ປະທານາທິບໍດີ Barack Obama ເລີ້ມຕົ້ນການຢ້ຽມຢາມ
ເອເຊຍ ເປັນເວລານຶ່ງອາທິດ ໃນວັນອັງຄານມື້ອື່ນນີ້ ເພື່ອ
ໃຫ້ຄຳໝັ້ນໃຈຄືນໃໝ່ ຕໍ່ບັນດາພັນທະມິດໃນຂົງເຂດນັ້ນ.
ທ່ານ Obama ຈະເດີນທາງໄປ ປະເທດ ຍີ່ປຸນ ເກົາຫຼີໃຕ້
ມາເລເຊຍ ແລະຟີລິປິນ. ຜູ້ສື່ຂ່າວວີໂອເອ ປະຈຳທຳນຽບ
ຂາວ Luis Ramirez ມີລາຍງານ ຊຶ່ງໄຊຈະເຣີນສຸກ ຈະ
ນຳມາສະເໜີທ່ານ ໃນອັນດັບຕໍ່ໄປ.
ປະເທດຈີນ ບໍ່ໄດ້ຢູ່ໃນລາຍການເດີນທາງ ຂອງປະທານາທິ
ບໍດີ ໂອບາມາ ແຕ່ວ່າ ໃນຂະນະທີ່ຈີນພະຍາຍາມ ທີ່ຈະຄວບ
ຄຸມ ບາງເຂດຂອງທະເລຈີນຕາເວັນອອກ ແລະທະເລຈີນໃຕ້
ຢູ່ນີ້ ເລື້ອງປັກກິ່ງ ກໍແມ່ນຢູ່ໃນຈິດໃຈຂອງທ່ານ Obama ແລະ ພັນທະມິດທັງຫຼາຍ ທີ່
ທ່ານກຳລັງຈະໄປຢ້ຽມຢາມ.
ການຕັດລາຍຈ່າຍທາງດ້ານການທະຫານ ຂອງສະຫະລັດລົງ ກຳລັງເຮັດໃຫ້ພັນທະມິດ
ໃນຂົງເຂດດັ່ງກ່າວ ວິຕົກກ່ຽວກັບ ຄຳໝັ້ນສັນຍາຂອງວໍຊິງຕັນ ທີ່ຈະປົກປ້ອງພວກເຂົາເຈົ້າ.
ນັກວິເຄາະ Bruce Klingner ຈາກມູນນິທິ ມູນມໍລະດົກ ຫລື Heritage Foundation
ສະແດງຄວາມເຫັນດັ່ງນີ້:
ທ່ານ Klingner ເວົ້າວ່າ:
“ຂ້າພະເຈົ້າ ໝັ້ນໃຈວ່າ ປະທານາທິບໍດີ ໂອບາມາ ຈະໃຊ້ວາຈາອັນໜັກແໜ້ນ
ເພື່ອສ້າງຄວາມໝັ້ນໃຈແກ່ບັນດາພັນທະມິດຂອງພວກເຮົາ ວ່າພວກເຮົາຍັງ
ແລ່ນໄດ້ໄວ ແລະໂດດໄດ້ສູງຄືເກົ່າ ແຕ່ວ່່າພວກເຂົາ ຈະເຊື່ອຫຼືບໍ່ນັ້ນ ແມ່ນ
ອີກເລື້ອງນຶ່ງຕ່າງຫາກ. ພັນທະມິດ ຂອງພວກເຮົາ ກໍຄູ່ຕໍ່ສູ້ ຂອງພວກເຮົາ
ແມ່ນສາມາດອ່ານ ເອກະສານງົບປະມານໄດ້ ຢ່າງງ່າຍດາຍ ຄືກັນກັບພວກ
ເຮົາ ຢູ່ວໍຊິງຕັນ.”
ປະທານາທິບໍດີ Obama ຈະຢຸດແວ່ຢ້ຽມຢາມ ຍີ່ປຸ່ນ ມາເລເຊຍ ແລະ ຟີລິປິນ ຊື່ງພວກ
ປະເທດເຫລົ່ານີ້ ກຳລັງມີຂໍ້ຂັດແຍ້ງເລື້ອງເຂດແດນ ກັບຈີນ.
ລັດຖະມົນຕີປ້ອງກັນປະເທດສະຫະລັດ ທ່ານ Chuck Hagel ທີ່ຫາກໍເດີນທາງກັບຈາກ
ການຢ້ຽມຢາມປະເທດຈີນ ໄດ້ກ່າວວ່າ ສະຫະລັດ ບໍ່ໄດ້ເຫັນປັກກິ່ງ ວ່າເປັນສັດຕູ. ແຕ່ວ່າ
ທາງລັດຖະບານວໍຊິງຕັນ ເຫັນປະເທດຈີນ ກັບກອງທັບຈີນ ທີ່ເຕີບໃຫຍ່ຂື້ນນັບມື້ນັ້ນ
ວ່າມີຄວາມສາມາດ ບົ່ມຊ້ອນ ທີ່ຈະເປັນໄພຂົ່ມຂູ່ໄດ້.
ການຕັດສິນໃຈ ຂອງວໍຊິງຕັນ ທີ່ບໍ່ໂຈມຕີ ກອງທະຫານຂອງຊີເຣຍ ຫຼື ບໍ່ສະໜອງການສະໜັບສະໜຸນ ທີ່ສຳຄັນທາງທະຫານໃຫ້ແກ່ຢູເຄຣນ ໄດ້ພາໃຫ້ມີການຕັ້ງຄຳຖາມຂຶ້ນມາ
ກ່ຽວກັບວ່າ ສະຫະລັດຈະກ້າວເຂົ້າໄປປົກປ້ອງ ພັນທະມິດທັງຫຼາຍ ຢູ່ໃນເຂດເອເຊຍ ຫລືບໍ່?
ທ່ານ Ely Ratner ເປັນນັກວິເຄາະກ່ຽວກັບເອເຊຍ ປະຈຳສູນກາງ ຄວາມໝັ້ນຄົງໃໝ່
ຂອງອາເມຣິກາ ຫຼື Center for a New American Security.
ທ່ານ Ratner ເວົ້າວ່າ:
“ແນ່ນອນ ໄດ້ມີການເວົ້າເຖິງ ມີການຖາມເຖິງ ຢູ່ເລື້ອຍໆ ກ່ຽວກັບ ອຳນາດ
ແລະອິດທິພົນ ຂອງສະຫະລັດ ກ່ຽວກັບການເຄື່ອນໄຫວ ຂອງສະຫະລັດ ຕໍ່
ເຫດການ ຢູ່ໃນຊີເຣຍ ແລະຢູເຄຣນນັ້ນ. ແຕ່ພວກເຮົາຈະໄດ້ເຫັນວ່າ ຄວາມ
ພະຍາຍາມເທື່ອນີ້ ແມ່ນແຈ້ງຂາວວ່າ ມີເປົ້າໝາຍເພື່ອສົ່ງສານ ຫລື ຂໍ້ຄວາມ
ບອກໃຫ້ຮູ້ວ່າ ສະຫະລັດ ຍັງມີຄວາມໝາຍໝັ້ນ ຕໍ່ເອເຊຍ ແລະຍັງຄົງເຂັ້ມ
ແຂງ ຢູ່ໃນເອເຊຍ ຄືເກົ່າ.”
ຂໍ້ຄວາມດັ່ງກ່າວ ແມ່ນສຳຄັນເປັນພິເສດ ສຳຫລັບຍີ່ປຸ່ນ ຊຶ່ງເປັນພັນທະມິດສຳຄັນຂອງ
ສະຫະລັດ ຢູ່ໃນຂົງເຂດນັ້ນ ແລະເປັນບ່ອນທຳອິດ ທີ່ປະທານາທິບໍດີ ໂອບາມາ ຈະຢຸດ
ແວ່ຢ້ຽມຢາມ ແລະຢູ່ທີ່ນັ້ນ ທ່ານ ໂອບາມາ ຈະພະຍາຍາມເລັ່ງລັດໃຫ້ດຳເນີນໄປໄວຂຶ້ນ
ການເຈລະຈາເຮັດ ຂໍ້ຕົກລົງການຄ້າພາກພື້ນ ທີ່ເອີ້ນວ່າ ພາຄີຂ້າມປາຊີຟິກ ຫຼື
Trans-Pacific Partnership.
ເລື້ອງການຄ້າ ກໍຢູ່ໃນລາຍການເຈລະຈາ ຢູ່ບ່ອນຢຸດແວ່ແຫ່ງຕໍ່ໄປຂອງ ທ່ານ ໂອບາມາ
ເຊັ່ນກັນ ກໍຄື ເກົາຫຼີໃຕ້ ຊຶ່ງທ່ານຈະທຳການປຶກສາຫາລື ກ່ຽວກັບເກົາຫຼີເໜືອນຳ ແລະ
ພ້ອມດຽວກັນ ກໍຈະພະຍາຍາມ ຫລຸດຜ່ອນຄວາມເຄັ່ງຕຶງ ໃນສາຍພົວພັນລະຫວ່າງໂຊລ
ແລະ ໂຕກຽວນຳ. ສາຍພົວພັນລະຫວ່າງ ສອງປະເທດນີ້ ໄດ້ເຄັ່ງຕຶງຂຶ້ນຍ້ອນຄວາມຊົງຈຳ
ກ່ຽວກັບການກະທຳອັນໂຫດຮ້າຍຂອງຍີ່ປຸ່ນ ຕໍ່ເກົາຫຼີໃຕ້ ໃນເຄິ່ງທຳອິດຂອງສັດຕະວັດ
ທີ 20.
ທ່ານ ໂອບາມາ ຈະເປັນປະທານາທິບໍດີສະຫະລັດ ຜູ້ທຳອິດທີ່ຈະໄປ ຢ້ຽມຢາມ ມາເລເຊຍ
ນັບຕັ້ງແຕ່ ປີ 1966 ເປັນຕົ້ນມາ.
ຈຸດສຸດທ້າຍຂອງການຢ້ຽມຢາມ ແມ່ນຟີລິປິນ ບ່ອນທີ່ສະຫະລັດ ໄດ້ປິດ ຖານທັບເຮືອ
ຂອງຕົນລົງ ຫຼາຍທົດສະວັດມາແລ້ວ ແຕ່ໄດ້ທຳການ ເຈລະຈາ ມາໄດ້ໄລຍະນຶ່ງ ເພື່ອສົ່ງ
ທະຫານ ເຮືອບິນ ແລະກຳປັ່ນ ຂອງສະຫະລັດ ໄປປະຈຳຢູ່ທີ່ນັ້ນ ແບບເປັນການໝຸນວຽນ.
ເອເຊຍ ເປັນເວລານຶ່ງອາທິດ ໃນວັນອັງຄານມື້ອື່ນນີ້ ເພື່ອ
ໃຫ້ຄຳໝັ້ນໃຈຄືນໃໝ່ ຕໍ່ບັນດາພັນທະມິດໃນຂົງເຂດນັ້ນ.
ທ່ານ Obama ຈະເດີນທາງໄປ ປະເທດ ຍີ່ປຸນ ເກົາຫຼີໃຕ້
ມາເລເຊຍ ແລະຟີລິປິນ. ຜູ້ສື່ຂ່າວວີໂອເອ ປະຈຳທຳນຽບ
ຂາວ Luis Ramirez ມີລາຍງານ ຊຶ່ງໄຊຈະເຣີນສຸກ ຈະ
ນຳມາສະເໜີທ່ານ ໃນອັນດັບຕໍ່ໄປ.
ປະເທດຈີນ ບໍ່ໄດ້ຢູ່ໃນລາຍການເດີນທາງ ຂອງປະທານາທິ
ບໍດີ ໂອບາມາ ແຕ່ວ່າ ໃນຂະນະທີ່ຈີນພະຍາຍາມ ທີ່ຈະຄວບ
ຄຸມ ບາງເຂດຂອງທະເລຈີນຕາເວັນອອກ ແລະທະເລຈີນໃຕ້
ຢູ່ນີ້ ເລື້ອງປັກກິ່ງ ກໍແມ່ນຢູ່ໃນຈິດໃຈຂອງທ່ານ Obama ແລະ ພັນທະມິດທັງຫຼາຍ ທີ່
ທ່ານກຳລັງຈະໄປຢ້ຽມຢາມ.
ການຕັດລາຍຈ່າຍທາງດ້ານການທະຫານ ຂອງສະຫະລັດລົງ ກຳລັງເຮັດໃຫ້ພັນທະມິດ
ໃນຂົງເຂດດັ່ງກ່າວ ວິຕົກກ່ຽວກັບ ຄຳໝັ້ນສັນຍາຂອງວໍຊິງຕັນ ທີ່ຈະປົກປ້ອງພວກເຂົາເຈົ້າ.
ນັກວິເຄາະ Bruce Klingner ຈາກມູນນິທິ ມູນມໍລະດົກ ຫລື Heritage Foundation
ສະແດງຄວາມເຫັນດັ່ງນີ້:
ທ່ານ Klingner ເວົ້າວ່າ:
“ຂ້າພະເຈົ້າ ໝັ້ນໃຈວ່າ ປະທານາທິບໍດີ ໂອບາມາ ຈະໃຊ້ວາຈາອັນໜັກແໜ້ນ
ເພື່ອສ້າງຄວາມໝັ້ນໃຈແກ່ບັນດາພັນທະມິດຂອງພວກເຮົາ ວ່າພວກເຮົາຍັງ
ແລ່ນໄດ້ໄວ ແລະໂດດໄດ້ສູງຄືເກົ່າ ແຕ່ວ່່າພວກເຂົາ ຈະເຊື່ອຫຼືບໍ່ນັ້ນ ແມ່ນ
ອີກເລື້ອງນຶ່ງຕ່າງຫາກ. ພັນທະມິດ ຂອງພວກເຮົາ ກໍຄູ່ຕໍ່ສູ້ ຂອງພວກເຮົາ
ແມ່ນສາມາດອ່ານ ເອກະສານງົບປະມານໄດ້ ຢ່າງງ່າຍດາຍ ຄືກັນກັບພວກ
ເຮົາ ຢູ່ວໍຊິງຕັນ.”
ປະທານາທິບໍດີ Obama ຈະຢຸດແວ່ຢ້ຽມຢາມ ຍີ່ປຸ່ນ ມາເລເຊຍ ແລະ ຟີລິປິນ ຊື່ງພວກ
ປະເທດເຫລົ່ານີ້ ກຳລັງມີຂໍ້ຂັດແຍ້ງເລື້ອງເຂດແດນ ກັບຈີນ.
ລັດຖະມົນຕີປ້ອງກັນປະເທດສະຫະລັດ ທ່ານ Chuck Hagel ທີ່ຫາກໍເດີນທາງກັບຈາກ
ການຢ້ຽມຢາມປະເທດຈີນ ໄດ້ກ່າວວ່າ ສະຫະລັດ ບໍ່ໄດ້ເຫັນປັກກິ່ງ ວ່າເປັນສັດຕູ. ແຕ່ວ່າ
ທາງລັດຖະບານວໍຊິງຕັນ ເຫັນປະເທດຈີນ ກັບກອງທັບຈີນ ທີ່ເຕີບໃຫຍ່ຂື້ນນັບມື້ນັ້ນ
ວ່າມີຄວາມສາມາດ ບົ່ມຊ້ອນ ທີ່ຈະເປັນໄພຂົ່ມຂູ່ໄດ້.
ການຕັດສິນໃຈ ຂອງວໍຊິງຕັນ ທີ່ບໍ່ໂຈມຕີ ກອງທະຫານຂອງຊີເຣຍ ຫຼື ບໍ່ສະໜອງການສະໜັບສະໜຸນ ທີ່ສຳຄັນທາງທະຫານໃຫ້ແກ່ຢູເຄຣນ ໄດ້ພາໃຫ້ມີການຕັ້ງຄຳຖາມຂຶ້ນມາ
ກ່ຽວກັບວ່າ ສະຫະລັດຈະກ້າວເຂົ້າໄປປົກປ້ອງ ພັນທະມິດທັງຫຼາຍ ຢູ່ໃນເຂດເອເຊຍ ຫລືບໍ່?
ທ່ານ Ely Ratner ເປັນນັກວິເຄາະກ່ຽວກັບເອເຊຍ ປະຈຳສູນກາງ ຄວາມໝັ້ນຄົງໃໝ່
ຂອງອາເມຣິກາ ຫຼື Center for a New American Security.
ທ່ານ Ratner ເວົ້າວ່າ:
“ແນ່ນອນ ໄດ້ມີການເວົ້າເຖິງ ມີການຖາມເຖິງ ຢູ່ເລື້ອຍໆ ກ່ຽວກັບ ອຳນາດ
ແລະອິດທິພົນ ຂອງສະຫະລັດ ກ່ຽວກັບການເຄື່ອນໄຫວ ຂອງສະຫະລັດ ຕໍ່
ເຫດການ ຢູ່ໃນຊີເຣຍ ແລະຢູເຄຣນນັ້ນ. ແຕ່ພວກເຮົາຈະໄດ້ເຫັນວ່າ ຄວາມ
ພະຍາຍາມເທື່ອນີ້ ແມ່ນແຈ້ງຂາວວ່າ ມີເປົ້າໝາຍເພື່ອສົ່ງສານ ຫລື ຂໍ້ຄວາມ
ບອກໃຫ້ຮູ້ວ່າ ສະຫະລັດ ຍັງມີຄວາມໝາຍໝັ້ນ ຕໍ່ເອເຊຍ ແລະຍັງຄົງເຂັ້ມ
ແຂງ ຢູ່ໃນເອເຊຍ ຄືເກົ່າ.”
ຂໍ້ຄວາມດັ່ງກ່າວ ແມ່ນສຳຄັນເປັນພິເສດ ສຳຫລັບຍີ່ປຸ່ນ ຊຶ່ງເປັນພັນທະມິດສຳຄັນຂອງ
ສະຫະລັດ ຢູ່ໃນຂົງເຂດນັ້ນ ແລະເປັນບ່ອນທຳອິດ ທີ່ປະທານາທິບໍດີ ໂອບາມາ ຈະຢຸດ
ແວ່ຢ້ຽມຢາມ ແລະຢູ່ທີ່ນັ້ນ ທ່ານ ໂອບາມາ ຈະພະຍາຍາມເລັ່ງລັດໃຫ້ດຳເນີນໄປໄວຂຶ້ນ
ການເຈລະຈາເຮັດ ຂໍ້ຕົກລົງການຄ້າພາກພື້ນ ທີ່ເອີ້ນວ່າ ພາຄີຂ້າມປາຊີຟິກ ຫຼື
Trans-Pacific Partnership.
ເລື້ອງການຄ້າ ກໍຢູ່ໃນລາຍການເຈລະຈາ ຢູ່ບ່ອນຢຸດແວ່ແຫ່ງຕໍ່ໄປຂອງ ທ່ານ ໂອບາມາ
ເຊັ່ນກັນ ກໍຄື ເກົາຫຼີໃຕ້ ຊຶ່ງທ່ານຈະທຳການປຶກສາຫາລື ກ່ຽວກັບເກົາຫຼີເໜືອນຳ ແລະ
ພ້ອມດຽວກັນ ກໍຈະພະຍາຍາມ ຫລຸດຜ່ອນຄວາມເຄັ່ງຕຶງ ໃນສາຍພົວພັນລະຫວ່າງໂຊລ
ແລະ ໂຕກຽວນຳ. ສາຍພົວພັນລະຫວ່າງ ສອງປະເທດນີ້ ໄດ້ເຄັ່ງຕຶງຂຶ້ນຍ້ອນຄວາມຊົງຈຳ
ກ່ຽວກັບການກະທຳອັນໂຫດຮ້າຍຂອງຍີ່ປຸ່ນ ຕໍ່ເກົາຫຼີໃຕ້ ໃນເຄິ່ງທຳອິດຂອງສັດຕະວັດ
ທີ 20.
ທ່ານ ໂອບາມາ ຈະເປັນປະທານາທິບໍດີສະຫະລັດ ຜູ້ທຳອິດທີ່ຈະໄປ ຢ້ຽມຢາມ ມາເລເຊຍ
ນັບຕັ້ງແຕ່ ປີ 1966 ເປັນຕົ້ນມາ.
ຈຸດສຸດທ້າຍຂອງການຢ້ຽມຢາມ ແມ່ນຟີລິປິນ ບ່ອນທີ່ສະຫະລັດ ໄດ້ປິດ ຖານທັບເຮືອ
ຂອງຕົນລົງ ຫຼາຍທົດສະວັດມາແລ້ວ ແຕ່ໄດ້ທຳການ ເຈລະຈາ ມາໄດ້ໄລຍະນຶ່ງ ເພື່ອສົ່ງ
ທະຫານ ເຮືອບິນ ແລະກຳປັ່ນ ຂອງສະຫະລັດ ໄປປະຈຳຢູ່ທີ່ນັ້ນ ແບບເປັນການໝຸນວຽນ.
