ທ່ານຜູ້ຟັງທີ່ເຄົາລົບ ລາຍການຊິວິດຊາວລາວ ແລງວັນພະຫັດ
ມື້ນີ້ ຈະນຳສະເໜີ ການສຳພາດ ບັນດານັກສຶກສາ ຈາກ ສປປ
ລາວ ທີ່ໄດ້ຮັບທຶນ Southeast Asia Youth Leadership
Program ຫລື ໂຄງການອົບຮົມ ການເປັນຜູ້ນຳ ຂອງບັນດາ
ຊາວໜຸ່ມຈາກເຂດ ເອເຊຍອາຄະເນ ຢູ່ ມະຫາວິທະຍາໄລ
Northern Illinois ເປັນເວລາສາມອາທິດ. ນອກຈາກນັ້ນອີກ
ແລ້ວ ເຂົາເຈົ້າຍັງມີໂອກາດມາຢ້ຽມຢາມ ນະຄອນຫລວງ ວໍຊິງ
ຕັນ ດີ.ຊີ ພ້ອມດ້ວຍຫ້ອງການ ວິທະຍຸ ວີໂອເອ. ເພາະສະນັ້ນ
ກິ່ງສະຫວັນ ຈະນຳເລື້ອງນີ້ມາສະເໜີທ່ານ ໃນອັນດັບຕໍ່ໄປ.
ສະບາຍດີທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວ ມື້ນີ້ ຂ້າພະເຈົ້າຈະໃຫ້ທ່ານ
ຟັງການສຳພາດ ກັບພວກນັກສຶກສາ ຈາກ ສປປ ລາວ ທີ່ໄດ້ຮັບທຶນມາອົບຮົມວິຊາການ
ເປັນຜູ້ນຳຊາວໜຸ່ມ ຈາກເຂດເອເຊຍອາຄະເນ ຫລື Southeast Asia Youth Leader-
ship Program. ໂຄງການດັ່ງກ່າວນີ້ ບໍລິຫານໂດຍ ສູນກາງ East West Center ທີ່ມະຫາວິທະຍາໄລ ໂຮໂນລູລູ ລັດຮາວາຍ ສະຫະລັດ ອາເມຣິກາ ແລະໄດ້ຖືກກໍ່ຕັ້ງຂຶ້ນ
ມາ ໂດຍ ລັດຖະສະພາ ສະຫະລັດ ມາແຕ່ປີ 1960 ເປັນອົງການເອກກະລາດ ສາທາ
ລະນະ ໂດຍບໍ່ສ້າງຜົນກຳໄລ.
ໂຄງການດັ່ງກ່າວນີ້ ແມ່ນໂຄງການແລກປ່ຽນ ອົບຮົມ ແລະ ທັດສະນະສຶກສາ ຢູ່ສະຫະລັດ ເປັນເວລາສາມອາທິດ ທີ່ເນັ້ນໜັກໃສ່ ການເປັນຜູ້ນຳ ແລະການພັດທະນາຊາວໜຸ່່ມ. ບັນ
ດາຜູ້ເຂົ້າຮ່ວມ ຈະໄດ້ນຳໃຊ້ໂຄງການທີ່ອົບຮົມມານີ້ ໄປໃຊ້ຢູ່ໃນປະເທດຂອງຕົນ. ໂຄງ
ການດັ່ງກ່າວນີ້ ເປີດໂອກາດໃຫ້ແກ່ ທັງຜູ້ສະມັກ ແລະຜູ້ໃຫຍ່ຜູ້ນຶ່ງ ທີ່ຕິດຕາມນຳພາພວກ
ເຂົາເຈົ້າມາ.
ສຳລັບຄຸນນະວຸດທິດ້ານການສະມັກແມ່ນມີດັ່ງນີ້ຄື ອາຍຸລະຫວ່າງ 15 ຫາ 17 ປີ ຍັງຮຽນ
ຢູ່ຂັ້ນມັດທະຍົມ ຫລືວິທະຍາໄລປີທີນຶ່ງ. ມີຄວາມສົນໃຈກ່ຽວກັບ ບົດບາດການເປັນພົນ
ລະເມືອງດີ ແລະຢາກຮັບໃຊ້ສັງຄົມ ມີຄະແນນການຮຽນດີ ແລະຊຳນານໃນການປາກເວົ້າ ແລະມີທ່າທາງທີ່ຈະເປັນຜູ້ນຳ ສະແດງເຖິງຄວາມເປັນຜູ້ໃຫຍ່ ແລະເປີດກວ້າງດ້ານແນວຄິດ.
ສຳລັບຜູ້ໃຫຍ່ທີ່ຕິດຕາມນຳພາມາຕ້ອງມີຄຸນນະວຸດທິດັ່ງນີ້ : ເປັນນາຍຄູ ຫລືຜູ້ນຳສັງຄົມ
ທີ່ເຮັດວຽກກັບຊາວໜຸ່ມ. ຊຳນານດ້ານການເປັນຜູ້ນຳພາ. ມີຄວາມສົນໃຈຊ່ວຍຊາວໜຸ່ມພັດທະນາ ໃຫ້ໂອກາດແກ່ເຂົາເຈົ້າ ແລະໝັ້ນໝາຍການເຮັດວຽກກັບໂຄງການຜູ້ນຳຊາວ
ໜຸ່ມເອເຊຍອາຄະເນ ຫລັງຈາກເຂົາເຈົ້າກັບຄືນຈາກ ສະຫະລັດແລ້ວ.
ໂຄງການອົບຮົມປີນີ້ ມີ 10 ປະເທດດ້ວຍກັນ ມີນັກຮຽນທັງໝົດ 60 ຄົນ ແລະໃນນັ້ນມີນັກ
ຮຽນຈາກ ສປປ ລາວ 6 ຄົນເຂົ້າຮ່ວມ.
ເປົ້າໝາຍຂອງໂຄງການນີ້ ແມ່ນ ສົ່ງເສີມຄວາມເຂົ້າໃຈຊຶ່ງກັນ ແລະກັນ ລະຫວ່າງ ປະຊາ
ຊົນອາເມຣິກັນ ກັບບັນດາປະເທດເພື່ອນມິດ. ພັດທະນາຄວາມຮູ້ສຶກ ຮັບຜິດຊອບຕໍ່ສັງຄົມ
ແລະ ໝັ້ນໝາຍທີ່ຈະພັດທະນາຊາວໜຸ່ມ ພັດທະນາຄວາມຊຳນານຂອງການເປັນຜູ້ນຳ
ຊາວໜຸ່ມ ໃຫ້ຮັບຮູ້ ຄວາມແຕກຕ່າງຂອງ ເຜົ່າພັນທັງຫຼາຍ ສາສະໜາທັງຫຼາຍ ຕະຫຼອດ
ທັງບັນດາກຸ່ມຊົນຕ່າງໆຂອງປະເທດ. ນອກນັ້ນ ບັນດານັກຮຽນເຫລົ່ານີ້ ຍັງຕ້ອງໄດ້ໃຊ້
ເວລານຶ່ງອາທິດຢູ່ກັບ ຄອບຄົວອາເມຣິກັນ ເພື່ອຮຽນຮູ້ກ່ຽວກັບຊີວິດ ແລະປະເພນີການຢູ່
ກິນຂອງເຂົາເຈົ້າ. ປີນີ້ເປັນປີທີສາມ ທີ່ບັນດານັກສຶກສາລາວໄດ້ເຂົ້າຮ່ວມຢູ່ໃນໂຄງການ
ນີ້. ຂັ້ນຕອນຕ່າງໆ ກ່ອນຈະໄດ້ຖືກຮັບມາມີດັ່ງນີ້ຄື ຍື່ນໃບສະມັກ ສອບເສັງພາສາອັງກິດ
ຢູ່ ສະຖານທູດ ສະຫະລັດ ໃນນະຄອນຫລວງວຽງຈັນ ແລະປີນີ້ມີນັກຮຽນຍື່ນໃບສະມັກ
ເຂົ້າມາຈາກທົ່ວປະເທດ ຫຼາຍກວ່າ 300 ຄົນ ແລະມີພຽງແຕ່ 6 ຄົນ ໄດ້ຖືກຮັບຜ່ານ.
ທ້າວ ໄຊສະຫວັນ ອິນທະລາ ມີຊື່ຫລີ້ນວ່າ ຕາໃຫຍ່ ນັກຮຽນມັດທະຍົມ ປີທີ 7 ຈາກບ້ານ
ດອນນົກຂຸ້ມ ນະຄອນຫລວງວຽງຈັນ ສປປ ລາວ ມີຄວາມຝັນຢາກເປັນນັກການທູດ ໃນ
ອານາຄົດ ໄຊສະຫວັນ ເປັນຊາຍໜຸ່ມທີ່ຫ້າວຫັນ ແລະເປັນນັກຮຽນທີ່ສະຫລຽວສະຫລາດ.
ລາວ ໄດ້ກ່າວຕໍ່ ວີໂອເອ ວ່າ :
ນາງລິດຕະພອນ ຄັດສະຫວ່າງ ນັກຮຽນມັດທະຍົມປີທີ່ 6 ຈາກບ້ານດົງປາແຫລບ ນະຄອນຫລວງວຽງຈັນ ສປປ ລາວ ມີຄວາມຝັນຢາກເປັນນັກອອກແບບ ຕົກແຕ່ງບ້ານ
ເຮືອນ ນາງມີຄວາມຕື່ນເຕັ້ນທີ່ສຸດ ທີ່ໄດ້ເດີນທາງອອກນອກປະເທດເປັນຄັ້ງແລກ ແລະ
ໄດ້ມີໂອກາດມາຢ້ຽມຢາມ ພາກກາງ ແລະ ນະຄອນຫລວງວໍຊິງຕັນ ດີ.ຊີ ນາງໄດ້ກ່າວຕໍ່
ວີໂອເອ ວ່າ :
ນັກຮຽນຄົນທີ່ສາມ ໄດ້ແກ່ ນາງສອນລະວີ ແກ້ວສະຫວັນ ນັກສຶກສາມໍປາຍ ຈາກບ້ານຫາດຫ້ຽນ ນະຄອນຫລວງພະບາງ ປັດຈຸບັນນີ້ເຮັດວຽກກຳກັບຢູ່ ຫໍສະມຸດເອກກະຊົນ ໃນນະຄອນຫລວງພະບາງ ນາງກໍແມ່ນອີກຄົນນຶ່ງທີ່ມີຄວາມຕື່ນເຕັ້ນ ທີ່ໄດ້ມາພົບພໍ້ຄົນລາວ ເຊື້ອຊາດດຽວກັນ ນາງໄດ້ກ່າວຕໍ່ ວີໂອເອ ວ່າ :
ບັດນີ້ ບັນດານັກຮຽນທັງໝົດໃນໂຄງການດ່ັງກ່າວ ກໍແມ່ນໄດ້ກັບຄືນສູ່ປະເທດຂອງໃຜ
ລາວ ເປັນທີ່ຮຽບຮ້ອຍແລ້ວ. ສຳລັບພວກນັກສຶກສາຈາກ ສປປ ລາວ ແມ່ນ ໄດ້ມີໂອກາດ
ອັນດີ ເດີນທາງມາເຫັນຊີວິດການເປັນຢູ່ຂອງຊາວອາເມລິກັນ ມາເບິ່ງມາຊົມການບໍລິ
ຫານວຽກງານ ໄດ້ເຫັນຄວາມກວ້າງໃຫຍ່ ແລະຄວາມສີວິໄລຂອງປະເທດຊາດ ເຫັນເທັກ
ໂນໂລຈີທີ່ກ້າວໜ້າທັນສະໄໝ ໂດຍສະເພາະຢ່າງຍິ່ງ ແມ່ນໄດ້ສັງເກດເຫັນການໃຊ້ສິດທິ
ມະນຸດ ແລະຄວາມສະເໝີພາບຂອງ ຊາວອາເມຣິກັນ ຊຶ່ງເປັນກຳໄລປະກອບຊີວິດຂອງ
ພວກເຂົາເຈົ້າຕະຫລອດໄປ.
