ລິ້ງ ສຳຫລັບເຂົ້າຫາ

logo-print

ບັນດາ ກຸ່ມປົກປ້ອງ ສິດທິມະນຸດ ຮຽກຮ້ອງໃຫ້ ປະຊາຄົມ ນາໆຊາດ ກົດດັນລາວ


ແຜນທີ່ ສະແດງໃຫ້ເຫັນປະເທດລາວ

ບັນດາ​ກຸ່ມປົກ​ປ້ອງ​ສິດທິ​ມະນຸດ ຮຽກຮ້ອງ​ໃຫ້​ປະຊາ​ຄົມນາໆ​ຊາດ ກົດ​ດັນ​ທາງ​ການ
​ລາວ ​ໃຫ້​ປ່ອຍພວກ​ຄົນ​ງານ​ລາວ 3 ຄົນ​ທີ່ໄປ​ເຮັດ​ວຽກ​ຢູ່​ໄທ ຊຶ່ງໄດ້​ຕ້ອງ​ຕິລັດ​ຖະບານ
​ທາງ​ສື່​ສັງຄົມ​ ​ແລະ​ຖືກ​ຕັດສິນ​ຈຳ​ຄຸກ ​ເປັນ​ເວລາ​ດົນນານ​ນັ້ນ.​ ​Ron Corben ມີ​ລາຍ
​ງານ​ກ່ຽວ​ກັບ​ເລື່ອງ​ນີ້ ຊຶ່ງ ໄຊ​ຈະ​ເລີ​ນສຸກຈະນຳ​ເອົາ​ລາ​ຍລະອຽດ ມາສະ​ເໜີ​ທ່ານ ​
ໃນ​ອັນ​ດັບ​ຕໍ່​ໄປ.

ກຸ່ມປົກປ້ອງສິດທິມະນຸດທັງຫຼາຍ ກ່າວວ່າ ປະຊາຄົມນາໆຊາດ ຮວມທັງ ອົງການ
ສະຫະປະຊາຊາດ ຈຳເປັນຕ້ອງໄດ້ກົດດັນ ພວກເຈົ້າໜ້າທີ່ລາວ ເລື່ອງບັນຫາສິດທິ
ມະນຸດ.

ການຮຽກຮ້ອງດັ່ງກ່າວ ມີຂຶ້ນ ຖ້າມກາງການຕັດສິນລົງໂທດຢ່າງໜັກ ຂອງສານ
ຕ່າງໆຂອງລາວ ພວກຄົນທີ່ຕຳນິຕິຕຽນລັດຖະບານຄອມມິວນິສ ໃຫ້ຕິດຄຸກ ເປັນເວລາຍາວນານ.

ພວກກຸ່ມປົກປ້ອງສິດທິມະນຸດທັງຫຼາຍ ຊີ້ໃຫ້ເຫັນຄວາມບົກຜ່ອງຂອງທາງການລາວ
ໃນການບໍ່ເອົາ “ບາດກ້າວທີ່ສຳຄັນເພື່ອແກ້ໄຂ” ປະວັດບໍ່ດີເລື່ອງສິດທິມະນຸດ ແລະ
ການຈຳກັດທີ່ເຂັ້ມງວດຕ່າງໆ ກ່ຽວກັບສິດເສລີພາບໃນການປາກເວົ້າ ການຄົບຄ້າ
ສະມາຄົມ ແລະ ການໂຮມຊຸມນຸມ. ຄົນລາວ 3 ຄົນທີ່ໄປເຮັດວຽກຢູ່ຕ່າງແດນ ໄດ້ຖືກ
ສານຕັດສິນລົງໂທດຈຳຄຸກ ລະຫວ່າງ 12 ຫາ 20 ປີ ຍ້ອນຂຽນຄຳເຫັນລົງສື່ສັງຄົມ
ໃນເວລາໄປຢູ່ປະເທດໄທ ແລະ ຍ້ອນວ່າ ພວກເຂົາເຈົ້າ ໄດ້ເຂົ້າຮ່ວມ ໃນການ
ປະທ້ວງຢູ່ນອກສະຖານທູດລາວ ຢູ່ບາງກອກ.

ທາງການລາວ ໄດ້ຈັບກຸມຄົນລາວ 3 ຄົນ ທີ່ໄປເຮັດວຽກຢູ່ໄທ ໃນຂໍ້ຫາຂຽນຂໍ້ຄວາມຕຳນິລັດຖະບານ ຜ່ານທາງສື່ສັງຄົມ ເວລາອາໄສຢູ່ໃນໄທ.
ທາງການລາວ ໄດ້ຈັບກຸມຄົນລາວ 3 ຄົນ ທີ່ໄປເຮັດວຽກຢູ່ໄທ ໃນຂໍ້ຫາຂຽນຂໍ້ຄວາມຕຳນິລັດຖະບານ ຜ່ານທາງສື່ສັງຄົມ ເວລາອາໄສຢູ່ໃນໄທ.

ພວກທັງ 3 ມີ ຜູ້ຊາຍ 2 ຄົນ ຄື ທ້າວ ສົມພອນ ພິມມະສອນ ທ້າວ ສຸກັນ ໃຈທາດ
ແລະ ຜູ້ຍິງຄົນນຶ່ງ ຄື ນາງ ລົດຄຳ ທຳມະວົງ ໄດ້ຖືກຈັບ ເວລາພວກເຂົາເຈົ້າ ກັບຄືນ
ມາລາວ ຫຼັງຈາກໄດ້ໂພສຂໍ້ຄວາມທີ່ຕຳນິລັດຖະບານລາວ ລົງສື່ສັງຄົມ ຢູ່ໃນປະເທດ
ໄທ.

ສຳນັກງານອົງການສະຫະປະຊາຊາດ ເພື່ອສິດທິມະນຸດປະຈຳເອເຊຍຕາເວັນອອກ
ສຽງໃຕ້ ຫຼື OHCHR ໄດ້ໂຕ້ຕອບ ໃນຖະແຫລງການສະບັບນຶ່ງ ຫຼັງຈາກທີ່ໄດ້ຮັບແຈ້ງ
ຢ່າງເປັນທາງການ ໂດຍກ່າວວ່າ ທາງອົງການໄດ້ “ຕົກຕະລຶງ ຍ້ອນການຕັດສິນ
ລົງໂທດທີ່ໜັກໜ່ວງ”
ແລະ ໄດ້ຮຽກຮ້ອງໃຫ້ປ່ອຍໂຕພວກເຂົາເຈົ້າ.

ພວກຄົນງານທັງສາມ ໄດ້ຂຽນຂໍ້ຄວາມຕຳນິ ລັດຖະບານໃນວຽງຈັນ ລົງທາງສື່ສັງຄົມ
ກ່າວຫາວ່າ ສໍ້ລາດບັງຫລວງ ຕັດໄມ້ທຳລາຍປ່າ ແລະ ລະເມີດສິດທິມະນຸດ.

ໄດ້ມີການເອົາພວກເຂົາເຈົ້າທັງສາມຍ່າງແຫ່ຖ່າຍທອດອອກທາງໂທລະພາບຂອງ
ລັດ ໃນລະຫວ່າງຖືກຄວບຄຸມໂຕຢູ່ ທີ່ສຳນັກງານໃຫຍ່ຂອງກົມຕຳຫຼວດ ໃນນະຄອນ
ວຽງຈັນ. ໃນລາຍງານຂ່າວທາງການ ລັດຖະລານໄດ້ກ່າວວ່າ ທັງສາມ ໄດ້ຖືກຈັບ
ຍ້ອນເປັນໄພຂົ່ມຂູ່ຕໍ່ຄວາມໝັ້ນຄົງຂອງຊາດ “ໂດຍໃຊ້ສື່ສັງຄົມ ເພື່ອເຮັດໃຫ້ຊື່ສຽງ
ຂອງລັດຖະບານເສຍຫາຍ.”

ທ່ານ Laurent Meillan ວ່າການແທນ ອົງການ OHCHR ຂອງສະຫະປະຊາດ
ປະຈຳພາກພື້ນ ໄດ້ກ່າວວ່າ ການຕັດສິນລົງໂທດພວກຄົນງານດັ່ງກ່າວ ສະແດງໃຫ້
ເຫັນວ່າ ເປັນ “ການລົງໂທດທີ່ໜັກໜ່ວງຫຼາຍ ຊຶ່ງບໍ່ຈຳເປັນ ຫຼື ບໍ່ສົມເຫດສົມຜົນ
ແລະ ເປັນການລະເມີດຂໍ້ບັງຄັບຕໍ່ສິດທິມະນຸດສາກົນຂອງສປປ ລາວ”
.

ທ່ານ Meillan ໄດ້ຕຳນິ ລັດຖະບານລາວ ສຳລັບການຄວບຄຸມໂຕ ທັງສາມຄົນ
ໂດຍບໍ່ໃຫ້ມີການຕິດຕໍ່ກັບຜູ້ໃດ ແລ້ວ ບັງຄັບໃຫ້ພວກເຂົາເຈົ້າ ຂໍໂທດ ຜ່ານ
ໂທລະພາບຂອງລັດ ວ່າ “ເປັນພວກທໍລະຍົດ” ຕໍ່ການປົກຄອງຂອງພັກ
ລັດຖະບານ ແລະ ປະຊາຊົນລາວ.

ທ່ານໄດ້ກ່າວວ່າ ການສາລະພາບຜິດ ໂດຍຜ່ານໂທລະພາບແຫ່ງຊາດ ແມ່ນເປັນ
“ເປັນການລົບກວນຈິດໃຈ ແລະ ຂັດແຍ້ງກັບ ສິດທິໃນການໄດ້ຮັບການພິຈາ
ລະນາ ຄະດີດ້ວຍຄວາມເປັນທຳ.”

ບັນດານັກເຄື່ອນໄຫວເພື່ອສິດທິມະນຸດ ກ່າວວ່າ ພວກເຈົ້າໜ້າທີ່ ໄດ້ໃຫ້ລາຍ
ລະອຽດ ກ່ຽວກັບການຈັບກຸມ ແລະ ຄວບຄຸມໂຕ ຂອງບຸກຄົນທັງສາມ ທີ່ນຳໄປສູ່
ການຕັດສິນລົງໂທດ ແບບແຕກຕ່າງກັນໄປ.

ຄວາມເປັນຫ່ວງອື່ນໆອີກ ທີ່ໄດ້ຍົກຂຶ້ນມາໂດຍອົງການສິດທິຕ່າງໆ ກໍປະກອບດ້ວຍ
ການເຕືອນຂອງທາງການ ບໍ່ໃຫ້ຄອບຄົວທຳການຟ້ອງ ຫຼັງຈາກໄດ້ມີຄຳຕັດສິນ ຫຼື
ຊອກເອົາຜູ້ຕາງໜ້າ ທາງດ້ານກົດໝາຍມາເວົ້າແທນຍາດຕິພີ່ນ້ອງ ຂອງພວກເຂົາ
ເຈົ້າຢູ່ໃນສານ.

ທ່ານ Andrea Giorgetta ຜູ້ອຳນວຍການຫ້ອງການເອເຊຍ ຫຼື Asia Desk
ປະຈຳ ສະຫະພັນສາກົນເພື່ອສິດທິມະນຸດ ຫຼື FIDH ກ່າວວ່າ ຄຳຕັດສິນຕ່າງໆ
ໄດ້ກໍ່ໃຫ້ເກີດມີຄວາມເປັນຫ່ວງກ່ຽວກັບ ການດຳເນີນດ້ານຕຸລາການຂອງລາວ.

ທ່ານ Giorgetta ກ່າວວ່າ “ໂດຍພື້ນຖານແລ້ວ ລັດຖະບານລາວ ອ້າງວ່າ ຂັ້ນ
ຕອນຕ່າງໆ ທັງໝົດ ແມ່ນໄດ້ຖືກປະຕິບັດຕາມຢ່າງຖືກຕ້ອງ ແລະພວກເຮົາຮູ້
ດີວ່າ ອັນນັ້ນ ບໍ່ແມ່ນຄວາມຈິງ ແລະ ພວກເຮົາຮູ້ດີວ່າ ສິດທິໃນການໄດ້ຮັບ
ການພິຈາລະນາຄະດີ ແມ່ນບໍ່ໄດ້ຄວາມເຄົາລົບ ເລີ້ມຕົ້ນຕັ້ງແຕ່ເວລາ ທີ່ພວກ
ຕ້ອງຫາທັງສາມ ຖືກນຳໂຕໄປແຫ່ໃຫ້ຄົນເບິ່ງ ຢູ່ໃນກອງປະຊຸມຖະແຫລງຂ່າວ
ເປັນຕົ້ນມາ.”

ລາວໄດ້ປະເຊີນໜ້າກັບການຕຳນິຕິຕຽນ ສຳລັບຫຼາຍໆຄະດີ ທີ່ມີການຕັດສິນ
ລົງໂທດຢ່າງໜັກໜ່ວງ ພວກນັກເຄື່ອນໄຫວ ແລະ ບຸກຄົນຕ່າງໆ ໃນຫຼາຍໆປີ
ຜ່ານມາ. ໃນປີ 1999 ທາງການລາວ ໄດ້ກັກໂຕພວກນັກເຄື່ອນໄຫວ 3 ຄົນ ທີ່
ພະຍາຍາມຈັດການປະທ້ວງຢ່າງສັນຕິ. ພວກເຂົາເຈົ້າໄດ້ຖືກຕັດສິນລົງໂທດ
ຈຳຄຸກ 15 ປີ.

ໃນປີ 2003 ຊາວມົ້ງ ສອງຄົນ ໄດ້ຖືກຕັດສິນລົງໂທດ 12 ປີ ກັບ 20 ປີ ຫຼັງຈາກ
ເຂົາເຈົ້າໄດ້ຮັບໃຊ້ເປັນຄົນນຳທ່ຽວ ໃຫ້ພວກນັກຂ່າວຕ່າງປະເທດ ທີ່ຂຽນລາຍ
ງານກ່ຽວກັບຊົນເຜົ່າມົ້ງໃນລາວ. ທາງການລາວ ກ່າວວ່າ ພວກເຂົາເຈົ້າ ມີຄວາມ
ຜິດຖານ “ຂັດຂວາງຂະບວນການຍຸຕິທຳ”.

ຮອງຜູ້ອຳນວຍການເຂດເອເຊຍ ອົງການປົກປ້ອງສິດທິມະນຸດ ຫຼື HRW ທ່ານ
Phil Robertson ກ່າວວ່າ ປາກົດວ່າ ລັດຖະບານລາວ ຍັງຢືນຢັດຢູ່ກັບການ
ຕັດສິນລົງໂທດແບບໜັກໆນີ້ຢູ່ຕໍ່ໄປ ຍ້ອນວ່າບໍ່ໄດ້ມີປະຕິກິລິຍາທີ່ສຳຄັນພໍທໍ່ໃດ
ຈາກນາໆຊາດ ເມື່ອສົມທຽບໃສ່ກັບປະຕິກິລິຍາ ຕໍ່ກໍລະນີຕ່າງໆທີ່ຄ້າຍຄືກັນນີ້
ຢູ່ໃນປະເທດໄທ ແລະ ມຽນມາ.

ທ່ານ Robertson ກ່າວວ່າ “ປະເທດລາວ ເຊື່ອວ່າ ຕົນຈະສາມາດຫລີກມົ້ມ
ຈາກການຕັດສິນລົງໂທດ ທີ່ໜັກໜ່ວງນີ້ໄດ້ ຍ້ອນວ່າ ບໍ່ມີຜູ້ໃດສົນໃຈ. ປະເທດ
ລາວ ນ້ອຍໆ ບໍ່ແມ່ນເປັນບຸລິມະສິດລະດັບສູງ ຢູ່ໃນບັນຊີຂອງຜູ້ໃດ. ແລະ
ລະບົບຍຸຕິທຳ ແລະ ການຄຸມຂັງ ຢູ່ແຫ່ງນັ້ນ ກໍແມ່ນວ່າ ບໍ່ໂປ່ງໃສ ຊຶ່ງຈະບໍ່
ມີໃຜເລີຍ ຈະຮູ້ຈັກວ່າ ແມ່ນຫຍັງເກີດຂຶ້ນກັບພວກຄົນດັ່ງກ່າວ ເວລາພວກ
ເຂົາເຈົ້າ ຖືກສົ່ງເຂົ້າໄປຢູ່ໃນຄຸກ”
.

ບັນດານັກເຄື່ອນໄຫວເພື່ອສິດທິ ໄດ້ຍົກໃຫ້ເຫັນ ເຖິງຄວາມກະວົນກະວາຍໃຈ
ຂອງພວກເຂົາເຈົ້າ ກັບລັດຖະບານລະດັບພາກພື້ນ ແລະ ປະຊາຄົມນາໆຊາດ
ຮວມທັງ ອົງການສະຫະປະຊາຊາດນຳ ສຳລັບອັນທີ່ພວກເຂົາເຈົ້າ ກ່າວວ່າ
ເປັນຄວາມລົ້ມແຫລວ ທີ່ບໍ່ໄດ້ກົດດັນ ລາວ ໃຫ້ໜັກຂຶ້ນ ເພື່ອໃຫ້ປັບປຸງປະວັດ
ດ້ານສິດທິມະນຸດຂອງຕົນ.

ທ່ານນາງ Debbie Stothard ເລຂາທິການໃຫຍ່ ຂອງ ອົງການ FIDH ກ່າວວ່າ
ປະຊາຄົມນາໆຊາດ ຈຳເປັນຈະຕ້ອງໄດ້ເອົາມາດຕະການຫຼາຍຂຶ້ນ ເພື່ອຈະແກ້ໄຂ
ບັນຫາເລື່ອງສິດທິມະນຸດໃນລາວ.

ທ່ານນາງ Stothard ໄດ້ບອກວີໂອເອ ວ່າ “ມັນເຖິງເວລາແລ້ວ ທີ່ພວກເຮົາຈະ
ຕ້ອງເຮັດໄປເກີນກວ່າ ການອອກຖະແຫລງການຂອງຄວາມເປັນຫ່ວງເປັນໃຍ
ແລະ ການປະນາມ ຊື່ໆ ຕໍ່ນະໂຍບາຍຕ່າງໆ ທີ່ໄດ້ສົ່ງຜົນກະທົບຕໍ່ຮູບແບບຕ່າງໆ
ຂອງການພົວພັນ ກັບລະບອບການປົກຄອງຂອງລາວ. ລາວໄດ້ຮັບທຶນ ລາວໄດ້
ຮັບການຊ່ອຍເຫຼືອ ແລະ ລາວໄດ້ຮັບລາຍໄດ້ມາຢ່າງຫຼວງຫຼາຍ ລາຍຮັບຈາກ
ການລົງທຶນ ຂອງຕ່າງປະເທດ ແລະ ການຄ້າ ແລະ ມັນກໍເຖິງເວລາແລ້ວ ທີ່ ພວກເຮົາຈະເອົາເງິນລົງທຶນໃສ່ບ່ອນທີ່ພວກເຮົາຈະໄດ້ຮັບຜົນປະໂຫຽດ”
.

ໃນຄຳເຫັນຢູ່ໃນອີແມລ ທີ່ສົ່ງຫາວີໂອເອ ນັ້ນ ໂຄສົກ ຂອງຜູ້ປະສານງານ ສປຊ
ປະຈຳລາວ ກ່າວວ່າ ຫ້ອງການຂອງສະຫະປະຊາຊາດ ແທ້ຈິງແລ້ວ ແມ່ນກຳລັງ
ທຳງານ “ຢ່າງໃກ້ຊິດ ກັບ OHCHR ແລະ ອົງການຈັດຕັ້ງຕ່າງໆ ຂອງ ສປຊ
ເພື່ອສົ່ງເສີມສິດທິມະນຸດ”
ຢູ່ໃນລາວ.

ວຽກງານອັນນີ້ ປະກອບດ້ວຍ ການລົນນະລົງດ້ານສິດທິສາກົນ ດ້ານບັນທັດຖານ
ແລະ ມາດຕະຖານຕ່າງໆ. ໂຄສົກທ່ານນີ້ ກ່າວອີກວ່າ ອົງການສະຫະປະຊາຊາດ
ຍັງສືບຕໍ່ປຶກສາຫາລື ກັບລັດຖະບານລາວຢູ່ ມີຮວມທັງຄະດີເຈາະຈົງ ຂອງພວກ
ຄົນງານ 3 ຄົນນີ້ນຳດ້ວຍ.

ຫຼັງຈາກທີ່ໄດ້ເຈລະຈາກັບທາງການລາວ ໃນເດືອນກຸມພາສະຫະພາບຢູໂຣບ ຫຼື
EU ກໍໄດ້ກ່າວໃນຖະແຫລງການສະບັບນຶ່ງ ວ່າ ຕົນໄດ້ກົດດັນ ເລື່ອງບັນຫາສິດທິ
ມະນຸດ ໃນແບບ “ກົງໄປກົງມາ ແລະ ບັນຍາກາດທີ່ເປີດອົກເປີດໃຈ” ໂດຍຮວມ
ມີຄະດີຕ່າງໆ ຂອງພວກຄົນ ຜູ້ທີ່ໄດ້ຖືກຄຸມຂັງມາ ຫຼື ພວກທີ່ຫາຍສາບສູນໄປນຳ.

ອ່ານຂ່າວນີ້ຕື່ມເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG