ລິ້ງ ສຳຫລັບເຂົ້າຫາ

logo-print

ຣັດ​ເຊຍ ຟື້ນ​ຟູ​ແຜນ​ຍຸດ​ທະ​ສາດ ​ການ​ຮ່ວມ​ມື​ໃນ ອາ​ຟຣິ​ກາ


ປະ​ທາ​ນາ​ທິ​ບໍ​ດີ ວ​ລາ​ດິ​ເມຍ ປູ​ຕິນ ຈັບ​ມື​ກັບ​ປະ​ທາ​ນາ​ທິ​ບໍ​ດີ ສາ​ທາ​ລະ​ນະ​ລັດ ອາ​ຟ​ຣິ​ກາ​ກາງ, ທ່ານ ຟໍ​ສ​ຕິນ ຕົວ​ເດຣາ.

ປະ​ເທດ ສາ​ທາ​ລະ​ນະ​ລັດ ອາ​ຟ​ຣິ​ກາ​ກາງ ອາດ​ເບິ່ງ​ຄື​ເປັນ​ສະ​ຖານ​ທີ່​ທີ່​ບໍ່​ປົກ​ກະ​ຕິ ສຳ​
ລັບແຜນຍຸດທະສາດທີ່ລວມມີ ຣັດເຊຍ ໃນ ອາຟຣິກາ. ປະເທດ ອາຟຣິກາກາງ ບໍ່ໄດ້
ມີເສດຖະກິດທີ່ກຳລັງເຕີບໂຕຄືປະເທດ ເອທິໂອເປຍ ຫຼື ຄັງນ້ຳມັນເລິກຂອງປະເທດ
ອັງໂກລາ. ເຂົາເຈົ້າບໍ່ມີອຸດສາຫະກຳບໍ່ແຮ່ຄືປະເທດ ແຊມເບຍ ຫຼື ເປັນສະຖານທີ່ແຜນ
ຍຸດທະສາດຄືປະເທດ ຈິບູຕີ.

ແຕ່​ປະ​ເທດ​ທີ່ບໍ່​ມີ​ທາງ​ອອກ​ສູ່​ທະ​ເລ​ດັ່ງ​ກ່າວ ທີ່​ມີ​ປະ​ຊາ​ກອນບໍ່​ເຖິງ 5 ລ້ານ​ຄົນ​ນັ້ນ,
ເຊິ່ງສ່ວນໃຫຍ່ແມ່ນປະຄອງຊີວິດໄປດ້ວຍການເພາະປູກເພື່ອການຢູ່ລອດນັ້ນ, ມີສິ່ງ
ທີ່ໜ້າສົນໃຈອື່ນໆສຳລັບລັດຖະບານ ມົສກູ: ເຊິ່ງແມ່ນຄວາມຂັດແຍ້ງ.

ນັບ​ຕັ້ງ​ແຕ່​ປີ 2013 ເປັນ​ຕົ້ນ​ມາ, ປະ​ເທດ ສ​າ​ທາ​ລະ​ນະ​ລັດ​ ອາ​ຟ​ຣິ​ກາ​ກາງ ໄດ້​ປະ​ເຊີນ​
ກັບສົງຄາມກາງເມືອງທີ່ຍືດເຍື້ອ. ການບໍ່ມີທີ່ຢູ່ອາໄສຂອງຄົນຈຳນວນຫຼວງຫຼາຍ,
ການເມືອງທີ່ບໍ່ໝັ້ນຄົງ, ແລະ ການຍາດແຍ່ງກັນຂອງພວກກະບົດ ແລະ ກຸ່ມທະຫານ
ບ້ານ ໄດ້ເຮັດໃຫ້ອຳນາດຂອງລັດຖະບານອ່ອນແອລົງ ແລະ ປະຊາຊົນສູນເສຍການ
ເຊື່ອຖືໃນສະຖາບັນຂອງເຂົາເຈົ້າ.

ໃນ​ການ​ປ່ຽນ​ແປງ​ທີ່​ຕາມ​ມາ​ນັ້ນ, ຣັດ​ເຊຍ ໄດ້​ຄົ້ນ​ພົບ​ໂອ​ກາດ​ຕ່າງໆ ເພື່ອ​ໃຊ້​ອຳ​ນາດ​ຢູ່
ນອກເໜືອຈາກຂອບເຂດຂອງເຂົາເຈົ້າ ແລະ ຟື້ນຟູແຜນຍຸດທະສາດການຮ່ວມມືໃນ
ອາຟຣິກາ ທີ່ບໍ່ໄດ້ມີການເໜັງຕີງ ນັບຕັ້ງແຕ່ການສິ້ນສຸດຂອງສົງຄາມກາງເມືອງ.

ຣັດ​ເຊຍ ໄດ້​ຂະ​ຫຍາຍ​ການ​ມີ​ໜ້າ​ຂອງ​ເຂົາ​ເຈົ້າ​ໃນ​ປະ​ເທດ ອາ​ຟ​ຣິ​ກາ​ກາງ ໃນ​ລະ​
ຫວ່າງສອງສາມປີທີ່ຜ່ານມາ. ແຕ່ແຜນຍຸດທະສາດຂອງເຂົາເຈົ້າຢູ່ທີ່ນັ້ນ, ເຊິ່ງອາໄສ
ການໃຊ້ສັນຍາຈ້າງເອກະຊົນ ແລະ ກຸ່ມວ່າຈ້າງແຮງງານນັ້ນ, ໄດ້ຖືກໃຊ້ນັບຕັ້ງແຕ່ສົງ
ຄາມ ຢູໂກສລາເວຍ ໃນຊຸມປີ 1990 ເປັນຕົ້ນມາ, ແລະ ຕໍ່ມາກໍແມ່ນໃນປະເທດ
ຢູເຄຣນ ແລະ ຊີເຣຍ.

ທ່ານ ຄີ​ຣິ​ລ ອາວ​ຣາມອ​ຟ ນັກ​ຄົ້ນ​ຄວ້າ​ປະ​ລິນ​ຍາ​ເອກ ຢູ່​ມະ​ຫາ​ວິ​ທະ​ຍາ​ໄລ ເທັກ​ຊັ​ສ
ໂຄງການການສຶກສາສືບລັບກ່າວວ່າ “ພວກເຮົາຄວນຄິດ ກ່ຽວກັບ ຜູ້ຮັບຈ້າງດັ່ງກັບ
ເຄື່ອງມືອັນນຶ່ງ ເຊິ່ງຈະເຮັດໃຫ້ມັນເປັນເຫດຜົນສຳລັບຄວາມສາມາດໃນການປະຕິ
ເສດຄວາມຮັບຜິດຊອບ ແຕ່ພ້ອມກັບການໃຊ້ກຳລັງດ້ວຍ, ເຊິ່ງໄດ້ຖືກໃຊ້ຫຼາຍໃນຂົງ
ເຂດທີ່ມີການຂັດແຍ້ງກັນ.”

ອ່ານ​ຂ່າວ​ນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG