ການໂຈມຕີດ້ວຍຄຳເວົ້າເພີ້ມຂຶ້ນ ຂອງຊາອຸດີ ອາຣາເບຍ ຫຼັງຈາກໄດ້ມີການລາອອກ ແບບໜ້າຕື່ນຕົກໃຈຂອງນາຍົກລັດຖະມົນຕີເລບານອນ ທ່ານ Saad Hariri ຊຶ່ງເປັນ
ການສົ່ງສັນຍານໃຫ້ເຫັນ ເຖິງການເພີ້ມທະວີຂຶ້ນ ໃນການຕໍ່ສູ້ລະຫວ່າງ ຊາອຸດີ ແລະ
ອີຣ່ານ ຢູ່ໃນເລບານອນ ອີງຕາມການກ່າວອ້າງຂອງຊາອຸດີ.
ຊາອຸດີ ອາຣາເບຍ ມະຫາອຳນາດຂອງສາສະໜາອິສລາມນິກາຍຊຸນນີ່ຢູ່ໃນຂົງເຂດ
ໄດ້ກ່າວຫາລັດຖະບານເລບານອນວ່າ “ປະກາດສົງຄາມ” ກັບຕົນ ຊຶ່ງພາໃຫ້ເກີດ ມີ ຄວາມຢ້ານກົວເພີ້ມຂຶ້ນກ່ຽວກັບຄວາມບໍ່ທຸ່ນທ່ຽງຢູ່ໃນຂົງເຂດ ຫຼັງຈາກໄດ້ມີການລາ
ອອກແບບບໍ່ຄາດຄິດຂອງທ່ານ Hariri.
ການລາອອກຂອງທ່ານ ແມ່ນເບິ່ງກັນ ຢ່າງກວ້າງຂວາງວ່າ ແມ່ນບັງຄັບໂດຍຜູ້ໃຫ້
ການສະໜັບສະໜູນທ່ານ ໃນຣາຊະວົງຂອງຊາອຸດີ ອາຣາເບຍ ຊຶ່ງເປັນການກ່າວ
ອ້າງທີ່ໄດ້ມີການປະຕິເສດໄປແລ້ວໃນປະຕິກິລິຍາຕໍ່ການມີອິດທິພົນເພີ້ມຂຶ້ນຂອງ
ອີຣ່ານ ທີ່ນັບຖື ສາສະໜາອິສລາມ ນິກາຍຊີໄອ ແລະກຸ່ມ Hezbollah ທີ່ເປັນຕົວ
ແທນຂອງອີຣ່ານຢູ່ໃນຂົງເຂດ.
ການເຄື່ອນໄຫວດັ່ງກ່າວ ມີຂຶ້ນຫຼັງຈາກໄລຍະເວລາທີ່ຂ້ອນຂ້າງມີຄວາມສະຫງົບ
ໃນເລບານອນທັງໆທີ່ໄດ້ເກີດຄວາມບໍ່ທຸ່ນທ່ຽງຢູ່ໃນຂົງເຂດ ຊຶ່ງທ່ານ Hariri ໄດ້
ປະກາດລາອອກ ໃນຂະນະຢູ່ທີ່ ນະຄອນຫຼວງຣິຢາດ ຊຶ່ງໄດ້ພາໃຫ້ມີການຄະເນ
ກັນວ່າ ເວລາໃດຫຼືທ່ານຈະກັບຄືນໄປເລບານອນຫຼືບໍ່.
ໃນຂະນະດຽວກັນ ໃນມື້ວັນຈັນຜ່ານມານີ້ ທ່ານ Thamer al-Sabhan ລັດຖະ
ມົນຕີຮັບຜິດຊອບ ກິດຈະການອ່າວເປີເຊຍ ຂອງຊາອຸດີ ກ່າວວ່າ “ລັດຖະບານ
ເລບານອນຈະຖືກຖືວ່າ ເປັນລັດຖະບານ ທີ່ປະກາດສົງຄາມ ກັບຊາອຸດີ ອາຣາ
ເບຍ” ໂດຍກ່າວຫາວ່າມີການກະທຳແບບຮຸກຮານຈາກກຸ່ມ Hezbollah ທີ່ຖືກ
ລະບຸເປັນກຸ່ມກໍ່ການຮ້າຍໂດຍສະຫະລັດແລະສະພາການຮ່ວມມືໃນເຂດອ່າວ
ເປີເຊຍ.
