ບັນດານັກເສດຖະສາດເຕືອນ ເຖິງການເຕີບໂຕດ້ານເສດຖະກິດ
ທີ່ຊັກຊ້າລົງໄປກວ່າເກົ່າ ໃນປະເທດໄທ ຍ້ອນຄວາມວຸ້ນວາຍ
ທາງການເມືອງທີ່ກໍາລັງຄຸກຄາມປະເທດ ຢ່າງໃຫຍ່ຢູ່ນັ້ນ. ຜູ້ສື່
ຂ່າວວີໂອເອ Ron Corben ລາຍງານຈາກເມືອງຫຼວງຂອງໄທ
ວ່າ ອົງການຈັດລະດັບ ຄວາມໝັ້ນຄົງທາງເສດຖະກິດ Fitch
ເຕືອນວ່າ ບັນຫາ ທາງການເມືອງ ທີ່ຍືດເຍື້ອອອກໄປນັບມື້ນັ້ນ
ອາດສົ່ງຜົນກະທົບໃນທາງລົບທີ່ຍາວນານ ຕໍ່ຄວາມໝັ້ນຄົງທາງ
ການເງິນຂອງໄທໄດ້. ຊຶ່ງທອງປານມີເລຶ່ອງນີ້ມາສະເໜີທ່ານໃນ
ອັນດັບຕໍ່ໄປ.
ອົງການຈັດລະດັບ Fitch ຊຶ່ງມີສໍານັກງານຢູ່ສະຫະລັດ ໄດ້ເຕືອນ ຢູ່ໃນ ລາຍງານຂອງຕົນວ່າ ການຍື້ດເຍື້ອຍາວນານອອກໄປ ຫຼືການທະວີ ຄວາມຮຸນແຮງຂຶ້ນ ຂອງການປະເຊີນໜ້າກັນທາງການເມືອງ ໃນປັດຈຸບັນຂອງໄທນັ້ນ ແມ່ນຈະເພີ່ມຄວາມສ່ຽງທີ່ຈະສ້າງ ຄວາມເສຍຫາຍຢ່າງໜັກແລະຍາວນານ ຕໍ່ການເຕີບໂຕທາງເສດຖະກິດຂອງໄທ.
ອົງການຈັດລະດັບ Fitch ໄດ້ຊີ້ໄປໃສ່ ການຫົດຕົວທາງດ້ານການຜະລິດ ອັດຕາການ ເຕີບໂຕຂອງຍອດຂາຍຍ່ອຍ ທີ່ຕົກຕໍ່າລົງຢ່າງຫຼວງຫຼາຍ ແລະຄວາມໝັ້ນໃຈຂອງຜູ້ອຸບ ປະໂພກບໍລິໂພກ ແລະວົງການທຸລະກິດ ທີ່ຕົກຮວບລົງມາຢູ່ຈຸດຕໍ່າສຸດ ນັບຕັ້ງແຕ່ໄພນໍ້າຖ້ວມຄັ້ງໃຫຍ່ໃນໄທ ເມື່ອປີ 2011ເປັນຕົ້ນມາ ນັ້ນ.
ລາຍງານດັ່ງກ່າວແມ່ນອອກມາ ຫຼັງຈາກການເລືອກຕັ້ງທົ່ວປະເທດເມື່ອວັນທີ 2 ຜ່ານມານີ້ ທີ່ບໍ່ໄດ້ຮວມເອົາທຸກພັກຝ່າຍແລະບໍ່ມີຜົນແພ້ຊະນະເດັດຂາດ ແລະການປະທ້ວງຕາມຖະໜົນຫົນທາງໂດຍ ພວກປະເທດຕໍ່ຕ້ານລັດຖະບານ ທີ່ຍັງດໍາເນີນຢູ່ຕໍ່ມາຢ່າງບໍ່ລົດລະນັ້ນ.ໃນຂະນະທີ່ບັນຫາຂໍ້ຂັດແຍ້ງກັນທາງການເມືອງ ປະກົດວ່າ ຈະຂຶ້ນໂຮງຂຶ້ນ ສານນັ້ນ ພວກນັກລົງທຶນຕ່າງຊາດພາກັນອອກສຽງສະແດງຄວາມເປັນຫ່ວງໄປຕາມໆກັນ.
ທ່ານ Kyoichi Tanada ປະທານບໍລິສັດຜະລິດລົດຍົນ Toyota ໃນປະເທດໄທ ໄດ້ກ່າວເຕືອນວ່າ ພວກນັກລົງທຶນໄລຍະຍາວ ອາດຈະໄປຊອກຫາແຫຼ່ງລົງທຶນຢູ່ບ່ອນອື່ນ ເຊັ່ນອິນໂດເນເຊຍ ແລະຫວຽດນາມ ເປັນຕົ້ນ.
Chris Baker ນັກວິເຄາະ ແລະນັກຂຽນກ່ຽວກັບທຸລະກິດໃນໄທ ເວົ້າວ່າພວກນັກລົງທຶນ
ຕ່າງຊາດລາຍໃຫຍ່ໆຢ້ານກົວວ່າ ການເລືອກຕັ້ງທີ່ບໍ່ໄດ້ ຮວມເອົາທຸກພັກຝ່າຍ ຊຶ່ງຈະຕິດ
ຕາມມາດ້ວຍການເລືອກຕັ້ງພິເສດ ແລະການທ້າທາຍຕ່າງໆດ້ານກົດໝາຍນັ້ນ ຈະເຮັດໃຫ້
ພວກນັກລົງທຶນ ຂາດຄວາມໝັ້ນໃຈພໍສົມຄວນ.
ທ່ານ ເບເກີ ເວົ້າວ່າ: “ຄວາມເປັນຫ່ວງທີ່ສໍາຄັນ ແມ່ນກ່ຽວກັບການຕັດສິນໃຈ ທີ່ພວກເຂົາເຈົ້າວິຕົກກັງວົນ ໂດຍສະເພາະພວກບໍລິສັດຜະລິດລົດຍົນ ແລະອຸດສາຫະກໍາທີ່ກ່ຽວຂ້ອງທັງຫຼາຍນັ້ນນໍາ. ພວກເຂົາເຈົ້າວິຕົກກັງວົນນໍາລັດຖະບານ.
ມີໂອກາດໜ້ອຍຫຼາຍໃນອະນາຄົດອັນໃກ້ນີ້ ທີ່ຈະມີລັດຖະບານ ທີ່ຈະທໍາການຕັດສິນໃຈໃດໆຢ່າງຈິງຈັງໄດ້ ແລະນີ້ຄືປັດໃຈ ອັນໃຫຍ່ຫຼວງ ທີ່ເຮັດໃຫ້ເຂົາເຈົ້າ
ບໍ່ມີກໍາລັງໃຈ.”
![Soldiers hold their shields as officials leave a government office where Prime Minster Yingluck Shinawatra had been holding a meeting as anti-government protesters gather outside in Bangkok, Feb. 3, 2014.]()
![An anti-government protester carrying a national flag, a guitar and a "No Vote" sign follows others moving from one protest camp to another in Bangkok Feb. 3, 2014.]()
![Voters hold their identification cards and the chains that held the gate of the polling station closed, as they demand the right to vote during general elections in Bangkok, Feb. 2, 2014.]()
![Anti-government protest leader Suthep Thaugsuban waves to supporters during a march through Bangkok, Feb. 3, 2014.]()
![Thai Prime Minister and Pheu Thai party leader Yingluck Shinawatra poses before casting her ballot in Bangkok, Feb. 2, 2014.]()
![Thai soldiers pose with their identity cards as they wait in a line to vote at a polling station in Bangkok, Feb. 2, 2014.]()
![Empty ballot boxes are shown before voting in Bangkok, Feb. 2, 2014.]()
![Anti-government protesters check voting ballots they seized to disrupt elections before handing the papers back to officials after the general election in Hat Yai district, Songkhla province, southern Thailand, Feb. 2, 2014.]()
ຂະນະນີ້ ລັດຖະບານຮັກສາການຊົ່ວຄາວຂອງໄທ ກໍາລັງຢູ່ພາຍໃຕ້ຄວາມກົດດັນດ້ານ ການເງິນຢ່າງໜັກ ຍ້ອນຕິດໜີ້ຊາວນາ ຢູ່ຫຼາຍກວ່າ ສາມພັນລ້ານໂດລ່າ ພາຍໃຕ້ໂຄງ ການຮັບຈໍານໍາເຂົ້າ ທີ່ເປັນຂໍ້ໂຕ້ແຍ້ງກັນຢ່າງໃຫຍ່ນັ້ນ. ລັດຖະບານໄດ້ດິ້ນຮົນເພື່ອຫາເງິນຈໍານວນນີ້ມາຊໍາລະໃຫ້ຊາວນາ ແລະເທົ່າເຖິງປັດຈຸບັນນີ້ ກໍຍັງບໍ່ສາມາດກູ້ຢືມເງິນຈາກ ທະນາຄານແຫ່ງໃດໄດ້ເລີຍ.
ພວກນັກລົງທຶນຕ່າງຊາດ ໄດ້ພາກັນຖອນຮຸ້ນອອກຈາກຕະຫຼາດຮຸ້ນຂອງໄທນັບຕັ້ງແຕ່ ເກີດການປະທ້ວງທາງການເມືອງຂຶ້ນເມື່ອຕົ້ນເດືອນພະຈິກປີຜ່ານມາ. ດັດຊະນີຮຸ້ນ ໄດ້ຕົກລາຄາເຖິງ 10 ເປີເຊັນນັບຕັ້ງແຕ່ນັ້ນມາເຖິງແມ່ນໄດ້ມີສະພາວະທຸ່ນທ່ຽງ ໃນບໍ່ເທົ່າໃດມື້ຜ່ານມານີ້.
ເຖິງແມ່ນສະພາບການຍັງມືດມົນ ຢູ່ກໍຕາມ ທ່ານ Andrew McBean ຊຶ່ງເປັນພາຄີກັບ
ບໍລິສັດໃຫ້ຄໍາປຶກສາ Grant Thornton Thailand ເວົ້າວ່າ ການທີ່ການເລືອກຕັ້ງເມື່ອ
ຕົ້ນເດືອນນີ້ ໄດ້ດໍາເນີນໄປຢ່າງສັນຕິເປັນສ່ວນໃຫຍ່ນັ້ນ ເປັນຮ່ອງຮອຍ ທີ່ໃຫ້ຄວາມຫວັງຢູ່.
ທ່ານ ແມັກບີນ ເວົ້າວ່າ: “ມີຄວາມສະບາຍໃຈຂຶ້ນມາແດ່ ຈາກການເລືອກ ຕັ້ງເມື່ອທ້າຍອາທິດຜ່ານມາ ແລະຈາກການທີ່ວ່າ ມັນດໍາເນີນໄປ ດ້ວຍດີ ປາດສະຈາກເຫດການຮຸນແຮງ. ສິ່ງທີ່ໂຜ່ໂຕອອກມາຈາກເຫດການນີ້ ຂ້ອນຂ້າງເປັນວິທີການທຸລະກິດທີ່ເປັນຈິງຢ່າງນຶ່ງ. ຖ້າຈະເວົ້າແລ້ວ ໄທຍັງຄົງສືບຕໍ່ມີຜະລິດຕະພັນລວມ
ພາຍໃນ ຫຼືGDP ຢູ່ໃນທາງບວກ ໂດຍທີ່ມັນກໍຍັງສືບຕໍ່ເຕີບໂຕຂຶ້ນໄປຢູ່ ເຖິງແມ່ນຈະບໍ່ດີເທົ່າກັບຄວາມສາມາດບົ່ມຊ້ອນຕົວຈິງຂອງມັນ ກໍຕາມ.”
ທຸລະກິດການທ່ອງທ່ຽວຖືກກະທົບຢ່າງໜັກ ໂດຍສະເພາະໃນຕົວເມືອງຫຼວງບາງກອກຂອງໄທ ບ່ອນທີ່ລັດຖະບານໄດ້ປະກາດສະພາວະສຸກເສີນ ເວລາພວກປະທ້ວງ ທໍາການ ເຄື່ອນໄຫວປິດກັ້ນ ສີ່ແຍກທີ່ສໍາຄັນຕ່າງໆໃນຕົວເມືອງນັ້ນ. ພ້ອມດຽວກັນ ກໍມີຫຼາຍກວ່າ 45 ປະເທດທີ່ອອກຄໍາເຕື່ອນໃຫ້ລະວັງໂຕ ໃນການເດີນທາງໄປໄທ ເມື່ອບໍ່ເທົ່າໃດອາທິດຜ່ານມານີ້. ເຈົ້າໜ້າທີ່ທ່ອງທ່ຽວຂອງໄທ ປະເມີນວ່າ ສະເພາະເດືອນມັງກອນເດືອນດຽວນັ້ນ ໄທສູນເສຍລາຍໄດ້ເຂົ້າລັດ ໄປປະມານ 685 ລ້ານໂດລ່າ.
ລາດຊະອານາຈັກໄທ ເຄີຍໄດ້ຜ່ານຜ່າສະຖາວະຖອຍຫຼັງທາງເສດຖະກິດແລະຄວາມ ວຸ້ນວາຍທາງການເມືອງມາແລ້ວຫຼາຍເທື່ອຫຼາຍທີ ຈົນໄດ້ຮັບຊື່ວ່າ Teflon Thailand ຫຼືປະເທດໄທ ທີ່ຍືດຫົດໄດ້. ແຕ່ຫຼາຍໆຄົນກໍພາກັນ ເປັນຫ່ວງວ່າ ຍິ່ງຄວາມວຸ້ນວາຍທາງການເມືອງໃນໄທ ສືບຕໍ່ແກ່ ຍາວອອກໄປເທົ່າໃດ ກໍຈະເຮັດໃຫ້ປະເທດຊາດໃຊ້ເວລາດົນນານ ຍິ່ງຂຶ້ນໄປເທົ່ານັ້ນ ໃນການທີ່ຈະກູ້ເອົາພາບພົດ ທີ່ເປັນມິດຕໍ່ນັກທ່ອງທ່ຽວແລະວົງການທຸລະກິດຂອງຕົນ ກັບຄືນມາ.
ທີ່ຊັກຊ້າລົງໄປກວ່າເກົ່າ ໃນປະເທດໄທ ຍ້ອນຄວາມວຸ້ນວາຍ
ທາງການເມືອງທີ່ກໍາລັງຄຸກຄາມປະເທດ ຢ່າງໃຫຍ່ຢູ່ນັ້ນ. ຜູ້ສື່
ຂ່າວວີໂອເອ Ron Corben ລາຍງານຈາກເມືອງຫຼວງຂອງໄທ
ວ່າ ອົງການຈັດລະດັບ ຄວາມໝັ້ນຄົງທາງເສດຖະກິດ Fitch
ເຕືອນວ່າ ບັນຫາ ທາງການເມືອງ ທີ່ຍືດເຍື້ອອອກໄປນັບມື້ນັ້ນ
ອາດສົ່ງຜົນກະທົບໃນທາງລົບທີ່ຍາວນານ ຕໍ່ຄວາມໝັ້ນຄົງທາງ
ການເງິນຂອງໄທໄດ້. ຊຶ່ງທອງປານມີເລຶ່ອງນີ້ມາສະເໜີທ່ານໃນ
ອັນດັບຕໍ່ໄປ.
ອົງການຈັດລະດັບ Fitch ຊຶ່ງມີສໍານັກງານຢູ່ສະຫະລັດ ໄດ້ເຕືອນ ຢູ່ໃນ ລາຍງານຂອງຕົນວ່າ ການຍື້ດເຍື້ອຍາວນານອອກໄປ ຫຼືການທະວີ ຄວາມຮຸນແຮງຂຶ້ນ ຂອງການປະເຊີນໜ້າກັນທາງການເມືອງ ໃນປັດຈຸບັນຂອງໄທນັ້ນ ແມ່ນຈະເພີ່ມຄວາມສ່ຽງທີ່ຈະສ້າງ ຄວາມເສຍຫາຍຢ່າງໜັກແລະຍາວນານ ຕໍ່ການເຕີບໂຕທາງເສດຖະກິດຂອງໄທ.
ອົງການຈັດລະດັບ Fitch ໄດ້ຊີ້ໄປໃສ່ ການຫົດຕົວທາງດ້ານການຜະລິດ ອັດຕາການ ເຕີບໂຕຂອງຍອດຂາຍຍ່ອຍ ທີ່ຕົກຕໍ່າລົງຢ່າງຫຼວງຫຼາຍ ແລະຄວາມໝັ້ນໃຈຂອງຜູ້ອຸບ ປະໂພກບໍລິໂພກ ແລະວົງການທຸລະກິດ ທີ່ຕົກຮວບລົງມາຢູ່ຈຸດຕໍ່າສຸດ ນັບຕັ້ງແຕ່ໄພນໍ້າຖ້ວມຄັ້ງໃຫຍ່ໃນໄທ ເມື່ອປີ 2011ເປັນຕົ້ນມາ ນັ້ນ.
ລາຍງານດັ່ງກ່າວແມ່ນອອກມາ ຫຼັງຈາກການເລືອກຕັ້ງທົ່ວປະເທດເມື່ອວັນທີ 2 ຜ່ານມານີ້ ທີ່ບໍ່ໄດ້ຮວມເອົາທຸກພັກຝ່າຍແລະບໍ່ມີຜົນແພ້ຊະນະເດັດຂາດ ແລະການປະທ້ວງຕາມຖະໜົນຫົນທາງໂດຍ ພວກປະເທດຕໍ່ຕ້ານລັດຖະບານ ທີ່ຍັງດໍາເນີນຢູ່ຕໍ່ມາຢ່າງບໍ່ລົດລະນັ້ນ.ໃນຂະນະທີ່ບັນຫາຂໍ້ຂັດແຍ້ງກັນທາງການເມືອງ ປະກົດວ່າ ຈະຂຶ້ນໂຮງຂຶ້ນ ສານນັ້ນ ພວກນັກລົງທຶນຕ່າງຊາດພາກັນອອກສຽງສະແດງຄວາມເປັນຫ່ວງໄປຕາມໆກັນ.
ທ່ານ Kyoichi Tanada ປະທານບໍລິສັດຜະລິດລົດຍົນ Toyota ໃນປະເທດໄທ ໄດ້ກ່າວເຕືອນວ່າ ພວກນັກລົງທຶນໄລຍະຍາວ ອາດຈະໄປຊອກຫາແຫຼ່ງລົງທຶນຢູ່ບ່ອນອື່ນ ເຊັ່ນອິນໂດເນເຊຍ ແລະຫວຽດນາມ ເປັນຕົ້ນ.
Chris Baker ນັກວິເຄາະ ແລະນັກຂຽນກ່ຽວກັບທຸລະກິດໃນໄທ ເວົ້າວ່າພວກນັກລົງທຶນ
ຕ່າງຊາດລາຍໃຫຍ່ໆຢ້ານກົວວ່າ ການເລືອກຕັ້ງທີ່ບໍ່ໄດ້ ຮວມເອົາທຸກພັກຝ່າຍ ຊຶ່ງຈະຕິດ
ຕາມມາດ້ວຍການເລືອກຕັ້ງພິເສດ ແລະການທ້າທາຍຕ່າງໆດ້ານກົດໝາຍນັ້ນ ຈະເຮັດໃຫ້
ພວກນັກລົງທຶນ ຂາດຄວາມໝັ້ນໃຈພໍສົມຄວນ.
ທ່ານ ເບເກີ ເວົ້າວ່າ: “ຄວາມເປັນຫ່ວງທີ່ສໍາຄັນ ແມ່ນກ່ຽວກັບການຕັດສິນໃຈ ທີ່ພວກເຂົາເຈົ້າວິຕົກກັງວົນ ໂດຍສະເພາະພວກບໍລິສັດຜະລິດລົດຍົນ ແລະອຸດສາຫະກໍາທີ່ກ່ຽວຂ້ອງທັງຫຼາຍນັ້ນນໍາ. ພວກເຂົາເຈົ້າວິຕົກກັງວົນນໍາລັດຖະບານ.
ມີໂອກາດໜ້ອຍຫຼາຍໃນອະນາຄົດອັນໃກ້ນີ້ ທີ່ຈະມີລັດຖະບານ ທີ່ຈະທໍາການຕັດສິນໃຈໃດໆຢ່າງຈິງຈັງໄດ້ ແລະນີ້ຄືປັດໃຈ ອັນໃຫຍ່ຫຼວງ ທີ່ເຮັດໃຫ້ເຂົາເຈົ້າ
ບໍ່ມີກໍາລັງໃຈ.”
Elections in Thailand
ຂະນະນີ້ ລັດຖະບານຮັກສາການຊົ່ວຄາວຂອງໄທ ກໍາລັງຢູ່ພາຍໃຕ້ຄວາມກົດດັນດ້ານ ການເງິນຢ່າງໜັກ ຍ້ອນຕິດໜີ້ຊາວນາ ຢູ່ຫຼາຍກວ່າ ສາມພັນລ້ານໂດລ່າ ພາຍໃຕ້ໂຄງ ການຮັບຈໍານໍາເຂົ້າ ທີ່ເປັນຂໍ້ໂຕ້ແຍ້ງກັນຢ່າງໃຫຍ່ນັ້ນ. ລັດຖະບານໄດ້ດິ້ນຮົນເພື່ອຫາເງິນຈໍານວນນີ້ມາຊໍາລະໃຫ້ຊາວນາ ແລະເທົ່າເຖິງປັດຈຸບັນນີ້ ກໍຍັງບໍ່ສາມາດກູ້ຢືມເງິນຈາກ ທະນາຄານແຫ່ງໃດໄດ້ເລີຍ.
ພວກນັກລົງທຶນຕ່າງຊາດ ໄດ້ພາກັນຖອນຮຸ້ນອອກຈາກຕະຫຼາດຮຸ້ນຂອງໄທນັບຕັ້ງແຕ່ ເກີດການປະທ້ວງທາງການເມືອງຂຶ້ນເມື່ອຕົ້ນເດືອນພະຈິກປີຜ່ານມາ. ດັດຊະນີຮຸ້ນ ໄດ້ຕົກລາຄາເຖິງ 10 ເປີເຊັນນັບຕັ້ງແຕ່ນັ້ນມາເຖິງແມ່ນໄດ້ມີສະພາວະທຸ່ນທ່ຽງ ໃນບໍ່ເທົ່າໃດມື້ຜ່ານມານີ້.
ເຖິງແມ່ນສະພາບການຍັງມືດມົນ ຢູ່ກໍຕາມ ທ່ານ Andrew McBean ຊຶ່ງເປັນພາຄີກັບ
ບໍລິສັດໃຫ້ຄໍາປຶກສາ Grant Thornton Thailand ເວົ້າວ່າ ການທີ່ການເລືອກຕັ້ງເມື່ອ
ຕົ້ນເດືອນນີ້ ໄດ້ດໍາເນີນໄປຢ່າງສັນຕິເປັນສ່ວນໃຫຍ່ນັ້ນ ເປັນຮ່ອງຮອຍ ທີ່ໃຫ້ຄວາມຫວັງຢູ່.
ທ່ານ ແມັກບີນ ເວົ້າວ່າ: “ມີຄວາມສະບາຍໃຈຂຶ້ນມາແດ່ ຈາກການເລືອກ ຕັ້ງເມື່ອທ້າຍອາທິດຜ່ານມາ ແລະຈາກການທີ່ວ່າ ມັນດໍາເນີນໄປ ດ້ວຍດີ ປາດສະຈາກເຫດການຮຸນແຮງ. ສິ່ງທີ່ໂຜ່ໂຕອອກມາຈາກເຫດການນີ້ ຂ້ອນຂ້າງເປັນວິທີການທຸລະກິດທີ່ເປັນຈິງຢ່າງນຶ່ງ. ຖ້າຈະເວົ້າແລ້ວ ໄທຍັງຄົງສືບຕໍ່ມີຜະລິດຕະພັນລວມ
ພາຍໃນ ຫຼືGDP ຢູ່ໃນທາງບວກ ໂດຍທີ່ມັນກໍຍັງສືບຕໍ່ເຕີບໂຕຂຶ້ນໄປຢູ່ ເຖິງແມ່ນຈະບໍ່ດີເທົ່າກັບຄວາມສາມາດບົ່ມຊ້ອນຕົວຈິງຂອງມັນ ກໍຕາມ.”
ທຸລະກິດການທ່ອງທ່ຽວຖືກກະທົບຢ່າງໜັກ ໂດຍສະເພາະໃນຕົວເມືອງຫຼວງບາງກອກຂອງໄທ ບ່ອນທີ່ລັດຖະບານໄດ້ປະກາດສະພາວະສຸກເສີນ ເວລາພວກປະທ້ວງ ທໍາການ ເຄື່ອນໄຫວປິດກັ້ນ ສີ່ແຍກທີ່ສໍາຄັນຕ່າງໆໃນຕົວເມືອງນັ້ນ. ພ້ອມດຽວກັນ ກໍມີຫຼາຍກວ່າ 45 ປະເທດທີ່ອອກຄໍາເຕື່ອນໃຫ້ລະວັງໂຕ ໃນການເດີນທາງໄປໄທ ເມື່ອບໍ່ເທົ່າໃດອາທິດຜ່ານມານີ້. ເຈົ້າໜ້າທີ່ທ່ອງທ່ຽວຂອງໄທ ປະເມີນວ່າ ສະເພາະເດືອນມັງກອນເດືອນດຽວນັ້ນ ໄທສູນເສຍລາຍໄດ້ເຂົ້າລັດ ໄປປະມານ 685 ລ້ານໂດລ່າ.
ລາດຊະອານາຈັກໄທ ເຄີຍໄດ້ຜ່ານຜ່າສະຖາວະຖອຍຫຼັງທາງເສດຖະກິດແລະຄວາມ ວຸ້ນວາຍທາງການເມືອງມາແລ້ວຫຼາຍເທື່ອຫຼາຍທີ ຈົນໄດ້ຮັບຊື່ວ່າ Teflon Thailand ຫຼືປະເທດໄທ ທີ່ຍືດຫົດໄດ້. ແຕ່ຫຼາຍໆຄົນກໍພາກັນ ເປັນຫ່ວງວ່າ ຍິ່ງຄວາມວຸ້ນວາຍທາງການເມືອງໃນໄທ ສືບຕໍ່ແກ່ ຍາວອອກໄປເທົ່າໃດ ກໍຈະເຮັດໃຫ້ປະເທດຊາດໃຊ້ເວລາດົນນານ ຍິ່ງຂຶ້ນໄປເທົ່ານັ້ນ ໃນການທີ່ຈະກູ້ເອົາພາບພົດ ທີ່ເປັນມິດຕໍ່ນັກທ່ອງທ່ຽວແລະວົງການທຸລະກິດຂອງຕົນ ກັບຄືນມາ.