກ ກອງທັບ​ເຮືອ
​ແລະ​ກອງທັບ​ອາກາດພ້ອມ​ທັງ​ຜູ້​ບັນຊາ​ການ ຕຳຫຼວດ​ແຫ່ງ​ຊາດ​ນຳ​ດ້ວຍ.

ຮອງ​ນາຍົກລັດຖະມົນຕີ ໄທ ທ່ານ Prawit Wongsuwon
ຮອງ​ນາຍົກລັດຖະມົນຕີ ໄທ ທ່ານ Prawit Wongsuwon

ຮອງ​ນາຍົກລັດຖະມົນຕີ Prawit Wongsuwon ກ່າວ​ວ່າ ຂໍ້​ສະ​ເໜີຂອງ​ກອງ​ທັບ​ແມ່ນ​ແນ​
ໃສ່ ​ເພື່ອ​ປ້ອງ​ກັນບໍ່​ໃຫ້​ມີ​ການ​ກໍ່​ລັດຖະປະຫານ ບໍ່​ໃຫ້​ມີ​ການ​ເຄື່ອນ​ໄຫວ​ຕໍ່​ສະພາ​ແຫ່ງ​ຊາດ
​ທີ່​ຖືກ​ເລືອກ​ໂດຍ​ປະຊາຊົນ. ​ແຕ່​ພວກ​ນັກວິ​ເຄາະ ​ແລະ ພວກ​ນັກ​ການ​ເມືອງ​ຈາກ​ພັກ​ການ
​ເມືອງ​ທີ່​ສຳຄັນໆ​ຂອງ​ໄທ ​ໄດ້​ຕຳໜິຕິຕຽນ​ຂໍ້​ສະ ​ເໜີ​ນີ້ ​ໂດຍ​ກ່າວ​ວ່າ ການ​ເຄື່ອນ​ໄຫວ ​ດັ່ງກ່າວ
​ຈະ​ເຮັດ​ໃຫ້​ພັກ​ການ​ເມືອງ​ຕ່າງໆ​ອ່ອນ​ແອ​ລົງ​ແລະ​ບ່ອນ​ທຳລາຍ​ລະບອບ​ປະຊາທິປະ​ໄຕ.

ນັກ​ລັດຖະສາດ​ການ​ເມືອງ Siripan Nogsuan Sawasdee ທີ່​ມະຫາວິທະ ຍາ​ໄລຈຸລາ
​ລົງ​ກອນ ກ່າວໃນ​ການ​ສຳ​ມະ​ນາ​ກ່ຽວ​ກັບ​ການ​ປະຕິ​ຮູບ​ລັດຖະທຳ​ມະ ນູນ ​ໂດຍ​ເວົ້າວ່າ ຂໍ້​
ສະ​ເໜີ​ນີ້ ຈະ​ບ່ອນ​ທຳລາຍ​ຕໍ່​ລັດຖະບານ​ທີ່​ຖືກ​ເລືອກ​ໂດຍ​ປະ ຊາຊົນ.

ຜູ້ນຳພວກປະທ້ວງຕໍ່ຕ້ານ ລັດຖະບານ ທ່ານ Suthep Thaugsuban ທັກທາຍພວກຄົນ ໃນຄະນະທີ່ນຳພາ ການເດີນຂະບວນປະທ້ວງຕໍ່ຕ້ານລັດຖະບານຜ່ານ ເຂດເມືອງທາງດ້ານການເງິນ ຂອງບາງກອກ, ວັນທີ 21 ມັງກອນ 2014.
ຜູ້ນຳພວກປະທ້ວງຕໍ່ຕ້ານ ລັດຖະບານ ທ່ານ Suthep Thaugsuban ທັກທາຍພວກຄົນ ໃນຄະນະທີ່ນຳພາ ການເດີນຂະບວນປະທ້ວງຕໍ່ຕ້ານລັດຖະບານຜ່ານ ເຂດເມືອງທາງດ້ານການເງິນ ຂອງບາງກອກ, ວັນທີ 21 ມັງກອນ 2014.

XS
SM
MD
LG