ລິ້ງ ສຳຫລັບເຂົ້າຫາ

logo-print

ປະທານາທິບໍດີ ສະຫະລັດ ກ່າວຄຳປາໄສ​ ກ່ຽວກັບ ສະພາບການ ຂອງປະເທດຊາດ


ປະທານາ​ທິບໍດີສະຫະລັດ ທ່ານ​ດໍ​ໂນ​ລ ທຣຳ ​ໄດ້​ກ່າວ​ຄຳ​ປາ​ໄສແຫ່ງຄວາມເປັນເອກ
ກະພາບແລະຄວາມກ້າວໜ້າ ໃນຄໍ່າຄືນວັນອັງຄານວານນີ້ ຢູ່ໃນລາຍງານຄັ້ງທຳອິດ
ຂອງທ່ານ ກ່ຽວກັບສະພາບການຂອງປະເທດຊາດຊ້ອງໜ້າກອງປະຊຸມຮ່ວມຂອງບັນ
ດາສະມາຊິກສະພາທັງຫຼາຍ. ຫົວໜ້າ​ນັກ​ຂ່າວ​ຂອງ​ວີ​ໂອ​ເອປະ​ຈະ​ທຳນຽບຂາວ​ Steve Herman ລາຍງານວ່າ ​ຢູ່ໃນ​ຄຳປາໄສຂອງທ່ານນັ້ນ ​ທ່ານ​ທຣຳໄດ້ສັນລະ​ເສີນເສດຖະ
ກິດສະຫະລັດທີ່ຂະຫຍາຍຕົວອອກຢ່າງໃຫຍ່ ໄດ້ຮຽກຮ້ອງເອົາງົບປະມານໃນຈຳນວນ
1 ພັນ 5 ຮ້ອຍຕື້ໂດລາ ສຳຫຼັບໂຄງລ່າງພື້ນຖານ ແລະສະເໜີວ່າ ໃຫ້ພວກຊາວໜຸ່ມ ​ທີ່​
ໄດ້ຖືກນຳເຂົ້າມາຍັງສະຫະລັດແບບຜິດກົດໝາຍນັ້ນ ໃຫ້ໄດ້ຮັບໂອກາດ ໃນ​ການ​ໂອນ
ເປັນສັນຊາດໄດ້ ໃນເວລາ 12 ປີ ຊຶ່ງວັນນະສອນ ຈະນຳລາຍອຽດກ່ຽວກັບເລື່ອງນີ້ ມາ
ສະເໜີທ່ານ ໃນອັນດັບຕໍ່ໄປ.

ປະທານາ​ທິບໍດີ ທຣຳ ​ໄດ້ເວົ້າ​ໄປ​ຕາມ​ຂໍ້ຄວາມ​ທີ່​ຂຽນ​ໄວ້ ໂດຍໄດ້​ກ່າວ​ສັນສະ​ເສີນ
ຜົນສຳ​ເລັດ​ຂອງ​ລັດຖະບານ​ຂອງທ່ານ ​ແລະ​ກ່າວ​ເຖິງທ່າທີທີ່ແຂງແກ່ນ ຕໍ່ໄພຂົ່ມຂູ່​
ຈາກ​ຕ່າງປະ​ເທດ.

ປະທານາ​ທິບໍດີສະຫະລັດ ທ່ານ​ດໍ​ໂນ​ລ ທຣຳ ​ກ່າວ​ວ່າ “ຢູ່​ໃນ​ທົ່ວ​ໂລກ, ພວກ​ເຮົາ​
ປະ​ເຊີນໜ້າ​ ກັບ​ລັດ​ທິຈອມປອມ, ພວກ​ກຸ່ມ​ກໍ່​ການ​ຮ້າຍ ​ແລະ​ຄູ່​ແຂ່ງຕ່າງໆ ​ເຊັ່ນ
ປະເທດ​ຈີນ ແລະຣັດ​ເຊຍ ທີ່​ທ້າ​ທາຍ​ຕໍ່​ຜົນ​ປະ​ໂຫຍ​ດຂອງພວກເຮົາ ຕໍ່ເສດ​ຖະກິດຂອງພວກເຮົາ ​ແລະຕໍ່​ຄຸນຄ່າຂອງ​ພວກ​ເຮົາ. ​ໃນ​ການ​ປະ​ເຊີນ​ໜ້າ​ກັບ​
ສິ່ງ​ຊົ່ວ​ຮ້າຍ​ທີ່​ເປັນ​ອັນຕະລາຍທັງຫຼາຍ​ທັງ​ປວງນີ້ ພວກ​ເຮົາຮູ້ດີ​ວ່າ​ ຄວາມ​ອ່ອນ​ແອ
​ ​ແມ່ນເປັນ​ເສັ້ນທາງ​ທີ່​ແນ່ນອນ​ທີ່​ສຸດ ທີ່​ນຳໄປ​ສູ່ຄວາມ​ບໍ່​ລົງ​ຮອຍ​ກັນ ​ແລະ​ຄວາມ​
ບໍ່​ກ້ຳ​ເກິ່ງ​ທາງ​ອຳນາດ ແມ່ນ​ເປັນຄວາມແນ່ນອນ​ທີ່​ສຸດທີ່ຈະນຳໄປສູ່ການປ້ອງກັນ
ຢ່າງແທ້ຈິງ​ແລະ​ຍິ່ງໃຫຽ່ຂອງ​ພວກ​ເຮົາ.”

ບັນດາສະມາຊິກຂອງລັດຖະສະພາທີ່ເປັນແມ່ຍິງ, ພາກັນສວມໃສ່ເສື້ອຜ້າສີດຳ ທີ່ສະແດງເຖິງຂະບວນການ ຂ້ອຍກໍຄືກັນ ຫຼື #MeToo movement ແລະເຄື່ອງໝາຍຂອງພວກເຄາະຮ້າຍຂອງການຖືກຂົ່ມຂືນສຳເລົາ ປີ 1944 ທ່ານນາງເຣຊີ ເທເລີ (Recy Taylor), ທີ່ໄດ້ໄປຮອດໄປເຖິງລັດຖະສະພາ ເພື່ອຮັບຟັງ ທ່ານດໍໂນລ ທຣຳ ທີ່ກ່າວຄຳປາໄສ ກ່ຽວກັບສະພາບການຂອງປະເທດຊາດ
ບັນດາສະມາຊິກຂອງລັດຖະສະພາທີ່ເປັນແມ່ຍິງ, ພາກັນສວມໃສ່ເສື້ອຜ້າສີດຳ ທີ່ສະແດງເຖິງຂະບວນການ ຂ້ອຍກໍຄືກັນ ຫຼື #MeToo movement ແລະເຄື່ອງໝາຍຂອງພວກເຄາະຮ້າຍຂອງການຖືກຂົ່ມຂືນສຳເລົາ ປີ 1944 ທ່ານນາງເຣຊີ ເທເລີ (Recy Taylor), ທີ່ໄດ້ໄປຮອດໄປເຖິງລັດຖະສະພາ ເພື່ອຮັບຟັງ ທ່ານດໍໂນລ ທຣຳ ທີ່ກ່າວຄຳປາໄສ ກ່ຽວກັບສະພາບການຂອງປະເທດຊາດ

​ເກົາຫຼີ​ເໜືອ ທີ່​ພະຍາຍາມ​ຈະ​ສ້າງ​ຫົວ​ລູກ​ສອນ​ໄຟ​ ທີ່​ສາມາດ​ບັນຈຸ​ລະ​ເບີດ​ນິວ​ເຄລຍ
ສົ່ງ​ມາ​ເຖິງ​ສະຫະລັດ ​ແລະພັນທະ​ມິດ​ທັງຫຼາຍ ​ແມ່ນ​ໄດ້​ຖືກ​ແຍກ​ອອກ​ມາປະນາມ.
ທ່ານ​ທຣຳ ກ່າວ​ວ່າ “ມັນ​ແມ່ນລະບອບ​ການ​ປົກຄອງທີ່​ມີ​ລັກ​ສະ​ນະ​ຊົ່ວຮ້າຍ.”

ທ່ານປະ​ທາ​ນາ​ທິບໍດີ ​ໄດ້​ທຳການຂໍຮ້ອງ ເພື່ອສ້າງຄວາມປອງດອງຊາດທາງດ້ານ
ການເມືອງພາຍ​ໃນ ເພື່ອ​ພັດທະນາ​ໂຄງ​ລ່າງ​ພື້ນຖານ​ໃຫ້ກ້າວໜ້າທັນສະໄໝ ແລະ
ປະຕິຮູບນະ​ໂຍບາຍຄົນ​ເຂົ້າ​ເມືອງ.

ປະທານາ​ທິບໍດີ ທຣຳ ​ກ່າວ​ວ່າ “ໃນຄ່ຳ​ຄືນ​ນີ້ ຂ້າພະ​ເຈົ້າຂໍ​ຮຽກຮ້ອງ​ໃຫ້​ພວກ​ເຮົາ​
ທຸກ​ຄົນ ຈົ່ງປະໄວ້ບ່ອນນຶ່ງຕ່າງຫາກ ​ຄວາມ​ເຫັນທີ່​ແຕກ​ຕ່າງ​ກັນ​ນັ້ນ ​ແລ້ວມາຊອກ
​ຫາ​ເອົາສິ່ງທີ່​ພວກ​ເຮົາເຫັນ​ຄືກັນ ເພື່ອ​ຮຽກຮ້ອງເອົາ​ການ​ທ້ອນ​ໂຮມ​ກັນຂອງພວກ
ເຮົາ ທີ່​ມີ​ຄວາມຈຳ​ເປັນສຳລັບ​ປະຊາຊົນ ​ແລະ​ນີ້ ຄືກະ​ແຈດອກ​ສຳຄັນ.”

​ໄດ້​ມີ​ຈຳນວນ​ສະມາຊິ​ກສະພາ​ຝ່າຍ​ຄ້ານ​ຫຼາຍ​ທ່ານ ປະທ້ວງບໍ່​ເຂົ້າ​ມາຮ່ວມຮັບ​ຟັງ​
ຄຳ​ປາ​ໄສ​ຂອງ​ປະທານາທິບໍດີຄັ້ງນີ້.

ປະທາ​ນາທິບໍດີ ດໍໂນລ ທຣຳ ກ່າວຄຳປາໄສກ່ຽວກັບສະພາບການຂອງປະເທດຊາດ ຊ້ອງໜ້າບັນດາສະມາຊິກທຸກພັກຝ່າຍ ໃນຫ້ອງໂຖງລັດຖະສະພາ, ວໍຊີງຕັນ, 30 ມັງກອນ 2018.
ປະທາ​ນາທິບໍດີ ດໍໂນລ ທຣຳ ກ່າວຄຳປາໄສກ່ຽວກັບສະພາບການຂອງປະເທດຊາດ ຊ້ອງໜ້າບັນດາສະມາຊິກທຸກພັກຝ່າຍ ໃນຫ້ອງໂຖງລັດຖະສະພາ, ວໍຊີງຕັນ, 30 ມັງກອນ 2018.

ບັນດາ​ສະມາຊິກ​ຂອງລັດຖະສະພາຄົນ​ຜີວດຳ ຫຼື Congressional Black Caucus
ພາກັນ​ສວມ​ໃສ່​ເສື້ອຜ້າ​ທີ່​ເປັນ​ລາຍ ຂອງ​ຊົນ​ເຜົ່າ​ອາ​ຟຣິກາ​ເພື່ອ​ຮວມຕົວ​ກັນ ຕໍ່ຕ້ານ
ຄຳເຫັນ​ຂອງທ່ານ​ທຣຳ ເມື່ອບໍ່ດົນນີ້ ທີ່ມີຕໍ່ພວກປະ​ເທດຕ່າງໆໃນ​ອາ​ຟຣິກາ.

​ໃນ​ການ​ໂຕ້ຕອບ​ຢ່າງ​ເປັນ​ທາງ​ການ​ຈາກພັກ​ເດ​ໂທ​ແຄຣັດ ຊື່​ຂອງ​ທ່ານ​ ທຣຳ ບໍ່ເຄີຍ​
ໄດ້ຖືກເອີ່ຍເຖິງຈັກເທື່ອ ​ໂດຍນ້ອງຊາຍ​ຂອງ​ພໍ່​ຕູ້ຂອງເພິ່ນ ​ຜູ້ນຶ່ງ ກໍ​ແມ່ນ​ຢູ່​ບັນດາ​
ປະທານາທິບໍດີ​ທີ່​ມີ​ຊື່​ສຽງ​ທີ່​ສຸດ​ໃນ​ສັດຕະວັດ​ທີ 20.

ສະມາຊິກ​ສະພາ​ຕ່ຳ ສັງກັດ​ພັກ​ເດ​ໂມ​ແຄຣັດ ​ທ່ານໂຈ ​ແຄັນ​ເນີ​ດີ ທີ 3 ກ່າວ​ວ່າ
“ການ​ກ່າວ​ເຍາະ​ເຍີ້​ຍທັບ​ຖົມ ອາດ​ຈະ​ໄດ້​ເລື່ອງ ​ເຈັບປວດ. ມັນ​ອາດ​ຈະ​ເຮັດ​ເປັນ
​ຮອຍ​ດ່າງ​ໄດ້ ​ແຕ່​ວ່າ ມັນບໍ່​ເຄີຍ​ ​ແມ່ນ​ແຕ່​ຄັ້ງ​ດຽວ ​ໃນ​ປະຫວັດສາດ​ຂອງ​ສະຫະລັດ
ທີ່​ຈະ​ສາມາດ​ທຽບເທົ່າ​ຄວາມ​ແຮງ​ກ້າ​ແລະ​ຂວັນໃຈຂອງ​ຜູ້​ຄົນ​ທີ່​ຮວມຕົວ​ກັນ​ເພື່ອ
ປົກ​ປ້ອງ​ຄຸນຄ່າ​ຂອງອະນາ​ຄົດ​ພວກ​ເຂົາ​ເຈົ້າໄດ້.”

​ປະທາ​ນາທິບໍດີ ທຣຳ ຢືນນິ້ງ ກ່ອນທີ່ຈະກ່າວຄຳປາໄສກ່ຽວກັບສະພາບການຂອງປະເທດຊາດ ຊ້ອງໜ້າບັນດາສະມາຊິກທຸກພັກຝ່າຍ ໃນຫ້ອງໂຖງລັດຖະສະພາ, ວໍຊີງຕັນ, 30 ມັງກອນ 2018.
​ປະທາ​ນາທິບໍດີ ທຣຳ ຢືນນິ້ງ ກ່ອນທີ່ຈະກ່າວຄຳປາໄສກ່ຽວກັບສະພາບການຂອງປະເທດຊາດ ຊ້ອງໜ້າບັນດາສະມາຊິກທຸກພັກຝ່າຍ ໃນຫ້ອງໂຖງລັດຖະສະພາ, ວໍຊີງຕັນ, 30 ມັງກອນ 2018.

​ຢູ່ໃນ​ປະ​ເທດ ​ທີ່​ມີ​ແຕກ​ແຍກ​ຢ່າງ​ເລີກ​ເຊິ່ງ ກ່ຽວ​ກັບ​ປະທານາທິບໍດີ​ຄົນທີ 45 ຂອງ​ປະ​ເທດ
ແມ່ນ​ເບິ່ງ​ຄື​ວ່າ ຄຳປາໄສຂອງເພິ່ນ ​ຈະບໍ່​ໂນ້ມໜ່ຽວ​ຫັນເຫແນວຄິດຂອງ​ພວກ​ລົງ​ຄະ​ແນນ​ສຽງຫຼາຍເປີເຊັນພໍທໍ່ໃດ.

ສ່ວນ ທ່ານ ສະຕີ​ບ​ເວັນ​ ໄປ​ເຟີ ຈາກ​ສະ​ຖາ​ບັນ​ບຣຸກຄິງ ກ່າວ​ວ່າ “ຂ້າພະ​ເຈົ້າ​ຄິດ​ວ່າ
ພວກທີ່ຢູ່ຂ້າ​ງທ່ານ ​ໄດ້ຍິນ​ຫຼາຍ​ສິ່ງ​ຫຼາຍ​ຢ່າງ​ຈາກ​ຄຳ​ປາໄສ​ຂອງ​ທ່ານ ທີ່​ພວກ​ເຂົາເຈົ້າ
ມັກ ​ແຕ່​ວ່າໂດຍ​ທົ່ວ​ໄປ​ແລ້ວ ຄວາມ​ຄິດ​ຂອງ​ຂ້າພະ​ເຈົ້າ​ນັ້ນແມ່ນ​ວ່າ ມັນ​ກໍຈະລົງເອີຍ ໄປຕາມສຽງ ​ສາທາລະນະຊົນນັ້ນເອງ. ຂ້າພະ​ເຈົ້າ​ໝາຍ​ຄວາມວ່າ ມັນ​ຍາວ ຍາວ​ກວ່າ
1 ຊົ່ວ​ໂມງ​ 20 ນາທີ ​ແລະ​ມັນບໍ່​ໄດ້​ມີ​ໃຫ້ຄວາມ​ຄິດຫຽັງ ​ທີ່​ຈະ​ນຳ​ໄປ​ສູ່​ການ​ກ້າວ​ໄປ​
ຂ້າງ​ໜ້າ. ມັນ​ເປັນ​ແບບ​ ລາຍ​ຊື່​ຄວາມ​ຄວາມ​ຄິດ​ເຫັນ ​ແຕ່​ບໍ່​ມີ​ຄວາມເປັນແກ່ນສານຫຽັງ.”

ທ່ານ​ສະຕີ​ບ​ ​ເຮີ​ມັນ ນັກ​ຂ່າວ​ວີ​ໂອ​ເອ ກ່າວ​ວ່າ “​ເຖິງ​ແມ່ນ​ວ່າ ປະທານາທິບໍດີ​ຈະ​ຮຽກ
ຮ້ອງໃຫ້ເຕົ້າ​ໂຮມ​ກັນ ​ແລະ​ປະກາດ​ໃນ​ປີ​ທຳ​ອິດ​ຂອງ​ທ່ານ ​ວ່າ​ເປັນ​ປະທານາທິບໍດີ
​ທີ່ມີຜົນສຳ​ເລັດ​ຍິ່ງ​ໃຫຍ່ກໍຕາມ, ແຕ່ເມກໝອກພາຍຸ​ຝົນ ກໍຍັງບົດ​ບັງປົກຄຸມ​ຢູ່​ຂ້າ​ງຢູ່ຢ່າງຫຼວງຫຼາຍ. ຄະນະ​ກຳມະການ​ສືບສວນ​ພິ​ເສດ ​ຍັງ​ຈະ​ສືບ​ຕໍ່​ ດຳ​ເນີນ​ສືບສວນ
ຢູ່​ຕໍ່​ໄປ ກ່ຽວ​ກັບ​ການ​ຕິດ​ຕໍ່​ພົວພັນ​ຂອງ​ຄະນະ​ໂຄສະນາ​ຫາ​ສຽງ​ຂອງ​ທ່ານ​ທຣຳ ກັບ
ຣັດ​ເຊຍ ​ໃນ​ຂະນະ​ທີ່​ມີ​ການ​ເລືອກ​ຕັ້ງ​ປະທາ​ນາທິບໍດີ ປີ 2016 ທີ່​ວ່າ ປະທານາທິບໍດີ
​ນັ້ນ​ເອງ ​ເປັນ​ຜູ້​ທີ່​ຂັດຂວາງການ​ຕຸລາການ​ຫຼື​ບໍ່”


ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ເຊີນຊົມ: ການກ່າວຄຳປາໄສຂອງປ. ທຣຳ ກ່ຽວກັບສະພາບການຂອງປະເທດຊາດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG