ປະກົດການຟອກຂາວ ຫຼື Mass Bleaching ຢ່າງກວ້າງຂວາງໄດ້ທຳລາຍຫຼາຍກວ່າ 1 ສ່ວນສາມ ແລະ ພາກສ່ວນໃຈກາງຂອງແນວປະກາລັງຂອງ ອອສເຕຣເລຍ ອີງຕາມການ ກ່າວຂອງບັນດານັກວິທະຍາສາດໃນວັນຈັນມື້ນີ້.
ທ່ານ Terry Hughes ຜູ້ອຳນວຍການຂອງສູນກາງ ARC ແຫ່ງຄວາມດີເລີດສຳລັບການ ສຶກສາແນວປະກາລັງ ທີ່ມະຫາວິທະຍາໄລ James Cook ໃນລັດ Queensland ໄດ້ ກ່າວວ່າ ນີ້ແມ່ນເປັນຄັ້ງທີສາມ ແລະ ມີຄວາມຮ້າຍແຮງທີ່ສຸດ ທີ່ປະກົດການຟອກຂາວ ຢ່າງກວ້າງຂວາງໃນຮອບ 18 ປີ ທີ່ສົ່ງຜົນກະທົບຕໍ່ແນວປະກາລັງ,
ທ່ານ Hughes ໄດ້ກ່າວໃນຖະແຫຼງການວ່າ “ພວກເຮົາໄດ້ພົບເຫັນໂດຍສະເລ່ຍວ່າ 35 ເປີເຊັນ ຂອງປະກາລັງໄດ້ລົ້ມຕາຍ ໃນຕອນນີ້ ຫຼືບໍ່ ກໍກຳລັງຈະຕາຍໃນແນວປະກາລັງ 84 ແຫ່ງ ທີ່ພວກເຮົາໄດ້ສຳຫຼວດຢູ່ຕາມທິດເໜືອ ແລະ ພາກກາງຂອງແນວປະກາລັງ ໃຫຍ່ ຫຼື Great Barrier Reef ລະຫວ່າງເມືອງ Townsville ແລະ ປາປົວນິວກິນິີ.”
ທ່ານ ແລະ ບັນດາຜູ້ຊ່ຽວຊານຄົນອື່ນໆ ໄດ້ກ່າວຫາສະພາບອາກາດປ່ຽນແປງ ແລະ ປະ ກົດການ El Nino, ເຊິ່ງເຮັດໃຫ້ອຸນຫະພູມໃນຫຼາຍພາກສ່ວນຂອງມະຫາສະໝຸດ ປາຊິ ຟິກ ເພີ່ມສູງຂຶ້ນ, ທີ່ກໍ່ໃຫ້ເກີດປະກົດການຟອກຂາວຂະໜາດໃຫຍ່ນີ້.
ບັນດານັກວິທະຍາສາດໄດ້ກ່າວວ່າ ອຸນຫະພູມນ້ຳທີ່ອຸ່ນ ເປັນສາເຫດເຫັນໃຫ້ປະກາລັງ ເກີດມີໄຄ, ເຊິ່ງປ່ຽນໃຫ້ມັນເປັນສີຂາວ ແລະ ຍາດແຍ່ງເອົາແຫຼ່ງອາຫານທີ່ສຳຄັນໄປ. ການຟອກຂາວທີ່ວ່ານີ້ ຍັງເຮັດໃຫ້ການຟື້ນຟູ ແລະ ອັດຕາການເຕີບໂຕຂອງປະກາລັງ ຊັກຊ້າ.
ປະກາລັງຈະຕາຍຕະຫຼອດການ ເມື່ອພວກມັນຕາຍ. ຖ້າອຸນຫະພູມຫຼຸດຕ່ຳລົງ, ແນວໃດ ກໍຕາມ, ປະກາລັງ ກໍມີໂອກາດທີ່ຈະຟື້ນຕົວຄືນໃຫມ່.
ທ່ານ Hughes ໄດ້ກ່າວເພີ່ມເຕີມວ່າ “ປະກົດການໃນປະຈຸບັນແມ່ນຮ້າຍແຮງຫຼາຍກວ່າ ຄັ້ງທີ່ພວກເຮົາໄດ້ວັດແທກໃນເມື່ອກ່ອນ.”
ໃນຄວາມພະຍາຍາມທີ່ໃຊ້ເວລາຫຼາຍໆເດືອນ, ບັນດານັກຄົ້ນຄວ້າໄດ້ດຳເນີນການສຳ ຫຼວດໃຕ້ນ້ຳ ແລະ ທາງອາກາດໃນເນື້ອທີ່ຂອງແນວປະກາລັງຍາວ 2,300 ກິໂລແມັດ ທີ່ ຕັ້ງຢູ່ນອກຝັ່ງທະເລທາງພາກຕາເວັນອອກຂອງປະເທດ ອອສເຕຣເລຍ.
ການຄົ້ນຄວ້າໄດ້ພົບເຫັນວ່າ ແນວປະກາລັງຕອນໃຕ້ ໄດ້ລອດຊີວິດ ຈາກປະກົດການດັ່ງ ກ່າວ.
ແນວປະກາລັງໃຫຍ່ ແມ່ນເປັນມໍລະດົກໂລກ ທີ່ດຶງດູດເອົາເງິນເຂົ້າປະເທດ ຢ່າງມະຫານສານ ຫຼາຍກວ່າ 3 ພັນ 5 ຮ້ອຍລ້ານໂດລ່າ ໃນການທ່ອງທ່ຽວສູ່ອອສເຕຣເລຍ ໃນແຕ່ລປີ.
ໃນປີທີ່ຜ່ານມາ, ຄະນະກຳມະການມໍລະດົກໂລກຂອງອົງການ UNESCO ໄດ້ຕັດສິນຄັດ ຄ້ານທີ່ຈະຈັດແນວປະກາລັງໃສ່ລາຍຊື່ຂອງສິ່ງໃກ້ຈະສູນພັນຂອງພວກເຂົາເຈົ້າ, ແຕ່ການ ລາຍງານຂອງວັນຈັນມື້ນີ້ ອາດຈະບັງຄັບໃຫ້ກຸ່ມດັ່ງກ່າວພິຈາລະນາຄືນໃໝ່ອີກ.
