ລັດຖະມົນຕີການຕ່າງປະເທດ ສະຫະລັດ ທ່ານ ໄມຄ໌ ພອມພຽວ ກ່າວວ່າ ທ່ານຈະສືບ
ຕໍ່ການເຈລະຈາປົດອາວຸດນິວເຄລຍ ກັບ ເກົາຫຼີເໜືອ ໃນສັບປະດານີ້ ທີ່ນະຄອນ ນິວ
ຢອກ, ດ້ວຍການພົບປະກັບຮອງຜູ້ບັນຊາການສູງສຸດຂອງ ພຽງຢາງ, ທ່ານ ກິມ ຢອງ
ຈອລ (Kim Yong Chol).
ຄວາມກ້າວໜ້າ ກ່ຽວກັບ ການສິ້ນສຸດໂຄງການອາວຸດນິວເຄລຍຂອງ ພຽງຢາງ ໄດ້ຊັກ
ຊ້າລົງ ໃນຫຼາຍເດືອນທີ່ຜ່ານມາ ນັບຕັ້ງແຕ່ກອງປະຊຸມສຸດຍອດ ສິງກະໂປ ໃນເດືອນ
ມິຖຸນາແລ້ວນີ້ ລະຫວ່າງປະທານາທິບໍດີ ສະຫະລັດ ທ່ານ ດໍໂນລ ທຣຳ ກັບ ຜູ້ນຳເກົາ
ຫຼີເໜືອ ທ່ານ ກິມ ຈົງ ອຶນ, ເມື່ອທັງສອງທ່ານໄດ້ເຊັນຖະແຫຼງການທົ່ວໄປ ທີ່ຮຽກຮ້ອງ
ໃຫ້ປົດອາວຸດນິວເຄລຍໃນແຫຼມ ເກົາຫຼີ.
ແຕ່ທ່ານ ພອມພຽວ ໄດ້ເອີ້ນການເຈລະຈາທີ່ໃກ້ຈະມາເຖິງນີ້ວ່າ “ເປັນໂອກາດທີ່ດີ”
ເພື່ອເລັ່ງຫາລາຍລະອຽດ ກ່ຽວກັບ ເວລາ ແລະ ວິທີ ທີ່ ເກົາຫຼີເໜືອ ອາດຢຸດໂຄງການ
ອາວຸດນິວເຄລຍຂອງເຂົາເຈົ້າ. ສະຫະລັດ ພະຍາຍາມທີ່ຈະສະຫຼຸບຂໍ້ຕົກລົງສະບັບນຶ່ງ
ໃນຕອນທ້າຍຂອງການດຳລົງຕຳແໜ່ງສະໄໝທຳອິດຂອງທ່ານ ທຣຳ ໃນເດືອນມັງ
ກອນ 2021.
ພຽງຢາງ ໄດ້ເວົ້າໃນວັນສຸກທີ່ຜ່ານມາວ່າ ເຂົາເຈົ້າຈະພິຈາລະຈາການສືບຕໍ່ໂຄງການ
ທົດລອງອາວຸດນິວເຄລຍຂອງເຂົາເຈົ້າ “ຢ່າງຈິງຈັງ” ຖ້າມາດຕະການລົງໂທດທາງ
ເສດຖະກິດຂອງ ສະຫະລັດ ຕໍ່ ເກົາຫຼີເໜືອ ຫາກບໍ່ຖືກຍົກເລີກ, ແຕ່ທ່ານ ພອມພຽວ,
ໄດ້ກ່າວປະຕິເສດຕໍ່ການຂົ່ມຂູ່ດັ່ງກ່າວ ໃນການສຳພາດໃນລາຍການ News Sunday
ຂອງໂທລະພາບ Fox.
ທູດລະດັບສູງ ສະຫະລັດ ໄດ້ກ່າວໃນວັນອາທິດວານນີ້ວ່າ “ຂ້າພະເຈົ້າບໍ່ໄດ້ເປັນຫ່ວງ
ກ່ຽວກັບ ເລື່ອງນັ້ນ, ພວກເຮົາມີຄວາມຕັ້ງໃຈຫຼາຍ. ພວກເຮົາຮູ້ວ່າພວກເຮົາກຳລັງເຈ
ລະຈາກັບໃຜ, ພວກເຮົາຮູ້ຖານະຂອງເຂົາເຈົ້າ ແລະ ປະທານາທິບໍດີ ທຣຳ ກໍໄດ້ລະບຸ
ຢ່າງຈະແຈ້ງແລ້ວ.”
ທ່ານ ພອມພຽວ ກ່າວວ່າ ມັນຈະ “ບໍ່ມີການຊ່ວຍເຫຼືອທາງເສດຖະກິດ ຈົນກວ່າວ່າພວກ
ເຮົາຈະໄດ້ບັນລຸຈຸດປະສົງຂັ້ນສູງສຸດ,” ເຊິ່ງແມ່ນການສິ້ນສຸດໂຄງການນິວເຄລຍຂອງ
ເກົາຫຼີເໜືອ.
ສະຫະລັດ ກ່າວວ່າ ເຂົາເຈົ້າຈະຮັກສາມາດຕະການລົງໂທດຕໍ່ ເກົາຫຼີເໜືອ ໄວ້ຄືເກົ່າ
ຈົນກວ່າເຂົາເຈົ້າຈະບັນລຸ ການປົດອາວຸດນິວເຄລຍ ຄັ້ງສຸດທ້າຍ ແລະ ສາມາດລະບຸ
ໄດ້ຢ່າງເຕັມທີ່,” ເຖິງແມ່ນວ່າ ພຽງຢາງ ຈະໄດ້ອະທິບາຍການຮຽກຮ້ອງດັ່ງກ່າວນັ້ນວ່າ
“ພວກນັກເລງອັນຕະພານກໍຕາມ.”
ກະຊວງການຕ່າງປະເທດ ເກົາຫຼີເໜືອ, ໄດ້ກ່າວໃນຖະແຫຼງການສະບັບຫຼ້າສຸດຂອງ
ເຂົາເຈົ້າວ່າ, “ການພັດທະນາສາຍພົວພັນ ແລະ ມາດຕະການລົງໂທດແມ່ນບໍ່ສາມາດ
ທຽບກັນໄດ້.”
