ລິ້ງ ສຳຫລັບເຂົ້າຫາ

logo-print

​​ເກີດ​ຄວາມ​ຄຽດ​ແຄ້ນ ໃນອາ​ຟ​ຣິ​ກາ​ໃຕ້ ຍ້ອນຄວາມ​ເຫັນ ​ຂອງ​ອະ​ດີດປະ​ທາ​ນາ​ທິ​ບໍ​ດີ ກ່ຽວ​ກັບ ການ​ແບ່ງ​ແຍກ​ສີ​ຜິວ


ອະ​ດີດ ປະ​ທານ​າ​ນາ​ທິ​ບໍ​ດີ ອາ​ຟ​ຣິ​ກາ​ໃຕ້ ທ່ານ ແອັ​ຟ ດັບ​ໂບ​ຢູ ເດີ ເຄ​ຣີກ (FW de Klerk) ເດີນ​ທາງ​ຮອດ​ລັດ​ຖະ​ສະ​ພາ ເພື່ອ​ກ່າວ​ຄຳ​ປາ​ໄສ ຕໍ່​ປະ​ເທດ​ຊາດ ​ໃນ​ນະ​ຄອນ ເຄບ ຖ້າວ, ​ວັນ​ທີ 13 ກຸມ​ພາ 2020.

ປະ​ທາ​ນາ​ທິ​ບໍ​ດີ ໃນ​ຍຸກ​ສະ​ໄໝ​ການ​ແບ່ງ​ແຍກ​ສີ​ຜິວ ຄົນ​ສຸດ​ທ້າຍຂອງ​ອາ​ຟ​ຣິ​ກາ​ໃຕ້ ທ່ານ F.W. de Klerk ໄດ້​ຖືກ​ຕົກ​ເປັນ​ເປົ້າ​ໝາຍ ຂອງ​ພັກ​ຄອງ​ແກ​ຣັ​ສ​ແຫ່ງ​ຊາດ​ຂອງ​ອາ​ຟ​ຣິ​ກາ ທີ່​ມີ​ອຳ​ນາດ ແລະ​ຄົນ​ອື່ນໆ​ອີກຫຼາຍ​ຄົນ ນັບ​ຕັ້ງ​ແຕ່​ທ່ານ​ໄດ້​ກ່າວ​ວ່າ ທ່ານບໍ່​ເຊື່ອ​ວ່າ​ລະ​ບົບ​ການ​ແບ່ງ​ແຍກ​ເຊື້ອ​ຊາດນັ້ນ ເປັນ​ອາ​ຊະ​ຍາ​ກຳ​ຕໍ່​ຕ້ານ​ມະ​ນຸດ​ຊາດ.

ໃນ​ຂະ​ນະ​ທີ່​ຄວາມ​ເຫັນ​ຂອງ​ທ່ານ ທີ່​ໄດ້​ກ່າວ​ໄປ​ເມື່ອ​ຕົ້ນ​ເດືອນນີ້ ໄດ້​ກໍ່​ໃຫ້​ເກີດ​ຄວາມ​ຄຽດ​ແຄ້ນ​ຂຶ້ນ ບັນ​ດາ​ນັກ​ວິ​ຊາ​ການ​ຂອງ​ອາ​ຟ​ຣິ​ກາ​ທັງຫຼາຍ ໄດ້​ຊີ້​ໃຫ້​ເຫັນ​ວ່າ ຄວາມ​ຮູ້​ສຶກ​ຂອງ​ການຫລົງ​ລືມ​ຢູ່​ທະ​ວີບ​ແຫ່ງນີ້ກ່ຽວ​ກັບ​ອະ​ດີດ ແລະ​ວ່າ ຄວາມ​ຄິດ​ເຖິງ​ຄວາມ​ຫລັງ​ທີ່​ໄດ້​ຖືກທີ່​ຖືກ​ຍົກ​ຂຶ້ນ​ມາ​ຜິດ​ທີ່ນີ້ ບໍ່​ເປັນ​ປາ​ກົດ​ການ​ທີ່​ສະ​ເພາະ​ແຕ່​ຢູ່​ໃນ​ອາ​ຟ​ຣິ​ກາ​ໃຕ້​ເທົ່າ​ນັ້ນ.

ທ່ານ​ເດີ ເຄ​ຣີກ ໄດ້​ມີ​ສ່ວນ​ຮ່​ວມ ໃນ​ການ​ຍຸ​ຕິ​ການ​ແບ່ງ​ແຍກ​ສີ​ຜິວ ໂດຍ​ການ​ປ່ອຍ​ຕົວ ທ່ານ​ແນວ​ສັນ ແມນ​ແດ​ລາ ​ອອກຈາກ​ຄຸກ ແລະ​ໄດ້​ນຳ​ມາ​ຊຶ່ງ​ປະ​ຊາ​ທິ​ປະ​ໄຕ ໃນ​ປີ 1994. ທ່ານ​ເດີ ເຄ​ຣີກ ໄດ້​ຮັບ​ລາງວັນ​ໂນ​ແບ​ລ ປີ 1993 ຮ່ວມ​ກັບ ທ່ານ​ແມນ​ແດ​ລາ ສຳ​ລັບ​ບົດ​ບາດ​ຂອງ​ພວກ​ເພິ່ນ​ທັງ​ສອງ ໃນ​ການ​ຍຸ​ຕິ​ລະ​ບອບ​ການ​ແບ່ງ​ແຍກ​ສີ​ຜິວ ທີ່ເປັນ​ການປະ​ພຶດ​ຕໍ່​ພວກ​ຄົນ​ຂອງ​ປະ​ເທດ​ທີ່ບໍ່​ແມ່ນ​ຜິວ​ຂາວ ທີ່​ອາ​ໄສ​ຢູ່​ເປັນ​ສ່ວນ​ໃຫຍ່ ດັ່ງ​ກັບ​ເປັນ​ພົນ​ລະ​ເມືອງ​ຊັ້ນ​ສອງ​ຂອງ​ປະ​ເທດ.

ສີ່​ສິບ​ຫ້າ​ເປີ​ເຊັນ​ຂອງ​ຊາວ​ອາ​ຟ​ຣິ​ກາ​ໃຕ້​ໃນ​ປັດ​ຈຸ​ບັນ​ນີ້ ​ຍັງ​ບໍ່​ທັນ​ໄດ້​ເກີດເທື່ອ ໃນ​ເວ​ລາ​ໃດ​ ທີ່​ອັນ​ນັ້ນ​ໄດ້​ເກີດ​ຂຶ້ນ. ແຕ່​ບາດ​ແຜ​ຂອງ​ການ​ແບ່ງ​ແຍກ​ສີ​ຜິວ ຍັງ​ຄົງ​ຝັກ​ເລີກ​ຢູ່ ໃນ​ຂະ​ນະ​ທີ່​ເຫັນ​ໄດ້​ໂດຍ​ການ​ແລກ​ປ່ຽນ​ຄວາມ​ຄິດ​ເຫັນ​ກັນ​ທີ່​ຮ້ອນ​ແຮງ ລະ​ຫວ່າງ ທ່ານ​ດຳ ເຄ​ຣີກ ກັ​ບ ຜູ້​ປະ​ກາດ​ຂ່າວ​ຂອງໂທ​ລະ​ພາບ​ SABC.

ນັກ​ຂ່າວ ທ່ານ​ມາ​ແນ​ລີ​ສີ ດູ​ບາ​ສ ໄດ້​ກົດ​ດັນ​ອະ​ດີດ​ປະ​ທາ​ນາ​ທິ​ບໍ​ດີ ໃຫ້​ເຫັນ​ດີ​ນຳ ​ການຈຳ​ແນກ​ປະ​ເພດ ຂອງ​ລະ​ບົບ​ດັ່ງ​ກ່າວ ເປັນ​ອາ​ຊະ​ຍາ​ກຳ​ຕໍ່​ຕ້ານ​ມະ​ນຸດ​ຊາດ ຂອງອົງ​ການ​ສະ​ຫະ​ປະ​ຊາ​ຊາດ.

ອ່ານ​ຂ່າວນີ້​ຕື່ມ ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG