ລິ້ງ ສຳຫລັບເຂົ້າຫາ

logo-print

ທ່ານ ພອມ​ພຽວ ກ່າວ​ປ້ອງ​ກັນ​ ການ​ສັງ​ຫານ ​ນາຍ​ພົນ ອີ​ຣ່ານ, ໂດຍ​ເວົ້າ​ວ່າ ທ່ານເປັນ​ຜູ້​ສະ​ເໜີທ່ານ ທ​ຣຳ ເອງ


ສະ​ຫະ​ລັດ ກຳ​ລັງວາງ​ມາດ​ຕະ​ການ​ລົງ​ໂທດ​ໃໝ່​ຕໍ່​ບັນ​ດາ​ບໍ​ລິ​ສັດ ແລະ ເຈົ້າ​ໜ້າ​ທີ່​ອາ​ວຸ​ໂສ 8 ຄົນ​ຂອງ ອີ​ຣ່ານ, ເພື່ອ​ເປັນ​ການ​ຕອບ​ໂຕ້ ​ຕໍ່​ການ​ໂຈມ​ຕີ​ດ້ວຍ​ລູກ​ສອນ​ໄຟ​ຂອງ ອີ​ຣ່ານ ຕໍ່​ຖານ​ທັບ​ຕ່າງໆ​ທີ່​ມີ​ກອງ​ກຳ​ລັງ ສະ​ຫະ​ລັດ ພັກ​ເຊົາ​ຢູ່ໃນ​ປະ​ເທດ ອີ​ຣັກ. ໃນ​ການ​ຖືກ​ກົດ​ດັນ​ໂດຍ​ບັນ​ດາ​ນັກ​ຂ່າວ​ຢູ່​ທຳ​ນຽບ​ຂາວ ກ່ຽວ​ກັບ ເຫດ​ຜົນ​ຂອງ ອາ​ເມ​ຣິ​ກາ ທີ່​ແນ​ເປົ້າ​ໃສ່​ການ​ສັງ​ຫານ​ນາຍ​ພົນ​ລະ​ດັບ​ສູງ​ຂອງ​ ອີ​ຣ່ານ ເມື່ອ​ອາ​ທິດ​ທີ່​ຜ່ານ​ມາ​ນັ້ນ, ລັດ​ຖະ​ມົນ​ຕີ​ການ​ຕ່າງ​ປະ​ເທດ ທ່ານ ໄມ​ຄ໌ ພອມ​ພ​ຽວ ໄດ້​ຢືນ​ຢັດ​ວ່າ ນາຍ​ພົນ ກາ​ສ​ເຊັມ ໂຊ​ເລ​ມາ​ນີ ແມ່ນ​ກຳ​ລັງ​ວາງ​ແຜນ​ໂຈມ​ຕີ​ໃສ່​ສະ​ຖານ​ທີ່​ຕ່າງໆ​ຂອງ ສະ​ຫະ​ລັດ ລວມ​ທັງ ສະ​ຖາ​ທູດ ອາ​ເມ​ຣິ​ກາ. ທ່ານ ພອມ​ພຽວ ພົບ​ວ່າ​ ທ່ານໄດ້​ຕົກ​ຢູ່​ຕໍ່​ໜ້າ ແລະ ໃຈ​ກາງວິ​ກິດ​ການ​ພາກຕາ​ເວັນ​ອອກ​ກາງ ​ໃນ​ປັ​ດ​ຈຸ​ບັນ​ນີ້, ໃນຖາ​ນະ​ເປັນ​ທີ່​ປຶກ​ສາ​ດ້ານ​ຄວາມ​ປອດ​ໄພ​ທີ່​ມີ​ອຳ​ນາດ ແລະ ອິດ​ທິ​ພົນຫຼາຍ​ທີ່​ສຸດ ​ຂອງ​ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ. ນັກ​ຂ່າວ​ການ​ທູດຂອງ ວີ​ໂອ​ເອ ຊິນ​ດີ ເຊນ ມີ​ລາຍ​ງານ​ຈາກ​ກະ​ຊວງ​ການ​ຕ່າງ​ປະ​ເທດ, ເຊິ່ງ ພຸດ​ທະ​ສອນ ຈະ​ນຳ​ລາຍ​ລະ​ອຽດ​ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.


ການ​ແນ​ເປົ້າ​ສັງ​ຫານ​ນາຍ​ພົນ​ລະ​ດັນ​ສູງ​ຂອງ ອີ​ຣ່ານ ໄດ້​ກະ​ຕຸ້ນໃຫ້​ຄວາມ​ເຄັ່ງ​ຕຶງ​ໃນ​ພາກຕາ​ເວັນ​ອອກ​ກາງ​ທະ​ວີ​ແຮງ​ຂຶ້ນ ແລະ ເຮັດ​ໃຫ້ ສະ​ຫະ​ລັດ ແລະ ອີ​ຣ່ານ ມີ​ຄວາມ​ສ່ຽງ​ໃນ​ການຫຍັບເຂົ້າໃກ້ການ​ເຮັດ​ສົງ​ຄາມກັນ. ຢູ່​ທຳ​ນຽບ​ຂາວ​ໃນ​ວັນ​ສຸກ​ທີ່​ຜ່ານ​ມາ, ລັດ​ຖະ​ມົນ​ຕີ​ການ​ຕ່າງ​ປະ​ເທດ ທ່ານ ໄມ​ຄ໌ ພອມ​ພຽວ ໄດ້​ຖືກ​ກົດ​ດັນ​ໂດຍ​ສື່ມວນ​ຊົນ​ອີກ​ຄັ້ງ​ນຶ່ງ ເພື່ອ​ໃຫ້​ອະ​ທິ​ບາຍ​ວ່າ​ເປັນ​ຫຍັງ​ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ ຈຶ່ງ​ສັ່ງ​ໃຫ້​ຂ້າ​ນາຍ​ພົນ​ ອີ​ຣ່ານ. ທ່ານ ພອມ​ພຽວ ໄດ້​ກ່າວ​ປ້ອງ​ກັນ​ການ​ໂຈມ​ຕີ​ດັ່ງ​ກ່າວ, ໂດຍ​ຢືນ​ຢັນ​ວ່າ ສະ​ຫະ​ລັດ ແມ່ນ​ກຳ​ລັງ​ປະ​ເຊີນ​ກັບ​ “ໄພ​ຂົ່ມ​ຂູ່​ທີ່​ໃກ້​ຈະ​ເກີດ​ຂຶ້ນ.”

ທ່ານ ໄມ​ຄ໌ ພອມ​ພຽວ ກ່າວ​ວ່າ “ຂ້າ​ພະ​ເຈົ້າ​ບໍ່​ຮູ້​ແນ່ນອນ​ວ່າ​ແມ່ນ​ນາ​ທີ​ໃດ​ແທ້, ເຈົ້າ​ຈະ​ບໍ່​ຮູ້​ແນ່ນອນ​ວ່າ​ມ​ັນ​ຈະ​ເກີດ​ຂຶ້ນມື້​ໃດ, ແຕ່​ມັນ​ເຫັນ​ໄດ້​ຢ່າງ​ຊັດ​ເຈນ​ວ່າ, ທ່ານ ກາ​ສ​ເຊັມ ໂຊ​ເລ​ມາ​ນີ ເອງ​ແມ່ນ​ໄດ້​ວາງ​ແຜນ​ໃນ​ຕ່າງ​ປະ​ເທດ, ທຳ​ການ​ໂຈມ​ຕີ​ຢ່າງກວ້າງ​ຂວາງ​ຕໍ່​ຜົນ​ປະ​ໂຫຍດ​ຂອງ ອາ​ເມ​ຣິ​ກາ, ແລະ ການ​ໂຈມ​ຕີ​ທີ່​ວ່າ​ນັ້ນ​ກໍ​ໃກ້​ຈະ​ເກີດ.”

ທ່ານ ພອມ​ພຽວ ຍັງ​ໄດ້​ກ່າວ​ອີກວ່າ ທ່ານ ແລະ ທີ່​ປຶກ​ສາ​ອາ​ວຸ​ໂສ​ຄົນ​ອື່​ນ​ໆ​ໄດ້​ແນະ​ນຳ​ການ​ໂຈມ​ຕີ​ທ່ານ ໂຊ​ເລ​ມາ​ນີ ຕໍ່​ທ່ານ ທ​ຣຳ, ໂດຍ​ເວົ້າ​ວ່າ ມັນ​ຈະເປັນ​ “ການບໍ່​ເອົາ​ໃຈ​ໃສ່ ທີ່​ສົມ​ຄວນ​ໄດ້​ຮັບ​ການ​ຕິ​ຕຽນ” ຖ້າບໍ່​ແນະ​ນຳ​ມັນ​ໄດ້​ທ່ານ. ທ່ານ ພອມ​ພຽວ ໄດ້​ເປັນ​ໂຄ​ສົກ​ຂອງ​ລັດ​ຖະ​ບານ​ທ່ານ ທ​ຣຳ ນັບ​ຕັ້ງ​ແຕ່​ສັງ​ຫານ​ນັ້ນ​ໄດ້​ເກີດ​ຂຶ້ນ, ດ້ວຍ​ການ​ປາ​ກົດ​ຕົວ​ໃນ​ສື່ມວນ​ຊົນຫຼາຍກວ່າ​ລັດ​ຖະ​ມົນ​ຕີ​ປ້ອງ​ກັນ​ປະ​ເທດ ທ່ານ ມາກ ເອັ​ສ​ເປີ. ຜູ້​ຊ່ຽວ​ຊານ​ດ້ານ​ນະ​ໂຍ​ບາຍ​ຕ່າງ​ປະ​ເທດ​ທີ່​ສຳ​ຄັນ​ຈຳ​ນວນ​ນຶ່ງ​ເວົ້າ​ວ່າ ທ່ານ ພອມ​ພຽວ ໄດ້​ເປັນ​ແຮງກ​ະ​ຕຸ້ນ​ຢູ່​ເບື້ອງຫຼັງ​ຄວາມ​ເຄັ່ງ​ຕຶງ​ທາງ​ທະ​ຫານ​ຂອງ ສະ​ຫະ​ລັດ ຕໍ່ ອີ​ຣ່ານ.

ທ່ານ ແອ​ຣອນ ເດ​ວິດ ມິ​ລ​ເລີ, ຈາກສະ​ຖາ​ບັນ​ວິ​ໄຈ ​ນະ​ໂຍ​ບາຍຕ່າງ​ປະ​ເທດ ເພື່ອ​ສັນ​ຕິ​ພາບ ສາ​ກົນ ຄາ​ເນ​ກີ ກ່າວ​ວ່າ “ການ​ລາຍ​ງານ​ທຸກ​ຢ່າງ​ໄດ້ບອກ​ໃຫ້​ຮູ້​ກ່ຽວ​ກັບ​ມັນ, ສັນ​ຊາດ​ຕະ​ຍານ​ຕ່າງໆ​ຂອງ​ລາວໄດ້ຊີ້​ໃຫ້​ເຫັນມັນ, ວິ​ໄສ​ທັດ​ທີ່​ກະ​ຫາຍ​ສົງ​ຄາມ​ຂອງ​ລາວ​ໄດ້​ບົ່ງ​ບອກ​ໃຫ້​ເຫັນມັນ. ຂ້າ​ພະ​ເຈົ້າ​ບໍ່​ຄິດ​ວ່າ​ມັນ​ມີ​ຂໍ້​ສົງ​ໄສ​ອັນ​ໃດ. ເພາະ​ວ່າ​ຖ້າ​ເຈົ້າ​ເບິ່ງ​ບັນ​ດາ​ທີ່​ປຶກ​ສາ​ທີ່​ຢູ່​ອ້ອມ​ຮອບ​ທ່ານ​ປະ​ທາ​ນາ​ທິ​ບໍ​ດີ​ນັ້ນ, ລາວ​ມີ​ອິດ​ທິ​ພົນ​ທີ່​ສຸດ.”

ທ່ານ ໄມ​ເກິ​ລ ຟັດ​ຈ໌ ຈາກ​ສູນ​ກາງ​ເພື່ອ​ຄວາມ​ກ້າວ​ໜ້າ ອາ​ເມ​ຣິ​ກັນ ກ່າວ​ວ່າ “ສິ່ງ​ທີ່​ພວກ​ເຮົາ​ໄດ້​ເຫັນ​ແມ່ນ ລັດ​ຖະ​ມົນ​ຕີ​ການ​ຕ່າງ​ປະ​ເທດ ຜູ້​ທີ່​ໄດ້​ມີ​ວິ​ໄສ​ທັດ​ທີ່​ຮຸນ​ແຮງ​ຫຼາຍ ແລະ ດຸ​ຮ້າຍ​ຕໍ່ ອີ​ຣ່ານ ຢ້ອນ​ກັບ​ໄປ​ໃນ​ວັນ​ທີ່​ທ່ານ​ເປັນ​ສະ​ມາ​ຊິກ​ຂອ​ງ​ລັດ​ຖະ​ສະ​ພາ, ປະ​ກອບ​ກັບ​ເລື່ອງ​ທີ່​ບໍ່​ຕ້ອ​ງ​ສົງ​ໄສ​ເລີຍ​ວ່າ, ລາວ​ເປັນ​ສະ​ມາ​ຊິກ​ຄະ​ນະ​ລັດ​ຖະ​ມົນ​ຕີ ​ທີ່​ມີ​ອຳ​ນາດ​ທີ່​ສຸດ ​ທີ່​ຮັບ​ມື​ກັບ​ນະ​ໂຍ​ບາຍ​ການ​ຕ່າງ​ປະ​ເທດ​ໃນ​ເວ​ລານີ້, ແລະ ເປັນ​ຜູ້​ທີ່​ໄດ້​ຢູ່​ລອດ​ໃນ​ລັດ​ຖະ​ບານ​ທ່ານ​ ທ​ຣຳ.”

ທ່າມ​ກາງ​ການ​ປະ​ທ້ວງ​ໃນ​ນະ​ຄອນຫຼວງ ແບັກ​ແດດ ປະ​ເທດ ອີ​ຣັກ ເມື່ອ​ວັນ​ສຸກ​ທີ່​ຜ່ານ​ມາ​ຕໍ່​ການ​ແຊກ​ແຊງ​ຂອງ ອີ​ຣ່ານ ແລະ ສະ​ຫະ​ລັດ ນັ້ນ, ນາ​ຍົກ​ລັດ​ຖະ​ມົນ​ຕີ​ຂອງ ອີ​ຣ່ານ ທ່ານ ອາ​ແດ​ລ ອັບ​ດຸ​ລ-ມາ​ດີ ໄດ້​ກ່າວ​ວ່າ ທ່ານໄດ້​ຂໍ​ໃຫ້​ທ່ານ ພອມ​ພຽວ ສົ່ງ​ຄະ​ນະ​ຜູ້​ແທນ​ໄປ​ເຮັດ​ວຽກ ກ່ຽວ​ກັບ ກົນ​ໄກ​ສຳ​ລັບ​ການ​ຖອນກອງ​ທະ​ຫານ ສະ​ຫະ​ລັດ ອອກ​ຈາກ ອີ​ຣັກ. ເມື່ອ​ຖືກ​ຖາມ​ ກ່ຽວ​ກັບ ​ມັນ ທ່ານ ພອມ​ພຽວ ໄດ້​ເວົ້າ​ວ່າ ສະ​ຫະ​ລັດ ແມ່ນ​ຍິນ​ດີ​ທີ່​ຈະ​ສືບ​ຕໍ່ການ​ສົນ​ທະ​ນາ​ກັບ​ ອີ​ຣັກ ກ່ຽວ​ກັບ ໂຄງ​ຮ່າງ​ກອງ​ກຳ​ລັງ​ທີ່​ເໝາະ​ສົມ, ແລະ ໄດ້​ກ່າວ​ວ່າ ສະ​ຫະ​ລັດ ຈະ​ຈັດ​ການ​ເຈ​ລະ​ຈາ​ກັບ​ບັນ​ດາ​ປະ​ເທດ​ພັນ​ທະ​ມິດ ​ອົງ​ການ NATO ກ່ຽວ​ກັບ ການ​ຂະ​ຫຍາຍ​ບົດ​ບາດ​ສຳ​ລັບ​ພັນ​ທະ​ມິດ​ໃນ​ເຂດ​ຕາ​ເວັນ​ອອກ​ກາງ.

The United States is hitting Iranian companies and eight senior officials with new sanctions, as a response to Iranian missile attacks against bases housing U.S. forces in Iraq. Pressed by reporters at the White House about the rationale for America's targeted killing of a top Iranian general last week, Secretary of State Mike Pompeo insisted General Quassem Soleimani was plotting attacks on U.S. facilities, including American embassies. Pompeo finds himself front and center of the current Middle East crisis, as President Donald Trump's most powerful and influential national security adviser. VOA's Diplomatic Correspondent Cindy Saine reports from the State Department.

The targeted killing of a top Iranian general has inflamed tensions in the Middle East and brought the U.S. and Iran perilously close to war. At the White House Friday, Secretary of State Mike Pompeo again was pressed by reporters to explain why President Donald Trump ordered the killing. Pompeo defended the strike, insisting the U.S. was facing "imminent threats."

"I don't know exactly which minute, you don't know exactly which day it would have been executed, but it was very clear: Qassem Soleimani himself was plotting a broad, large-scale attack against American interests, and those attacks were imminent."

Pompeo also said that he and other senior advisers recommended the strike against Soleimani to Trump, saying it would have been "culpably negligent" not to recommend it. Pompeo has been the public face of the Trump administration since the killing, with far more media appearances than Defense Secretary Mark Esper. A number of prominent foreign policy experts say Pompeo has been the driving force behind the U.S.military escalation against Iran.

"All the reporting suggests it,his instincts suggests it,his hawkish views on Iran suggest it. I don't think there's any doubt. Because if you look at the advisers surrounding the president, he has the most influence."

[What we have seen here is] "...a secretary of state who has long held very radical and aggressive views towards Iran dating back to his days as a member of Congress, combined with the fact that he is without a doubt, the most powerful Cabinet member dealing with foreign policy right now, and is a survivor in the Trump administration...."

Amid street protests in Baghdad Friday against interference by both Iran and the United States, Iraq's Prime Minster Adel Abdul-Mahdi said he has asked Pompeo to send a delegation to work on a mechanism for withdrawing U.S. troops from Iraq. Asked about it , Pompeo said the U.S. is happy to continue a conversation with Iraqis about an appropriate force structure, and said the U.S. is holding talks with its NATO allies about an increasing role for the alliance in the Middle East.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG