ວິກິດດ້ານປະຊາກອນຂອງ ຣັດເຊຍ ກຳລັງທະວີຄວາມຮຸນແຮງ ຂຶ້ນ, ໂດຍຄາດການວ່າປະເທດຈະສູນເສຍປະຊາກອນກວ່າເຄິ່ງໜຶ່ງພາຍໃນ ທ້າຍສັດຕະວັດນີ້. ເພື່ອຕອບໂຕ້ສະຖານະການນີ້, ລັດຖະບານ ມົສກູ ກຳລັງ ຍົກລະດັບການເຮັດສົງຄາມຂອງເຂົາເຈົ້າຕໍ່ອິດທິພົນເສລີນິຍົມແບບຕາເວັນຕົກ ດ້ວຍກົດໝາຍທີ່ປັບໄໝເງິນຕໍ່ຜູ້ທີ່ສົ່ງເສີມວິຖີຊີວິດແບບການບໍ່ມີລູກ.
ການມີລູກໃນ ຣັດເຊຍ ຍັງຄົງເປັນການຕັດສິນໃຈຂອງສ່ວນບຸກຄົນ. ແຕ່ການເຜີຍແຜ່ວິຖີຊີວິດແບບບໍ່ມີລູກ ອອກສູ່ສາທາລະນະ ໄດ້ຖືກຫ້າມແລ້ວໃນຂະນະນີ້.
ໃນເດືອນພະຈິກທີ່ຜ່ານມາ, ລັດຖະສະພາ ຣັດເຊຍ ຫຼື ດູມາ ໄດ້ອະນຸມັດກົດ ໝາຍທີ່ກຳນົດໃຫ້ປັບໄໝເງິນຕໍ່ຜູ້ທີ່ສົ່ງເສີມ "ການໂຄສະນາຊວນເຊື່ອຕໍ່ການ ປະຕິເສດທີ່ຈະມີລູກໂດຍເຈດຕະນາ" ວ່າດ້ວຍກົດໝາຍສະບັບໃໝ່.
ມາດຕະການນີ້ເປັນຜົນງານຂອງ ບັນດາສະມາຊິກສະພາ ທີ່ກ່າວຫາຝ່າຍ ຕາເວັນຕົກວ່າ ເຜີຍແຜ່ອຸດົມການເສລີນິຍົມ ທີ່ສົ່ງຜົນໃຫ້ຄູ່ຮັກລຸ້ນໃໝ່ຂອງ ຣັດເຊຍ ຫຼີກເວັ້ນການມີລູກ.
ທ່ານ ເຊີ່ເກ ບໍຍາຣສກີ້ (Sergei Boyarskiy), ສະມາຊິກສະພາແຫ່ງຊາດ ພັກສະຫະປະຊາຊາດຣັດເຊຍ ກ່າວວ່າ "ນີ້ແມ່ນສ່ວນໜຶ່ງຂອງສົງຄາມປະສົມຂະໜາດໃຫຍ່ ທີ່ກຳລັງດຳເນີນຕໍ່ປະເທດ ຂອງພວກເຮົາ, ພ້ອມກັບການເຜີຍແຜ່ເລື່ອງຢາເສບຕິດ, ການລ່ວງລະເມີດທາງ ເພດເດັກນ້ອຍ, ການເຜີຍແຜ່ການປ່ຽນເພດ, ຄວາມສຳພັນທາງເພດທີ່ບໍ່ເປັນໄປ ຕາມຮີດຄອງປະເພນີ ແລະ ການເຜີຍແຜ່ຊວນເຊື່ອເລື່ອງການຂ້າຕົວຕາຍ."
ລັດຖະບານບໍ່ໄດ້ເຈາະຈົງຊື່ບຸກຄົນ ຫຼື ອົງກອນ ທີ່ຕົກຢູ່ໃນເປົ້າໝາຍໂດຍສະເພາະ.
ແຕ່ອົງກອນສິດທິມະນຸດຈຳນວນໜຶ່ງ ທີ່ຍັງເຮັດວຽກໃນ ຣັດເຊຍ ພິຈາລະນາວ່າ ກົດໝາຍນີ້ ເປັນເຄື່ອງມືໃນການປາບປາມ.
ທ່ານນາງ ໂຊເຟີຍ ຣູໂຊວາ (Sofia Rusova) ເຮັດວຽກຢູ່ສູນປ້ອງກັນຜູ້ຖືກ ເຄາະຮ້າຍຈາກຄວາມຮຸນແຮງໃນຄອບຄົວ ໃນນະຄອນຫຼວງ ມົສກູ ກ່າວວ່າ "ພື້ນທີ່ສາທາລະນະສຳລັບການສະແດງຄວາມຄິດເຫັນທີ່ແຕກຕ່າງມີໜ້ອຍລົງ ນັບມື້. ມາດຕະການເຫຼົ່ານີ້ມີຈຸດປະສົງພຽງເພື່ອຫ້າມໃຫ້ເວົ້າເຖິງບັນຫາກ່ຽວກັບ ການເປັນແມ່."
ບັນດານັກເຄື່ອນໄຫວ ຜູ້ທີ່ຕ້ອງໜີອອກຈາກ ຣັດເຊຍ ເພາະຕໍ່ຕ້ານການຮຸກຮານ ຢູເຄຣນ ຂອງວັງເຄຣັມລິນ (Kremlin) ໂດຍກ່າວຫາວ່າ ສົງຄາມເປັນສິ່ງທີ່ພວກເຂົາເຫັນວ່າ ຄືມາດຕະການທີ່ຮຸນແຮງຫຼາຍ ເພື່ອປິດກັ້ນການໂຕ້ຖຽງກັນກ່ຽວກັບການຄຸມກຳເນີດ.
ທ່ານນາງ ຣອກຊານາ ຄີເຊເລວາ (Roxana Kiseleva), ຄະນະກຳມະການຕໍ່ຕ້ານສົງຄາມຂອງສະຕີນິຍົມ ກ່າວວ່າ "ຕອນນີ້ຜູ້ຍິງອາດຈະຖືກປັບໄໝ ຖ້າລາວກ່າວວ່າ ບໍ່ຕ້ອງການມີລູກໃນສະພາບ ເສດຖະກິດແບບນີ້, ໃນສະຖານະການແບບນີ້, ເມື່ອມີສົງຄາມ, ຖ້າລາວເວົ້າ ອອກມາສູ່ສາທາລະນະວ່າ ລາວບໍ່ຄິດວ່າ ປອດໄພທີ່ຈະມີລູກໃນຂະນະນີ້."
ການຄາດຄະເນຂອງອົງການສະຫະປະຊາຊາດກ່າວວ່າ ອັດຕາການເກີດທີ່ຫຼຸດ ລົງ ແລະ ປະຊາກອນມີອາຍຸຫຼາຍຂຶ້ນ, ໝາຍຄວາມວ່າ ຣັດເຊຍ ເຊິ່ງປັດຈຸບັນມີປະຊາກອນປະມານ 144 ລ້ານຄົນ, ອາດຈະມີປະຊາກອນພຽງແຕ່ເຄິ່ງໜຶ່ງ ພາຍໃນທ້າຍສັດຕະວັດນີ້. ຜູ້ນຳ ຣັດເຊຍ ເບິ່ງເຫັນວ່າ ນີ້ເປັນສະຖານະການທີ່ ຮ້າຍແຮງ ສຳລັບປະເທດທີ່ມີອານາເຂດທີ່ໃຫຍ່ທີ່ສຸດໃນໂລກ.
Russia's demographic crisis is deepening, with the nation projected to lose up to half of its population by the end of this century. In response, Moscow is stepping up its war on Western-style liberal influence with a law that fines anyone who promotes a childless lifestyle. Elizabeth Cherneff narrates this report from Ricardo Marquina.
Having children in Russia, or not having them, is still a personal choice. But promoting a child-free lifestyle publicly is now banned.
The Russian Parliament, the Duma, approved legislation in November imposing fines on those who, according to the new law, advances "propaganda of conscious refusal to bear children."
The measure is the work of legislators who accuse the West of spreading a liberal ideology that is influencing young Russian couples to avoid having kids.
Sergei Boyarskiy, United Russia Party MP
"This is certainly an element of a large hybrid war waged against our country, along with propaganda of drugs, pedophilia, propaganda of gender change, untraditional sexual relations, propaganda of suicide. “
The government has not named specific individuals or organizations it is targeting.
But the few human rights associations still working inside Russia see the law as an instrument of repression.
“There is less and less public space for different points of view to be expressed. These measures are just to prohibit talking about the problems of motherhood.”
Activists who have had to flee Russia for opposing the Kremlin's invasion of Ukraine blame the war for what they see as a draconian measure to smash the debate over birth control.
Roxana Kiseleva, Feminist Anti-War Committee
“Now a woman can be fined if she says she doesn’t want to give birth to children in this economy, in this situation, when there is war, if she says publicly that she doesn’t think it’s safe to have children now.”
United Nations projections say falling birth rates and an aging population mean Russia, which now has about 144 million people, may have half that number by the end of this century. The Russian leadership sees this as a catastrophic scenario for a nation with the largest territory in the world.
ຟໍຣັມສະແດງຄວາມຄິດເຫັນ