ລິ້ງ ສຳຫລັບເຂົ້າຫາ

logo-print

ອົງການສື່ມວນຊົນ ແລະ ພວກນັກຂ່າວ ໃນ ທົ່ວໂລກ ກຳລັງຖືກຄຸກຄາມ ຢ່າງໜັກ


Journalism Under Fire
please wait
Embed

No media source currently available

0:00 0:29:33 0:00

ເຊີນຊົມ ວີດີໂອ ພາສາອັງກິດ

ການຫາຍຕົວໄປ ແລະ ປາກົດວ່າ ມີການຄາດຕະກຳນັກຂຽນບົດຄວາມ ຂອງໜັງສືພິມ
ວໍຊິງຕັນ ໂພສທ໌ ທ່ານ ຈາມາລ ຄາຊອກກີ ຢູ່ພາຍໃນສະຖານ ກົງສຸນຂອງ ຊາອຸດີ
ອາຣາເບຍ ປະຈຳ ນະຄອນອິສຕັນບູລ ຊຶ່ງໄດ້ຂະຫຍາຍການສົນທະນາອອກໄປ ກ່ຽວ
ກັບເລື້ອງເສລີພາບໃນດ້ານການຂ່າວ ແລະ ຄວາມປອດ ໄພ ຂອງບັນດານັກຂ່າວ ຢູ່
ໃນທົ່ວໂລກ. ໃນສັບປະດານີ້ ຢູ່ໃນລາຍການ “Plugged In” ຂອງວີໂອເອ ທີ່​ຈັດໂດຍ
ທ່ານນາງ ເກຣຕາ ແວນ ຊັດເຕີເຣັນ ໄດ້ນຳເອົາຫົວຂໍ້ເລື້ອງຕ່າງໆເຫຼົ່ານີ້ ມາ​ໂອ້​ລົມກັນ
ກັບບັນດານັກຂ່າວ ພ້ອມດ້ວຍ ຮອງຜູ້ອຳນວຍການ ຂອງຄະນະກຳມະການປົກປ້ອງ
ບັນດານັກຂ່າວ. ເອລີຊາເບັຕ ເຊີຣເນັຟ ນັກຂ່າວຂອງວີໂອເອ ມີລາຍລະອຽດກ່ຽວ​ກັບ
​ເລື້ອງນີ້ ຊຶ່ງ ໄຊຈະເລີນສຸກ ຈະນຳມາສະເໜີທ່ານ ໃນອັນດັບຕໍ່ໄປ.

ການຫາຍສາບສູນໄປ ແລະອາດເປັນໄປໄດ້ວ່າ ມີການສັງຫານນັກຂ່າວ ຊາວຊາອຸດີ
ທ່ານນຶ່ງ ໃນເດືອນນີ້ ທີ່ໄດ້ກໍ່ໃຫ້ເກີດຄວາມຄຽດແຄ້ນໃນທົ່ວໂລກ ແລະ ຮຽກຮ້ອງໃຫ້
ຊອກຫາຄຳຕອບ.

ນັກຂຽນບົດຄວາມຂອງໜັງສືພິມ ວໍຊິງຕັນ ໂພສທ໌ ທ່ານ ຈາມາລ ຄາຊອກກີ ໄດ້ຖືກ
ພົບເຫັນຄັ້ງສຸດທ້າຍ ເມື່ອສອງສັບປະດາກ່ອນ ຊຶ່ງຜູ້ກ່ຽວໄດ້ເຂົ້າໄປໃນ ກົງສຸນຂອງ
ຊາອຸດີ ອາຣາເບຍ ທີ່ປະເທດເທີກີ ແຕ່ບໍ່ໄດ້​ກັບອອກມາເລີຍ.

ທ່ານ ເຈສັນ ຣີຊາອຽນ ຄູ່ຮ່ວມງານ ຂອງທ່ານ ຄາຊອກກີ ກໍໄດ້ຖືກຄຸມຂັງຢູ່ ໃນປະເທດ
ອີຣ່ານ ເປັນເວລາ 544 ວັນແລ້ວ ກ່ອນທີ່ຜູ້ກ່ຽວຈະໄດ້ຖືກປ່ອຍໂຕ ໃນປີ 2016. ທ່ານ
ຣີຊາອຽນ ກ່າວວ່າ ການແນເປົ້າໝາຍໃສ່ພວກນັກຂ່າວທີ່ ເພີ້ມຂຶ້ນເລື້ອຍໆນັ້ນ ຖືວ່າ
ເປັນຊ່ວງເວລາທີ່ອັນຕະລາຍ ສຳລັບສື່ມວນຊົນ.

ທ່ານ ເຈສັນ ຣີຊາອຽນ ນັກຂຽນບົດຄວາມຂອງໜັງສືພິມ ວໍຊິງຕັນ ໂພສທ໌ ກ່າວວ່າ
“ພວກເຮົາ ກຳລັງເຫັນພວກນັກຂ່າວຖືກຈັບກຸມ ຖືກກົດຂີ່ ຖືກຄາດ ຕະກຳ ຫຼາຍຂຶ້ນ
ແລະ ຫຼາຍຂຶ້ນ ແລະ ສ່ວນໃຫຍ່ຢູ່ໃນບັນດາປະເທດທີ່ເປັນ ພັນທະມິດຂອງ ສະຫະ-
ລັດ ຫຼື ປະເທດທີ່ມີລະບອບປະຊາທິປະໄຕ ຖືກບໍ່? ແລະອັນນີ້ ກໍບໍ່ເຄີຍເປັນບັນຫາ
ເລີຍ ທີ່ພວກເຮົາໄດ້ປະເຊີນກັບ ບໍ່ພໍເທົ່າໃດ ໃນເມື່ອກ່ອນ. ມັນກຳລັງເພີ້ມຂຶ້ນນັບມື້
ແລະ ມັນເປັນຊ່ວງເວລາ ບ່ອນທີ່ ສະຫະລັດ ຕ້ອງໄດ້ມີຈຸດຢືນ ກ່ຽວກັບເລື້ອງນີ້ ແລະ
ຕ້ອງໄດ້ອອກໜ້າອອກຕາ ຢ່າງແຂງຂັນ ແລະ ກ່າວວ່າ ພວກເຮົາ ບໍ່ສະໜັບສະໜຸນ
ສິ່ງນີ້ ພວກເຮົາສະ ໜັບສະໜຸນ ເສລີພາບດ້ານການຂ່າວ ແລະ ປົກປ້ອງສື່ມວນຊົນ.
ແລະຂ້າພະ ເຈົ້າ ບໍ່ເຫັນເລີຍວ່າ ອັນນັ້ນໄດ້ເກີດຂຶ້ນ.”

ອີງຕາມ ຄະນະກຳມະການປົກປ້ອງບັນດານັກຂ່າວ ຫຼື CPJ ແລ້ວ ຈຳນວນ ຂອງບັນດາ
ນັກຂ່າວທີ່ຖືກຄຸມຂັງ ໃນການປະຕິບັດໜ້າທີ່ຂອງພວກເຂົາເຈົ້ານັ້ນ ແມ່ນເຖິງລະດັບ
ສູງສຸດເປັນປະຫວັດການ ໃນປີ 2017. ເທີກີ ຈີນ ແລະ ອີຈິບ ແມ່ນເປັນຜູ້​ກະ​ທຳ​ທີ່ຂີ້
ຮ້າຍທີ່ສຸດ.

ອົງການປົກ​ປ້ອງ​ນັກ​ຂ່າວ​ຫຼື CPJ ຍັງລາຍງານວ່າ ມາຮອດປີນີ້ ນັກຂ່າວ 44 ຄົນ ໃນ
ທົ່ວໂລກ ໄດ້ຖືກຂ້າຕາຍ ໃນຂະນະທີ່ ປະຕິບັດໜ້າທີ່ຢູ່ນັ້ນ. ພວກປະ ເທດທີ່ສູ້ລົບກັນ
ໃນຂະນະທີ່ບັນດານັກຂ່າວ ປະເຊີນກັບອັນຕະລາຍຢູ່ນັ້ນ ແມ່ນ ບໍ່ພຽງແຕ່ເປັນໄພຂົ່ມຂູ່
ຕໍ່ເສລີພາບໃນດ້ານການຂ່າວເທົ່ານັ້ນ ອີງຕາມຄຳ​ເວົ້າ ຂອງ ທ່ານ ອາເຢຊາ ແທນຊີມ
ຫົວໜ້າຫ້ອງ​ການ​ຂ່າວ ວີໂອເອ ປະຈຳ​ນະ​ຄອນ ອິສລາມາບັດ.

ທ່ານ ແທນຊີມ ເວົ້າວ່າ “ໂດຍສະເພາະແມ່ນຢູ່ໃນ ປາກິສຖານ ແລະ ອັຟການິສຖານ
ການຖືກລັກ ພາຕົວໄປ ແມ່ນເປັນໄພຂົ່ມຂູ່ທີ່ໃຫຍ່. ແລະເຈົ້າກໍບໍ່ພຽງຈະຖືກ ລັກພາ
ຕົວໄປ ໂດຍກຸ່ມລັດອິສລາມ ຫຼື ກຸ່ມຕາລີບານ ເທົ່ານັ້ນ ເຈົ້າຈະຖືກລັກພາ ຕົວໄປ
ໂດຍພວກອາຊະຍາກອນ ເພາະວ່າ ພວກເຂົາ ເຫັນເຈົ້າເປັນຖົງເງິນ ເປັນການລັກ
ພາຕົວໄປເພື່ອຮຽກຄ່າໄຖ່ ແລະ ນອກເໜືອຈາກນັ້ນ ຖ້າພວກເຂົາ ບໍ່ໄດ້ ເງິນຈາກ
ເຈົ້າໄວທີ່ສຸດ ພວກເຂົາກໍຈະຂາຍເຈົ້າໃຫ້ກັບ ກຸ່ມຕາລີບານ ຜູ້ທີ່ຕໍ່ຈາກນັ້ນ ກໍຈະ
ຮຽກຮ້ອງເອົາຄ່າໄຖ່ນຳເຈົ້າ ຫຼື ຜູ້ທີ່ຕໍ່ຈາກນັ້ນ ກໍຈະໃຊ້ເຈົ້າເພື່ອເຈລະຈາແລກປ່ຽນ
​ນັກ​ໂທດ.”

ໂດຍມີໄພຕ່າງໆນາໆ ແລະ ຄວາມຮຸນແຮງ ຕໍ່ສື່ມວນຊົນ ທີ່ກຳລັງເພີ້ມຂຶ້ນ ເລື້ອຍໆນັ້ນ
ບັນດານັກຊ່ຽວຊານ ກ່າວວ່າ ບັນຫາກ່ຽວກັບຄວາມຮັບຜິດຊອບ ຍັງຈະຕ້ອງໄດ້ຮັບ​
ການແກ້ໄຂ.

ທ່ານ ຣອບ ມາໂຮນີ ສະມາຊິກຂອງຄະນະກຳມະການປົກປ້ອງບັນດານັກຂ່າວ ກ່າວວ່າ
“ບໍ່ວ່າ ຈະເປັນການວາງລະເບີດລົດຂອງນັກຂ່າວ ຢູ່ໃນ ມາລຕາ ຫຼື ໃນເວລານີ້ ດັ່ງທີ່
ພວກເຮົາສົງໄສກັນ ກໍຄືການລໍ້ເອົາ ນັກຂ່າວຊາວຊາອຸດີ ເຂົ້າໄປໃນສະຖານທີ່ ການ
ທູດ ແລະ ຕັດສົບຂອງລາວເປັນຕ່ອນໆ. ສະນັ້ນແລ້ວ ມັນເປັນເຫດຜົນ ທີ່ພວກເຮົາ
ຕ້ອງໃຫ້ມີການສືບສວນສອບສວນ ໂດຍສາກົນຢ່າງໂປ່ງໃສ ໃນກໍລະນີຂອງ ທ່ານ
ຈາມາລ ຄາຊອກກີ ຍົກຕົວຢ່າງ ເພື່ອວ່າ ອຳນາດການປົກຄອງ ຈະຖືກນຳມາລົງ
ໂທດ ແລະ ກຳນົດເອົາສິ່ງທີ່ບໍ່ດີນີ້ ເປັນແບບຢ່າງ ທີ່ວ່າ ຊີວິດຂອງບັນດານັກຂ່າວ
ທັງຫຼາຍ ແມ່ນມີລາຄາ.”

ອີງຕາມອົງການ Freedom House ຊຶ່ງເປັນກຸ່ມສິ້ງຊອມ ທີ່ເປັນອິດສະຫລະ ກ່າວວ່າ
ເສລີພາບດ້ານການຂ່າວໃນທົ່ວໂລກ ໄດ້ລົດລົງສູ່ຈຸດຕ່ຳສຸດ ໃນຮອບ 10 ກ​ວ່າປີຜ່ານ
ມາ. ປະຊາກອນຂອງໂລກ ພຽງແຕ່ 13 ເປີເຊັນ ໄດ້ຮັບຂ່າວ ສານ ທີ່ມີ​ອິດ​ສະ​ຫຼະເສລີ
ຢ່າງແທ້ຈິງ.

The disappearance and alleged murder of Washington Post columnist Jamal Khashoggi inside the Saudi consulate building in Istanbul has amplified the discussion about press freedom and the safety of journalists around the world. This week on "Plugged In," VOA Contributor Greta Van Susteren tackles those topics with reporters as well as the deputy executive director at the Committee to Protect Journalists. VOA's Elizabeth Cherneff has more.

The disappearance and possible killing of a Saudi journalist this month has ignited global outrage and calls for answers.

Washington Post columnist Jamal Kashoggi was last seen two weeks ago entering, but never leaving Saudi Arabia's consulate in Turkey.

Jason Rezaian, Khashoggi's colleague, was jailed in Iran for 544 days before his release in 2016.Rezaian says the increased targeting of journalists represents a dangerous moment for the press.

JASON REZAIAN, WASHINGTON POST COLUMNIST says "more and more, we're seeing journalists arrested, harassed, murdered- and often in countries that are allies of the United States or democracies, right? And this was not an issue that we had to deal with very much in the past. It's on the rise and it's a moment where the United States needs to have a position on this and needs to come out vociferously and say we don't support this, we support freedom of the press and protection of the press.' And I don't see that happening."

According to the Committee to Protect Journalists, the number of reporters jailed for their work hit a record high in 2017. Turkey, China and Egypt are the worst offenders.

CPJ also reports that so far this year, 44 journalists worldwide have been killed while doing their job. Countries at war, while dangerous for journalists, are far from the only threat to press freedom, says VOA's Islamabad Bureau Chief Ayesha Tanzeem.

AYESHA TANZEEM, VOA ISLAMABAD BUREAU CHIEF says "particularly in Pakistan and Afghanistan, kidnappings are a big threat. And you're not just kidnapped by Islamic State or Taliban, you're kidnapped by criminals because they see you as a money bag, kidnapping for ransom, and then if they don't get money from you very quickly, they will sell you on to the Taliban, who will then ask ransom for you or who will then negotiate a prisoner exchange deal."

With hostility and violence toward the news media on the rise, experts say the issue of accountability must also be addressed.

ROB MAHONEY, COMMITTEE TO PROTECT JOURNALISTS says
"whether it's blowing up the car of a journalist in Malta or now, as we suspect, luring a Saudi journalist inside a diplomatic mission and butchering him. So that's why we need a transparent international investigation into the Jamal Khashoggi case, for example, so that the authorities can't get away with it and set this terrible example that journalists' lives come cheap."

According to Freedom House, an independent watchdog group, global press freedom has declined to its lowest point in more than 10 years. Only 13% of the world's population enjoys a press that is truly free.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG