ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ອຸດສາຫະກຳລົດຍົນ ສຫລ ເພັ່ງເລັງໃສ່ ເລື່ອງ ເທັກໂນໂລຈີ ໃນງານວາງສະແດງ ລົດຍົນ


Revitalized US Auto Industry Focuses on Technology at 2016 North American International Auto Show
please wait

No media source currently available

0:00 0:02:42 0:00

ຊົມວິດີໂອ ກ່ຽວກັບ ລາຍການນີ້

ໃນປີ 2009 ອຸດສາຫະກຳລົດຍົນຂອງ ສະຫະລັດ ໄດ້ມີແນວໂນ້ມ ທີ່ຈະລົ້ມ ລະລາຍ, ໃນຂະນະທີ່ບັນດາຜູ້ບໍລິໂພກໄດ້ຢຸດຊື້ລົດໃໝ່ ໃນລະຫວ່າງທີ່ເສດຖະກິດ ຂະຫຍາຍຕົວຊ້າທີ່ສຸດ ນັບຕັ້ງແຕ່​ໄດ້​ເກີດພາວະເສດຖະກິດຕົກຕ່ຳຄັ້ງໃຫຍ່ສຸດເປັນຕົ້ນມາ. ການສະ ໜັບສະໜຸນດ້ານການເງິນຂອງລັດຖະບານ ໄດ້ຊ່ວຍເຫຼືອໃຫ້ຫຼາຍ ບໍລິສັດຜູ້ຜະລິດລົດຍົນ ລອດພົ້ນຈາກການຖືກປິດລົງ, ແລະ ຕອນ ນີ້ພາຍຫຼັງ 7 ປີຕໍ່ມາ, ອຸດສາຫະກຳລົດຍົນທີ່ໄດ້ຟື້ນຊີວິດຄືນໃໝ່ ນັ້ນ ພ້ອມກັບມີຄວາມແຂງແຮງຂຶ້ນ ແລະ ໄດ້ວາງສະແດງລົດຂອງ ຕົນ ທີ່ງານວາງສະແດງລົດຍົນນານາຊາດ ອາເມຣິກາເໜືອ ປີ 2016 ທີ່ນະຄອນ Detroit ລັດ Michigan. ແຕ່ດັ່ງທີ່ນັກຂ່າວວີໂອ ເອ Kane Farabaugh ລາຍງານຈາກສະຖານທີ່ວາງສະແດງ, ມັນຍັງມີສິ່ງອື່ນໆ ແລະ ສິ່ງທີ່ໃກ້ຈະເກີດຂຶ້ນໃນອະນາຄົດ ໄດ້ຖືກນຳມາວາງສະແດງບໍ່ພຽງແຕ່ ມີລົດເກງ ແລະ ລົດບັນທຸກເທົ່ານັ້ນ. ເຊິ່ງວ່າຈະມີຫຍັງແດ່ນັ້ນ ພຸດທະສອນ ຈະນຳລາຍລະ ອຽດມາສະເໜີທ່ານ.

ຂ່າວທີ່ໃຫຍ່ທີ່ສຸດໃນງານວາງສະແດງລົດຍົນນານາຊາດ ອາເມຣິກາເໜືອ ປີນີ້ໃນນະຄອນ Detroit ແມ່ນບໍ່ໄດ້ກ່ຽວກັບເລື່ອງຂອງລົດເລີຍ… ແຕ່ມັນແມ່ນສິ່ງທີ່ບັນດາບໍລິສັດຜູ້ຜະລິດລົດ ກຳລັງຈະເຮັດ.

ທ່ານ Michael Caudil ຜູ້ຊ່ຽວຊານເລື່ອງລົດຍົນແຫ່ງຊາດ ໄດ້ກ່າວວ່າ “ບັນດາຜູ້ຜະລິດລົດ ທຸກໆບໍລິສັດທີ່ເຂົ້າຮ່ວມໃນງານນີ້ ແມ່ນກຳລັງເປີດຕົວເທັກໂນໂລຈີ ທີ່ດີເລີດບາງຢ່າງຢູ່ໃນ ລົດ, ບໍ່ວ່າມັນຈະເປັນລະບົບການຄວາມຄຸມການບັງຄັບລົດແບບອັດຕະໂນມັດ ຫຼື ເທັກໂນ ໂລຈີການຢຸດລົດສະຫຼາດ, ຫຼືແມ່ນກະທັ້ງການ ໃຊ້ເຄື່ອງ ພິມ 3-D ເພື່ອພິມອອກ ຫຼືສ້າງອຸ ປະກອນດ້ານໃນຂອງລົດທ່ານ."

ທ່ານ Bill Ford JR., ປະທານຜູ້ບໍລິຫານບໍລິສັດລົດ FORD ໄດ້ກ່າວວ່າ “ພໍ່ຕູ້ ຂອງຂ້າພະ ເຈົ້າໄດ້ປ່ຽນແນວທາງການເຄື່ອນໄຫວຂອງໂລກ ດ້ວຍລົດລຸ້ນ T ໃນແນວທາງທີ່ເປັນພື້ນ ຖານຂອງການເດີນທາງ. ດັ່ງນັ້ນ ປະຈຸບັນນີ້ພວກເຮົາມີໂອກາດ ທີ່ຄືກັນໃນຍຸກສະໄໝໃໝ່ ພ້ອມກັບຄວາມທ້າທາຍທີ່ແຕກຕ່າງຫຼາຍຢູ່ຕໍ່ໜ້າພວກເຮົາ.”

ສະມາຊິກສະພາ ສະຫະລັດ ທ່ານ Gary Peters, ທ່ານນາງ Debbie Stabenow ແລະ ຮອງລັດຖະມົນຕີກະຊວງການຄ້າເພື່ອອຸດສາຫະກຳ ແລະ ນັກວິເຄາະ ທ່ານ Marcus Jadotte ທ່ຽວຊົມການວາງສະແດງລົດ Ford ໃນລະຫວ່າງການເປີດຕົວຕໍ່ສື່ມວນຊົນຄັ້ງທຳອິດ ໃນງານວາງສະແດງລົດຍົນນານາຊາດ ອາເມຣິກາເໜືອ ໃນນະຄອນ Detroit.
ສະມາຊິກສະພາ ສະຫະລັດ ທ່ານ Gary Peters, ທ່ານນາງ Debbie Stabenow ແລະ ຮອງລັດຖະມົນຕີກະຊວງການຄ້າເພື່ອອຸດສາຫະກຳ ແລະ ນັກວິເຄາະ ທ່ານ Marcus Jadotte ທ່ຽວຊົມການວາງສະແດງລົດ Ford ໃນລະຫວ່າງການເປີດຕົວຕໍ່ສື່ມວນຊົນຄັ້ງທຳອິດ ໃນງານວາງສະແດງລົດຍົນນານາຊາດ ອາເມຣິກາເໜືອ ໃນນະຄອນ Detroit.

ເທັກໂນໂລຈີ ແລະ “ການເຄື່ອນໄຫວໄປມາ” ແມ່ນຫົວຂໍ້ສຳລັບການນຳ​ສະ​ເໜີຂອງ ບໍລິສັດ FORD ໃນລະຫວ່າງການສະແດງ​ເປີ​ດ​ໃຫ້ ນັກຂ່າວຊົມ​ກ່ອນ ໃນປີນີ້.

ທ່ານ Mark Fields ຜູ້ບໍລິຫານລະດັບສູງ ແລະ ປະທານຂອງບໍລິສັດ FORD ໄດ້ກ່າວວ່າ “ການ​ ເຄື່ອນ​ໄຫວ​ໄປມາ​ແບບ​ສະຫຼາດ​ຂອງ​ບໍລິສັດ FORD ​ແມ່ນ​ແຜນການ​ຂອງ​ພວກ​ເຮົາ​ທີ່​ຈະ​ເປັນ​ຜູ້ນຳ ​ໃນ​ການ​ເຊື່ອມ​ຕໍ່ ການ​ເຄື່ອນ​ໄຫວ​ໄປມາ ລົດ​ທີ່​ຂັບ​ດ້ວຍ​ຕົນ​ເອງ ປະສົບ​ພະກາ​ນຂອງ​ຜູຸ້ບໍ ລິ​ໂພ​ກ ຂໍ້ມູນ​ແລະການ​ວິ​ເຄາະ.”

ບໍລິສັດ FORD ແມ່ນກຳລັງທົດລອງຍານພາຫະນະ ໃນສະພາບອາກາດທີ່ແຕກຕ່າງກັນ ພ້ອມກັບຄວາມຫວັງໃນການມີລົດທີ່ບໍ່ມີຄົນຂັບຢູ່ເທິງທ້ອງຖະໜົນໃນປີ 2020. ພວກເຂົາເຈົ້າ ກຳລັງຈະເປີດຮ້ານຂາຍ ຍ່ອຍໃນທົ່ວໂລກ ເພື່ອລູກຄ້າຈະສາມາດພົວພັນກັບການສະໜອງ ເຕັກໂນໂລຈີໃໝ່ໄດ້, ລວມທັງ​ໂປ​ຣ​ແກຣັມ​ໃຊ້​ວຽກຫຼື​ແອັປຕ່າງໆ ແລະໂຄງການຕອບແທນ ລູກຄ້າຜູ້ທີ່ໃຫ້ການສະໜັບສະໜູນ.

ຄວາມພະຍາຍາມຂອງບໍລິສັດ FORD ເພື່ອການຜູກມັດ ແລະ ເຮັດໃຫ້ລູກຄ້າກັບຄືນມາ, ໄດ້ ເກີດໃນເວລາທີ່ລວມຍອດການຂາຍໃນ ສະຫະລັດ ຂະຫຍາຍຕົວເຖິງຈຸດສູງສຸດໃນຮອບ 10 ປີໃນປີ 2015.

ຜູ້ເຂົ້າຮ່ວມງານ ກວດຊົມເສັ້ນລາຍຂອງລົດ Honda 2017 ຫຼັງຈາກໄດ້ເປີດຕົວໃນງານວາງສະແດງ ລົດຍົນນານາຊາດ ອາເມຣິກາເໜືອ ໃນນະຄອນ Detroit. 11 ມັງກອນ 2016.
ຜູ້ເຂົ້າຮ່ວມງານ ກວດຊົມເສັ້ນລາຍຂອງລົດ Honda 2017 ຫຼັງຈາກໄດ້ເປີດຕົວໃນງານວາງສະແດງ ລົດຍົນນານາຊາດ ອາເມຣິກາເໜືອ ໃນນະຄອນ Detroit. 11 ມັງກອນ 2016.

ທ່ານ Michael Caudil ໄດ້ກ່າວວ່າ “ຕົວເລກໄດ້ເພີ່ມສູງຂຶ້ນສຳລັບບັນດາຜູ້ຜະລິດ ລົດຍົນ. ຖ້າທ່ານຄິດກ່ຽວກັບມັນ ແທ້ຈິງແລ້ວ, ຕະຫຼາດຂາຍລົດ SUV ຂະໜາດນ້ອຍໄດ້ເພີ່ມຂຶ້ນ 11 ເປີເຊັນໃນປີທີ່ຜ່ານມາ, ແທ້ຈິງແລ້ວໄດ້ກາຍຕະຫຼາດລົດເກງ 4 ປະຕູ, ດັ່ງນັ້ນພວກລູກ ຄ້າແມ່ນກຳລັງຊອກຫາລົດທີ່ພໍສາມາດຊື້ໄດ້.”

ເພື່ອສະໜອງຄວາມຕ້ອງການທີ່ເພີ່ມຂຶ້ນນັ້ນ, ການຜະລິດລົດໃນ ສະຫະລັດ ກໍໄດ້ເພີ່ມຂຶ້ນ.

ທ່ານ Kevin Kerrigan ຈາກບໍລິສັດພັດທະນາເສດຖະກິດ ລັດມິຊິແກນ ໄດ້ກ່າວວ່າ ສຳລັບ​ອາ​ເມຣິກາ​ເໜືອ ຈະ​ແມ່ນ 17 ລ້ານ​ເຄິ່ງ​ໃນ ປີ 2015​ ​ແລະ​ເພີ້ມຂຶ້ນ​ເປັນ 18​ ລ້ານ​ໃນ​ປີ​ 2016.

ລົດຫຼາຍໆຄັນທີ່ລູກຄ້າຈະໄດ້ເຫັນໃນຫ້ອງ​ວາງສະແດງ​ຫຼືໂຊຣູມ ຂອງບໍລິສັດຕົວແທນຂາຍ ລົດນັ້ນ ແມ່ນມີວາງສະແດງຢູ່ໃນງານຄັ້ງນີ້, ລວມມີລົດທີ່ປະຢັດນ້ຳມັນຫຼາຍຂຶ້ນ ແຕ່ເປັນລົດທີ່ ມີຂະໜາດໃຫຍ່ກວ່າ.

ທ່ານ Michael Caudil ກ່າວວ່າ “ເຫດຜົນງ່າຍໆກໍແມ່ນການເພີ່ມໄລຍະທາງໃນການເດີນ ທາງໃຫ້ໄດ້ໄກສຸດ ຕໍ່ນ້ຳມັນໜຶ່ງຖັງ. ມັນເປັນພາກສ່ວນທີ່ໃຫຍ່ ຂອງສິ່ງທີ່ຜູ້ຜະລິດລົດ ກຳ ລັງເຮັດ ກ່ຽວກັບ ພາກສ່ວນນ້ຳມັນຂອງທຸລະກິດ. ແລະ ວ່າຂ້ອຍຈະຂັບລົດດ້ວຍນ້ຳມັນ ເຕັມຖັງໄດ້ໄກເທົ່າໃດ?"

ການຕື່ມນ້ຳມັນເຕັມຖັງໃນປະຈຸນີ້ແມ່ນມີລາຄາຖືກກວ່າ ຍ້ອນ​ວ່າ​ລາຄາ ນ້ຳມັນ​ແມ່ນ​ຖືກ​ກວ່າ 2 ໂດລາຕໍ່ໜຶ່ງກາ​ລອນ ໃນຫຼາຍພາກສ່ວນຂອງ ສະຫະລັດ. ເຖິງຢ່າງໃດກໍຕາມ, ລົດທີ່ປະ ຫຍັດນ້ຳມັນທີ່ສຸດ ແລະ ລົດໄຟຟ້າ ແມ່ນຍັງຄອບຄອງຫ້ອງວາງສະແດງຂອງງານຢູ່, ອີງຕາມ ທ່ານ Caudill, ບັນດາຜູ້ຜະລິດແມ່ນມີທາງເລືອກທີ່ໜ້ອຍຫຼາຍ.

ທ່ານ Michael Caudil ກ່າວວ່າ “ບັນດາຜູ້ຜະລິດລົດຍົນທຸກໆບໍລິສັດໃນປີ 2015 ຕ້ອງບັນ ລຸຂໍ້ກຳນົດການປ່ອຍຄວັນພິດ ແລະ ການປະຢັດນ້ຳມັນບາງຢ່າງ. ດັ່ງນັ້ນ ຈຶ່ງ​ໄດ້​ວາງ​ເດີມ​ພັນ​ທີ່​ຈະ​ໄປເຖິງ​ຈຸດໝາຍ​ດັ່ງກ່າວ​ໄວ​ເທົ່າ​ໃດ​ຍິ່ງ​ເປັນ​ການ​ດີ.

ງານວາງສະແດງລົດຍົນນານາຊາດ ອາເມຣິກາເໜືອ ຈະດຳເນີນຕໍ່​ໄປຈົນຮອດວັນທີ 24 ມັງກອນ. ປະທານາທິບໍດີ ບາຣັກ ໂອບາມາ ມີແຜນການທີ່ຈະຢ້ຽມຢາມ ຫ້ອງວາງສະແດງ ຂອງງານ ໃນວັນທີ 20 ເດືອນມັງກອນນີ້.

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ສົດ ລາຍການວິທະຍຸ-ກະຈາຍສຽງຂອງວີໂອເອລາວ ວັນທີ 28 ມີນາ 2024

XS
SM
MD
LG