ພວກປະທ້ວງທີ່ນັບຖືສາສະໜາອິສລາມ ຫຼາຍສິບພັນຄົນ ຢູ່ສູນທີ່ພັກຊົ່ວຄາວຂອງການປະທ້ວງ ໃນນະຄອນຫຼວງຂອງປາກິສຖານ ແມ່ນກຳລັງລໍຖ້າ ວັນເສັ້ນຕາຍ ທີ່ພວກເຂົາເຈົ້າໄດ້ກຳນົດໂດຍຜູ້ນຳຂອງພວກເຂົາເຈົ້າ ທີ່ໄດ້ຮຽກຮ້ອງໃຫ້ ນາຍົກລັດຖະມົນຕີ ລາອອກຈາກຕຳແໜ່ງ.
ທ່ານໂມລານາ ຟາຊເລີ ເລີມານ ນັກສອນສາສະໜາ ຜູ້ປຸກລະດົມທີ່ຮ້ອນແຮງ ໄດ້ນຳພາຂະບວນຄາຣາວານ ພວກສະໜັບສະໜຸນ ເດີນທາງໄປຍັງອິສລາມາບັດ ໃນສັບປະດາແລ້ວນີ້ ໃນການພະຍາຍາມກົດດັນ ທ່ານອິມຣານ ຄານ ໃຫ້ລົງຈາກຕຳແໜ່ງ ໂດຍການເອີ້ນທ່ານວ່າ ເປັນຜູ້ປົກຄອງທີ່ “ຜິດກົດໝາຍ.”
ນັກສອນສາສະໜາ ເລີມານ ໄດ້ເຕືອນວ່າ ທ່ານສາມາດຊີ້ນຳໃຫ້ພັກພວກຂອງທ່ານ ເດີນຂະບວນໄປຍັງສະພາຂອງລັດຖະບານປາກິສຖານ ແລະບັງຄັບໃຫ້ທ່ານຄານລາອອກຈາກຕຳແໜ່ງ. ທ່ານຄານ ກ່າວວ່າ ທ່ານບໍ່ມີແຜນທີ່ຈະລາອອກແຕ່ຢ່າງໃດ.
ທາງການຂອງປາກິສຖານ ສືບຕໍ່ເສີມກຳລັງດ້ານຄວາມປອດໄພ ອ້ອມບໍລິເວນສູນທີ່ພັກຊົ່ວຄາວໄວ້ ກ່ອນຈະເຖິງຄ່ຳຄືນ ວັນອາທິດມື້ນີ້ ຊຶ່ງເປັນວັນເສັ້ນຕາຍ. ໂດຍປະກອບດ້ວຍ ກຳແພງຂອງຕູ້ໃສ່ຊິນຄ້າ ກີດກັນເສັ້ນທາງຕ່າງໆ ທີ່ນຳໄປສູ່ ແລະອອກຈາກ ບໍລິເວນຈຸດທີ່ຕັ້ງຂອງການປະທ້ວງ ພ້ອມກັນນັ້ນ ຍັງໄດ້ສົ່ງກຳລັງຕຳຫຼວດປາບຈະລາຈົນ ແລະກຳລັງທະຫານໄປປະຈຳການຢູ່ບໍລິເວນດັ່ງກ່າວນຳດ້ວຍ.
ອ່ານຂ່າວນີ້ຕື່ມ ເປັນພາສາອັງກິດ
Tens of thousands of Islamists at a protest camp in Pakistan's capital are awaiting a deadline set by their leader calling for the prime minister to resign.
Firebrand cleric Maulana Fazlur Rehman led a caravan of supporters to Islamabad last week in a bid to pressure Imran Khan to step down, calling him an ``illegitimate'' ruler.
Rehman has hinted he could direct his partisans to march on the seat of Pakistan's government and force Khan's resignation. Khan says he has no plans of quitting.
Pakistani authorities further strengthened security around the camp in the lead-up to Sunday night's deadline. That includes walls of shipping containers blocking roads leading into and out of the protest area, as well as deploying riot police and paramilitary forces.
