ບັນດາສະມາຊິກສະພາ ໃນລັດ ໂອກລາໂຮມາ ຂອງ ສະຫະລັດ ກຳລັງພິຈາລະນາແຜນການເພື່ອເລີ່ມເກັບກຳຂໍ້ມູນ ກ່ຽວກັບ ສະຖານະພາບຄົນເຂົ້າເມືອງຂອງນັກຮຽນ ແລະ ພໍ່ແມ່ຜູ້ປົກຄອງໃນໂຮງຮຽນລັດ. ມັນແມ່ນການສະເໜີກົດລະບຽບທີ່ເຈົ້າໜ້າທີ່ໂຮງຮຽນໃນທ້ອງຖິ່ນຈຳນວນນຶ່ງ ໄດ້ເວົ້າແລ້ວວ່າ ຈະປະຕິເສດການບັງຄັບໃຊ້ມັນ.
ໂຮງຮຽນຫຼາຍແຫ່ງໃນລັດ ໂອກລາໂຮມາ ຈະບັນທຶກສະຖານະພາບຂອງພໍ່ແມ່ ຜູ້ປົກຄອງ ແລະ ນັກຮຽນໃນການລົງທະບຽນຮຽນ ພາຍໃຕ້ຂໍ້ສະເໜີຈາກຜູ້ອຳນວຍການໂຮງຮຽນລັດ ທ່ານ ຣາຍແອນ ວອລເທີສ໌.
ທ່ານ ຣາຍແອນ ວອລເທີສ໌, ຜູ້ອຳນວຍການສະຖາບັນການສຶກສາລັດໂອກລາໂຮມາ ກ່າວວ່າ “ກົດລະບຽບຂອງພວກເຮົາກໍແມ່ນເພື່ອດຳເນີນການ ກ່ຽວກັບ ຄົນເຂົ້າເມືອງຜິດກົດໝາຍເທົ່ານັ້ນ. ມັນແມ່ນເພື່ອລາຍງານວ່າ ມີນັກຮຽນທີ່ເປັນຄົນເຂົ້າເມືອງຜິດກົດໝາຍຢູ່ໃນໂຮງຮຽນຂອງພວກເຮົາຈັກຄົນ.”
ໃນໄລຍະສີ່ປີທີ່ຜ່ານມາ, ທ່ານ ວອລເທີສ໌ ກ່າວວ່າ ທ່ານຄາດວ່າ ລັດ ໂອກລາໂຮມາ ໃຊ້ເງິນຫຼາຍກວ່າ 470 ລ້ານໂດລາ ເພື່ອສອນໜັງສືໃຫ້ລູກຂອງຜູ້ຍົກຍ້າຍຖິ່ນຖານຜິດກົດໝາຍ.
ທ່ານ ຣາຍແອນ ວອລເທີສ໌ ກ່າວວ່າ “ນັ້ນແມ່ນແຫຼ່ງຊັບພະຍາກອນ. ນັ້ນແມ່ນບຸກຄະລາກອນທີ່ຕ້ອງຖືກເຄື່ອນຍ້າຍຈາກພາຍໃນປີຮຽນ ເພື່ອບັນລຸຄວາມຕ້ອງການຂອງນັກຮຽນທີ່ວ່ານັ້ນ. ນັ້ນແມ່ນຕົວເລກທີ່ພວກເຮົາບໍ່ມີຂໍ້ມູນ.”
ບັນດາສະມາຊິກລັດ ໂອກລາໂຮມາ ແມ່ນກຳລັງພິຈາລະນາກົດລະບຽບທີ່ຖືກສະເໜີນັ້ນ, ເຊິ່ງຈະບັນທຶກແຕ່ບໍ່ກີດກັ້ນຜູ້ຍົກຍ້າຍຖິ່ນຖານທີ່ບໍ່ມີເອກະສານຈາກການເຂົ້າຮຽນຢູ່ໂຮງຮຽນລັດ.
ນາງ ຊາມີຣາ ອີຊາເກວຍ ໄດ້ມາ ສະຫະລັດ ຈາກ ເມັກຊິໂກ ດົນກວ່າ 20 ປີທີ່ຜ່ານມາ. ຜູ້ຍົກຍ້າຍຖິ່ນຖານທີ່ຖືກຕ້ອງຕາມກົດໝາຍ ແລະ ແມ່ຂອງລູກ 6 ຄົນ ທີ່ວ່ານັ້ນເວົ້າວ່າ ກົດລະບຽບທີ່ຖືກສະເໜີດັ່ງກ່າວ ອາດໝາຍຄວາມວ່າ ຈະມີເດັກນ້ອຍທີ່ບໍ່ມີເອກະສານໄປໂຮງຮຽນໜ້ອຍລົງ.
ນາງ ຊາມີຣາ ອີຊາເກວຍ ຜູ້ປົກຄອງທີ່ອາໄສຢູ່ໃນລັດ ໂອກລາໂຮມາ ກ່າວວ່າ “ເດັກນ້ອຍບໍ່ຄວນເອົາມາລວມກັບການເມືອງ.”
ໃນເມືອງ ທັລຊາ, ບັນດາຜູ້ບໍລິຫານກຳມະບານໂຮງຮຽນລັດ ໄດ້ບອກບັນດາພໍ່ແມ່ຜູ້ປົກຄອງວ່າ ເຂົາເຈົ້າຈະບໍ່ເກັບເອົາຂໍ້ມູນຄົນເຂົ້າເມືອງ.
ໃນການປະທ້ວງຕໍ່ການສະເໜີກົດລະບຽບດັ່ງກ່າວ, ນາຍຄູລັດໂອກລາໂຮມາ ທ່ານ ເຟີນານໂດ ບາເກຣາ ໄດ້ກ່າວວ່າ ມັນໄດ້ກໍ່ໃຫ້ເກີດຄວາມຢ້ານກົວແລ້ວ.
ທ່ານ ເຟີນານໂດ ບາເກຣາ ກ່າວວ່າ “ມັນບໍ່ຖືກຕ້ອງສຳລັບເຈົ້າ ທີ່ຈະສ້າງຄວາມຢ້ານກົວໃຫ້ພວກນັກຮຽນ ແລະ ຕໍ່ມາພະຍາຍາມດັນເຂົາເຈົ້າອອກຈາກລະບົບການສຶກສາທີ່ບໍ່ເສຍຄ່າໃຊ້ຈ່າຍນີ້ ທີ່ລັດຖະທຳມະນູນຂອງພວກເຮົາເວົ້າວ່າ ທຸກຄົນມີ, ອິດສະຫຼະພາບ ກ່ຽວກັບ ຜູ້ທີ່ເຈົ້າເປັນ ຫຼື ບ່ອນທີ່ເຈົ້າມາຈາກ.”
ແຕ່ການຢາກນັບນັກຮຽນທີ່ບໍ່ມີເອກະສານຂອງທ່ານ ວອລເທີສ໌ ແມ່ນມີເຫດມີຜົນສຳລັບທ່ານ ທອດ ຮັສຕັນ.
ທ່ານ ທອດ ຮັສຕັນ ຜູ້ອາໄສຢູ່ໃນລັດ ໂອກລາໂຮມາ ກ່າວວ່າ “ສິ່ງທີ່ທ່ານ ຣາຍແອນ ວອລເທີສ໌ ກຳລັງສະເໜີຢູ່ນີ້, ເຊິ່ງແມ່ນຍຸດຕິທຳຫຼາຍ, ຈະຊ່ວຍໃຫ້ໂຮງຮຽນຮູ້ເຖິງສິ່ງທີ່ເຂົາເຈົ້າຕ້ອງກຳນົດອອກມາ.”
ຂໍ້ສະເໜີຂອງທ່ານ ວອລເທີສ໌ ສະທ້ອນເຖິງຕໍ່ຄວາມເປັນຫ່ວງຂອງພໍ່ແມ່ຜູ້ປົກຄອງໃນລັດ ໂອກລາໂຮມາ, ອີງຕາມການກ່າວຂອງທ່ານນາງ ເອເລນາ ແອສລີ ສະມາຊິກຄະນະກຳມະການໂຮງຮຽນເມືອງ ທັລຊາ.
ທ່ານນາງ ເອເລນາ ແອສລີ ກ່າວວ່າ “ລາວເວົ້າວ່າ ບາງຄັ້ງສິ່ງທີ່ຍາກກໍແມ່ນປະຊາຊົນບໍ່ມີຄວາມຍິນດີທີ່ຈະເວົ້າ. ເຂົາເຈົ້າຢາກຮູ້ວ່າ ລູກຂອງເຂົາເຈົ້າຈະປອດໄພບໍ່ ແລະ ເຂົາເຈົ້າຢາກຮູ້ວ່າ ເຂົາເຈົ້າຈະໄດ້ຮັບການສຶກສາຢ່າງຖືກຕ້ອງຢູ່ໃນຫ້ອງຮຽນບໍ່ ແລະ ຮູ້ສຶກສະບາຍໃຈຫຼືບໍ່.”
ທ່ານ ວອລເທີສ໌ ເວົ້າວ່າ ທ່ານຖືກກຳນົດໂດຍກົດໝາຍໃຫ້ແບ່ງປັນຂໍ້ມູນຄົນເຂົ້າເມືອງຂອງໂຮງຮຽນກັບບັນດາເຈົ້າໜ້າທີ່ຄົນອື່ນໆ.
ທ່ານ ຣາຍແອນ ວອລເທີສ໌ ກ່າວວ່າ “ຖ້າເຈົ້າໜ້າທີ່ບັງຄັບໃຊ້ກົດໝາຍມາ ແລະ ຂໍຂໍ້ມູນ, ພວກເຮົາຖືກກຳນົດໃຫ້ເຮັດຕາມກົດໝາຍ ເພື່ອມອບຂໍ້ມູນນັ້ນໃຫ້.”
ລຸນຫຼັງການລົງຄະແນນສຽງຂອງຄະນະກຳມະການໂຮງຮຽນລັດ ເພື່ອສົ່ງກົດລະບຽບຄົນເຂົາເມືອງທີ່ຖືກສະເໜີນັ້ນ ໄປໃຫ້ສະພານິຕິບັນຍັດ, ຜູ້ປົກຄອງລັດ ໂອກລາໂຮມາ ທ່ານ ເຄວິນ ສຕິດ ເມື່ອອາທິດແລ້ວນີ້ ໄດ້ປົດສະມາຊິກຄະນະກຳມະການອອກສາມຄົນ, ໂດຍອ້າງເຖິງຄະແນນການສອບເສັງແຫ່ງຊາດຕ່ຳ ແລະ ສິ່ງທີ່ທ່ານເອີ້ນວ່າ “ບັນຫາທາງການເມືອງທີ່ບໍ່ຈຳເປັນ.”
ອ່ານລາຍງານນີ້ເປັນພາສາອັງກິດ
Lawmakers in the U.S. state of Oklahoma are looking at a plan to start collecting information on the immigration status of students and parents in public schools. It’s a proposed rule that some local school officials are already saying they will refuse to enforce.
Oklahoma schools would record parents’ and students' immigration status at enrollment under a proposal from state schools superintendent Ryan Walters.
“Our rule around illegal immigration accounting is simply that. It is to account for how many students of illegal immigrants are in our schools.”
Over the past four years, Walters says he estimates that Oklahoma spent more than $470 million dollars educating children of undocumented migrants.
“Those are resources. That is personnel that are having to be moved from inside the school year to meet the needs of those students. Those are numbers that we didn't have information on.”
Oklahoma lawmakers are taking up the proposed rule, which would record but not prevent undocumented migrants from attending public schools.
Samira Izaguirre came to the United States from Mexico more than 20 years ago. The legal immigrant and mother of six says the proposed rule could mean fewer undocumented children go to school.
“Children should be out of politics.”
In Tulsa, Union Public Schools administrators told parents they will not collect that immigration information.
A statement from district spokesman Christopher Payne cited the Supreme Court’s 1982 decision that all children have the right to public education regardless of their immigration status.
Protesting the proposed rule, Oklahoma teacher Fernando Baquera said it is already creating fear.
“It's not right for you to put fear in students and then try to push them out of this free education that our Constitution says that everybody has, independent of who you are or where you come from.”
But Walters' wanting to count undocumented students make sense to Todd Huston.
“What Ryan Walters is actually proposing, which is very fair, helps schools know what they need to allocate.”
Walters’ proposal reflects some Oklahoma parents’ concerns, says Tulsa school board member E’Lena Ashley.
“He says sometimes the hard things that people are not willing to say. They want to know their children are safe and they want to know that they can be correctly educated in the classrooms and feel comfortable."
Walters says he would be required by law to share school immigration information with other authorities.
“If a law enforcement official comes in and asks for information, we are legally required to give that information over.”
Following the state school board vote to send the proposed immigration rule to the legislature...
... Oklahoma Governor Kevin Stitt last week removed three board members, citing low national test scores and what he called "needless political drama."
ຟໍຣັມສະແດງຄວາມຄິດເຫັນ