ພັກຂອງລັດຖະບານຮົງ​ກົງ ​ໄດ້ຮັບໄຊຊະນະ ໃນການເລືອກຕັ້ງ ສະພາ

ລັດຖະບານຮົງ​ກົງ ທີ່​ສະ​ໜັນ​ສະ​ໜຸນປັກ​ກິ່ງ ​ໄດ້​ໂຜ່ໂຕຂື້ນ​ມາ ​
ເປັນ​ຜູ້ໄດ້​ຮັບ​ໄຊຊະ​ນະ ຢູ່ໃນການເລືອກ​ຕັ້ງສະພານິຕິບັນຍັດ ​
ແຕ່​ວ່າຝ່າຍ​ຄູ່ແຂ່ງທີ່​ສະ​ໜັບສະໜຸນປະຊາທິປະ​ໄຕ ກໍສາມາດ
ຮັກສາອໍານາດຢັບຢັ້ງ​ຂອງ​ເຂົາ​ເຈົ້າ​ໄວ້​ໄດ້ ​ເພື່ອ​ຈະ​ໃຊ້​ສິດ​ດັ່ງ
ກ່າວ ກັບນະ​ໂຍບາຍ​ໃນ​ອານາ​ຄົດ ຮວ​ມ​ທັງການ​ປະຕິ​ຮູບ​ພາຍ
​ໃນ​ຕ່າງໆ.

ບັນດາ​ນັກວິ​ເຄາະ​ ​ໄດ້ຄາດ​ຄະະ​ເນ​ໄວ້​ວ່າ ຝ່າຍທີ່ສະໜັບ
ສະໜຸນປະຊາທິປະ​ໄຕ ​ຈະ​ໄດ້​ຮັບ​ຄະ​ແນນ​ສຽງ​ຫລາຍ​ກ່ວາ​
ນັ້ນ ຫລັງ​ຈາກ​ທີ່​ໄດ້​ນໍາພາການປະ​ທ້ວງຢ່າງ​ໃຫຍ່​ຫລາຍບັ້ນ
​ຕິດ​ຕໍ່​ກັນ ຕ້ານ​ລັດຖະບານ​ຂອງທ່ານ Leung Chun-ying.

ການ​ປະ​ທ້ວງ​ໄດ້ກໍ່​ໂຕ​ຂຶ້ນ​ມາ​ຈາກ​ຄວາມ​ບໍ່ພໍ​ໃຈ​ຂອງ​ມະຫາຊົນ ກ່ຽວ​ກັບ​ວິທີ​ການ ທີ່ທ່ານ Leung ຈັດການ​ກັບ​ຫລາຍໆ​ບັນຫາ ​ໂດຍ​ສະ​ເພາະ ຂໍ້​ສະ​ເໜີ​ຂອງ​ລັດຖະບານ ​ໃຫ້​ບັງຄັບ​ໃຫ້ໂຮງຮຽນ ສອນວິຊາຮັກ​ຊາດ​ຈີນ​ຢູ່​ໃນ​ຫ້ອງ​ຮຽນ​ນັ້ນ. ທ່ານ Leung ​ໄດ້​ລົບ​ລ້າງ​ແຜນ​ດັ່ງກ່າວ​ໃນມື້​ວັນ​ເສົາ ນຶ່ງ​ມື້ກ່ອນ​ການ​ເລືອກ​ຕັ້ງ ​ໃນ​ວັນ​ອາທິດ​ວານ​ນີ້.

ຫລາຍໆ​ຄົນ​ມີ​ຄວາມ​ຢ້ານ​ກົວ​ວ່າ ຂໍ້ສະ​ເໜີດັ່ງກ່າວ​ຂອງ​ໂຮງຮຽນ ​ແມ່ນແຜນການຂອງພວກ
ເຈົ້າ​ໜ້າ​ທີ່ປັກ​ກິ່ງ ທີ່​ຈະລ້າງ​ສະໝອງ​ແລະ​ປູກ​ຝັງ​ແນວ​ຄິດໃສ່​ຫົວຊາ​ວໜຸ່ມ ​ໃຫ້​ສະໜັບສະໜຸນ​ພັກ​ຄອມ​ມິ​ວນິສຈີນໂດ​ຍ​ບໍ່​ໃຫ້​ມີ​ຄໍາ​ຖາມໃດໆ​.