ລິ້ງ ສຳຫລັບເຂົ້າຫາ

logo-print

ສະ​ມາ​ຊິກ ສະ​ພາ​ສູງ ທີ່​ສຳ​ຄັນ ​ສະ​ໜັບ​ສະໜຸນ ການ​ແຕ່ງ​ຕັ້ງ ທ່ານ​ຄາ​ແວ​ນໍ


ພວກ​ປະ​ທ້ວງ ໄປ​ໂຮມ​ກັນ ຢູ່​ຕໍ່​ໜ້າ​ຫ້ອງ​ການ ສະ​ມາ​ຊິກ​ ສະ​ພາ​ສູງ ໂຈ ແມນ​ຊິນ (ຈາກ​ລັດ​ເວ​ສ​ທ໌ເວີ​ຈີ​ເນຍ) ຫຼັງ​ຈາກ​ ມີ​ການ​ລົງ​ຄະ​ແນນ​ສຽງ ເພື່ອ​ສົ່ງ​ການ​ແຕ່ງ​ຕັ້ງ ທ່ານ​ຄາ​ແວ​ນໍ ໄປ​ໃຫ້​ສະ​ພາ​ສູງ ຄົບ​ຄະ​ນະ. (ວັນ​ທີ 5 ຕຸ​ລາ 2018)

ສະ​ມາ​ຊິກ​ສະ​ພາ​ສູງ​ທີ່​ສຳ​ຄັນ 2 ທ່ານ ຄື​ທ່ານ​ນາງຊູ​ແຊນ ຄອ​ລ​ລິນ​ສ໌ (Susan Collins)
ແລະ ທ່ານໂຈ ແມນຊິນ (Joe Manchin) ​ກ່າ​ວ​ວ່າ ພວກ​ທ່ານ​ຈະລົງ​ຄະ​ແນນ​ສຽງ ເພື່ອ​
ຮັບ​ຮອງ​ເອົາ​ການ​ແຕ່ງ​ຕັ້ງໃຫ້​ທ່ານ​ແບ​ຣັດ ຄາ​ແວ​ນໍ ​ເປັນຜູ້​ພິ​ພາກ​ສາ​ສານ​ສູງ​ສຸດ​ຂອງ​ສະ
​ຫະ​ລັດ.

ໃນ​ການ​ກ່າວ​ຄຳ​ປາ​ໄສ ​ຕໍ່​ສະ​ພາ​ສູງນັ້ນ ທ່ານ​ນາງຄອ​ລ​ລິນ​ສ໌ ທີ່​ສັງ​ກັດ ພັກ​ຣີພັບ​ບ​ລີ​ກັນ
ໄດ້ກ່າວອ້າງເຖິງ​ການ​ມີ​ຫຼັກ​ຖານ​ບໍ່​ພຽງ​ພໍໃນ​ການ​ກ່າວ​ຫາ​ຕໍ່ທ່ານ​ຄາ​ແວ​ນໍແລະ​ທ່ານ​ນາງ ​
ກ່າວ​ຕື່ມ​ວ່າ ການ​ຕັດ​ສິນ​ໃຈ​ ຂອງ​ທ່ານ​ນາງ ​ບໍ່​ຄວນທີ່​ຈະ​ເຂົ້າ​ໃຈ​ວ່າ ເປັນ​ການ​ປະ​ຕິ​ເສດ
​ເຖິງ​ຄວາມ​ສຳ​ຄັນ ​ໃນ​ການ​ກ່າວ​ຫາ​ກ່ຽວ​ກັບການ​ລວນ​ລາມ​ທາງ​ເພດ.

ທ່ານ​ນາງ​ເວົ້າ​ວ່າ “ທຸກໆ​ຄົນບໍ່​ວ່າ​ຜູ້​ຊາຍ​ຫຼື​ແມ່​ຍິງທີ່​ໄດ້​ກ່າວ​ຫາ​ກ່ຽວ​ກັບ​ການ​ລວນລາມ
​ທາງ​ເພດ ສົມ​ຄວນ​ທີ່​ຈະ​ໄດ້​ມີ​ການ​ຮັບ​ຟັງ​ແລະ​ຖື​ວ່າ​ເປັນ​ເລື້ອງ​ສຳ​ຄັນ.”

ສ່ວນ​ສະ​ມາ​ຊິກ​ສະ​ພາ​ສູງ​ແມນ​ຊິນ ທີ່​ສັງ​ກັດ​ພັກ​ເດ​ໂມ​ແຄຣັດ ກ່າວ​ຢູ່​ໃນ​ທວີດ​ເຕີ້ບໍ່​ເທົ່າ
​ໃດ​ນາ​ທີ​ຕໍ່​ມາ​ວ່າ ທ່ານ​ຈະ​ລົງ​ຄະ​ແນນ​ສຽງ​ເຫັນ​ພ້ອມ ອີງ​ຕາມ​ຂໍ້​ມູນ​ທີ່​ທ່ານໄດ້​ຮັບ ຮວມ
​ທັງ​ລາຍ​ງານ​ຢ່າງ​ຄົບ​ຖ້ວນ​ຂອງ​ອົງ​ການ​ສັນ​ຕິ​ບານ​ກາງ ​ຫຼື FBI ຂອງສະ​ຫະ​ລັດ ຫວ່າງ
​ມໍ່ໆ​ມານີ້.

ສະ​ມາ​ຄົມ​ນັກ​ກົດ​ໝາຍ​ອາ​ເມ​ຣິ​ກັນກໍ​ໄດ້​ອອກ​ຖະ​ແຫຼງ​ການ​ສະ​ບັບ​ນຶ່ງ​ຜ່ານ​ທາງ​ອີແມ​ລ
ໃນ​ຕອນ​ບ່າຍ ​ວັນ​ສຸກວານນີ້​ ໄປ​ຫາ​ສະ​ມາ​ຊິກ​ສະ​ພາ​ສູງ ຊາ​ລ​ສ໌ ແກ​ຣັ​ສ​ລີ (Charles
Grassley) ຊຶ່ງ​ເປັນ​ສະ​ມາ​ຊິກ​ ອະ​ວຸ​ໂສ​ສຸດ ຂອງ​ພັກ​ຣີ​ພັບ​ບ​ລີ​ກັນ ​ຢູ່ໃນ​ຄະ​ນະ​ກຳ​ມະ
​ການ​ຕຸ​ລາ​ການ​ຂອງ​ສະ​ພາ​ສູງແລະ​ທ່ານ​ນາງ​ດາຍ​ແອນ ຟາຍ​ສ໌​ໄຕ​ນ໌ ຜູ້​ນຳຂອງ​ພັກ​ເດ
​ໂມ​ແຄ​ຣັດ​ໃນ​ຄະ​ນະ​ກຳ​ມະ​ການ​ດັ່ງ​ກ່າວ.

​ໃນ​ຈົດ​ໝາຍ​ສະ​ບັບ​ນີ້ ສະ​ມາ​ຄົມ​ນັກ​ກົດ​ໝາຍ​ອາ​ເມ​ຣິ​ກັນ ກ່າ​ວວ່າ “ຕົນ​ໄດ້​ຮັບຂໍ້​ມູນ
​ໃໝ່ກ່ຽວ​ກັບເອກ​ກະ​ສານ​ທີ່​ພົວ​ພັນ​ສະ​ພາບ​ອາ​ລົມ” ຂອງ​ຜູ້​ພິ​ພາກ​ສາ​ຄາ​ແວ​ນໍ ທີ່​ໄດ້​
ເກັບ​ກຳ​ໄວ້ ໃນ​ລະ​ຫວ່າງ​ການ​ຮັບ​ຟັງ​ຄຳ​ໃຫ້​ການ ເມື່ອ​ວັນ​ທີ 27 ກັນ​ຍາ ຂອງ​ຄະ​ນະ​
ກຳ​ມະການ​ຕຸ​ລາ​ການ. ຈົດ​ໝາຍ​ສະ​ບັບ​ນີ້ກ່າວ​ວ່າ ຂໍ້​ມູນ​ໃໝ່​ໄ​ດ້​ພາ​ໃຫ້​ມີ​ການ​ “ເປີດ”
ການ​ຊັ່ງ​ຊາຂອງ​ສະ​ມາ​ຄົມ​ພວກ​ນັກ​ກົດ​ໝາຍ​ກ່ຽວ​ກັບ​ທ່ານ​ຄາ​ແວ​ນໍທີ່​ໄດ້​ກະທຳ​ໂດຍ
​ຄະ​ນະ​ກຳ​ມະ​ການຖາ​ວອນ​ຂອງ​ຕົນ ກ່ຽວ​ກັບ​ຂະ​ແໜງ​ຕຸ​ລາ​ການ​ລັດ​ຖະ​ບານ​ກາງ.

ສາ​ສະ​ດາ​ຈານ​ຄ​ຣິ​ສ​ຕີ່ນ ແບ​ລ​ຊີ ຝອດ ແລະ ທ່ານ​ແບ​ຣັດ ຄາ​ແວ​ນໍ ຜູ້​ທີ່​ຖືກ​ສະ​ເໜີ​ແຕ່ງ​ຕັ້ງ ໃຫ້​ເປັນ​ຜູ້​ພິ​ພາກ​ສາ ສານ​ສູງ​ສຸດ ສ​ຫລ
ສາ​ສະ​ດາ​ຈານ​ຄ​ຣິ​ສ​ຕີ່ນ ແບ​ລ​ຊີ ຝອດ ແລະ ທ່ານ​ແບ​ຣັດ ຄາ​ແວ​ນໍ ຜູ້​ທີ່​ຖືກ​ສະ​ເໜີ​ແຕ່ງ​ຕັ້ງ ໃຫ້​ເປັນ​ຜູ້​ພິ​ພາກ​ສາ ສານ​ສູງ​ສຸດ ສ​ຫລ

ແຕ່​ຈົດ​ໝາຍ​ສະ​ບັບ​ນີ້ ກ່າວ​ວ່າ ຄະ​ນະ​ກຳ​ມະ​ການ​ດັ່ງ​ກ່າວ​ບໍ່​ຄາດວ່າ​ຈະ​ແລ້ວ​ສຳ​ເລັດ
​ໃນ​ການ​ລົງ​ຄະ​ແນນ​ສຽງ​ຄືນ​ໃໝ່ ກ່ອນ​ໜ້າ​ໝາຍ​ກຳ​ນົດ ​ໃນ​ການ​ລົງ​ຄະ​ແນນຂອງ​ສະ
​ພາ​ສູງ. ຈົດ​ໝາຍ​ກ່າວ​ຕື່ມ​ວ່າ ການ​ຊັ່ງ​ຊາ​ຕົ້ນ​ຕໍ​ກ່ຽວ​ກັບ​ຜູ້​ພິ​ພາກ​ສາຄ​າ​ແວ​ນໍ​ຈຶ່ງ​ຍັງ​ໃຊ້
​ການ​ໄດ້ຢູ່.

ທ່ານ​ຄາ​ແວ​ນໍ​ໄດ້​ຖືກ​ກ່າວ​ຫາ​ວ່າ ລວນ​ລາມ​ທາງ​ເພດ​ຕໍ່​ແມ່​ຍິງ​ຄົນ​ນຶ່ງທີ່​ກ່າວ​ວ່າ ທ່ານ​
ໄດ້​ລ່ວງ​ເກີນ​ນາງ ທີ່​ເຮືອນ​ຫຼັງ​ນຶ່ງ ໃນ​ເຂດ​ຊານ​ເມືອງ ຂອງ​ນະ​ຄອນ​ຫຼວງວໍ​ຊິ​ງ​ຕັນໃນ
​ເວ​ລາ​ທີ່​ພວກ​ທ່ານ​ຍັງ​ເປັນ​ໄວ​ລຸ້ນ​ ໃນ​ສະ​ໄໝ​ຊຸມ​ປີ 1980. ທ່ານໄດ້​ປະ​ຕິ​ເສດ​ຕໍ່ການ
​ກ່າວ​ຫາ​ຂອງ​ສາ​ສະ​ດາ​ຈານ​ຄ​ຣິ​ສ​ຕີນ ແບ​ລ​ຊີ ຝອດ ທີ່​ໄດ້ໄປ​ໃຫ້​ການ​ຕໍ່​ຄະ​ນະ​ກຳ​ມະ​
ການ​ຕຸ​ລາ​ການ​ຂອງ​ສະ​ພາ​ສູງ​ ເມື່ອ​ນຶ່ງ​ອາ​ທິດກວ່າໆຜ່ານ​ມາ​ແລ້ວນັ້ນ.

ສະ​ພາ​ສູງ​ສະ​ຫະ​ລັດ​ໄດ້​ລົງ​ຄະ​ແນນ​ສຽງ​ຢ່າງ​ຫວຸດ​ຫວິດໃນ​ວັນ​ສຸກວານນີ້ເພື່ອ​ຈຳ​ກັດ
​ການ​ອະ​ພິ​ປາຍ ກ່ຽວ​ກັບ​ຜູ້​ທີ່​ຖືກສະ​ເໜີ​ແຕ່ງ​ຕັ້ງ ໃຫ້​ຜູ້​ພິ​ພາກ​ສາ​ສານ​ສູງ ​ສຸດ​ໂດຍປະ​
ທາ​ນາ​ທິ​ບໍ​ດີ​ດໍ​ໂນ​ລ ທ​ຣຳໂດຍ​ຈະ​ສົ່ງ​ການ​ສະ​ເໜີ​ແຕ່ງ​ຕັ້ງ​ດັ່ງ​ກ່າວໄປ​ໃຫ້​ສະ​ພາ​ສູງ​ຄົບ
​ຄະ​ນະ​ລົງ​ຄະ​ແນນ​ສຽງ​ຂັ້ນ​ສຸດ​ທ້າຍ ທີ່​ອາດ​ມີ​ຂຶ້ນ​ໃນ​ວັນ​ເສົາມື້ນີ້.

​ການ​ລົງ​ຄະ​ແນນ​ສຽງ​ກ່ຽວ​ກັບ​ຂັ້ນ​ຕອນ​ໃນ​ວັນ​ສຸກວານນີ້ແມ່ນ​ເປັນ​ເລື້ອງ​ກົດ​ລະບຽບທີ່​
ບໍ່​ພົວ​ພັນ​ກັບ​ວ່າ ບັນ​ດາ​ສະ​ມາ​ຊິກ​ສະ​ພາ​ສູງ​ ຈະ​ພາ​ກັນ​ລົງ​ຄະ​ແນນ​ສຽງແບບ​ໃດ ​ໃນ​ທີ່
​ສຸດ ຊຶ່ງ​ຈະ​ອຳ​ນວຍ​ໃຫ້​ມີ​ການ​ອະ​ພິ​ປາຍ​ກັນ​ ຢູ່​ໃນ​ສະ​ພາ​ສູງດົນ​ເຖິງ 30 ຊົ່ວ​ໂມງ ກ່ອນ
​ການ​ລົງ​ຄະ​ແນນ​ສຽງ​ກັນ​ຂັ້ນ​ສຸດ​ທ້າຍ. ການ​ລົງ​ຄະ​ແນນ​ສຽງ 51 ຕໍ່ 49 ສ່ວນ​ໃຫຍ່​ແລ້ວ
​ແມ່ນ​ເປັນ​ໄປ​ຕາມ​ສາຍ​ພັກ ໂດຍ​ມີ​ທ່ານ​ແມນ​ຊິນ ສະມາ​ຊິກ​ພັກ​ເດ​ໂມ​ແຄ​ຣັດ​ພຽງທ່ານ​
ດຽວທີ່​ໄດ້​ເຫັນ​ພ້ອມ​ກັບ​ການ​ສົ່ງ​ເລື້ອງນີ້​ໄປ​ໃຫ້ສະ​ພາ​ສູງ​ຄົບ​ຄະ​ນະແລະ​ທ່ານ​ນາງ​ລີ​ຊາ
ເມີ​ກາວ​ສກີ້ ກໍ​ແມ່ນ​ສະ​ມາ​ຊິກ​ພັກ​ຣີ​ພັບບ​ລີ​ກັນ​ພຽງ​ຄົນ​ດຽວ ທີ່​ລົງ​ຄະ​ແນນ​ສຽງ​ຄັດ​ຄ້ານ.

​ຖ້າ​ຫາກ​ສະ​ພາ​ສູງ ​ມີ​ຄະ​ແນນ​ສຽງ​ ເທົ່າ​ກັນ 50 ຕໍ່ 50 ແລ້ວ ຮອງ​ປະ​ທາ​ນາ​ທິ​ບໍ​ດີ ​ໄມ​ຄ໌
ເພັນ​ສ໌ກໍ​ຈະ​ເປັນ​ຜູ້​ລົງ​ຄະ​ແນນ​ສຽງສະ​ໜັບ​ສະ​ໜຸນ​ການ​ແຕ່ງ​ຕັ້ງ​ດັ່ງ​ກ່າວ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG