ລິ້ງ ສຳຫລັບເຂົ້າຫາ

logo-print

ຫວຽດນາມ ຕັດສິນໃຈ ບໍ່ຮັບເປັນເຈົ້າພາບ ຈັດເອຊ່ຽນເກມ ໃນປີ 2019


ເກົາຫຼີໃຕ້ໄດ້ທຳການກໍ່ສ້າງສະໜາມກິລາເພື່ອຕ້ອນຮັບການເປັນເຈົ້າພາບຈັດ ເອຊ່ຽນເກມ ໃນ​ເດືອນກັນຍາ ​ແລະ ຕຸລາປີນີ້.
ເມື່ອສອງອາທິດຜ່ານມານີ້ ລັດຖະບານຫວຽດນາມ ໄດ້ເຮັດໃຫ້ ຫຼາຍໆຄົນແປກໃຈໃນການຕັດສິນໃຈບໍ່ຮັບເປັນເຈົ້າພາບຈັດ
ການແຂ່ງ ຂັນກິລາເອຊ່ຽນເກມ ໃນປີ 2019. ຢ່າງໃດກໍຕາມ
ຫຼາຍໆຄົນຢູ່ໃນປະ ເທດຫວຽດນາມ ກໍໄດ້ສະແດງຄວາມຍິນດີ ຕໍ່ການຕັດສິນໃຈດັ່ງກ່າວນີ້. Marianne Brown ມີລາຍງານ
ກ່ຽວກັບເລື່ອງນີ້ຈາກຮ່າໂນຍ ດັ່ງ ໄຊຈະເຣີນສຸກ ຈະນຳມາສະ
ເໜີທ່ານ ໃນອັນດັບຕໍ່ໄປ.

ເຖິງແມ່ນວ່າ ໄດ້ຖືກຈັດໃຫ້ຢູ່ອັນດັບທີ່ບໍ່ສູງປານໃດຄືທີ 116 ໃນ
ຕາຕະລາງ ຈັດລຽງລຳດັບຂອງສະຫະພັນເຕະບານນາໆຊາດ ຫຼື
FIFA World Ranking Table ກໍຕາມ ແຕ່ບັນດາແຟນໆ ຊາວ ຫວຽດນາມຢູ່ຕາມການແຂ່ງຂັນເຕະບານນັດໃຫຍ່ໆ ສາມາດຢືນ
ຢັນໄດ້ວ່າມີຄວາມພາກພູມໃຈຢ່າງສຸດຂີດ ຕໍ່ການສະໜັບສະໜຸນທິມຊາດຂອງຕົນໃນການ
ແຂ່ງຂັນລະດັບສາກົນ.

ກິລາເຕະບານມັກກະຕຸ້ນໃຫ້ເກີດຄວາມຫຼົງໄຫຼຫຼາຍທີ່ສຸດ ໂດຍປົກກະຕິ ແລ້ວ ຈະມີຮູບ
ສັນຍາລັກຈາກທິມດັງໆທັງຫຼາຍຄື ແມນແຈສເຕີ້ ຢູນາຍ ເຕັດ (Manchester United)
ອິນເຕີ ມີລານ (Inter Milan) ແລະ ບາເຊີໂລນ້າ (Barcelona) ຕິດເອ້ຍ້ອງຕາມລົດຈັກ
ໝວກກັນກະທົບ ແລະເຄື່ອງນຸ່ງທັງຫຼາຍ. ແຕ່ວ່າກິລາອື່ນໆ ເຊັ່ນ ຕີດອກປີກໄກ່ ແລະກິລາ
ປ້ອງກັນຕົວຕ່າງໆ ກໍເປັນທີ່ນິຍົມ ເຊັ່ນດຽວກັນ.

ນັ້ນຄືເຫດຜົນທີ່ວ່າເປັນຫຍັງລັດຖະບານຫວຽດນາມ ຈຶ່ງຕັດສິນໃຈບໍ່ຮັບ ເປັນເຈົ້າພາບຈັດ
ງານແຂ່ງຂັນກິລາ​ເອຊ່ຽນເກມປີ 2019 ຊຶ່ງໄດ້ເຮັດ ໃຫ້ຜູ້ສັງເກດການຫຼາຍໆ ຄົນແປກໃຈ
ລວມທັງສາດສະດາຈານ ທີ່ຊ່ຽວ ຊານກ່ຽວ​ກັບຫວຽດນາມ ທ່ານ Carl THAYER ຈາກ
ມະຫາວິທະຍາ ໄລລັດ New South Wales ໃນອອສເຕຣເລຍ.

ທ່ານ THAYER ເວົ້າວ່າ: “ນີ້ແມ່ນປະເທດ ທີ່ມັກເປັນຈຸດສູນກາງ ນັ້ນ ກໍຄືບ້າຄັ່ງ
ກັບກິລາທຸກປະເພດ. ມັນເຮັດໃຫ້ຂ້ອຍແປກໃຈຫຼາຍເພາະວ່າ ປົກກະຕິແລ້ວ ຫວຽດນາມ ຕ້ອງນຳໃຊ້ໂອກາດເຫຼົ່ານີ້ ເພື່ອສະແດງໃຫ້ ເຫັນຈຸດເດັ່ນຂອງຕົນ.”


ແຕ່ຢ່າງໃດກໍຕາມ ປະຕິກິລິຍາຈາກມວນຊົນໃນປະເທດ ໄດ້ຊີ້ໃຫ້ເຫັນ ວ່າ ຫຼາຍໆຄົນຮູ້
ແລ້ວວ່າມັນຕ້ອງເປັນແນວນັ້ນ.

ຢູ່ໃນຖະແຫຼງການທີ່ເປີດເຜີຍເມື່ອທ້າຍວັນພະຫັດກ່ອນນີ້ ນາຍົກລັດຖະມົນຕີ ທ່ານ
Nguyen Tan Dung ກ່າວວ່າຫວຽດນາມບໍ່ມີປະສົບປະການພຽງພໍທີ່ຈະຈັດການແຂ່ງ
ຂັນກິລາອັນໃຫຍ່ໂຕນີ້ ແລະນອກນັ້ນກໍ ຍັງກຳລັງປະເຊີນກັບບັນຫາຫຍຸ້ງຍາກທາງ
ດ້ານເສດຖະກິດສັງຄົມຢູ່.

ການຈັດການແຂ່ງຂັນກິລາລະດັບສາກົນສາມາດ “ປະກອບສ່ວນເຂົ້າໃນການພັດທະ
ນາເສດຖະກິດສັງຄົມ ສົ່ງເສີມພາບພົດຂອງປະເທດ ແລະເພີ້ມຖານະທີ່ໂດດເດັ່ນ
ໃນເວທີສາກົນນຳດ້ວຍ”
ອີງຕາມຖະແຫຼງ ດັ່ງກ່າວ. ແຕ່ຖ້າຫາກການຈັດການແຂ່ງຂັນ
ບໍ່ປະສົບຜົນສຳເລັດ “ຜົນ ກະທົບຈະຕ້ອງມີໃນທາງກົງກັນຂ້າມ.”

ຮ່າໂນຍໄດ້ຊະນະ ນະຄອນຊູຣາບາຍຢາ ຂອງອິນໂດເນເຊຍ ໃນການ ປະມູນເພື່ອເປັນ
ເຈົ້າພາບຈັດການແຂ່ງຂັນກິລາເມື່ອປີ 2012 ທີ່ຜ່ານມາ. ແຕ່ຫາກວ່າການຄາດຄະເນກ່ຽວ
ກັບຄ່າໃຊ້ຈ່າຍ ໄດ້ຖືກປະຊາຊົນ ຕຳໜິຕິຕຽນ ທ່າມກາງຄວາມກັງວົນ ໃນລະດັບການ
ຂະຫຍາຍຕົວຂອງ ເສດຖະກິດພາຍໃນປະເທດ ຊຶ່ງຢູ່ໃນລະດັບ 5 ເປີເຊັນຕໍ່ປີໂດຍໄດ້ຮັບ
ຜົນກະທົບຈາກການບໍລິຫານງານ ທີ່ບໍ່ມີປະສິດທິພາບຂອງບໍລິສັດລັດວິສາຫະກິດທັງຫຼາຍ
ແລະລະບົບທະນາຄານທີ່ປັ່ນປ່ວນ.

ຄ່າໃຊ້ຈ່າຍທັງໝົດຂອງການຈັດການແຂ່ງຂັນໄດ້ຄາດຄະເນ ປະມານ 150 ລ້ານໂດລາ
ອີງຕາມການລາຍງານຈາກສື່ຂ່າວໃນທ້ອງຖິ່ນຕ່າງໆ. ​ແຕ່​ວ່າ​ມີ​ບາງ​ພາກ​ສ່ວນໄດ້​ຕີລາຄາ​
ສູງ​ກວ່າ​ນັ້ນອີກຫຼາຍ​ເທົ້າ.

ການຍົກເລີກທີ່ວ່ານີ້ໄດ້ພາໃຫ້ບາງພາກສ່ວນສັນນິດຖານວ່າຫວຽດນາມໄດ້ລະມັດລະວັງ
ກ່ຽວກັບການໂຄສະນາບໍ່ດີທີ່ຕາມມາຫລັງຈາກຣັດເຊຍ ເປັນເຈົ້າພາບຈັດການແຂ່ງຂັນ
ກິລາໂອລິປິກລະດູໜາວ ຢູ່ເມືອງໂຊຈີ້ ທີ່ຜ່ານມາ.

ທ່ານ THAYER ກ່າວວ່າ ທ່ານບໍ່ຄິດເລີຍວ່າ ມັນເປັນຄືແນວນັ້ນ.

ທ່ານ THAYER ເວົ້າຕື່ມວ່າ:“ແມ່ນໃຜ ນອກເໜືອໄປຈາກຜູ້ຄົນໃນຈຳນວນພຽງບໍ່
ເທົ່າໃດ ຈະເປັນຫ່ວງ ກ່ຽວກັບຄ່າໃຊ້ຈ່າຍ?ລາງລົດໄຟຄວາມໄວສູງນັ້ນແມ່ນຄ່າ
ໃຊ້ຈ່າຍທີ່ ນາຍົກລັດຖະມົນຕີສູນເສຍ. ແຕ່​ກິລາເອຊ່ຽນເກມແລ້ວ ມັນເປັນພຽງ
ການຈັດການ​ສະແດງສຳລັບມວນຊົນ.”


ທ່ານ Hoang Quoc Vinh ຜູ້ອຳ​ນວຍ​ການ​ຂອງ ພະແນກ​ການ​ຮ່ວມ​ມື​ສາກົນທີ່ກົມກິລາ
​ຫວຽດນາມ ກ່າວ​ທາງອີ​ແມວ​ຕໍ່ວີ​ໂອ​ເອວ່າ ລັດຖະບານ ຫວຽດນາມ ​ໄດ້​ລົງ​ທຶນ​ເຂົ້າ​ໃນດ້ານ
​ນີ້​ຢ່າງຫຼວງຫຼາຍ ​ໂດຍ​ພິ​ເສດ​ແລ້ວ​ໃນ​ການ​ຊຸກຍູ້​ໃຫ້​ເຍົາວະ​ຊົນ​ທີ່​ມີ​ຄວາມສາມາດ.

ທ່ານ​ກ່າວ​ວ່າ ມັນ​ເປັນ​ທີ່​ “ໜ້າ​ເສຍດາຍ” ທີ່ຫວຽດນາມ ບໍ່​ໄດ້​ຈັດກິລາ ​ເອຊ່ຽນ​ເກ​ມ ແລະ​
ພັນ​ລະ​ນາກ່ຽວກັບ​ຄວາມ​ຮູ້ສຶກ​ຄືດັ່ງ​ນີ້ “​ໃນ​ເວລາ​ໝາກ​ບານ​ກຳລັງ​ຊິ​ເຂົ້າ​ໄປ​ໃນ​ຕາ​ໜ່າງປະຕູ ​ແຕ່​ມັນ​ປ່ຽນ​ທິດ​ທາງ​ໂດຍ​ກະທັນຫັນ ​ແລ້ວ​ສຸດ​ທ້າ​ຍ ມັນ​ຕົກລົງ​ນອກ
ຕາ​ໜ່າງ.”


ເຖິງ​ຢ່າງ​ໃດ​ກໍຕາມ ທ່ານ​ກ່າ​ວວ່າ ຄວາມ​ໝັ້ນ​ໃຈ ​ແລະ​ຄວາມ​ຫິວ​ໂຫຍ​ສຳລັບຍາດແຍ່ງ
ເອົາແຊ້ມປ້ຽນ ຍັງ​ຢູ່​ໃນ​ຈິດ​ໃຈ ​ຂອງ​ນັກ​ກິລາສະ​ເໝີ ທ່ານເວົ້າຕື່ມ​ວ່າ: “ຂ້າພະ​ເຈົ້າເຊື່ອ
ໝັ້ນວ່າ ນັກ​ກິລາ​ຫວຽດນາມ ຈະ​ມີ​ໂອ​ກາດ​ຢ່າງຫຼວງຫຼາຍ ທີ່​ຈະ​ໄດ້ຮັບໄຊຊະນະ ​
ໃນ​ອະນາ​ຄົດ.”


ຂ່າວ​ດັ່ງກ່າວນີ້ ໂດຍ​ທົ່ວ​ໄປແລ້ວ ແມ່ນໄດ້​ຖືກຕ້ອນຮັບ​ເປັນ​ຢ່າງ​ດີ​ຢູ່​ພາຍ​ໃນຫວຽດນາມ.
ນັກ​ເສດຖະສາດທ່ານ Nguyen Quang A ກ່າວ​ວ່າ ທ່ານ​ສະໜັບສະໜຸນ​ກາ​ນຕັດ​ສິນ ໂດຍກ່າວຕື່ມວ່າ ມັນ​ເປັນ​ການ​ຕັດສິນ​ໃຈທີ່ “ກ້າຫານຊານໄຊ”.

ທ່ານ​ກ່າວ​ວ່າ​ ລັດຖະບານ​ຍອມຮັບ​ວ່າ ການ​ຕັດສິນໃຈ​ທີ່ຈະຮັບ​ເປັນ​ເຈົ້າພາບ​ຈັດ​ງານ ​ເປັນ​ກາ​ນຕັດສິນ​ທີ່​ວ່ອງ​ໄວ​ເກີນ​ໄປ. ​ໃ​ນຂະນະ​ທີ່​ປະ​ເທດ​ຈະ​ມີຄວາມ​ສ່ຽ​ງຕໍ່​ການ​ເສຍ​ພາບ​ພົ​ດ​ໃນ​ເວລານີ້​ ແຕ່​ຫາກ​ວ່າ​ ສະ ຖານະ​ການມັນອາດ​ເສຍ​ຫາຍຫຼາຍ​ເທົ່າຖ້າ​ຫາກ​ວ່າໄດ້​ດຳ​ເນີ​ນຈັດການ​ແຂ່ງຂັນ​ຂຶ້ນ.

ສື່ມວນ​ຊົນຫວຽດນາມມີຄວາມເຫັນໄປໃນທາງບວກ ກ່ຽວກັບການ​ຕັດສິນ​ດັ່ງກ່າວ. ໜັງສືພິມ Tuoi Tre ຂຽນ​ວ່າ: “ຊາວ​ຫວຽດນາມ​ສ່ວນຫຼາຍ ​ໄດ້​ຍ້ອງຍໍຕໍ່​ການຕັດສິນ​ໃຈຂອງ
ນາຍົກລັດຖະມົນຕີ ທ່ານ ຫງວຽນ ຖານ ດຶງ ທີ່​ຂໍຍົກເລີກຈາກ​ການ​ເປັນເຈົ້າພາບ​
ຈັດການແຂ່ງຂັນກິລາ​ເອຊ່ຽນ​ເກ​ມ ຂອງຮາໂນ່ຍ ໃນປີ 2019.”


ກ່ອນ​ໜ້າ ​ທີ່​ຈະ​ມີການປະກາດກ່ຽວກັບການຕັດ​ສິນໃຈດັ່ງກ່າວ ໜັງສື ພິມສະບັບນີ້ ​ໄດ້​ທຳ​ການ​ສຳຫຼວດວ່າ ​ຫວຽດນາມ​ຄວນ​ຈັດການແຂ່ງ ຂັນຫຼືບໍ່. ຫຼາຍກວ່າ 13,600 ຄົນ​ຂອງ​ຜູ້​ຕອບ​ຄຳຖາມ ຄື 84 ​ເປີ​ເຊັນ ບໍ່​ເຫັນ​ດີ​ເຫັນພ້ອມກັບການຈັດການແຂ່ງຂັນນີ້.

ລາຍ​ງານ ທີ່ອ້າງ​ຄຳ​ເວົ້າຂອງ​ເຈົ້າໜ້າທີ່ ໃນ​ສະພາ​ໂອລິ​ມປິກເອເຊຍ ກ່າວ​ວ່າ ການຕັດສິນ​
ໃຈກ່ຽວກັບວ່າ ​ໃຜ​ຄວນຈະເປັນເຈົ້າພາບ​ຈັດການ​ແຂ່ງຂັນ​ແທນ​ຫວຽນ​ວຽດນາມ ໃນ​ປີ
2019 ນັ້ນ ຈະມີຂຶ້ນ​ໃນລະຫວ່າງ ການແຂ່ງຂັນເອຊ່ຽນເກ​ມຄັ້ງຕໍ່​ໄປ ທີ່​ນະຄອນ Incheon
ຂອງ​ເກົາຫຼີ​ໃຕ້ ​ໃນ​ເດືອນກັນຍາ ​ແລະຕຸລາປີນີ້.

ສອງ​ປະ​ເທດ ທີ່​ເຄີຍໄດ້ຖອນ​ໂຕ ​ຈາກ​ການເປັນເຈົ້າພາບ​ຈັດການ​ແຂ່ງ​ຂັນກິລາດັ່ງກ່າວ
​ຄືເກົາຫຼີ​ໃຕ້ ​ໃນ​ປີ 1970 ​ແລະ ປາ​ກິ​ສຖານ ​ໃນ​ປີ 1978.

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG