ລິ້ງ ສຳຫລັບເຂົ້າຫາ

logo-print

ຄຳປາໄສ ຂອງ ປ. ໂອບາມາ ຕໍ່ປະເທດຊາດ ເພັ່ງເລັງໃສ່ ການຟື້ນໂຕຄືນ ຂອງ ເສດຖະກິດ


ປ. ໂອບາມາ ກ່າວຄຳປາໄສຕໍ່ປະເທດຊາດ ແລະຕໍ່ລັດຖະສະພາ ຄົບຄະນະ ທີ່ຕຶກລັດຖະສະພາ ໃນວໍຊິງຕັນ ວັນທີ 20 ມັງກອນ 2015.

ປະທານາທິບໍດີ​ບາຣັກ ​ໂອ​ບາ​ມາ ​ແຫ່ງ​ສະຫະລັດ​ໄດ້​ກ່າວ​ຄຳ​ປາ
​ໄສ​ຕໍ່​ປະ​ເທດ​ຊາດ ໂດຍກ່າວວ່າ “​ເງົາ​ມືດ​ແຫ່ງ​ວິ​ກິດ​ການ​ໄດ້​
ຜ່ານ​ພົ້ນ​ໄປ​ແລ້ວ”
​ໃນ​ປັດຈຸບັນ​ນີ້ ​ເສດຖະກິດ​ຂອງ​ສະຫະລັດ​
ກຳລັງ​ດີ​ຂຶ້ນ ແລະພວກ​ທະຫານ​ອາ​ເມຣິກັນ​ສ່ວນ​ຫຼາຍ ໄດ້ຖອນ
ອອກ​ຈາກ​ອີຣັກແລະ​ອັຟກາ​ນິສຖານ​ແລ້ວ. ສິງ​ມີ​ລາຍ​ງານ​ເລື້ອງ
​ນີ້ ຈາກ Luis Ramirez ຜູ້​ສື່​ຂ່າວ​ວີ​ໂອ​ເອ ມາສະ​ເໜີ​ທ່ານ​ຕໍ່​ໄປ.

ມັນ​ເປັນ​ຄຳ​ປາ​ໄສໄຊຊະນະ​ແບບ​ໃດ​ແບບ​ນຶ່ງ ທີ່​ມີ​ຂຶ້ນ​ໃນ ຂະນະ​ທີ່​ການ​ປະ​ເມິ​ນຄວາມ​ເຫັນ​ດີ​ເຫັນ​ພ້ອມ​ນຳ​ປະທານາທິບໍດີ​ໂອ​ບາ​ມາ ​ເລີ້ມ​ດີ​ຂຶ້ນ ຍ້ອນ​ອັນ​ທີ່​ທ່ານ​ກ່າວ​ວ່າ ການ​ເສດຖະ
ກິດ​ທີ່​ດີ​ຂຶ້ນ ​ແລະ ຈຳນວນ​ໜ້າ​ວຽກ​ທີ່​ແຂງ​ແຮງ​ຂຶ້ນ…

ທ່ານ​ໂອ​ບາ​ມາ​ກ່າວ​ວ່າ “ ພວກ​ເຮົາ​ໄດ້​ເຫັນ​ການ​ເຕີບ​ໂຕດ້ານ​ເສດຖະກິດຂຶ້ນ​ໄວ​ທີ່​ສຸດ ​ໃນ​ຮອບ​ນຶ່ງ​ທົດ​ສະ​ວັດກວ່າໆ​ຜ່ານ​ມາ ການ​ຂາດ​ດຸນ​ງົບປະມານ​ໄດ້​ຫລຸດ​ລົງ​ສອງ​ສ່ວນ​ສາມ ລາຄາ​ຕະຫຼາດ​ຮຸ້ນ​ໄດ້​ສູງ​ຂຶ້ນ​ສອງ​ເທົ່າ​ໂຕ ການ​ຖີບ​ໂຕ​ຂຶ້ນ​ຂອງ​ຄ່າ​ຮັກສາ​ສຸຂະພາບ​ ໄດ້​ຢູ່​ໃນ​ອັດຕາ​ຕໍ່າ​ ສຸດ​ໃນ​ຮອບ 50 ປີ. ປະຊາຊົນ ອັນ​ນີ້​ເປັນ​ຂ່າວ​ດີ​.”

ທ່ານ​ໂອ​ບາ​ມາ​ກ່າວ​ຕໍ່​ປະຊາຊົນ​ອາ​ເມຣິກັນ​ວ່າ ການ​ຟື້ນ​ໂຕ​ຄືນ​ຂອງ​ເສດຖະກິດ​ອາ​ເມຣິກາ ​ແມ່ນ​ແທ້​ຈິງ. ສະຫະລັດ​ໄດ້​ຍຸດຕິ​ພາລະກິດ​ການ​ສູ້​ລົບ​ຂອງ​ຕົນ​ໃນ​ອັຟກາ​ນິສຖານ​ເປັນ​ເທື່ອ​ທຳ​ອິດ ນັບ​ຕັ້ງ​ແຕ່ການ​ໂຈມ​ຕີ​ຂອງ​ພວກ​ກໍ່​ການ​ຮ້າຍ​ໃນ​ສະຫະລັດ​ໃນ​ວັນທີ 11 ກັນຍາ ປີ 2001 ​ເປັນ​ຕົ້ນ​ມາ ​ແລະ​ບັດ​ນີ້ພວກ​ທະຫານ​ສ່ວນ​ຫຼາຍ​ແມ່ນ​ກັບ​ມາ​ບ້ານເຮືອນ​ແລ້ວ. ທ່ານ​ກ່າວ​ຕໍ່​ໄປ​ວ່າ ປະ​ເທດ​ໄດ້​ຫັນປ່ຽນ​ໄປ​ສູ່ຍຸກ​ໃໝ່​ແລ້ວ.

ທ່ານ​ໂອ​ບາ​ມາ​ກ່າວ​ຕື່ມ​ວ່າ “ອະ​ເມຣິກາ ທຸກ​ສິ່ງ​ທຸກ​ຢ່າງ​ທີ່​ພວກ​ເຮົາ​ໄດ້​ອົດທົນ​ມາ ວຽກ​ການ​ທີ່​ຍາກ​ລຳບາກ​ເພື່ອ​ກັບ​ຄືນ​ມາ​ນີ້ ສຳລັບ​ພາລະກິດ ທຸກ​ຢ່າງ​ທີ່​ຍັງ​ຂວາງ​ໜ້າ​ຕໍ່​ໄປ ພວກ​ເຮົາ​ຮູ້ຈັກເລື້ອງ​ນີ້ ​ເງົາ​ມືດ​ແຫ່ງ​ວິ​ກິດ​ການ​ໄດ້​ຜ່ານ​ພົ້ນ​ໄປ​ແລ້ວ ​ແລະ​ສະພາບ​ການ​ຂອງ​ປະເທດຊາດ ແມ່ນ​ແຂງ​ແຮງດີ.”

ບັດ​ນີ້ ປະທານາທິບໍດີ​ໂອ​ບາ​ມາ ກ່າວ​ວ່າ ມັນ​ເຖິງ​ຍາມ​ແລ້ວ ​ເພື່ອ​ຊ່ອຍ​ພວກ​ຊາວ​ອະ​ເມຣິ
ກັນ​ທີ່​ມີ​ລາຍ​ຮັບ​ລະດັບ​ກາງ ​ໂດຍ​ສົ່ງ​ເສີມ​ການຮັກສາ​ພວກ​ລູກ​ເຕົ້າ ການ​ຮຽນ​ຟຣີ​ໃນ​ຂັ້ນ​ມະຫາວິທະຍາ​ໄລ ​ແລະ​ການ​ໄດ້​ຮັບ​ຄ່າ​ແຮງ​ງານ​ເທົ່າ​ກັນ​ສຳລັບ​ວຽກ​ງານ​ເທົ່າ​ກັນ​ໃນ​ກໍລະ
ນີ​ຂອງ​ພວກແມ່ຍິງ.

ປະທານາທິບໍດີ ​ເປັນ​ເທື່ອ​ທຳ​ອິດ​ໃນ​ລະຫວ່າງ​ການ​ດຳລົງ​ຕຳ​ແໜ່​ງຂອງ​ທ່ານ​ພາຍ​ໃຕ້​ການ​ຄວບ​ຄຸມ​ຂອງ​ພັກ Republican ​ໃນ​ທັງ​ສອງ​ສະພາ​ ​ແລະ​ທ່ານ​ຈະ​ປະ​ເຊີນ​ໜ້າ​ກັບ​ການ​ຕໍ່ສູ້​ຢ່າງ​ໜັກ ​ເພື່ອ​ຈະ​ຊຸກຍູ້​ແຜນການ​ຂອງ​ທ່ານ​ຜ່ານ​ສະພາ​ນັ້ນ.

​ເພື່ອ​ຈັດ​ຫາ​ທືນສະໜັບສະໜຸນຕໍ່ແຜນການ​ຕ່າງໆ​ຂອງ​ທ່ານນັ້ນ ປະທາ ນາທິບໍດີ​ຢາກ​ຂຶ້ນ​ພາສີ​ກຳ​ໄລ​ສ່ວນ​ທຶນ​ຂອງ​ພວກ​ຊາວ​ອະ​ເມຣິກັນ​ທີ່​ຮັ່ງມີ ອັນ​ເປັນ​ຂໍ້​ສະ​ເໜີ​ທີ່​ພວກ​ສະມາຊິກ
​ພັກ Republican ປະຕິ​ເສດ​ນັ້ນ.

ມີ​ຫລາຍ​ຂົງເຂດ​ອື່ນໆ​ອີກທີ່​ບໍ່​ເຫັນ​ດີ​ນຳ​ກັນ ຮວມທັງ​ເລື້ອງ​ທີ່ພວກ​ສະມາຊິກ​ສະພາ​ນິຕິບັນ ຍັດ​ທີ່​ຮວມທັງ​ພວກ​ສະມາຊິກ ​ສັງກັດ​ພັກ​ເດໂມກຣັສ ຂອງ​ທ່ານ​ເອງ ນຳຊຸກຍູ້​ໃຫ້​ຮັດ​ເຄັ່ງ ການ ​ລົງ​ໂທດ​ຕໍ່​ອີຣ່ານຂຶ້ນ​ອີກ. ປະທານາທິບໍດີໂອ​ບາ​ມາ​ກ່າວ​ວ່າ ທ່ານ​ຈະ​ໃຊ້​ສິດ​ຍັບຍັ້ງ​ຕໍ່​
ຮ່າງ​ຍັດຕິ​ດັ່ງກ່າວ ໂດຍ​ກ່າວ​ວ່າ ການ​ລົງ​ໂທດ​ຕ່າງໆ ສາ​ມາດ​ເຮັດ​ໃຫ້ການ​ໂອ​ລົມສົນທະ ນາ ​ເລື້ອງ​ນີວ​ເຄລຍທີ່​ບອບບາງນັ້ນ​ແຕກ​ຫັກ​ໄປ ​ແລະ​ສ່ຽງ​ກັບ​ການ​ເກີດ​ສົງຄາມ​ຂຶ້ນ​ໄດ້.

ປະທານາທິບໍດີ ​ໄດ້​ຮັບ​ສຽງ​ຕົບມື​ສະໜັບສະໜຸນ​ຢ່າງ​ຟົດ​ຟື້ນ​ຈາກ​ພວກ ທີ່​ສະໜັບສະໜຸນ​ທ່ານ​ໃນ​ສະພາ ​ແຕ່​ໃນ​ຮ່ອງຮອຍ​ແຫ່ງ​ການ​ເປັນ​ປໍ​ລະ​ປັກ​ກັນ ​ທີ່​ຍັງ​ມີ​ຢູ່​ນັ້ນ ທ່ານ​ກໍ​ໄດ້​ຮັບ​ການ​ຮັບ​ຕ້ອນ​ຈາກ​ພວກ​ຝ່າຍ​ກົງກັນຂ້າມ​ເຊັ່ນ​ກັນເວລາ​ທ່ານ​ກ່າວ​ເຖິງ​ເວລາ​ທີ່​ຍັງ​ເຫຼືອ​ໃນ​ ການ​ດຳລົງ​ຕຳ​ແໜ່​ງຂອງ​ທ່ານ​ນັ້ນ.

ຄຳປາໄສ ຂອງປະທານາທິບໍດີ ຕໍ່ປະເທດຊາດ ໂດຍເຕັມ

ຄຳປາໄສຕອບ ຕໍ່ປະທານາທິບໍດີ ຂອງພັກຣີພັບບລີກັນ

ສະມາຊິກສະພາສູງ Joni Ernst ຈາກລັດໄອໂອວາ
ສະມາຊິກສະພາສູງ Joni Ernst ຈາກລັດໄອໂອວາ

ທ່ານ​ໂອ​ບາ​ມາ​ກ່າວ​ວ່າ “ຂ້າພະ​ເຈົ້າ​ຈະ​ບໍ່​ມີ​ການ​ໂຄສະນາ​ຫາ​
ສຽງ​ອີກ. ແຜນການ​ອັນ​ດຽວ​ສຳລັບ​ໃນ 2 ປີ​ຕໍ່ໜ້າ​ນີ້ກໍ​ແມ່ນ​
ອັນ​ດຽວ​ກັນ​ກັບ​ແຜນການ​ນັບ​ແຕ່​ຂ້າພະ​ເຈົ້າ​ໄດ້​ສາບານ​ໂຕ​
ເຂົ້າ​ຮັບ​ຕຳ​ແໜ່​ງ ​ໃນ​ຂັ້ນ​ໃດ​ຂອງ​ຕຶກ​ລັດຖະສະພາ​ນັ້ນ ກໍ​ຄື ​
ເຮັດ​ໃນ​ສິ່ງ​ທີ່​ຂ້າພະ​ເຈົ້າ​ເຊື່ອ​ວ່າ ດີ​ທີ່ສຸດ​ສຳລັບ​ອະ​ເມຣິກາ.”

​ໃນ​ຂະນະ​ທີ່​ຄຳ​ປາ​ໄສ​ຂອງ​ທ່ານ​ ໄດ້​ເພ່ງ​ເລັງ​ຢ່າງ​ໜັກ ​ໃສ່​ເລື້ອງ​
ເສດຖະກິດ​ພາຍ​ໃນ​ປະ​ເທດ ປະທານາທິບໍດີ​ໂອ​ບາ​ມາຍັງ​ກ່າວ​
ເຖິງຄວາມ​ຈຳເປັນ​ ສຳລັບ​ອະ​ເມຣິກາ ​ຕ້ອງໄດ້ນຳພາ​ ຢ່າງ​ສະ
ຫຼາດ​ສ່ອງ​ໃສ ​ແລະ​ຫລີກ​ເວັ້ນ ການ​ຕັດສິນ​ໃຈ​ທີ່​ບໍ່​ລອບ​ຄອບທີ່
​ດຶງ​ດູດ​ເອົາ​ປະ​ເທດ​ເຂົ້າ​ໄປສູ່ໃນອັນ ​ທີ່​ທ່ານ​ບັນ​ລະ​ຍາຍ​ວ່າ ບັນ
ຫາ​ຂັດ​ແຍ່ງ​ຕ່າງໆ​ທີ່​ບໍ່​ຈຳ​ເປັນ.

​ໃນ​ເວລາ​ດຽວ​ກັນ ທ່ານ​ໄດ້​ຮຽກຮ້ອງ​ໃຫ້​ລັດຖະສະພາ ຮັບ​ຜ່ານ
​ຮ່າງ​ກົດໝາຍ ສຳລັບ​ການ​ອະນຸມັດ ​ໃຫ້​ໃຊ້​ກຳລັງ​ໄດ້ ​ໃນ​ຄວາມ​
ພະຍາຍາມ​ເພື່ອສ້າງຄວາມເສຍຫາຍ​ແລະ​ທຳລາຍ​ພວກ​ຫົວ​ຮຸນ
​ແຮງ​ລັດ​ອິສລາມ​ ອັນ​ເປັນ​ການຕໍ່ສູ້​ທີ່​ທ່ານ​ເວົ້າ​ວ່າ ຈະ​ໃຊ້​ເວລາ
ຫລາຍ​ປີ​ນັ້ນ.

ທ່ານ​ໂອ​ມາ​ບາ ​ໄດ້​ກ່າວ​ເລັກນ້ອຍເຖິງ​ການ​ໂຈມ​ຕີ​ຂອງ​ພວກ​ກໍ່​ການ​ຮ້າຍ​ໃນ​ຫວ່າງ​ໄວ​ໆຜ່ານ​ ມາ​ນີ້ ທີ່​ຝຣັ່ງນັ້ນ .

​U.S. President Barack Obama has delivered his State of the Union address, saying "the shadow of crisis has passed" now that the U.S. economy is improving and most American troops are out of Iraq and Afghanistan. VOA White House correspondent Luis Ramirez reports.

It was a sort of victory speech that came as President Obama's approval ratings begin to rise, thanks to what he said is an improving economy and more robust job numbers.

"We've seen the fastest economic growth in over a decade, our deficits cut by two-thirds, a stock market that has doubled, and health care inflation at its lowest rate in 50 years. This is good news, people. ((APPLAUSE))"

America's economic resurgence, he told Americans, is real. The U.S. has ended its combat mission in Afghanistan for the first time since the September 11, 2001 attacks, and most troops are now home. He said the country has turned a page.

"America, for all that we've endured; for all the grit and hard work required to come back; for all the tasks that lie ahead, know this:The shadow of crisis has passed, and the State of the Union is strong."

Now, President Obama said it is time to help America's middle class by promoting child care, free college, and equal pay for equal work in the case of women.

The president spoke to what - for the first time in his tenure - is a Republican controlled Congress, and he faces a tough battle to push through his agenda.

To fund his programs, the president wants to raise capital gains taxes on wealthier Americans - a proposal that Republicans reject.

There are many other areas of disagreement, including the push by lawmakers - including members of Mr. Obama's own Democratic Party - to tighten sanctions on Iran. The president has said he will veto any such bill, saying sanctions could derail the fragile nuclear talks and raise the risk of war.

The president received enthusiastic applause from his supporters in the chamber. But in a sign of the animosity that exists, he also got cheers from his opponents when he referenced the time he has left in office.

"I have no more campaigns to run.My only agenda for the next two years is the same as the one I've had since the day I swore an oath on the steps of this Capitol - to do what I believe is best for America."

While his speech focused heavily on domestic economic issues, President Obama also spoke of the need for America to lead wisely and avoid rash decisions that draw the country into what he described as unnecessary conflicts.

At the same time, he called on Congress to approve a resolution authorizing the use of force in the effort to degrade and destroy Islamic State militants, a fight that he said will take years.

Mr. Obama made only passing mention of the recent terrorist attacks in France.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG