ວິກິດການເສດຖະກິດຂອງຊິມບັບເວທີ່ກຳລັງເພີ້ມທະວີຄວາມຮ້າຍແຮງຂຶ້ນ ຊຶ່ງຫວ່າງ
ມໍ່ໆມານີ້ ໄດ້ເຮັດໃຫ້ລາຄາສິນຄ້າຜູ້ບໍລິໂພກສູງຂຶ້ນ ແລະເຮັດໃຫ້ມີການ ຂາດແຄນທຸກ
ສິ່ງທຸກຢ່າງ ນັບແຕ່ນ້ຳມັນໄປຫາຢາປົວພະຍາດ ຕະຫຼອດຈືນໄກ່ ທີ່ກຳລັງກໍ່ຕົວຂຶ້ນເປັນ
ການທົດລອງທີ່ສຳຄັນເທື່ອທຳອິດ ສຳລັບປະທານາທິບໍດີຄົນໃໝ່ຂອງຊິມບັບເວ ທ່ານ
ເອັມເມີສັນ ເອັມນັງກາກວາ ຜູ້ທີ່ຫາກໍ່ສາບານໂຕເຂົ້າຮັບຕຳແໜ່ງ ເມື່ອສອງເດືອນ
ກ່ອນນີ້.
ການຈັບກຸມອາທິດນີ້ ຂອງສະມາຊິກສະຫະພັນກຳມະບານຫຼາຍສິບຄົນ ຜູ້ທີ່ໄດ້ວາງ
ແຜນປະທ້ວງ ຕໍ່ສະພາບການເສດຖະກິດ ໄດ້ເຮັດໃຫ້ສະຖານະການຮ້າຍແຮງຂຶ້ນຕື່ມ
ຈາກວິກິດການເສດຖະກິດທຳມະດາ ໂດຍໄດ້ແຜ່ວົງກວ້າງອອກໄປເພີ້ມໃສ່ບັນຫາ
ຕ່າງໆທີ່ບໍ່ລົງລອຍກັນ ອີງຕາມຄຳເວົ້າຂອງບັນດານັກເຄື່ອນໄຫວ.
ທ່ານລິສວີ ຈາເມີລາ ຈາກກຸ່ມທະນາຍຄວາມສິດທິມະນຸດຊິມບັບເວ ຜູ້ທີ່ກ່າວວ່າອົງ
ການຈັດຕັ້ງຂອງທ່ານໄດ້ນັບ ມາຈົນຮອດວັນສຸກວານນີ້ ມີບັນດາສະມາຊິກ ສະຫະ
ພັນກຳມະບານ 42 ຄົນ ທີ່ໄດ້ວາງແຜນປະທ້ວງຕໍ່ສະພາບເສດຖະກິດຕົກຕ່ຳ ໃນເວ
ລາພຽງແຕ່ສອງອາທິດ ເຫັນມີການລຽນແຖວຕໍ່ຫາງກັນຍາວຢູ່ປ້ຳນ້ຳມັນ ຂາດແຄນ
ຢາປົວພະຍາດຢູ່ຮ້ານຂາຍຢາ ແລະຕະຫຼາດຊູບເປີມາກເກັດ ກຳນົດໃຫ້ພວກລູກ
ຄ້າເບຍກະປອງນຶ່ງຕໍ່ຄົນ.
ທ່ານແອັມນັງກາກວາ ຜູ້ທີ່ໄດ້ເຂົ້າຮັບຕຳແໜ່ງ ໃນເດືອນພະຈິກປີກາຍນີ້ ຫຼັງຈາກ
ທະຫານໄດ້ຂັບໄລ່ຜູ້ນຳທີ່ປົກຄອງປະເທດຍາວນານ ທ່ານໂຣເບີຣຕ໌ ມູກາເບ ໃຫ້
ອອກບຳນານ ໄດ້ຊະນະການປ່ອນບັດໃນເດືອນກໍລະກົດ ທ່າມກາງການໃຫ້ຄຳໝັ້ນ
ສັນຍາທີ່ຈະປົວແປງເສດຖະກິດ ຫຼັງຈາກການບໍລິຫານທີ່ຜິດພາດມາເປັນເວລາຫຼາຍ
ປີ ພາຍໃຕ້ທ່ານມູກາເບ. ໃນຕົ້ນເດືອນນີ້ ລັດຖະບານຂອງທ່ານໄດ້ປະກາດຂຶ້ນພາ
ສີສອງເປີເຊັນ ສຳລັບເງິນທີ່ມີການໂອນ ແລະຍັງມີແຜນທີ່ຈະ ໃຫ້ພັນທະບັດຂອງ
ປະເທດ ທີ່ອີງໃສ່ເງິນໂດລາສະຫະລັດ ຊຶ່ງບໍ່ເປັນທີ່ນິຍົມນັ້ນລອຍໂຕ. ການປະກາດ
ເຫລົ່ານັ້ນ ເຮັດໃຫ້ຮ້ານຄ້າຕ່າງໆຂຶ້ນລາຄາສິນຄ້າ ແລະເຮັດໃຫ້ຜູ້ບໍລິໂພກພາກັນ
ພະຍາຍາມຊື້ສິນຄ້າສະສົມໄວ້.
ທ່ານລໍຣັນສ໌ ມານດາຣາ ນັກປະຖະກະຖາລັດຖະສາດຄົນນຶ່ງ ຢູ່ມະຫາວິທະຍາໄລ
ຊິມບັບເວ ກ່າວຕໍ່ ວີໂອເອ ວ່າ “ເປັນການທົດສອບຢ່າງແທ້ຈິງ ໃນອັນທີ່ທ່ານຈະ
ເຮັດ ເພື່ອຕັດສິນໃຈກຳນົດເສັ້ນທາງການເມືອງເສດຖະກິດ.”
ຫຼາຍປີຂອງຄວາມຜິດພາດທາງການເງິນ ພ້ອມທັງຄວາມກົດດັນຈາກລົງໂທດຂອງ
ສາກົນທີ່ໄດ້ນຳໄປສູ່ການຢຸດໃຊ້ເງິນຕາຂອງຕົນໂດຍຊິມບັບເວໃນປີ 2009 ແລະ
ແທນດ້ວຍເງິນໂດລາ. ຄວາມພະຍາຍາມເທື່ອຫລ້າສຸດ ທີ່ຈະນຳໃຊ້ເງິນຕາ ໃໝ່
ຂອງປະເທດ ແມ່ນຍັງບໍ່ທັນມີຄວາມກະຕືລືລົ້ນ ທັງໆທີ່ມີການຂາດແຄນ ເງິນ
ຕາຕ່າງປະເທດຢ່າງໜັກ.
