ລິ້ງ ສຳຫລັບເຂົ້າຫາ

ນາຍົກ ໂຣມາເນຍ ປະເຊີນໜ້າ ກັບ ຜູ້ວ່າການເມືອງ ໃນການເລືອກຕັ້ງ ຂັ້ນຊີ້ຂາດ


ປະທານາທິບໍດີໂຣມາເນຍ ທ່ານ Traian Basescu ກຳລັງຈະປ່ອນບັດຂອງທ່ານ ໃນຂະນະທີ່ ຊາຍໜຸ່ມຄົນໜຶ່ງ ກຳລັງຖ່າຍຮູບເອົາ ດ້ວຍໂທລະສັບມືຖື ໃນ ນະຄອນຫລວງ ບູຄາແຣັດ ປະເທດໂຣມາເນຍ, ວັນທີ 2 ພະຈິກ 2014.

ການ​ເລືອກ​ຕັ້ງປະທານາທິບໍດີ​ໂຣມາ​ເນຍ ​ແມ່ນ​ກ້າວ​ໄປ​ສູ່ຂັ້ນ
ຊີ້​ຂາດ ຫຼັງຈາກ ທີ່ບໍ່​ມີ​ຜູ້​ສະໝັກ​ຄົນໃດ ​ໄດ້​ຮັບຄະ​ແນນ​ສຽງ​
ສ່ວນຫຼາຍ​ ເມື່ອ​ວັນ​ອາທິດ​ວານ​ນີ້ ​ໃນຮອບ​ທຳ​ອິດ​ ຂອງ​ການ
​ປ່ອນ​ບັດ​ເລືອກ​ຕັ້ງດ່ັງກ່າວ.

ນາຍົກລັດ​ຖະມົນຕີ ​ທ່ານ Victor Ponta ນຳ​ໜ້າ ດ້ວຍຄະ​ແນນ​
ສຽງ ປະມານ 40 ​ເປີ​ເຊັນ ​ໃນ​ຄະນະ​ທີ່ ຜູ້​ແຂ່ງຂັນສຳຄັນ ຄືທ່ານ
Klaus Iohannis ​ໄດ້​ຮັບຄະ​ແນນ​ສຽງ 30 ​ເປີ​ເຊັນ.

ນາຍົກລັດ​ຖະມົນຕີ ​ແລະ ຜູ້​ວ່າການ​ເມືອງ Sibiu ຈະ​ປະ​ເຊີນ​ໜ້າ​
ກັນ ​ໃນ​ຮອບ​ຂັ້ນຊີ້​ຂາດ ​ທີ່ຈະ​ຈັດ​ຂຶ້ນ​ໃນ​ວັນ​ທີ 16 ​ເດືອນ​ພະຈິກ​ນີ້.

ຜູ້​ທີ່​ໄດ້​ຮັບ​ໄຊຊະນະ ຈະໄດ້​ຮັບ​ຕຳ​ແໜ່​ງ​ແທນ ປະທານາທິບໍດີ Traian Basescu ຜູ້​ທີ່​ຈະລົງ​ຈາກ​ຕຳ​ແໜ່ງ ຫຼັງຈາກ ໄດ້​ປະຕິບັດ​ໜ້າ​ທີ່​ມາ​ເປັນ​ເວ​ລາ 10 ປີ​ແລ້ວນັ້ນ.

XS
SM
MD
LG