ລິ້ງ ສຳຫລັບເຂົ້າຫາ

logo-print

ຕໍາຫຼວດ ກວດລ້າງ ພວກສະເຫຼີມສະຫຼອງ ວັນສິດທິມະນຸດສາກົນ ໃນຫວຽດນາມ


ນັກເຄື່ອນໄຫວທາງສັງຄົມ ທີ່ຂຽນຄວາມເຫັນລົຝໃນອີນເຕີແນັດ Nguyen Lan Thang ກໍາລັງຂຽນຄວາມເຫັນລົງໃນ ເຟັສບຸກ ຢູ່ຮ້ານອິນເດີແນັດແຫ່ງນຶ່ງ ໃນນະຄອນຫລວງຮາໂນ່ຍ, ເມື່ອວັນທີ 27 ພະຈິກ 2013.
ພວກ​ນັກ​ເຄື່ອນ​ໄຫວ​ໃນ​ຫວຽດນາມ ​ພາ​ກັນ​ຈົ່ມ​ທຸກ​ເລຶ່ອງການ​
ນາບ​ຂູ່​ຮາວີ ຂອງ​ຕໍາຫຼວດ ​ໃນ​ພິທີການ​ຕ່າງໆທີ່​ຈັດ​ຂຶ້ນ​ເພື່ອ
​ເປັນ​ຂີດໝາຍວັນ​ສິດທິ​ມະນຸດ​ສາກົນ​ໃນ​ອາທິດ​ແລ້ວ​ນີ້ ຊຶ່ງ​ພາ​
ໃຫ້​ມີ​ການຮຽກຮ້ອງໃຫ້ຫວຽດນາມ ປະຕິບັດຕາມ​ພັນທະແລະ
ຄວາມ​ໝັ້ນ​ໝາຍຂອງ​ຕົນ ​ໃນ​ຖານະ​ເປັນ​ສະມາຊິກ​ໃໝ່​ຂອງ​
ສະພາ​ສິດທິ​ມະນຸດ​ ຂອງສະຫະ​ປະຊາຊາດນັ້ນ. ຜູ້​ສື່​ຂ່າວ​ວີ​ໂອ
​ເອ Mariane Brown ສົ່ງລາ​ຍງານ​ກ່ຽວ​ກັບເລຶ່ອງນີ້​ ມາຈາກ
ຮາ​ໂນ່ຍ ຊຶ່ງ​ທອງ​ປານຈະ​ນໍາ​ມາສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.


ເພື່ອ​ເປັນ​ ຂີດ​ໝາຍວັນ​ສິດທິ​ມະນຸດ​ສາກົນ​ໃນ​ວັນ​ອັງຄານ​ອາທິດ​ຜ່ານ​ມາ​ນີ້ ທ່ານ David Shear ​ເອກ​ອັກຄະ​ລັດຖະທູດ​ສະຫະລັດ​ປະ​ຈໍາຫວຽດນາມ ​ໄດ້​ອອກ​ຖະ​ແຫຼ​ງ ການ​ສະບັບ​ນຶ່ງ ລົງ​ໃນ​ເວັບ​ໄຊ້ຂອງ​ສະຖານ​ທູດ
[http://Vietnam.usembassy.gov/pr121013.html] ​ຮຽກຮ້ອງ​ໃຫ້ ຫວຽດນາມ​ຈົ່ງ​ຍຶດ
ໝັ້ນ​ຢູ່​ໃນ​ຢູ່​ໃນ​ຄໍາ​ປະກາດ​ສາກົນ​ວ່າ​ດ້ວຍ​ສິດ​ທິມະນຸດ ຊຶ່ງ​ເປັນ​ຂໍ້​ຕົກລົງ​ທີ່​ປະກາດ​ໃຊ້ ໃນ
​ປີ 1948 ທີ່​ລະບຸ​ໂດຍ​ສັງ​ ເຂ​ບ​ເສລີພາບ​ແລະສິດທິ​ຂັ້ນ​ພື້ນຖານ​ຂອງ​ປະຊາຊົນ​ໃນ​ທົ່ວໂລກ.

ທ່ານ Shear ​ເວົ້າ​ວ່າ ການບັນລຸ​ຄວາມ​ຄືບ​ໜ້າ​ທີ່​ສະ​ແດງ​ໃຫ້​ເຫັນ​ໄດ້​ໃນ​ດ້ານ​ສິດທິ​ມະນຸດ​ນັ້ນ ຖື​ວ່າ​ສໍາຄັນ​ທີ່​ສຸດ​ຕໍ່​ຄວາມ​ສໍາພັນ​ລະຫວ່າງ​ທັງ​ສອງ​ ປະເທດ ​ແລະ​ມີ​ຜົນ​ຕໍ່​ທຸກໆ​ດ້ານ​ຂອງ​ນະ​ໂຍບາຍ​ຕ່າງປະ​ເທດ.

ຖ​ະ​ແຫຼ​ງການ​ດັ່ງກ່າວ ​ເວົ້າໃນ​ຕອນ​ນຶ່ງ​ວ່າ: ​ໃນ​ໄລຍະ​ບໍ່ເທົ່າ​ໃດ​ເດືອນ​ຜ່ານ​ມາ​ນີ້​ ຫວຽດ
ນາມ​ໄດ້​ເຊັນ​ລົງນາມ​ໃນ ສັນຍາ​ຕໍ່ຕ້ານ​ການ​ທໍລະມານຂອງ​ຢູ​ເອັນ ​ແລະ​ໄດ້ສົ່ງ​ຄໍາເຊື້ອ​
ເຊີນໄປ​ຍັງ ຜູ້​ຂຽນ​ລາຍ​ງານ​ພິ​ເສດ​ວ່າ​ດ້ວຍ​ເສລີ ພາບທາງ​ດ້ານ​ສາສະໜາແລ​ະຄວາມ​
ເຊື່ອ​ຖື​ ໃຫ້​ໄປ​ຢ້ຽມຢາມ​ຫວຽດນາມ.

ນອກ​ຈາກ​ນີ້ ຫວຽດນາມຍັງ​ໄດ້​ເຂົ້າ​ເປັນ​ສະມາຊິກ​ຂອງ​ສະພາ​ສິດທິ​ມະນຸດ​ຂອງອົງການ​
ສະຫະ​ປະຊາ​ຊາດ ຫຼືຢູ​ເອັນ​ແລ້ວ.

​ແຕ່​ແນວ​ໃດກໍ​ດີ ມີ​ນັກ​ເຄຶ່ອນ​ໄຫວ​ບາງ​ຄົນ​ຕັ້ງ​ຄໍາ​ຖາມ​ວ່າ ​ ໄດ້​ມີຄວາມ​ກ້າວໜ້າໂຕ​ຈິງ ​ຫຼາຍປານ​ໃດ​ແລ້ວ ​ໃນເລຶ່ອງນີ້.

ອາທິດຜ່ານ​ມາ​ນີ້ ພວກ​ເຂົ້າປະກອບສ່ວນ​ໃນ​ການ​ໂຮມ​ຊຸມນຸມຫຼາຍໆ​ບັ້ນ ​ເພື່ອ​ສະເຫຼີ​ມ ສະຫຼອງ​ວັນ​ສິດທິ​ມະນຸດ​ສາກົນນັ້ນ ພາກັນລາຍ​ງານ​ວ່າ ພວກ​ເຂົາ​ເຈົ້າຖືກຕໍາຫຼວດຄຸກ​ຄາມ​ຮາວີ.

ຜູ້​ຂຽນ​ລົງ​ເວັບ​ໄຊ້ ຫຼື blogger ທີ່​ໃສ່​ຊື່ Me Nam ຊຶ່ງແປ​ວ່າ ​“ແມ່​ເຫັດ” ​ໄດ້​ເຂົ້າຮ່ວມ​ ກອງ​ປະຊຸມນັດ​ທໍາ​ອິດ​ຂອງ ​ກຸ່ມແມ່ຍິງຫວຽດນາມເພື່ອສິດທິ​ມະນຸດ ຢູ່​ວັດແຫ່ງ​ນຶ່ງທີ່ ນະຄອນໂຮ​
ຈິ​ມິນ ໃນ​ວັນ​ສິດທິ​ມະນຸດ​ສາກົນ​ເມື່ອວັນ​ອັງຄານ​ຜ່ານ​ມາ​ນີ້.

ນາງ Me Nam ​ເວົ້າ​ວ່າ: “ມື້​ນີ້ ພວກ​ເຮົາ​ໄດ້​ເຊື້ອ​ເຊີນ​ປະມານ 50 ຄົນ ມາ​ຮ່ວມ​ໃນ
​ພິທີ​ດັ່ງກ່າວ ​ແຕ່​ບາງ​ຄົນ​ກໍ​ບໍ່​ສາມາດ​ເຂົ້າຮ່ວມໄດ້ ຍ້ອນ​ວ່າພວກ​ຕໍາຫຼວດ​ໄດ້ຢຸດ
​ພວກ​ເຂົາ​ເຈົ້າ ຕອນເລີ່​ມອອກ​ຈາກ​ບ້ານ.”


ນາງ Me Nam ຜູ້ຂຽນຄວາມເຫັນລົງ ໃນອິນເຕີແນັດ ຫລື Blogger.
ນາງ Me Nam ຜູ້ຂຽນຄວາມເຫັນລົງ ໃນອິນເຕີແນັດ ຫລື Blogger.

ກຸ່ມ​ດັ່ງກ່າວ​ໄດ້​ເປີດ​ຕົວ​ເມື່ອ​ເດືອນ​ຜ່ານ​ມາ ​ເພື່ອ​ສະໜອງ​ຕາ​ນ່າງ​
ສະໜັບສະໜຸນ ​ໃຫ້ແກ່ແມ່ຍິງ​ທັງຫຼາຍ ທີ່​ພົວພັນ​ໃນ​ການ​ເຄື່ອນ​
ໄຫວ​ດ້ານ​ສິດທິ​ມະນຸດ​.

ນາງ Me Nam ​ເວົ້າ​ວ່າ: “ປະ​ເດັນ​ສໍາຄັນຕ່າງໆ​ທີ່ພວກ​ເຮົາ​ເວົ້າ
​ກັນ​ໃນມື້​ນີ້ ກໍ​ຄື​ພວກ​ເຮົາ​ວາງ​ແຜນ​ທີ່​ຈະ​ໄປ​ຢ້ຽມຢາມ​ບ້ານ​ເຮືອນ​
ຂອງແມ່ຍິງ ພວກ​ທີ່​ຖືກ​ຈັບ​ກຸມຫຼື​ພວກ​ທີ່​ສາ​ມີ ຫຼື​ອ້າຍ​ນ້ອງຂອງ​
ເຂົາ​ເຈົ້າຖືກ​ຈັບ​ກຸມ. ນອກ​ນີ້​ພວກເຮົາ​ຍັງ​ໄດ້​ພົບປະ​ກັບ​ພວກ​ຄົນ​
ບາງ​ກຸ່ມ ທີ່​ເປັນ​ຊາວນາຊາວ​ສວນ ທີ່​ສູນເສຍ​ທີ່​ດິນ​ທໍາ​ກິນ​ຂອງ​
ພວກ​ເຂົາ​ເຈົ້າ ​ແລະຖືກຕໍາຫຼວດ​ໄລ່​ທີ່ ​ນັ້ນນໍາ.”


ຢູ່ໃນພິທີ​ອີກ​ແຫ່ງ​ນຶ່ງເພື່ອ​ວັນ​ອາທິດ​ ທີ 8 ທັນວານັ້ນ ມີ​ປະຊາຊົນ​ຫຼາຍ​ກວ່າ 100 ຄົນ ​ໄດ້​ເຕົ້າ​ໂຮມ​ກັນ ຢູ່​ໃກ້​ສວນສາ​ທະ​ລະນະ​ແຫ່ງ​ນຶ່ງ ໃນ​ໃຈກາງ​ເມືອງຫຼວງ​ຮາ​ໂນ່ຍ ​ເພື່ອ​ແຈກ​ໝາກ​ປຸມ​ເປົ້າ ທີ່​ຂຽນ​ຄໍາ​ຂວັນ​ວ່າ “ສິດທິ​ມະນຸດ​ຂອງພວກ​ເຮົາ​ຈະ​ຕ້ອງ​ຖືກ​ເຄົາລົບ​ນັບຖື​.” ​ແຕ່​ blogger Nguyen Lan Thang ​ເວົ້າ​ວ່າ ​ໃນ​ເວລາບໍ່​ດົນ​ປານ​ໃດ ພວກ​ເຂົາ​ເຈົ້າ​ກໍ​ຖືກ​ຕໍາຫຼວດ​ຂັບ​ໄລ່ ​ໃຫ້ສະຫຼາຍ​ຕົວ​ໄປ.

ທ້າວ Thang ​ເວົ້າ​ວ່າ ພວກຕໍາຫຼວດ​ຂັດຂວາງເຂົາ​ເຈົ້າ ບໍ່​ໃຫ້​ແຈກ​ສໍາ​ເນົາ​ຂອງ​ຄໍາ​ປະ ກາດ​ສິດທິ​ມະນຸດສາກົນ ​ແລະ​ລາວເວົ້າ​ຕໍ່​ໄປ​ວ່າ ຢູ່​ບ່ອນ​ຊຸມ​ນຸມ ທໍານອງ​ດຽວ​ກັນ​ນີ້ ​ທີ່ ເມືອງ Ho Chi Minh ​ໃນ​ມື້​ດຽວ​ກັນນັ້ນ ພວກໂຮມ​ຊຸມນຸມກໍ​ຖືກ​ພວກ​ຕໍາຫຼວດ​ແກວ່ງ​ກະປິ​ໃສ່.

ທ້າວ ຖັງ ​ເປັນ​ສະມາຊິກ​ຄົນ​ນຶ່ງຂອງ​ກຸ່ມ​ທີ່​ຊື່ວ່າ ຕາ​ໜ່າງ bloggers ຫວຽດນາມ ຊຶ່ງ​ເປັນ​ກຸ່ມ​ເຄຶ່ອນ​ໄຫວ​ທາງ​ອິນ​ເທີ​ເນັດ ທີ່​ຮຽກຮ້ອງ​ໃຫ້​ມີ​ເສລີພາບໃນ​ການສະ​ແດງ​ຄວາມ​ຄິດ​ຄວາມ​ເຫັນ​ຫຼາຍ​ຂຶ້ນ​ໃນ​ຫວຽດນາມ. ໃນວັນ​ອັງຄານອາທິດ​ຜ່າ​ນມາ​ນີ້ ກຸ່ມ​ດັ່ງກ່າວ​ໄດ້​ເປີດ​ຕົວ​ເວັບ​ໄຊ້​ໃໝ່ຂອງ​ຕົນ [http://mangluoiblogger.blogspot.com/].

ທ້າວ ຖັງ ​ເວົ້າ​ວ່າ: ຕາໜ່າງນີ້​ເປັນຕາ​ໜ່າງໃໝ່​ ​ແລະ​ເປີດ​ໃຊ້​ແລ້ວ ​ແລະ​ຍິນ​ດີ
ຕ້ອນຮັບທຸກໆ​ຄົນ ທີ່ສົນ​ໃຈເຂົ້າຮ່ວມ​ໃນ​ກິດຈະ​ກໍາ​ດ້ານ​ສິດ​ທິມະນຸດ​ໃນຂອບ
​ເຂດ​ກວ້າງຂວາງ​.”


​ຫວຽດນາມ​ໄດ້​ຖືກວິພາກ​ວິຈານມາຕະຫຼອດ​ ກ່ຽວ​ກັບ​ການ​ໃຊ້ກົດໝາຍທີ່​ມີຄໍາ​ເວົ້າແບບ
ຄຸມ​ເຄື​ອບໍ່​ຊັດ​ເຈນ ​ເພື່ອ​ດໍາ​ເນີນ​ຄະດີ​ພວກ​ນັກ​ເຄຶ່ອນ​ໄຫວ ທັງຫຼາຍ. ເມື່ອ​ເດືອນ​ຜ່ານ​ມາ​
ໃນ​ການ​ເຄຶ່ອນ​ໄຫວ​ບັ້ນ​ນຶ່ງ​ ທີ່​ນັກວິ​ເຄາະ​ບາງ​ຄົນ​ເຊື່ອ​ວ່າ ​ເປັນຂີດ​ໝາຍ​ການ​ຫັນປ່ຽນ
ໃນແນວທາງ​ຂອງ​ລັດຖະບານນັ້ນ ພວກ​ຜູ້​ແທນ​ສະພາ​ແຫ່ງ​ຊາດ​ ໄດ້​ລົງມະຕິ​ຮັບ​ຜ່ານ
ດໍາລັດທີ 174 ທີ່​ວາງຂໍ້ຈໍາກັດ​ຮັດ​ແຄບຫຼາຍໆຢ່າງ​ ກ່ຽວ​ກັບ​ເນື້ອ​ຄວາມທີ່​ລົງໃນ​ເວັບ​ໄຊ້.

ກົດໝາຍ​ສະບັບຫຼ້າສຸດ​ນີ້ ລະບຸ​ຄ່າປັບ​ໄໝ​ຫຼາຍ​ເຖິງ 2,500 ​ໂດ​ລ່າ ສໍາລັບຄົນ​ໃດກໍ​ຕາມ
ທີ່​ທໍາ​ການໂຄສະນາ​ຊວນ​ເຊື່ອ​ຕໍ່ຕ້ານ​ລັດ ຜ່ານ​ຕາໜ່າງສັງຄົມ ຫຼື​ຜ່ານ​ເວັບ​ໄຊ້ຕ່າງໆນັ້ນ.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG