ລິ້ງ ສຳຫລັບເຂົ້າຫາ

ວັນເສົາ, 25 ມິຖຸນາ 2022

ຄຳສັ່ງຂອງກຸ່ມ ຕາລີບານ ແນເປົ້າໃສ່ ລາຍການໂທລະພາບ ທີ່ຜິດສິນທຳ ຂອງ ອັຟການິສຖານ ທີ່ປະກອບມີນັກສິລະປະຍິງ


ຜູ້ຊາຍຄົນນຶ່ງຍ່າງຜ່ານຕຶກກະຊວງແມ່ຍິງ ທີ່ຕອນນີ້ຖືກປິດ ໃນນະຄອນຫຼວງ ກາບູລ, ອັຟການິສຖານ, 18 ກັນຍາ, 2021.

ກຸ່ມຕາລີບານໃນວັນອາທິດວານນີ້ ໄດ້ສັ່ງໃຫ້ຊ່ອງໂທລະພາບຕ່າງໆໃນ ອັຟການິສຖານ ຢຸດສາຍລະຄອນທີ່ປະກອບມີນັກສິລະປະແມ່ຍິງ ແລະ ໄດ້ກ່າວວ່ານັກຂ່າວຍິງຕ້ອງໃສ່ຜ້າຄຸມຫົວ ອີງຕາມການຕີຄວາມໝາຍຂອງກົດໝາຍ ອິສລາມ ຫຼື ຊາເຣຍ ຂອງກຸ່ມດັ່ງກ່າວ.

ການຫ້າມດັ່ງກ່າວແມ່ນສ່ວນນຶ່ງຂອງແນວທາງໃໝ່ທີ່ມີ 8 ຈຸດອອກໂດຍກະຊວງ ການສົ່ງເສີມຄຸນຄວາມດີ ແລະ ການປ້ອງກັນຄວາມຊົ່ວຮ້າຍ ຫຼື ສິນທຳຂອງຕຳຫຼວດ ຕາລີບານ, ໃນສັນຍານຄັ້ງຫຼ້າສຸດ ຂອງກຸ່ມທີ່ຍຶດໝັ້ນໃນຫຼັກການຫ້າມສິດທິຂອງບັນດາແມ່ຍິງ. ຍິ່ງໄປກວ່ານັ້ນ, ແນວທາງທີ່ວ່ານັ້ນໄດ້ກ່າວວ່າຮູບເງົາ ແລະ ລະຄອນບໍ່ຄວນມີນັກສະແດງຍິງ. ພ້ອມກັນນັ້ນ, ນະໂຍບາຍໃໝ່ຈະປ້ອງກັນສະຖານີໂທລະພາບຕ່າງໆບໍ່ໃຫ້ສະແດງໃຫ້ເຫັນຜູ້ຊາຍຜູ້ທີ່ຖືກພິຈາລະນາວ່າ ເຜີຍອານາຈານ ຫຼື ບໍ່ໄດ້ປົກປິດຈາກໜ້າເອິກຫາຫົວເຂົ່າ.

ກະຊວງດັ່ງກ່າວ ໄດ້ປ້ອງກັນຄຳສັ່ງທີ່ວ່ານັ້ນ ໂດຍກ່າວວ່າມັນໄດ້ເພັ່ງເລັງໃສ່ການຕອບໂຕ້ການໂຄສະນາຊວນເຊື່ອ ກ່ຽວກັບ “ການຜິດສິນທຳ” ແລະ ການເຜີຍແຜ່ວິດີໂອທີ່ “ຂັດກັບກົດລະບຽບ ຊາເຣຍ ແລະ ມູນເຊື້ອຂອງຊາວ ອັຟການິສຖານ.” ພວກເຂົາໄດ້ຂໍໃຫ້ບັນດາຜູ້ແທນຂອງເຄືອຂ່າຍໂທລະພາບໃນນະຄອນຫຼວງ ກາບູລ ປະຕິບັດຕາມແນວທາງຕ່າງໆໃນລະຫວ່າງຊົ່ວໂມງອອກອາກາດນັ້ນ.

ພວກເຂົາໄດ້ກ່າວວ່າ “ຮູບເງົາທີ່ຖືກຜະລິດຢູ່ຕ່າງປະເທດ ແລະ ພາຍໃນທີ່ສົ່ງເສີມວັດທະນະທຳ ແລະ ປະເພນີແມ່ຍິງໃນ ອັຟການິສຖານ ແລະ ສົ່ງເສີມການຜິດສິນທຳບໍ່ຄວນຖືກນຳມາອອກອາກາດ.”

ຄຳສັ່ງດັ່ງກ່າວຍັງໄດ້ຫ້າມການອອກອາກາດລາຍການສຽດສີຕ່າງໆທີ່ “ດູຖູກ” ຫຼື ທຳລາຍ “ກຽດສັກສີ” ຂອງແຕ່ລະບຸກຄົນ.

ກະຊວງສິນທຳຕຫຼວດ ແມ່ນໄດ້ມີຢູ່ໃນລະຫວ່າງການປົກຄອງຄັ້ງທີ່ຜ່ານມາຂອງ ຕາລີບານ ໃນ ອັຟການິສຖານ ຈາກປີ 1996 ຫາ 2001, ເວລາທີ່ພວກເຂົາໄດ້ບັງຄັບໃຊ້ ການຫ້າມດັ່ງກ່າວຢ່າງໂຫດ ຮ້າຍ ໃນການລ່ວງລະເມີດພື້ນຖານຂອງສິດທິມະນຸດ. ການລ່ວງລະເມີດໃນເວລານັ້ນລວມມີການຫ້າມແມ່ຍິງອອກຈາກບ້ານ ໂດຍມີພີ່ນ້ອງຜູ້ຊາຍທີ່ໃກ້ຊິດໄປນຳ ແລະ ຫ້າມເດັກຍິງບໍ່ໃຫ້ໄດ້ຮັບການສຶກສາ.

ຕຳຫຼວດສິນທຳ ຕາລີບານ ຈະຕີແມ່ຍິງຢ່າງເປີດເຜີຍໃນສາທາລະນະ ສຳລັບການສະແດງໃຫ້ເຫັນຂໍ່ແຂນ, ມື ຫຼື ຂໍ່ຂາຂອງເຂົາເຈົ້າ, ແລະ ສຳລັບການອອກຈາກບ້ານໂດຍບໍ່ມີໃຜໄປນຳ, ເຊິ່ງແມ່ນການລະເມີດທີ່ໄດ້ນຳໄປສູ່ການຖືກແຍກໂດດດ່ຽວທາງການທູດຂອງ ອັຟການິສຖານ ໃນເວລານັ້ນ.

ອ່ານຂ່າວນີ້ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG