ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ເກົາຫຼີ​ໃຕ້ ຈະ​ສົ່ງ​ອາ​ວຸດ​ເລ​ເຊີ StarWars ເພື່ອ​ແນ​ເປົ້າ​ໃສ່​ໂດ​ຣນ​ຂອງ ເກົາຫຼີ​ເໜືອ


ລົດ​ບັນ​ທຸກ​ຂົນ​ສິ່ງ​ທີ່​ເບິ່ງ​ຄື​ວ່າ​ເປັນ​ໂດ​ຣນ​ຂອງ ເກົາຫຼີ​ເໜືອ ໃນ​ພິ​ທີ​ເດີນ​ສວນ​ສະ​ໜາມ.
ລົດ​ບັນ​ທຸກ​ຂົນ​ສິ່ງ​ທີ່​ເບິ່ງ​ຄື​ວ່າ​ເປັນ​ໂດ​ຣນ​ຂອງ ເກົາຫຼີ​ເໜືອ ໃນ​ພິ​ທີ​ເດີນ​ສວນ​ສະ​ໜາມ.

ເກົາຫຼີ​ໃຕ້ ຈະ​ສົ່ງ​ອາ​ວຸດ​ເລ​ເຊີ​ເພື່ອ​ບິນ​ຂຶ້ນ​ໄປ​ຍິງ​ໂດ​ຣ​ນ​ຂອງ​ ເກົາຫຼີ​ເໜືອ ຕົກ​ໃນ​ປີນີ້, ໂດຍ​ກາຍ​ເປັນ​ປະ​ເທດ​ທຳ​ອິດ​ຂອງ​ໂລກ​ທີ່​ຈະ​ສົ່ງ ແລະ ປະ​ຕິ​ບັດ​ໃຊ້​ອາ​ວຸດ​ດັ່ງ​ກ່າວ​ໃນ​ກອງ​ທັບ, ອີງ​ຕາມ​ການ​ກ່າວ​ໂດຍ​ອົງ​ການ​ຈັດ​ຊື້​ອາ​ວຸດ​ຂອງ​ປະ​ເທດ​ໃນ​ວັນ​ພະ​ຫັດ​ມື້ນີ້.

ເກົາຫຼີ​ໃຕ້ ໄດ້​ເອີ້ນ​ໂຄງ​ການ​ເລ​ເຊີ​ຂ​ອງ​ເຂົາ​ເຈົ້າ​ວ່າ “ໂຄງ​ການ StarWars.”

ອາ​ວຸດ​ເລ​ເຊີ​ຍິງ​ໂດ​ຣນ ທີ່ກອງ​ທັບ ເກົາຫຼີ​ໃຕ້ ໄດ້​ພັດ​ທະ​ນາ​ຂຶ້ນ​ກັບ​ອົງ​ການອະ​ວະ​ກາດ ຮານ​ວາ (Hanwha Aerospace) ແມ່ນ​ມີ​ປະ​ສິດ​ທິ​ຜົນ ແລະ ລາ​ຄາ​ຖືກ, ດ້ວຍ​ການ​ຍິງ​ແຕ່​ລະ​ຄັ້ງ​ຈະ​ມີ​ຄ່າ​ໃຊ້​ຈ່າຍ 1 ໂດ​ລາ 45 ເຊັນ, ແຕ່​ມັນ​ຈະ​ງຽບ ແລະ ແນມບໍ່​ເຫັນ, ອົງ​ການ​ບໍ​ລິ​ຫານ​ໂຄງ​ການ​ຈັດ​ຊື້​ອຸ​ປະ​ກອນ​ປ້ອງ​ກັນ​ປະ​ເທດ​ ຫຼື DAPA ໄດ້​ກ່າວ​ໃນ​ຖະ​ແຫຼງ​ການ​ສະ​ບັບ​ນຶ່ງ.

DAPA ໄດ້​ກ່າວ​ວ່າ “ປະ​ເທດ​ຂອງ​ພວກ​ເຮົາ​ໄດ້​ກາຍ​ເປັນ​ປະ​ເທດ​ທຳ​ອິດ​ຢູ່​ໃນ​ໂລກ ທີ່​ໄດ້​ສົ່ງ ແລະ ປະ​ຕິ​ບັດ​ໃຊ້​ອາ​ວຸດ​ເລ​ເຊີ, ແລະ ຄວາມ​ສາ​ມາດ​ໃນ​ການ​ຕອບ​ໂຕ້​ຂອງກອງ​ທັບ​ພວກ​ເຮົາ​ຕໍ່​ການ​ຍຸ​ແຍ່​ດ້ວຍ​ໂດ​ຣນ​ຂອງ ເກົາຫຼີ​ເໜືອ ແມ່ນ​ຈະ​ມີ​ຄວາມ​ແຂງ​ແກ່ນ​ຂຶ້ນກວ່າ​ເກົ່າ​ອີກ,” ໂດຍ​ໄດ້​ເອີ້ນ​ອາ​ວຸດ​ທີ່​ວ່າ​ນັ້ນ​ວ່າ ການ​ປ່ຽນ​ແປງ​ໃໝ່​ໃນ​ສະ​ໜາມ​ລົບ​ໃນ​ອະ​ນາ​ຄົດ.

ອາ​ວຸດ​ເລ​ເຊີ​ຈະ​ຍິງ​ໂດ​ຣນ​ທີ່​ບິນ​ຢູ່​ດ້ວຍ​ການ​ຈູດ​ເຄື່ອງ​ຈັກ ຫຼື ອຸ​ປະ​ກອນ​ອີ​ເລັກ​ໂທ​ນິກ​ອື່ນໆ​ຢູ່​ໃນ​ໂດ​ຣ​ນ ດ້ວຍ​ລຳ​ແສງ​ເປັນ​ເວ​ລາ 10 ຫາ 20 ວິ​ນາ​ທີ, ໂຄ​ສົກ​ຄົນ​ນຶ່ງຂອງ DAPA ໄດ້​ອະ​ທິ​ບາຍ​ໃນ​ກອງ​ປະ​ຊຸມ​ລາຍ​ງານ.

ໂດ​ຣນ​ຂອງ ເກົາຫຼີ​ເໜືອ ຫ້າ​ລຳ​ໄດ້​ບິນ​ຂ້າມ​ເຂົ້າ​ໄປ​ໃນ ເກົາຫຼີ​ໃຕ້ ໃນ​ເດືອນ​ທັນ​ວາ​ທີ່​ຜ່ານ​ມາ, ເຊິ່ງ​ຕາມ​ເຕັກ​ນິກ​ແລ້ວ​ແມ່ນ​ຍັງ​ຢູ່​ໃນ​ການ​ເຮັດ​ສົງ​ຄາມ​ກັບ ພຽງ​ຢາງ ຢູ່, ຈົນ​ກໍ່​ໃຫ້​ລັດ​ຖະ​ບານ ໂຊ​ລ໌ ຕ້ອງ​ຟ້າວ​ສົ່ງ​ເຮື​ອ​ບິ​ນ​ລົບ​ ແລະ ເຮ​ລິ​ຄັອບ​ເຕີ​ໂຈມ​ຕີ​ຂຶ້ນ​ໄປ, ແລະ ພະ​ຍາ​ຍາມ​ຍິງ​ມັນ​ຕົກ, ໃນ​ການ​ບຸກ​ລຸກ​ຄັ້ງ​ທຳ​ອິດ​ນັບ​ຕັ້ງ​ແຕ່​ປີ 2017 ເປັນ​ຕົ້ນ​ມາ.

ອ່ານ​ຂ່າວນີ້​ເປັນ​ພາ​ສາ​ອັງ​ກິດ

South Korea will deploy laser weapons to shoot down North Korean drones this year, becoming the world's first country to deploy and operate such weapons in the military, the country's arms procurement agency said on Thursday.

South Korea has called its laser programme the "StarWars project".

The drone-zapping laser weapons the South Korean military has developed with Hanwha Aerospace are effective and cheap, with 2,000 won ($1.45) per shot, but quiet and invisible, the Defense Acquisition Program Administration (DAPA) said in a statement.

"Our country is becoming the first country in the world to deploy and operate laser weapons, and our military's response capabilities on North Korea's drone provocation will be further strengthened," DAPA said, calling those weapons as a game changer in the future battlefield.

The laser weapons shoot down flying drones by burning down engines or other electric equipment in drones with beams of light for 10 to 20 seconds, a DAPA spokesperson explained at a briefing.

Five North Korean drones crossed into South Korea, which is technically still at war with Pyongyang, in December, prompting Seoul to scramble fighter jets and attack helicopters, and try to shoot them down, in the first such intrusion since 2017.

ຟໍຣັມສະແດງຄວາມຄິດເຫັນ

XS
SM
MD
LG