ລາຍງານຂອງອົງການກອງທຶນສັດປ່າໂລກຫຼື World Wildlife Fund ທີ່ຫາກໍນຳອອກ
ເຜີຍແຜ່ ໄດ້ໃຫ້ລາຍລະອຽດ ກ່ຽວກັບການຫລຸດລົງຢ່າງວ່ອງໄວຂອງຊີວະນາໆພັນໃນ
ໂລກ. ໂດຍທົ່ວໄປແລ້ວ ອັດຕາເປີເຊັນ ຂອງສັດທຸກຊະນິດ ບໍ່ວ່າຈະຢູ່ເທິງໜ້າດິນ ພື້ນ
ທະເລ ແລະເທິງອາກາດ ແມ່ນໄດ້ຫລຸດລົງຢ່າງໄວວາ ນັບແຕ່ປີ 1970 ເປັນຕົ້ນມາ.ນັກ
ຂ່າວວີໂອເອ Kevin Enochs ມີລາຍງານກ່ຽວກັບເລື້ອງນີ້ຊຶ່ງໄພສານຈະນຳເອົາລາຍ
ລະອຽດ ມາສະເໜີທ່ານ ໃນອັນດັບຕໍ່ໄປ.
ສະຖິຕິແມ່ນຈະແຈ້ງ ແລະເປັນທີ່ໜ້າຕົກໃຈ.
ທ່ານນິກ ເຊແຣນ ຈາກອົງການກອງທຶນສັດປ່າ ກ່າວວ່າ “ປະຊາກອນຂອງສັດລ້ຽງລູກ
ດ້ວຍນ້ຳນົມ ນົກ ແລະປາໄດ້ຫລຸດລົງ 60 ເປີເຊັນຢູ່ໃນທົ່ວໂລກ ນັບແຕ່ປີ 1970 ຫາ
ປີ 2014 ແລະພວກສັດທີ່ອາໄສຢູ່ໃນນ້ຳຈືດ ແມ່ນຫລຸດລົງປະມານ 80 ເປີເຊັນ.”
ແລະກໍບໍ່ເປັນເລື້ອງທີ່ແປກໃຈເລີຍ ທີ່ການກະທຳຂອງມະນຸດ ຄືສາເຫດທີ່ພາໃຫ້ສັດເຫຼົ່າ
ນີ້ຫລຸດລົງ.
ທ່ານນາງແຄຣີ ຊີຊາຣີໂອ ຈາກອົງການກອງທຶນສັດປ່າກ່າວວ່າ “ການກະທຳຂອງມະ
ນຸດຄືສາເຫດຫຼັກ ທີ່ພວກເຮົາພົບເຫັນວ່າ ເຮັດໃຫ້ສັດເຫຼົ່ານີ້ຫຼຸດລົງ ຊຶ່ງຕົ້ນຕໍແລ້ວກໍ
ແມ່ນຄວາມຮຽກຮ້ອງຕ້ອງການຂອງພວກເຮົາ ຄວາມຕ້ອງການທີ່ມີເພີ້ມຂຶ້ນຂອງມະ
ນຸດ ໃນດ້ານອາຫານ ພະລັງງານ ແລະນ້ຳ.”
ກິດຈະການດັ່ງກ່າວ ໄດ້ຂັບດັນ ໃຫ້ມີການປ່ຽນແປງຂອງດິນຟ້າອາກາດ ແຕ່ຜູ້ຂຽນລາຍ
ງານກ່າວວ່າ ມີບົດຮຽນທີ່ພວກເຮົາສາມາດຮຽນຮູ້ ຈາກການທີ່ໂລກມາ ປຸ້ມລຸມກັນແບບ
ໃດ ເພື່ອຫລຸດການປ່ອຍແກັສເຮືອນແກ້ວ.
ທ່ານນາງຊີຊາອີໂອກ່າວວ່າ “ເມື່ອພວກເຮົາຄິດກ່ຽວກັບວ່າ ໂລກຕອບຮັບແບບໃດກັບ
ໄພຂົ່ມຂູ່ ໃນການປ່ຽນແປງຂອງດິນຟ້າອາກາດ ແລະຊຸກຍູ້ ໃຫ້ມີຂໍ້ຕົກລົງປາຣີສະບັບ
ປີ 2015 ເພື່ອແກ້ໄຂການປ່ຽນແປງດິນຟ້າອາກາດ ພວກເຮົາຕ້ອງການຂໍ້ຕົກລົງແບບ
ດຽວກັນນີ້ ໃນລະດັບໂລກ ສຳລັບຜູ້ຄົນແລະທຳມະຊາດ.”
ແລະທ່ານນາງຊີຊາອີໂອ ຊີ້ໃຫ້ເຫັນວ່າ ເລື້ອງລາວຂອງຄວາມສຳເລັດ ໃນການຟື້ນໂຕ
ຄືນຂອງໝີດ່າງແພນດາ ແລະການເພີ້ມຈຳນວນຂຶ້ນຂອງເສືອ ຢູ່ໃນປ່າດົງຕາມທຳມະ
ຊາດນັ້ນ ແມ່ນເປັນເຄື່ອງພິສູດໃຫ້ເຫັນວ່າ ສິ່ງທີ່ກຳລັງເກີດຂຶ້ນນັ້ນ ແມ່ນສາມາດຕ່າວ
ປີ້ນໄດ້.
ທ່ານນາງຊີຊາອີໂອ ກ່າວວ່າ “ໃນຂະນະທີ່ລາຍງານນີ້ ແມ່ນເປັນການເຕືອນ ແຕ່ຂ້າພະ
ເຈົ້າຄິດວ່າ ເນື້ອໄນກໍແມ່ນວ່າ ຍັງບໍ່ທັນເປັນການຊ້າ ຈົນເກີນໄປ ທີ່ຈະປັບປ່ຽນທິດທາງ.
ຊີວິດແມ່ນສາມາດປັບໄດ້ ມັນສາມາດຟື້ນໂຕຄືນ ຖ້າພວກເຮົາ ເອົາບາດກ້າວຮ່ວມກັນ
ພວກເຮົາສາມາດຕ່າວປີ້ນ ທ່າອຽງເຫຼົ່ານີ້ ແລະຄ້ຳປະກັນກ່ຽວກັບການດຳລົງຄົງຢູ່ຂອງ
ສັດໃນໂລກຂອງເຮົາສຳລັບອະນຸຊົນຮຸ້ນຕໍ່ໆໄປໃນອະນາຄົດ.”
ເພື່ອຊ່ວຍໃຫ້ສັດຕ່າງໆຟື້ນໂຕຄືນ ອົງການກອງທຶນສັດປ່າໂລກ ຮຽກຮ້ອງໃຫ້ລັດຖະ
ບານຂອງປະເທດຕ່າງໆ ລົງນາມໃນສັນຍາວ່າດ້ວຍຊີວະນາໆພັນພາຍໃນປີ 2020
ຊຶ່ງສັນຍາດັ່ງກ່າວນີ້ ຈະສ້າງເສັ້ນທາງ ໄປສູ່ການອະນຸລັກ ສະຖານຕ່າງໆຂອງໂລກ
ແລະຕ່າວປີ້ນການຫລຸດລົງຂອງຊີວະນາໆພັນ.
ທ່ານນາງຊີຊາອີໂອ ກ່າວວ່າ “ສັນຍານີ້ໄດ້ຕັ້ງເປົ້າໝາຍຕ່າງໆເອົາໄວ້ ເຊັ່ນເປີເຊັນ
ຂອງຂົງເຂດທີ່ຈະມີການປົກປັກຮັກສາ ພາຍໃຕ້ອຸດທະຍານຕ່າງໆ ແລະເຂດປ່າ
ສະຫງວນ ສຳລັບສັດທີ່ມີຖິ່ນກຳເນີດ ໃນເຂດນັ້ນ ແລະເຂດປ່າສະຫງວນຂອງປະ
ຊາຄົມຊະນິດອື່ນໆ.”
ອົງການກອງທຶນສັດປ່າໂລກ ຫຼື WWF ກ່າວວ່າ ຊັບພະຍາກອນທັງໝົດ ທີ່ໂລກ ໄດ້
ສະໜອງໃຫ້ແກ່ພວກເຮົາ ເມື່ອເວົ້າເຖິງເລື້ອງອາຫານ ໄມ້ທ່ອນແລະພະລັງງານແລ້ວ
ແມ່ນມີມູນຄ່າປະມານ 125 ພັນຕື້ໂດລາ ໃນແຕ່ລະປີ.
ເປົ້າໝາຍໃນເວລານີ້ກໍຄື ຊອກຫາຊ່ອງທາງ ເພື່ອເຮັດໃຫ້ຊີວະນາໆພັນ ທີ່ຮັ່ງມີຕາມ
ທຳມະຊາດ ທັງໝົດຂອງໂລກ ມີຄວາມຍືນຍົງ ແລະຍັງມີເຫຼືອຢູ່ ສຳລັບ ອະນຸຊົນຮຸ້ນ
ຕໍ່ໆໄປ.
A just-released report from the World Wildlife Fund details a rapid decline in the world's biodiversity. In general, the percentage of all kinds of animals in the land, sea and air have declined rapidly since 1970. VOA's Kevin Enochs reports.
The statistics are stark, and alarming.
"Populations of mammals, birds and fish declined between 1970 and the year 2014 by 60 percent globally, and in fresh water habitats, the figure is some 80 percent."
And it's no surprise that human activity is mainly to blame.
"Human activity is the driver of the declines we're seeing, primarily our demand, our increasing demand for food, energy, water…"
That activity is driving climate change. But the authors say there are lessons we can learn from how the world came together to act on curbing greenhouse gases.
"When we think about how the world responded to the climate threat and forged a pact in Paris in 2015 to address climate change, we need a similar deal at the global level for people and nature."
And Cesareo points to success stories like the Giant Panda's recovery, and the rising population of tigers in the wild as proof that what is happening is reversible.
"While the report is very sobering, I think the message is also that it's not too late to course correct. Life is resilient, it bounces back so if we take concerted action, we can reverse these trends and ensure a living planet for future generations."
To help life bounce back, the World Wildlife Fund is calling on governments to sign onto a Convention on Biological Diversity in 2020. It creates a pathway to conserve the world's wild places and reverse the planet's shrinking biodiversity.
"It has set targets for things like percentage of area to be preserved under parks and indigenous reserves and other types of community conserved areas."
The WWF says all of the resources the earth provides us: in terms of food, lumber, and energy for instance, all told are worth about 125 trillion dollars a year.
The goal now is to find a way to make that all rich natural biodiversity sustainable and available for generations to come.
