ໃນຂະນະທີ່ບັນດາປະເທດຢູໂຣບດິ້ນລົນປະເຊີນໜ້າກັບຄົນເຂົ້າເມືອງຫລາຍລ້ານຄົນ ຜູ້ທີ່ໄດ້ລົບໜີຈາກຄວາມຮຸນແຮງຢູ່ຕາເວັນອອກກາງ ມີຈຳນວນນ້ອຍໆຂອງຊາວຊີເຣຍ ທີ່ຊອກຫາການລີ້ໄພຢູ່ໃນເກົາຫລີໃຕ້.
ແຕ່ວ່າມີໜ້ອຍນຶ່ງທີ່ຖືກຮັບຮູ້ຢ່າງເປັນທາງການວ່າເປັນອົບພະຍົບ. ສ່ວນໃຫຍ່ໄດ້ຮັບອັນທີ່ຮ້ອງວ່າ ວີຊາດ້ານມະນຸດສະທໍາ ທີ່ອະນຸຍາດໃຫ້ເຂົາເຈົ້າຢູ່ໃນປະເທດ ປາດສະຈາກການຊ່ວເຫລືອດ້ານການເງິນ ເຮືອນພັກເຊົາ ຫລືການປິ່ນປົວ.
ຈຳນວນໂຕເລກຂອງລັດຖະບານສະແດງໃຫ້ເຫັນວ່າ ນັບແຕ່ປີ 1994 ມີຊາວຊີເຣຍ 1,144 ຄົນໄດ້ຂໍຮ້ອງລີ້ໄພຢູ່ເກົາຫລີໃຕ້ ແຕ່ວ່າຖານະການເປັນອົບພະບຍົບໄດ້ໃຫ້ພຽງແຕ່ສາມຄົນ.
ນຶ່ງໃນຈຳນວນຄຳຮ້ອງຂອງບັນດາຊາວຊີເຣຍທີ່ໄດ້ຖືກປະຕິເສດໄດ້ແກ່ ຊາວຊີເຣຍອາຍຸ 22 ປິ ທ້າວ Ahmed Lababidi ຜູທີ່ຢູ່ເກາະ Jesu ຂີ່ເຮືອບິນນຶ່ງຊົວໂມງໄປທາງພາກໃຕ້ຂອງນະຄອນໂຊລ. ລາວ ແລະນ້ອງຊາຍຂອງລາວ ໄດ້ຫລົບໜີບ້ານເຮືອນເຂົາເຈົ້າທີ່ເມືອງ Aleppo ໃນປີ 2012 ແລະຕໍ່ມາໄດ້ມາຮອດເກົາຫລີໃຕ້ໂດຍວີຊາທຸລະກິດຊົວຄາວ.
ແຕ່ເວລາທ້າວ Lababidi ໄດ້ຍືນຄຳຮ້ອງຂໍລີ້ໄພຢູ່ຫ້ອງການຕຳຫລວດທ້ອງຖິ່ນ ລາວກ່າວວ່າ ລາວໄດ້ຖືກບອກໃຫ້ວ່າ ໜີຈາກສົງຄາມ ບໍ່ມີເຫດຜົນພຽງພໍຕໍ່ການມີຖານະເປັນອົບພະຍົບຢູ່ໃນເກົາຫລີໃຕ້.
