ລິ້ງ ສຳຫລັບເຂົ້າຫາ

logo-print

ລາ​ຍ​ງານ ກ່າວ​ວ່າ ຈີນ ພະ​ຍາ​ຍາມ ທຳ​ລາຍ ລະ​ບົບ​ສິດ​ທິມະ​ນຸດ ທົ່ວ​ໂລກ


ຈີນ ແມ່ນ​ກຳ​ລັງ​ໃຊ້​ອຳ​ນາດ​ທາງ​ເສດ​ຖະ​ກິດ ແລະ ການ​ທູດ​ຂອງ​ເຂົາ​ເຈົ້າ​ເພື່ອ​ປິດ​ປາກ​ບັນ​ດາ​ນັກ​ວິ​ຈານ ​ຢູ່​ຕ່າງ​ປະ​ເທດ ແລະ ທຳ​ລາຍ​ລະ​ບົບ​ສິດ​ທິ​ມະ​ນຸດ​ສາ​ກົນ, ອີງ​ຕາມ​ລາຍ​ງານໂລກ​ປີ 2020 ​ຂອງກຸ່ມປົກ​ປ້ອງສິດ​ທິ​ມະ​ນຸດ​ Human Rights Watch.ລາຍ​ງານ​ດັ່ງ​ກ່າວ, ເຊິ່ງ​ໄດ້ທຳ​ການ​ສຳຫຼວດ​ໃນ​ປະ​ມານ 100 ປະ​ເທດນັ້ນ, ໄດ້​ອ້າງວ່າ ຄວາມ​ພະ​ຍາ​ຍາມ​ຂອງ ປັກ​ກິ່ງ ບໍ່​ພຽງ​ແຕ່​ກົດ​ຂີ່​ສິດ​ທິ​ປະ​ເທດ​ຊາ​ຊົນ​ຂອງ​ເຂົາ​ເຈົ້າ​ເທົ່າ​ນັ້ນແຕ່​ຍັງ​ໄດ້​ຂະ​ຫຍາຍ​ຂ້າມເຂດ​ ຊາຍ​ແດນ​ຂອງ​ເຂົາ​ເຈົ້າ​ດ້ວຍ. ນັກ​ຂ່າວ​ວີ​ໂອ​ເອ ເຈ​ຊູ​ເຊ​ເມ ໂອ​ນີ ມີ​ລາຍ​ງານ​ເພີ່ມ​ເຕີມ ເຊິ່ງ ພຸດ​ທະ​ສອນ ຈະ​ນຳ​ລາຍ​ລະ​ອຽດ​ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.


ຫຼັງ​ຈາກ​ນັກ​ເຕ​ບານ ພ​ຣີ​ເມຍ ລີກ ອັງ​ກິດ ຄົນ​ນຶ່ງ, ໄດ້​ຂຽນ​ຂໍ້​ຄວາມ​ໃນ​ອິນ​ເຕີ​ແນັດ ຕຳ​ໜິ​ວິ​ຈານ​ນະ​ໂຍ​ບາຍ​ຂອງ ຈີນ ຕໍ່ພວກ​ຊົນກຸ່ມ​ນ້ອຍ​ຊາວມຸ​ສ​ລິມ​ເຜົ່າວີ​ເກີ ຂອງ​ເຂົາ​ເຈົ້ານັ້ນ, ປັກ​ກິ່ງ​ ກໍໄດ້​ຍົກ​ເລີກ​ການ​ອອກ​ອາ​ກາດ​ການ​ແຂ່ງ​ຂັນ​ຂອງ​ທີມ​ລາວ, ​ເຊິ່ງເປັນ​ການ​ເຕືອນ​ຈາກ​ຕະຫຼາດ​ທີ່​ສ້າງ​ລາຍ​ໄດ້ຫຼາຍທີ່​ສຸດ​ຂອງ ລີກ​ເຕະ​ບານ​ນັ້ນ.

ມັນ​ແມ່ນ​ພຽງ​ອີກ​ນຶ່ງວິ​ທີ ​ທີ່ ຈີນ ໄດ້​ໃຊ້​ອຳ​ນາດ​ທາງ​ເສດ​ຖະ​ກິດ​ຂອງ​ເຂົາ​ເຈົ້າ ເພື່ອ​ກົດ​ຂີ່​ເສ​ລີ​ພາບ​ໃນ​ການ​ປາກ​ເວົ້າ​ທົ່ວ​ໂລກ, ອີງ​ຕາມ​ລາຍ​ງານ​ຂອງ​ອົງ​ການ​ສິ້ງ​ຊອມ​ສິດ​ທິ​ມະ​ນຸດ.

ທ່ານ​ນາງ ຢາ​ຈິບ ຫວັງ ນັກ​ຄົ້ນ​ຄວ້າ ຈີນ ຂອງ​ອົງ​ການ​ປົກ​ປ້ອງ​ສິດ​ທິ​ມະ​ນຸດ Human Rights Watch ໄດ້​ກ່າວ​ວ່າ “ຈີນ ໄດ້​ຮາ​ວີ​ລົບ​ກວນ ແລະ ຂົ່ມ​ຂູ່​ກິດ​ຈະ​ກຳ​ທຸ​ກ​ປະ​ເພດ ແລະ ການ​ເວົ້າ​ທີ່​ຕຳ​ໜິ​ວິ​ຈານ​ສະ​ຖິ​ຕິ​ສິດ​ທິ​ມະ​ນຸດ​ຂອງ ຈີນ​ ໃນ​ອົງ​ການ ສະ​ຫະ​ປະ​ຊາ​ຊາດ. ໃນ​ປະ​ເທດ​ຕ່າງໆ​ຢູ່​ທົ່ວ​ໂລກ, ຈີນ ໄດ້​ກວດ​ກາ​ຄຳ​ເວົ້າ​ທີ່​ຕຳ​ໜິ​ວິ​ຈານ​ລັດ​ຖະ​ບານ ຈີນ ດ້ວຍ​ການ​ໃຊ້​ອຳ​ນາດ​ທາງ​ເສດ​ຖະ​ກິດ ແລະ ການ​ທູດ​ຂອງ​ເຂົາ​ເຈົ້າ.

ອີງ​ຕາມ​ລາຍ​ງານ​ໂລກ ​ປີ 2020 ຂອງ​ອົງ​ການ​ Human Rights Watch, ຈີນ, ພາຍ​ໃຕ້​ການ​ນຳ​ພາ​ຂອງ​ປະ​ທານ ສີ​ ຈິ່ນ​ຜິງ ນັ້ນ, ໄດ້​ຮັດ​ກຸມ​ການ​ຄວບ​ຄຸມ​ຂອງ​ເຂົາ​ເຈົ້າ​ໃນ​ພາກ​ສ່ວນ​ຂອງ​ສັງ​ຄົມ ​ທີ່​ເຂົາ​ເຈົ້າ​ພົບ​ວ່າ​ເປັນ​ໄພ​ຂົ່ມ​ຂູ່​ເຊັ່ນ ອິນ​ເຕີ​ແນັດ, ນັກ​ເຄື່ອນ​ໄຫວ ແລະ ກຸ່ມ​ສາ​ສະ​ໜາ.

ທ່ານ ເຄັນ​ເນັດ ຮັອ​ທ ຜູ້​ອຳ​ນວຍ​ການ​ໃຫຍ່ ​ຂອງ​ອົງ​ການ Human Rights Watch ກ່າວ​ວ່າ “ນີ້​ແມ່ນ​ໄລ​ຍະ​ຂອງ​ການ​ກົດ​ຂີ່​ທີ່​ຮ້າຍ​ແຮງ​ທີ່​ສຸດ, ທີ່​ພວກ​ເຮົາ​ໄດ້​ເຫັນ​ໃນ​ຮອບຫຼາຍ​ທົດ​ສະ​ວັດ​ໃນ ຈີນ, ຄົງ​ຈະ​ຢ້ອນ​ກັບ​ຄືນ​ໄປ​ການ​ປະ​ຕິ​ວັດ​ດ້ານ​ວັດ​ທະ​ນະ​ທຳ ຫຼື ຍຸກ​ທີ່​ຄື​ແນວ​ນັ້ນ. ແຂວງ ຊິນ​ຈຽງ ແມ່​ນ​ຮ້າຍ​ແຮງ​ທີ່​ສຸດ, ບ່ອນ​ທີ່ ເຈົ້າ​ຮູ້​ບໍ່, ຊາວ​ ວີ​ເກີ ນຶ່ງ​ລ້ານ​ຄົນ ຫຼື ຫຼາຍກວ່າ​ນັ້ນ​ ແລະ ຊາວ ມຸສ​ລິມ ເຜົ່າເຕີກີ ໄດ້​ຖືກ​ກັກ​ຂັງ ​ສຳ​ລັບ​ການບັງ​ຄັບ​ສັ່ງ​ສອນ ໂດຍ​ພື້ນ​ຖານ​ແລ້ວ​ເພື່ອ​ກົດ​ດັນ​ເຂົາ​ເຈົ້າ​ໃຫ້​ກ່າວ​ປະ​ນາມ​ສາ​ສະ​ໜາ ອິ​ສ​ລາມ ແລະ ວັດ​ທະ​ນະ​ທຳ​ພື້ນ​ເມືອງ​ຂອງ​ເຂົາ​ເຈົ້າ ແລະ ແມ່ນ​ກະ​ທັ້ງ​ພາ​ສາ​ຂອງ​ເຂົາ​ເຈົ້າ.”

ທ່ານ ເຄັນ​ເນັດ ຣັອ​ທ , ຜູ້​ອຳ​ນວຍ​ການ​ໃຫຍ່​ຂອງ​ກຸ່ມ​ດັ່ງ​ກ່າວ​ໄດ້​ຖືກ​ຫ້າມບໍ່​ໃຫ້​ເຂົ້າ​ໄປໃນ ຮົງ​ກົງ​ ໃນ​ວັນ​ອາ​ທິດ​ທີ່​ຜ່ານ​ມາ, ບ່ອນ​ທີ່​ທ່ານ​ມີ​ແຜນ​ຈະ​ເປີດ​ຕົວ​ລາຍ​ງານ​ຂອງ​ປີນີ້ ທີ່​ລັດ​ຖະ​ບານ ຈີນ ເອີ້ນ​ມັນ​ວ່າ​ເປັນການ​ລົງ​ໂທດ​ສຳ​ລັບ​ການ​ສະ​ໜັບ​ສະ​ໜູນ​ຜູ້​ປະ​ທ້ວງ ​ສະ​ໜັບ​ສະ​ໜູນ​ປະ​ຊາ​ທິ​ປະ​ໄຕ​ໃນ ຮົງ​ກົງ.

ທ່ານ ເກັງ ຊວາງ, ໂຄ​ສົກ​ກະ​ຊວງ​ການ​ຕ່າງ​ປະ​ເທດ ຈີນ ໄດ້​ກ່າວ​ວ່າ “ກຸ່ມ​ພວກ​ນີ້ໄດ້​ພະ​ຍາ​ຍາມ​ທຸກ​ຮູບ​ແບບ​ ເພື່ອຍົວະ​ໃຫ້​ເຂົາ​ເຈົ້າ​ພົວ​ພັນ​ໃນ​ອະ​ຊະ​ຍາ​ກຳ​ທີ່​ຮຸນ​ແຮງ​ທີ່​ສຸດ, ຍຸ​ແຍ່ ຮົງ​ກົງ ໃຫ້​ແຍກ​ຕົວ​ເປັນ​ເອ​ກະ​ລາດ ແລະ ກິດ​ຈະ​ກຳ​ການ​ແຍກ​ຕົວ​ຕ່າງໆ. ອົງ​ການ​ພວກນີ້​ເປັນ​ຜູ້​ຮັບ​ຜິດ​ຊອບ​ສຳ​ລັບ​ຄວາມ​ວຸ້ນ​ວາຍ​ໃນ​ປັດ​ຈຸ​ບັນ​ໃນ ຮົງ​ກົງ ແລະ ຄວນ​ຖືກ​ລົງ​ໂທດ ແລະ ຮັບ​ກຳ​ຂອງ​ເຂົາ​ເຈົ້າ.”

ຫຼາຍ​ປະ​ເທດ​ໄດ້​ກ່າວ​ວິ​ຈານ ຈີນ ຢ່າງ​ເປີດ​ເຜີຍ​ສຳ​ລັບ​ການ​ລະ​ເມີດ​ສິດ​ທິ​ມະ​ນຸດ​ ແຕ່​ໄດ້​ຢຸດ​ໃນ​ການ​ເອົາ​ມາດ​ຕະ​ການ​ທີ່​ໜັກ​ແໜ້ນໃນ​ທັນ​ທີ ຕໍ່ ປັກ​ກິ່ງ ລວມ​ທັງ​ປະ​ເທດ​ຕາ​ເວັນ​ຕົກ ບ່ອນ​ທີ່​ບັນ​ຫາ​ຄື ເບ​ຣັກ​ຊິດ ໄດ້​ຫັ​ນ​ປ່ຽນ​ຄວາມ​ສົນ​ໃຈ.

ທ່ານ​ນາງ ຢາ​ຈິວ ຫວັງ ໄດ້​ກ່າວ​ວ່າ “ປະ​ເທ​ດ​ຕ່າງໆ​ທີ່​ເຂັ້ມ​ແຂງ​ຕໍ່​ສິດ​ທິ​ມະ​ນຸດບໍ່​ໄດ້​ເວົ້າຫຼາຍ​ພໍ ກ່ຽວ​ກັບ ສະ​ຖາ​ນະ​ການ​ສິດ​ທິ​ມະ​ນຸດ​ໃນ ຈີນ ແລະ ປະ​ເທດ​ອື່ນໆ​ທີ່​ມີ​ອຳ​ນາດ​ການປົກ​ຄອງແບບ​ຜະ​ເດັດ​ການ​ເອງ, ຍ້ອນ​ດັ່ງ​ທີ່​ຂ້າ​ພະ​ເຈົ້າ​ໄດ້​ກ່າວ​ໄປ​ນັ້ນ, ເສດ​ຖະ​ກິດ​ທີ່​ມີຂໍ້​ຜູກ​ມັດ​ກັບ ຈີນ, ເຂົາ​ເຈົ້າ​ບໍ່​ໄດ້​ເວົ້າ​ ກ່ຽວ​ກັບ ການ​ປາບ​ປາມ​ທີ່​ຮ້າຍ​ແຮງ​ໃນ​ແຂວງ ຊິນ​ຈຽງ ແລະ ການ​ລະ​ເມີດ​ສິດ​ທິ​ມະ​ນຸດ​ອື່ນໆ​ໃນ ຈີນ.”

ໃນ​ຂະ​ນະ​ທີ່​ ສະ​ຫະ​ລັດ ໄດ້​ວາງ​ມາດ​ຕະ​ການ​ລົງ​ໂທດ​ໃສ່​ບໍ​ລິ​ສັດ​ຈີນ ບາງ​ບໍ​ລິ​ສັດ ແລະ ບັນ​ດາ​ເຈົ້າ​ໜ້າ​ທີ່​ທີ່​ພົວ​ພັນ​ກັບ​ການ​ປາບ​ປາມ​ຂອງ ຈີນ ນັ້ນ, ບັນ​ດາ​ຜູ້​ສະ​ໜັບ​ສະ​ໜູນ​ສິດ​ທິ​ມະ​ນຸດ​ກ່າວ​ວ່າ ການຍອ​ມ​ຮັບ​ປະ​ທານ​ປະ​ເທດ ສີ ຈິ່ນ​ຜິງ ແລະ ນະ​ໂຍ​ບາຍ ສະ​ຫະ​ລັດ ກ່ຽວ​ກັບ ການ​ແຍກ​ຄອບ​ຄົວ​ຢູ່​ເຂດ​ຊາຍ​ແດນ ສະ​ຫະ​ລັດ-ເມັກ​ຊິ​ໂກ​ ໂດຍ​ປະ​ທາ​ນາ​ທິ​ບໍ​ດີ ສະ​ຫະ​ລັດ ທ່ານ ດໍ​ໂນ​ລ ທ​ຣຳ ນັ້ນ​ໄດ້​ສ້າງ​ຄວາມ​ເສຍ​ຫາຍ​ຕໍ່​ຄວາມ​ໜ້າ​ເຊື່ອ​ຖື​ ກ່ຽວ​ກັບ ບັນ​ຫາ​ສິດ​ທິ​ມຸດ​ຂອງ ສະ​ຫະ​ລັດ.

China is using its economic and diplomatic leverage to silence critics abroad and undermine international human rights systems, according to the 2020 Human Rights Watch world report. The report, which examines about 100 countries, claims that Beijing's efforts not only suppress the rights of its citizens but extend far beyond it's borders. VOA's Jesusemen (Jay-sue-seh-meh) Oni has more.

After an English premier league player, posted messages online criticizing China's policy toward its minority Uighur Muslims, Beijing canceled the broadcast of his team's matcha warning shot from the league's most lucrative market.

It's just one of the ways China is using its economic influence to suppress free speech worldwide, according to a Human Rights Watch report.

"China has been harassing and intimidating any kind of activities and speech that criticize China's human rights record in the UN. Around the World in different countries, China has been censoring speech that criticize the Chinese government using its economic and diplomatic leverage."

According to the Human Rights Watch 2020 World Report, China, under president Xi Jinping's leadership, has tightened its grip over sectors of society it found threatening such as the internet, activists and religious groups.

"This is the most severe period of repression, that we've seen in decades in China probably going back to the Cultural Revolution or an era like that. Xinjang is the worst, where, you know, a million or more Uighur and Turkic Muslims are in detention for forced indoctrination basically to pressure them to renounce Islam and their cultural traditions and even their language."

Kenneth Roth, executive director of the group was barred, Sunday, from entering Hong Kong where he planned to release this year's reportthe Chinese government called it punishment for the group's support for pro-democracy protesters in Hong Kong.

"These groups tried by all means to instigate people to engage in extreme violent crimes, incite 'Hong Kong independence' and separatist activities. These organizations are held responsible for the current unrest in Hong Kong and should be punished and pay their due prices."

Several countries have publicly criticized China for human rights violations but stopped short of taking concrete measures against Beijing including the West where domestic issues like Brexit have diverted attention.

"Countries that have been strong human rights have not said enough about the human race situations in China and other countries who are authoritarian autocratic of themselves, because as I said, the economic ties with China, they have been mum about the severe repression in Xinjiang and other human rights violations in China."

While the United States has imposed sanctions on some Chinese companies and officials tied to Chinese repression, rights advocates say U.S. President Donald Trump's embrace of President Xi Jingping and the U.S. policy of separating families at the U.S.Mexico border have damaged U.S. credibility on human rights issues.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG