ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ແຄວ້ນບູຣີອັດເຈຍ: ປະຕູເຂົ້າ-ອອກສູ່ເອເຊຍ ຂອງຣັດເຊຍ (ເບິ່ງວີດີໂອລາວ/ອັງກິດ)


ວັດສາສະໜາພຸດແຫ່ງນຶ່ງໃນແຄວ້ນ Buryatia ຂອງຣັດເຊຍ
ວັດສາສະໜາພຸດແຫ່ງນຶ່ງໃນແຄວ້ນ Buryatia ຂອງຣັດເຊຍ

ເມື່ອ​ປີກາຍ​ນີ້ ຈີນ​ໄດ້​ກ້າວ​ຂຶ້ນມາ​ແທນທີ່​ເຢຍຣະມັນ ​ໃນ​ຖານະ​ເປັນ​ພາຄີ​ການ​ຄ້າ​ທີ່​ໃຫຍ່​ທີ່​ສຸດ​ຂອງ​ຣັດ​ເຊຍ. ບັດ​ນີ້ ​ໃນ​ຂະນະ​ທໍ່​ລໍາລຽງ​ນໍ້າມັນດິບ​ແລະ​ແກ​ສທໍ​າມະ​ຊາດ​ຂອງ​ລັດ​ເຊຍ​ເນັ່ງ ໄປ​ຍັງພາກ​ພື້ນ​ຕາ​ເວັນອອກ​ເພີ່ມ​ຂຶ້ນນັບມື້​ນັ້ນ ລັດຖະບານ​ເຄຣມລິນ​ກໍມີຄວາມຕ້ອງການ​ຫັນ ປ່ຽນເມືອງ​ຊຶ່ງ​ຄັ້ງ​ນຶ່ງ​ເປັນ​ເມືອງ​ທີ່ສະຫງົບ​ງຽບ ລ້າສະໄໝ ຕັ້ງຢູ່ເສັ້ນທາງ​ລົດ​ໄຟ​ທີ່ແລ່ນຂ້າມ​ເຂດໄຊ​ບີ​ເຣຍ ​​ໄປ​ສູ່ປະຕູຂອງ​​ເອ​ເຊຍ​ໄປ​ຍັງ​ຣັດ​ເຊຍ. ຜູ້​ສື່​ຂ່າວ​ວີ​ໂອ​ເອ James Brooks ​ແລະ​ຊ່າງ​ກ້ອງ​ວີ​ດິ​ໂອ Japhet Weeks ລາຍ​ງານ​ຈາກ​ເມືອງ Ulan Ude ແຄວ້ນ Buryatia ຂອງ​ຣັດ​ເຊຍ ຊຶ່ງດາຣາມີລາຍລະອຽດ​ມາສະ​ເໜີ​ທ່ານ.

ສຽງ​ເພງ...ເຄື່ອງນຸ່ງ​ຊຸດ​ພື້ນ​ເມືອງ...ແລະ​ໜ້າ​ຕາ​ຂອງ​ຊາວ​ມົງ​ໂກ​ເລຍ ສະໜອງສີສັນ
ແຫ່ງຄວາມເປັນເອເຊຍ ໃຫ້​ເມືອງເກົ່າແກ່​ເມືອງ​ນີ້​ຂອງຣັດ​ເຊຍ ຊຶ່ງ​ຢູ່ຕາມ​ເສັ້ນທາງ ນໍ້າ​ຊາ.

ເປັນ​ເວລາສາມ​ສັດຕະວັດ ທີ່​ເມືອງ Ulan Ude ​ໄດ້ເປັນຈັກກະພັດຂອງຊົນເຜົ່າບູຣີອັດ
(Buryat) ທີ່ເລ່ລ້ອນ ຊຶ່ງ​ເປັນຊາວ​ມົງ​ໂກ​ເລຍ​ຈາກເຂດ​ເໜືອ​ສຸດ ທີ່​ໄດ້ເຂົ້າມາອາ​ໃສ​ຢູ່​ພາຍ
ໃນ​ເຂດ​ຊາຍ​ແດນ​ຂອງຣັດ​ເຊຍ.

ບັດ​ນີ້ ​ເອ​ເຊຍ​ກໍາລັງ​ຈະ​ເຣີນເຕີບ​ໂຕ ​ແລະກຸງ​ເຄຣມລິນ ກໍາລັງ​ຫລຽວມອງ​ໄປ​ຍັງ​ທິດ​ຕາ
ເວັນ​ອອກ.

ພະສົງສາສະໜາພຸດ ໃນແຄວ້ນ ບູຣິອັດເຈຍ ຂອງຣັດເຊຍ
ພະສົງສາສະໜາພຸດ ໃນແຄວ້ນ ບູຣິອັດເຈຍ ຂອງຣັດເຊຍ

ນາຍົກລັດຖະມົນຕີ ພູ​ຕິນ
ຂອງຣັດ​ເຊຍ ​ໄດ້​ບິນ​ຂ້າມ​ຫ້າ
​ເຂດ​ເວລາ ໄປຍັງ​ທາງທິດຕາ
​ເວັນ​ອອກຂອງມອສ​ໂຄ ​ເພື່ອ​
ຈະ​ບອກ​ພວກ​ຜູ້​ນໍາ​ Buryatia
ທີ່ໄປ​ເຕົ້າ​ໂຮມ​ກັນ​ຢູ່​ໂຮງ​ລະ
ຄອນແຫ່ງ​ນຶ່ງຢູ່​ທີ່​ນັ້ນວ່າ​ ພວກ
​ເຂົາ​ເຈົ້າຈະ​ມີບົດບາດສໍາຄັນທາງ
​ຍຸ​ທະ​ສາດ​ໃນ​ການ​ສ້າງສາ​ຄວາມ
ສໍາພັນ​ຂອງຣັດ​ເຊຍ​ ກັບ​ຂົງເຂດ
​ເອ​ເຊຍນັ້ນ. ຊຶ່ງທ່ານ ພູຕິນ ກ່າວວ່າ:

“ບໍ່​ຕ້ອງສົງ​ໃສ​ຫຍັງ​ເລີຍ​ວ່າ
ການ​ເຂົ້າມາ​ຮ່ວມ​ກັບຣັດ​ເຊຍ
​ຂອງ Buryatia ນັ້ນ ແມ່ນ​
ມີ​ຄວາມ​ສໍາຄັນ​ດ້ານ​ພູມິສາດ​ການ​ເມືອງ​ທີ່​ໃຫຍ່ຫລວງທີ່​ສຸດ ຄືມັນ​ໄດ້ຊ່ວຍ​ສ້າງ​ຄວາມ​
ເຂັ້ມແຂງ ​ໃຫ້​ແກ່​ເຂ​ດຊາຍ​ແດນ​ທາງ​ກໍ້າຕາ​ເວັນ​ອອກ​ຂອງ​ປະ​ເທດ​ຊາດ​ຂອງ​ພວກ​ເຮົາ​
ແລະ​ການມີໜ້າ​ຢູ່​ໃນ​ເອເຊຍ​ ຂອງຣັດ​ເຊຍ​ນັ້ນ.”

ພວກ​ເຂົາ​ເຈົ້າມາ​ເຕົ້າ​ໂຮມ​ກັນທີ່ໂຮງລະຄອນແຫ່ງນີ້ ​ເພື່ອ​ສະເຫລີມສະຫລອງຄົບຮອບ 350
ປີ ທີ່ Buryatia ​ໄດ້ເຂົ້າມາຮ່ວມກັບຣັດ​ເຊຍ.

ຢູ່ເບື້ອງ​ຫລັງ​ຂອງ​ການ​ຮ້ອງ​ເພງ ​ແລະ​ເຕັ້ນ​ລໍາ​ມ່ວນ​ຊຶ່ນ​ນັ້ນ ​ແມ່ນການດໍາເນີນພູມິສາດການ
​ເມືອງ​.

ທ່ານ Alexei Kudrin ລັດ​ຖະມົນຕີ​ການ​ເງິນ​ຂອງຣັດ​ເຊຍ ​ທີ່ເດີນທາງໄປກັບທ່ານ ພູຕິນ
ນັ້ນ ບອກເຂົາເຈົ້າວ່າ ​ເຄຣມລິນຈະໃຊ້​ຈ່າຍ​ເງິນ 500 ລ້ານ​ໂດ​ລາ ​ເພື່ອ​ປັບປຸງ​ຖະໜົນ​ຫົນ
ທາງ​ ສະໜາມ​ບິນ ​ແລະ​ໂຮງ​ແຮມຕ່າງໆ​ໃຫ້​ດີ​ຂຶ້ນ ​ເພື່ອ​ໃຫ້​ພວກນັກທ່ອງທ່ຽວ​ຊາວ​ເອ​ເຊຍ
ທັງຫລາຍ​ ທີ່ມາ​ທ່ຽວ​ຊົມ​ທະ​ເລ​ສາບ Baikal​ ນັ້ນ ໄດ້ຊົມໃຊ້ສະຖານທີ່ ທີ່ໄດ້​ມາດຕະຖານ​
ສາ​ກົນ​.

ຄລິກບ່ອນນີ້ເພື່ອເບິ່ງວີດີໂອ ພາສາລາວ

ໃນ​ຂະນະ​ພວກນັກ​ຂ່າວ​ຊາວ​ຈີນ​ທີ່​ມາ​ຢ້ຽມຢາມພາກັນ​ຈົດ​ບັນທຶກ​ໄວ້ນັ້ນ. ທ່ານ Kudrin
ກ່າວ​ວ່າ ໃນ​ປີໜ້າ​ນີ້ ເມືອງ Ulan Ude ຈະ​ເປັນ​ເຈົ້າພາບ​ຈັດ​ກອງ​ປະຊຸມຂອງພວກ​ລັດ
ຖະມົນຕີ​ການ​ເງິນຂອງ​ກຸ່ມ​ເອ​ເພັກ ຫລືກຸ່ມ​ພວກ 21 ປະ​ເທດ ທີ່ຕັ້ງຢູ່ແຄມ​ມະຫາ​ສະມຸດ
​ປາຊິ​ຟິກ. ທ່ານກ່າວຕໍ່ໄປວ່າ ພ້ອມ​ກັບພວກ​ລັດຖະມົນ​ຕີ​ນັ້ນ ກໍຈະ​ມີ​ພວກ​ນັກ​ຂ່າວ​ເອ​ເຊຍ​
ຫລາຍ​ຮ້ອຍ​ຄົນ ​ແລະ​ກໍ​ຫວັງ​ຢ່າງ​ຍິ່ງ​ວ່າ​ຈະ​ມີການ​ລົງທຶນ​ແລະ​ການທ່ອງທ່ຽວຂອງ​ຊາວ​ເອ
​ເຊຍຕິດຕາມ ມາອີກ

ທ່ານ Kudrin ​ໄດ້​ກ່າວ​ຍົກຍ້ອງເມືອງ Ulan Ude ວ່າເປັນ​ເສູນກາງ​ຂອງສາສະໜາ​ພຸດ
​ໃນຣັດ​ເຊຍ. ຊຶ່ງທ່ານກ່າວວ່າ

“ເພື່ອທີ່​ຈະ​ນໍາ​ເອົາ​ການພັດທະນາ​ຈາກ​ຂົງ​ເຂດ​ເອ​ເຊຍເຂົ້າມາ​ຍັງຣັດ​ເຊຍນັ້ນ ພວກ​ເຮົາ​
ຕ້ອງ​ສະ​ແດງ​ໃຫ້​ເຫັນວ່າ​ ພວກ​ເຮົາ​ມີປະ​ເພນີ​ວັດທະນະ​ທໍາອັນ​ອຸດົມສົມບູນ​ທີ່​ເຊຶ່ອມ​ໂຍງ​
ພວກ​ເຮົາ​ເຂົ້າກັບ​ຂົງ​ເຂດ​ອື່ນໆ​ທີ່​ຮ່ວມຢູ່​ໃນ​ກຸ່ມ​ເອ​ເພັກນັ້ນ ​ແລະ​ສໍາຄັນ​ທີ່​ສຸດ​ ​ແມ່ນ​ກັບ​
ຂົງ​ເຂດ​ເອ​ເຊຍ​ຕາເວັນ​ອອກສຽງ​ໃຕ້.”

ຍິງສາວຊາວມົງໂກເລຍ ໃນແຄວ້ນ ບູຣິອັດເຈຍ ຂອງຣັດເຊຍ
ຍິງສາວຊາວມົງໂກເລຍ ໃນແຄວ້ນ ບູຣິອັດເຈຍ ຂອງຣັດເຊຍ

Buryatia ບໍ່​ພຽງແຕ່ຕັ້ງຢູ່ໃນ
​ເຂດ​ເວລາ​ດຽວ​ກັນ​ກັບ ຍີ່ປຸ່ນ
​ແລະເກົາຫລີເທົ່ານັ້ນ ​ແຕ່​ວ່າ
ສາທາ​ລະນະ​ແຫ່ງນີ້ ຍັງຢູ່ໃນ
ເຂດ​ດຽວ​ກັນທາງດ້ານຈິດໃຈ
ອີກ ຄືເປັນເຂດນຶ່ງທີ່ມີການ
ໂຍະຍານຜ່ອນຜັນທາງດ້ານ
ສາສະໜາ ຊຶ່ງບໍ່ຄ່ອຍມີກັນ​ຢູ່​
ໃນ​ພາກ​ພື້ນ​ຢຸ​ໂຣບ ບ່ອນ​ທີ່​
ພວກ​ແກ໊ງ​ຫົວຊາດ​ນິຍົມ ເຄີຍ
ໄດ້​ໂຈມ​ຕີ​ພວກ​ຜູ້​ຊາຍ​ຊາວ​ເອ
​ເຊຍ​ ໃນ​ບໍ່​ເທົ່າ​ໃດປີຜ່ານ​ມາ​ນີ້.

ນັບ​ຕັ້ງ​ແຕ່​ການ​ພັງ​ທະ​ລາຍ​ຂອງ​ສະຫະພາບ​ໂຊ​ຫວຽດ​ເມື່ອ 20 ປີຜ່ານມາ ນັ້ນ ປາກົດ​ວ່າ​ມີ​ຊາວ​ຈີນ​ປະມານ 10,000 ພາກັນ​ຍົກ​ຍ້າຍເຂົ້າມາອາ​ໃສ​ທໍາ​ມາຫາ​ກິນ​ຢູ່​ທີ່​ນີ້.

ຄວາມ​ປອງ​ດອງ​ສາ​ມະ​ຄີ​ໃນ​ລະຫວ່າງກຸ່ມຊົນເຜົ່າ​ນັ້ນ ແມ່ນເປັນເນື້ອໃນ ແລະຈິດໃຈຂອງ​ການສະ​ເຫລີ​ມສະຫລອງ​ເອົາ​ຂີດ​ໝາຍຂອງການ​ເຂົ້າຮ່ວມ​ກັບສະຫະພັນຣັດ​ເຊຍ​ຂອງບູຣີອັດ​ເຈັຍ ​ໃນ​ປີ 1661 ນັ້ນ

ຄືກັນກັບທີ່​ເມືອງ St. Petersburg ເຄີຍ​ເປັນ​ປ່ອງອ້ຽມ​ຂອງຣັດ​ເຊຍ ທີ່ ມອງໄປຍັງພາກ​ພື້ນ​ຢຸ​ໂຣບ​ໃນ​ສັດຕະວັດ​ທີ່ 18 ນັ້ນ ວັງ​ເຄລິນ​ລິນ​ກໍຢາກ ໃຫ້ເມືອງ​ນີ້​ທີ່ນັບ​ຖື​ສາສະໜາ​ພຸດ ​ແລະມີໂສມ​ໜ້າ​ເປັນ​ເອ​ເຊຍ​ນັ້ນ ກາຍ​ເປັນ​ປະຕູ​ຂອງເອ​ເຊຍ​ເຂົ້າ​ໄປ​ໃນ​ຣັດເຊຍ​ໃນ​ສັດຕະ​ວັດ ​ທີ 21 ນີ້.

ເບິ່ງວີດີໂອພາສາອັງກິດ:

XS
SM
MD
LG