ເກົາຫຼີໃຕ້ໄດ້ປະກາດ ການບັນລຸຂໍ້ຕົກລົງສະບັບນຶ່ງກັບສະຫະລັດ ກ່ຽວກັບ ການຂະຫຍາຍວົງລັດສະໝີຂອງລະບົບລູກສອນໄຟຂີປະນາວຸດ ອອກໄປ ເປັນເກືອບສາມເທົ່າ ເພື່ອໃຫ້ຍິງໄປເຖິງທົ່ວທຸກເຂດຂອງເກົາຫຼີເໜືອ.
ບັນດາເຈົ້າໜ້າທີ່ ໃນນະຄອນຫລວງໂຊລ ບອກນັກຂ່າວເມື່ອວັນອາທິດມື້ນີ້ວ່າ ຂໍ້ຕົກລົງກັນສະບັບໃໝ່ດັ່ງກ່າວ ເຮັດໃຫ້ເກົາຫຼີໃຕ້ສາມາດຂະຫຍາຍວົງລັດສະໝີຂອງລູກສອນໄຟຂີປະນາວຸດ ຈາກໄລຍະບິນໄກທີ່ສຸດ 300 ກິໂລແມັດໃນປັດຈຸບັນ ໄປເປັນ 800 ກິໂລແມັດ. ຂໍ້ຕົກລົງຕາມສັນຍາປີ 2001 ກັບສະຫະລັດນັ້ນ ກໍານົດໃຫ້ເກົາຫລີໃຕ້ຍິງໄດ້ໄກພຽງແຕ່ 300 ກິໂລແມັດເທົ່ານັ້ນ.
ວໍຊິງຕັນຍັງບໍ່ໄດ້ໃຫ້ຄວາມຄິດເຫັນໃດໆ ຕໍ່ການປະກາດຂອງກຸງໂຊລໃນ ວັນອາທິດມື້ນີ້.
ທ່ານ Chun Young-woo ເຈົ້າໜ້າທີ່ອາວຸໂສປະຈໍາຫ້ອງການປະທານາ ທິບໍດີເກົາຫຼີໃຕ້ ບອກບັນດານັກຂ່າວວ່າ ເປົ້າໝາຍສໍາຄັນທີ່ສຸດສໍາລັບເກົາ ຫຼີໃຕ້ ໃນການດັດແກ້ຫລັກຊີ້ນໍາກ່ຽວກັບລູກສອນໄຟຂີປະນາວຸດນັ້ນ ກໍແມ່ນເພື່ອຂັດຂວາງການເກາະຜິດຄິດຮ້າຍທາງທະຫານຂອງເກົາຫຼີເໜືອ.
ການປະກາດຂອງເກົາຫຼີໃຕ້ຄັ້ງນີ້ ແນ່ນອນວ່າ ຈະພາໃຫ້ມີການຕອບໂຕ້ດ້ວຍຄວາມໂກດແຄ້ນ ມາຈາກເກົາຫຼີເໜືອ ທີ່ມີລູກສອນໄຟຂີປະນາວຸດທີ່ມີສະມັດຖະພາບຍິງໄປເຖິງທົ່ວເກົາຫຼີໃຕ້ ແລະປະເທດໃກ້ຄຽງອື່ນໆໃນຂົງເຂດນັ້ນໄດ້.
ພຽງຢາງໄດ້ກ່າວວ່າ ຕົນກໍາລັງສ້າງຈະຫຼວດລູກນຶ່ງເພື່ອສົ່ງດາວທຽມໄປໂຄຈອນໃນອະວະກາດ. ແຕ່ແນວໃດກໍດີ ກຸງໂຊລແລະສະຫະລັດເວົ້າວ່າ ໂຄງການດາວທຽມຂອງເກົາຫຼີເໜືອນັ້ນ ເປັນແຜນການປອມແປງ ເພື່ອພັດທະນາລູກສອນໄຟຂີປະນາວຸດໄລຍະໄກ ທີ່ຖືກຫ້າມໂດຍມະຕິອົງການສະຫະປະຊາຊາດນັ້ນ ຫຼາຍກວ່າ.
ບັນດາເຈົ້າໜ້າທີ່ ໃນນະຄອນຫລວງໂຊລ ບອກນັກຂ່າວເມື່ອວັນອາທິດມື້ນີ້ວ່າ ຂໍ້ຕົກລົງກັນສະບັບໃໝ່ດັ່ງກ່າວ ເຮັດໃຫ້ເກົາຫຼີໃຕ້ສາມາດຂະຫຍາຍວົງລັດສະໝີຂອງລູກສອນໄຟຂີປະນາວຸດ ຈາກໄລຍະບິນໄກທີ່ສຸດ 300 ກິໂລແມັດໃນປັດຈຸບັນ ໄປເປັນ 800 ກິໂລແມັດ. ຂໍ້ຕົກລົງຕາມສັນຍາປີ 2001 ກັບສະຫະລັດນັ້ນ ກໍານົດໃຫ້ເກົາຫລີໃຕ້ຍິງໄດ້ໄກພຽງແຕ່ 300 ກິໂລແມັດເທົ່ານັ້ນ.
ວໍຊິງຕັນຍັງບໍ່ໄດ້ໃຫ້ຄວາມຄິດເຫັນໃດໆ ຕໍ່ການປະກາດຂອງກຸງໂຊລໃນ ວັນອາທິດມື້ນີ້.
ທ່ານ Chun Young-woo ເຈົ້າໜ້າທີ່ອາວຸໂສປະຈໍາຫ້ອງການປະທານາ ທິບໍດີເກົາຫຼີໃຕ້ ບອກບັນດານັກຂ່າວວ່າ ເປົ້າໝາຍສໍາຄັນທີ່ສຸດສໍາລັບເກົາ ຫຼີໃຕ້ ໃນການດັດແກ້ຫລັກຊີ້ນໍາກ່ຽວກັບລູກສອນໄຟຂີປະນາວຸດນັ້ນ ກໍແມ່ນເພື່ອຂັດຂວາງການເກາະຜິດຄິດຮ້າຍທາງທະຫານຂອງເກົາຫຼີເໜືອ.
ການປະກາດຂອງເກົາຫຼີໃຕ້ຄັ້ງນີ້ ແນ່ນອນວ່າ ຈະພາໃຫ້ມີການຕອບໂຕ້ດ້ວຍຄວາມໂກດແຄ້ນ ມາຈາກເກົາຫຼີເໜືອ ທີ່ມີລູກສອນໄຟຂີປະນາວຸດທີ່ມີສະມັດຖະພາບຍິງໄປເຖິງທົ່ວເກົາຫຼີໃຕ້ ແລະປະເທດໃກ້ຄຽງອື່ນໆໃນຂົງເຂດນັ້ນໄດ້.
ພຽງຢາງໄດ້ກ່າວວ່າ ຕົນກໍາລັງສ້າງຈະຫຼວດລູກນຶ່ງເພື່ອສົ່ງດາວທຽມໄປໂຄຈອນໃນອະວະກາດ. ແຕ່ແນວໃດກໍດີ ກຸງໂຊລແລະສະຫະລັດເວົ້າວ່າ ໂຄງການດາວທຽມຂອງເກົາຫຼີເໜືອນັ້ນ ເປັນແຜນການປອມແປງ ເພື່ອພັດທະນາລູກສອນໄຟຂີປະນາວຸດໄລຍະໄກ ທີ່ຖືກຫ້າມໂດຍມະຕິອົງການສະຫະປະຊາຊາດນັ້ນ ຫຼາຍກວ່າ.
