ລິ້ງ ສຳຫລັບເຂົ້າຫາ

logo-print

ນັກ​ຮຽນ​ທີ່​ມີ​ໜີ້​ສິນ ​ຢ່າງຫຼວງຫຼາຍ ບັນ​ລຸ​ເປົ້າ​ໝາຍ ​ໃນ​ຊີ​ວິດ​ຊ້າ


ນັກ​ຮຽນ​ພາກັນຍ່າງ​​ຢູ່​ເດີນ​ໃນ​ມະ​ຫາ​ວິ​ທະ​ຍາ​ໄລ ເວີ​ມັອນ, ເມືອງ ເບີ​ລິງ​ຕັນ, ລັດ ເວີ​ມັອນ.

ຄຳວ່າ ມີ​ເລັນ​ນຽ​ລ (millennial) ມີແນວໂນ້ມທີ່ກ່ຽວຂ້ອງກັບການຖິ້ມໂທດໃສ່ ແລະ
ຄວາມອັບອາຍຂາຍໜ້າ ຍ້ອນຄຳວ່າ “ພວກເຂົາເຈົ້າຂີ້ຄ້ານໂພດ ແລະ ທຸກຍາກໂພດ
ທີ່ຈະຍ້າຍອອກໄປຈາກຫ້ອງຕາລ່າງຂອງພໍ່ແມ່ຂອງເຂົາເຈົ້າ” ເຊິ່ງບັນດານັກວິຈານ
ບາງຄົນພາກັນຄິດແນວນັ້ນ. ພຸດທະສອນ ຈະນຳລາຍລະອຽດ ກ່ຽວກັບ ເລື່ອງນີ້ມາ
ສະເໜີທ່ານໃນອັນດັບຕໍ່ໄປ.

ໃນບົດລາຍງານຂອງໜັງສືພິມ ວອລ ສຕຣີດ ທີ່ຫາກໍຖືກຕີພິມເມື່ອບໍ່ດົນ ມານີ້ໄດ້ມີ
ການຢືນຢັນວ່າ ຄວາມຮຽກຮ້ອງຕ້ອງການປາທູກະປ໋ອງ ແມ່ນ ໄດ້ຫຼຸດໜ້ອຍລົງ ຍ້ອນ
ວ່າພວກມີເລັນນຽລ ຫຼື ຄົນທີ່ເກີດໃນຕົ້ນສັດຕະວັດທີ 21 ບໍ່ມີຮອດເຫຼັກເບີດກະປ໋ອງ
ໃນໂລກທີ່ມັກຄວາມສະດວກ ສະບາຍນີ້.

ພວກມີເລັນນຽລໄດ້ຕອບໂຕ້ຄືນໃນສື່ສັງຄົມວ່າ ແທ້ຈິງແລ້ວ ເຂົາເຈົ້າເລືອກ ກິນປາສົດ
ຫຼື ແຊ່ແຂງຫຼາຍກວ່າ, ເຊິ່ງຕ້ອງໄດ້ມີການຄົວ ແລະ ໃຊ້ ຄວາມພະຍາຍາມຫຼາຍກວ່າ
ການເປີດກະປ໋ອງ.

ແຕ່ການມັກຖືກມອງຂ້າມໃນການສົນທະນາດັ່ງກ່າວນັ້ນ ແມ່ນຍ້ອນໜີ້ສິນຂອງນັກຮຽນ
ທີ່ຫຼວງຫຼາຍ ແລະ ຄ່າຄ່ອງຊີບທີ່ສູງຂຶ້ນຢ່າງວ່ອງໄວ ແລະ ການ ສຳຫຼວດໄດ້ສະແດງ
ໃຫ້ເຫັນແງ່ມຸມ ຂອງການເປັນຄົນມີເລັນນຽລ, ເຊັ່ນ ເປັນເຈົ້າຂອງບ້ານ ແລະ ການພັດ
ທະນາອາຊີບ, ທີ່ທ້າທາຍຄວາມຄິດເຫັນ ທີ່ນິຍົມເວົ້າກັນ.

ແລະເດົາເບິ່ງວ່າແມ່ນຫຍັງ? ພວກມີເລັນນຽລ ກຳລັງໃຫຍ່ຂຶ້ນ. ບໍລິສັດບັນຊີ Ernst &
Young ໄດ້ລາຍງານວ່າ ພວກມີເລັນນຽລ ຜູ້ທີ່ບໍລິສັດດັ່ງກ່າວ ໄດ້ອະດີບາຍວ່າ ແມ່ນ
ມີອາຍຸຕັ້ງແຕ່ 26 ຫາ 36 ປີນັ້ນ ແມ່ນມີທ່າທີ ໃນແງ່ບວກຫຼາຍກວ່າ ແລະ ໄດ້ລົງທຶນໃນ
ຕະຫຼາດອະສັງຫາລິມະຊັບ ຫຼາຍກວ່າສອງປີທີ່ຜ່ານມາ.

ລາຍງານເສດຖະກິດ ມີເລັນນຽລ 2018 ໄດ້ກ່າວວ່າ “ໃນສອງປີ, ພວກ ມີເລັນນຽລໄດ້
ທຳຄວາມກ້າວໜ້າ. ເຂົາເຈົ້າຮຽນຈົບມະຫາວິທະຍາໄລ, ຊອກຫາວຽກເຮັດເຕັມເວລາ,
ຊື້ເຮືອນຢູ່ ແລະ ແຕ່ງງານ.”

ແລະ ໃນຂະນະທີ່ພວກມີເລັນນຽລຫຼາຍກວ່າ 80 ເປີເຊັນເວົ້າວ່າ ໜີ້ ສິນນັກຮຽນ ໄດ້ບັງ
ຄັບໃຫ້ເຂົາເຈົ້າຊື້ອະສັງຫາລິມະຊັບຊ້າກວ່າ, ການເປັນ ເຈົ້າຂອງບ້ານ ໃນກຸ່ມອາຍຸຄົນ
ດັ່ງກ່າວນັ້ນ ໄດ້ເພີ່ມຂຶ້ນ ນັບຕັ້ງແຕ່ປີ 2016 ເປັນຕົ້ນມາ.

ໃນປີ 2018, ພວກມີເລັນນຽລ 40 ເປີເຊັນມີເຮືອນຂອງຕົນເອງຢູ່, ບໍ່ ຫຼຸດຫຼາຍປານໃດ
ຈາກປະມານ 45 ເປີເຊັນຂອງຄົນລຸ້ນຊຸມປີ 90 ແລະ ລຸຸ້ນຍຸກ ຄົນທີ່ເກີດຫຼາຍທີ່ສຸດຜູ້ທີ່
ມີເຮືອນ ໃນອາຍຸປະມານຊໍ່າໆກັນ. ອີງຕາມລາຍງານຂອງ Ernst.

ສອງປີກ່ອນໜ້ານີ້, ມີພວກມີເລັນນຽລພຽງ 26 ເປີເຊັນເທົ່ານັ້ນທີ່ມີເຮືອນ ເປັນຂອງຕົນ
ເອງ.

ແລະ ຕົວເລກຂອງພວກມີເລັນນຽລຈຳນວນຫຼາຍ ຜູ້ທີ່ອາໄສຢູ່ຊັ້ນຕາລ່າງ ໃນເຮືອນ
ຂອງພໍ່ແມ່, ແມ່ນໄດ້ຫຼຸດລົງເກືອບເຄິ່ງນຶ່ງ, ຈາກ 30 ເປີເຊັນໃນ ປີ 2016 ຫາ 16 ເປີ
ເຊັນໃນປີ 2018, ໃນຂະນະທີ່ເປີເຊັນຂອງພວກ ມີເລັນນຽລ ທີ່ອາໄສຢູ່ໃນບ້ານເຊົ່າ
ຍັງຄົງຢູ່ທີ່ລະດັບ 43 ເປີເຊັນໃນປີ 2016 ແລະ 2018.

ຄືກັບຄົນລຸ້ນກ່ອນ ທີ່ໄດ້ປະເຊີນກັບຟອງສະບູ ມູນຄ່າ ຂອງອະສັງຫາລິມະຊັບນັ້ນ,
ພວກມີເລັນນຽລບາງຄົນ ໄດ້ຍ້າຍໜີອອກຈາກເມືອງໃຫຍ່ ແລ້ວ ໄປຊື້ເຮືອນຢູ່ເຂດ
ຊານເມືອງ ແລະ ເມືອງທີ່ນ້ອຍກວ່າ, ອີງຕາມລາຍງານ ຍຸກຄົນຊື້ ແລະ ຂາຍເຮືອນປີ
2018.

ເສັ້ນທາງສູ່ການເປັນເຈົ້າຂອງບ້ານ ແມ່ນຄວາມສຳເລັດໃນອາຊີບ ໃນແງ່ ຂອງການ
ສຶກສາທີ່ດີ ແລະ ການເຮັດວຽກໜັກ, ອີງຕາມການກ່າວຂອງ ພວກມີເລັນນຽລ ຕໍ່
Ernst.

ມີເລັນນຽລ 86 ເປີເຊັນເວົ້າວ່າ ການເຮັດວຽກໜັກ “ແມ່ນປັດໃຈທີ່ສຳຄັນ ຍິ່ງ ຫຼື ສຳຄັນ
ຫຼາຍໃນການປະສົບຄວາມສຳເລັດໃນຊີວິດ.”

ລາຍງານໄດ້ກ່າວວ່າ “ພວກມີເລັນນຽນເຫັນຕົນເອງວ່າ ເປັນແຫຼ່ງຊັບພະ ຍາກອນທີ່
ດີທີ່ສຸດສຳລັບການພັດທະນາອາຊີບ. ຄຳຕອບ 35 ເປີເຊັນ ຂອງຜູ້ທີ່ໄດ້ຖືກສຳຫຼວດ
ເວົ້າວ່າ “ມັນຂຶ້ນຢູ່ກັບຂ້ອຍເອງ ທີ່ຈະຫາທັກສະ ຄວາມຮູ້ ແລະ ໂອກາດຕ່າງໆຢ່າງ
ຂະຫຍັນຂັນແຂງ, ໃນບ່ອນໃດກໍຕາມ ທີ່ເຂົາເຈົ້າມີໃຫ້.”

ຄົນອາຍຸ 20 ຫາ 36 ປີ ຮັບຮູ້ວ່າ ເສດຖະກິດໃນປີ 2018 ແມ່ນຄົງທີ່ ກວ່າສອງປີທີ່ຜ່ານ
ມາ, ແຕ່ລຸ້ນຄົນ ທີ່ເບິ່ງໂລກໃນແງ່ຮ້າຍຢ່າງເລິກເຊິ່ງ, ດັ່ງທີ່ບົດລາຍງານໄດ້ເອີ້ນເຂົາ
ເຈົ້ານັ້ນ, ຍັງຄົງສົງໄສຢູ່ວ່າ ຄວາມໝັ້ນຄົງຍືນຍົງຫຼືບໍ່.

ວິໄສທັດຂອງເຂົາເຈົ້າ ກ່ຽວກັບ ເສດຖະກິດ ອາເມຣິກັນ ແມ່ນຍັງຄົງມືດ ມົວ. ມີຜູ້ຕອບ
ຄຳຖາມພຽງ 9 ເປີເຊັນເທົ່ານັ້ນທີ່ຈະເອີ້ນເສດຖະກິດໃນປັດຈຸບັນວ່າ “ດີເລີດ”. ແຕ່
ຄວາມຄິດເຫັນ ແມ່ນຕ່າງກັນຢ່າງຍິ່ງ ໃນບັນດາຜູ້ທີ່ເຂົ້າຮ່ວມເປັນສະມາຊິກພັກເມືອງ.

ເຖິງແມ່ນຈະຖືກພິຈາລະນາວ່າ ເປັນພວກມັກປ່ຽນວຽກກໍຕາມ, ລາຍງານ ໄດ້ສະແດງ
ໃຫ້ເຫັນວ່າ ພວກມີເລັນນຽລແມ່ນບໍ່ມັກຄວາມສ່ຽງໃນທາງ ເລືອກອາຊີບຂອງເຂົາເຈົ້າ
ແລະ ຈະບໍ່ປ່ຽນວຽກໄວ ຄືຄົນລຸ້ນຊຸມປີ 90 ໄດ້ເຮັດ ໃນຕອນອາຍຸຊໍ່າໆກັນ, ເປັນຈຸດທີ່
ໄດ້ຮັບການໜູນຫຼັງ ໂດຍການ ຄົ້ນຄວ້າ ພີວ ເມື່ອປີກາຍນີ້.

ນັກຄົ້ນຄວ້າອາວຸໂສ ພີວ ທ່ານ ຣິເຈີດ ຟຣາຍ ໄດ້ຂຽນລົງໃນບົດຄວາມເມື່ອເດືອນ ເມ
ສາທີຜ່ານມາວ່າ “ກຳມະກອນ ມີເລັນນຽລ, ຜູ້ທີ່ມີອາຍຸ 18 ຫາ 35 ປີ ແມ່ນເບິ່ງຄືວ່າຈະ
ຕິດຢູ່ກັບຜູ້ຈ້າງງານຂອງເຂົາເຈົ້າ ຄືກັບເພື່ອນຜູ້ທີ່ມີອາຍຸ ສູງກວ່າ ໃນລຸ້ນຄົນຊຸມປີ 90
ໄດ້ເປັນ ໃນເວລາທີ່ເຂົາເຈົ້າຍັງໜຸ່ມ.”

ຄວາມເປັນຫ່ວງທີ່ໃຫຍ່ທີ່ສຸດທີ່ພວກມີເລັນນຽລໄດ້ເວົ້າເຖິງ ແມ່ນການ ອອກ​ບຳນານ.
ຜູ້ຕອບຄຳຖາມ 75 ເປີເຊັນໄດ້ເວົ້າວ່າ ເຂົາເຈົ້າເປັນຫ່ວງ “ຫຼາຍ ແລະ ໜ້ອຍນຶ່ງ” ກ່ຽວ
ກັບ ຄວາມໝັ້ນຄົງຂອງເຂົາເຈົ້າ ໃນຕອນ ທ້າຍຂອງອາຊີບຂອງເຂົາເຈົ້າ.

ຈຸດ​ຕ່ຳ​ທີ່​ສຸດ​ໃນ​ລາຍ​ການ​ຂອງ​ຄວາມ​ເປັນ​ຫ່ວງ​ແມ່ນ “ການ​ແຂ່ງຂັນ​ກັນໃນການ​ຫາ​
ວຽກໃນຕ່າງປະເທດ,” ເຊິ່ງຜູ້ຕອບຄຳຖາມພຽງ 31 ເປີເຊັນເທົ່ານັ້ນ ທີ່ໄດ້ເວົ້າວ່າ ເຂົາ
ເຈົ້າເປັນຫ່ວງກັບມັນ “ຫຼາຍ ຫຼື ໜ້ອຍນຶ່ງ.”

ລາຍ​ງານ​ນັ້ນ​ກ່າວ​ວ່າ ບູ​ລິ​ມະ​ສິດ​ເບື້ອງ​ຕົ້ນ ​ຂອງ​ພວກ​ມີ​ເລັນ​ນຽ​ລ ແມ່ນ​ຄ່າ​ຈ້າງ​ທີ່​ສະ​
ເໝີພາບ, ແຕ່ຄວາມຍືດຢຸ່ນໃນອາຊີບຂອງເຂົາເຈົ້າ ກໍສຳຄັນເຊັ່ນກັນ. ຄວາມເປັນຫ່ວງ
ກ່ຽວກັບ ຄ່າຈ່າຍທີ່ເທົ່າທຽມກັນ ແມ່ນໂດດເດັ່ນໃນບັນດາແມ່ຍິງມີເລັນນຽລ.

ພວກ​ມີ​ເລັນ​ນຽ​ລ 36 ເປີ​ເຊັນ​ຜູ້​ທີ່​ໄດ້​ລະ​ບຸ​ໂຕວ່າ ​ເປັນ​ຜູ້​ສະ​ໜັບ​ສະ​ໜູນ​ພັກ​ເດ​ໂມ​ແຄ​ຣັດ
ໄດ້ອະທິບາຍເຖິງເສດຖະກິດວ່າດີເລີດ ຫຼື ດີ.

ແຕ່​ໃນຈຳພວກ​ຜູ້​ສະ​ໜັບ​ສະ​ໜູນ​ພັກ​ຣີ​ພັບ​ບ​ລີ​ກັນ​ນັ້ນ, ທັດ​ສະ​ນະ​ຄະ​ຕິ ກ່ຽວ​ກັບ ເສດ​
ຖະກິດ ແມ່ນໄດ້ພຸ່ງຂຶ້ນຢ່າງວ່ອງໄວ ດ້ວຍການເລືອກຕັ້ງຂອງທ່ານ ດໍໂນລ ທຣຳ.” ອີງ
ຕາມລາຍງານປີ 2018. ມີເລັນນຽລ ຜູ້ທີ່ໄດ້ລະບຸຕົວວ່າ ເປັນຜູ້ສະໜັບສະໜູນພັກຣີ
ພັບບລີກັນນັ້ນ, 75 ເປີເຊັນກ່າວວ່າ ເສດຖະກິດແມ່ນດີເລີດ ຫຼື ດີ.

ໂດຍ​ທົ່ວ​ໄປ​ແລ້ວ, ພວກ​ມີ​ເລັນ​ນຽ​ລ ມີ​ແນວ​ໂນ້ມ​ທີ່​ຈະ​ມີ​ຄວາມ​ນິ​ຍົມ​ອຽງ​ໄປ​ຫາ​ພັກ​ເດ​
ໂມແຄຣັດ, ອີງຕາມສູນຄົ້ນຄວ້າ ພີວ. ໃນເດືອນມີນາ 2018, 59 ເປີເຊັນແມ່ນຜູ້ສະໜັບ
ສະໜູນພັກເດໂມແຄຣັດ ຫຼື ອຽງໄປທາງພັກເດໂມແຄຣັດ, ໃນຂະນະທີ່ 32 ເປີເຊັນ
ແມ່ນສະໜັບສະໜູນພັກຣີພັບບລີກັນ ຫຼື ອຽງຫາພັກຣີພັບບລີກັນ.

ແລະ ໃນ​ຂະ​ນະ​ທີ່ພວກ​ມີ​ເລັນ​ນຽ​ລ 77 ເປີ​ເຊັນ​ລາ​ຍ​ງານ​ວ່າ ເຂົາ​ເຈົ້າ​ພູມ​ໃຈ​ທີ່​ໄດ້​ເກີດ​
ເປັນຄົນອາເມຣິກັນ, ມີພຽງ 30 ເປີເຊັນເທົ່ານັ້ນທີ່ລາຍງານວ່າ “ມີຄວາມໝັ້ນໃຈໃນລະ
ດັບສູງ ໃນສະຖາບັນອາເມຣິກັນ.” ແລະ ພຽງ 19 ເປີເຊັນເທົ່ານັ້ນທີ່ລາຍງານວ່າສຳຄັນ
ຫຼາຍ ຫຼື ຂ້ອນຂ້າງໝັ້ນໃຈໃນ “ບໍລິສັດຂອງ ອາເມຣິກາ,” ເຊິ່ງຫຼຸດລົງນຶ່ງເປີເຊັນຈາກປີ
2016.

ມີ​ສິ່ງ​ນຶ່ງ​ທີ່​ບໍ່​ໄດ້​ປ່ຽນ​ແປ​ງ: ຂະ​ແໜງວິ​ຊາ​ມະ​ນຸ​ດສະ​ທຳ ແມ່ນ​ວິ​ຊາ​ທີ່​ມີ​ແນວ​ໂນ້ມ​ຢູ່​ໃນ​ໜີ້
ສິນກູ້ຢືມທຶນການສຶກສາ, ໃນຂະນະທີ່ຂະແໜງວິຊາທຸລະກິດ ແມ່ນວິຊາຮຽນທີ່ມີແນວ
ໂນ້ມເປັນໜີ້ສິນຕ່ຳທີ່ສຸດ, ອີງຕາມການສຶກສາຄົ້ນຄວ້າດັ່ງກ່າວ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG