ລິ້ງ ສຳຫລັບເຂົ້າຫາ

logo-print

ປ. ບາຣັກ ໂອບາມາ ຂໍຮ້ອງໃຫ້ ລັດຖະສະພາ ຮັບຜ່ານຂໍ້​ຕົກລົງ​ການ​ຄ້າ​ພາຄີ​ ຂ້າມມະຫາ​ສະມຸດ​ປາຊີ​ຟິກ


ຢູ່​ໃນຄໍາ​ປາ​ໄສຕໍ່​ສະພາ​ແລະປະ​ເທດ​ຊາດ ​ໃນ​ວັນ​ອັງຄານ ​ອາ
ທິດ​ແລ້ວ​ນີ້ ປະທານາທິບໍດີສະຫະລັດທ່ານ Barack Obama
​ໄດ້​ຮຽກຮ້ອງໃຫ້​ມີ​ການ​ຮັບຮອງ​ເອົາ​ ຂໍ້​ຕົກລົງ​ການ​ຄ້າ​ພາຄີ​ຂ້າມ
​ມະຫາ​ສະມຸດ​ປາຊີ​ຟິກ​ ຫຼື TPP ​ໂດຍ​ກ່າວວ່າ​ ມັນ​ຈະ​ຕັດ​ພາສີ
​ຜະລິດ​ຕະພັນ​ທີ່​ເຮັດ​ໂດຍ​ອາ​ເມຣິກັນ ​ເປີດ​ກວ້າງ​ຕະຫລາດ ​ໃນ
​ຕ່າງປະ​ເທດ ແລະ​ສ້າງ​ວຽກ​ເຮັດ​ງານ​ທຳ ​ທີ່​ມີ​ລາຍ​ໄດ້​ສູງ​ຢູ່​ພາຍ
​ໃນ​ປະ​ເທດ. ​ແຕ່​ໂອກາດ​ທີ່​ບັນດາ​ສະມາຊິກ​ສະພາ ຈະ​ຮັບ​ຜ່ານຂໍ້​ຕົກລົງ​ການ​ຄ້າ​ ທີ່ເປັນ​
ຂີດ ໝາຍ​ປະຫວັດສາດ​ດັ່ງກ່າວ ​ໃນ​ການດຳລົງ​ຕຳ​ແໜ່​ງປີ​ສຸດ​ທ້າ​ຍຂອງ​ປະທານາທິ ບໍດີ​ນັ້ນ​ ອາດ​ຈະ​ມີ​ໜ້ອຍ​ເຕັມທີ.​ Mil Arcega ມີລາຍ​ງາ​ນກ່ຽວ​ກັບ​ເລື້ອງນີ້ ຊຶ່ງ ກິ່ງ​ສະຫວັນ ຈະ​ນຳ​ມາສະ​ເໜີ​ທ່ານ ໃນ​ອັນ​ດັບ​ຕໍ່​ໄປ.

ໃນ​ອັນ​ທີ່​ອາດຈະເປັນ​ການ​ກ່າວ​ຄຳ​ປາ​ໄສ​ເທື່ອ​ສຸດ​ທ້າຍ​ຂອງ​ທ່ານ​ຕໍ່ທັງ​ສອງ​ສະພາ​ຂອງ
​ສະຫະລັດ ປະ​ທານາ​ທິບໍດີ Barack Obama ໄດ້ຮຽກ​ຮ້ອງ​ ໃຫ້​ມີ ການ​ຮັບຮອງ​ເອົາ ຂໍ້
​ຕົກລົງ​ການ​ຄ້າພາຄີ​ຂ້າມ​ມະຫາ​ສະມຸດ​ປາຊີ​ຟິກ ຫລື TPP​ ຢ່າງວ່ອງ​ໄວ​ໂດຍ​ກ່າວ​ວ່າ
ຂໍ້ຕົກລົງດັ່ງກ່າວ​ເປັນ​ຊ່ອງ​ທາງ​ໜຶ່ງ​ເພື່ອເປີດຕະຫຼາດ ໃນຕ່າງປະ​ເທດ​ໃຫ້​ແກ່​ສິນຄ້າ
​ສະຫະລັດ ​ແລະເຮັດ​ໃຫ້ການ​ແຂ່ງຂັນ​ກັບ​ຈີນ​ມີ​ລະ ດັບ​ເທົ່າ​ທຽມກັນ.

ປະທານາທິບໍດີ ​ໂອບາ​ມາ ກ່າວ​ວ່າ “ດ້ວຍ​ຂໍ້​ຕົກລົງ TPP ນີ້ ຈີນ​ບໍ່​ໄດ້​ເປັນ​ຜູ້​ຕັ້ງ​ກົດ​
ລະບຽບ​ຢູ່​ໃນ​ຂົງ​ ​ແຕ່​ພວກ​ເຮົາ​ເປັນ​ຜູ້ຕັ້ງ. ທ່ານ​ຕ້ອງການ​ຢາກ​ສະ​ແດງໃຫ້ເຫັນ​ເຖິງ​
ຄວາມ​ເຂັ້ມ​ແຂງ​ຂອງ​ເຮົາ​ຢູ່ ​ໃນ​ສັດຕະ​ຫວັດ​ໃໝ່ນີ້? ຈົ່ງຮັບ​ຮູ້​ເອົາ​ຂໍ້ຕົກລົງ​ນີ້. ​ມອບ​
ເຄື່ອງມື​ໃຫ້​ພວກ​ເຮົາ​ເພື່ອ​ບັງຄັບ​ໃຊ້. ມັນ​ເປັນ​ສິ່ງ​ຖືກຕ້ອງ​ທີ່​ຄວນ​ເຮັດ.”

​ແຕ່​ຂໍ້​ຕົກລົງທີ່​ຍັງ​ບໍ່​ທັນ​ມີ​ການ​ຮັບຮອງ​ເອົາກັບ​ ພາຄີການ​ຄ້າມ​ຂ້າມ​ມະຫາ​ສະມຸດ​ປາຊີ​ຟິກ
12 ປະ​ເທດ ພວມປະ​ເຊີນ​ໜ້າ​ກັບ​ການ​ຕ້ານ​ຢັນ​ທີ່​ແຂງ​ຂັນ​ຢູ່​ໃນລັດຖະ ສະພາ ບ່ອນ​ທີ່​ມີ​
ການ​ຄັດຄ້ານ​ຈາກ​ບັນດາ​ສະມາ​ຊິກ​ສະພາ ຂອງ​ທັງ​ສອງ​ພັກ ​ທີ່​ມີ​ຄວາມ​ເປັນຫ່ວງ​ວ່າ ບັນ
ດາ​ບໍລິສັດ​ອາ​ເມຣິກັນ ບໍ່​ສາມາດ​ທີ່​ຈະ​ແຂ່ງຂັນ ​ກັບ​ຄ່າ​ແຮງ​ງານ​ຕໍ່າ​ ຢູ່​ໃນ​ບັນດາ​ປະ​ເທດ
​ເອ​ເຊຍ.

ສະມາຊິກ​ສະພາ​ຕໍ່າ ສັງກັດພັກຣິພັບ​ບລິ​ກັນ ຈາກ​ລັດ​ລັດເວີຈີ​ເນຍ ທ່ານ Rob Wittman
ກ່າວ​ວ່າ “ຂ້າພະ​ເຈົ້າ ​ແມ່ນ​ຜູ້​ໜຶ່ງ ມີ​ຄວາມ​ເປັນ​ຫ່ວງ​ຢູ່​ຫລາຍ​ຢ່າງ ກ່ຽວ​ກັບ​ການ​ຕົກລົງ
​ແລະ​ຈະ​ເຮັດ​ຢ່າງ​ໃດ ຈຶ່ງ​ຈະ​ເປັນ​ທີ່​ແນ່​ໃ​ຈວ່າ ການ​ແຂ່ງຂັນ ​ເປັນ​ໄດ້​ເປັນທີ່​ເທົ່າ​ທຽມ​ກັນ
ສຳລັບສະຫະລັດ ບັນດາຜະລິດ​ຕະພັນຂອງ​ພວກ​ເຮົາ ​ແລະ​ຜະລິດ​ຕະພັນ​ທີ່​ຈະ​ເຂົ້າ​ມາ
​ຈາກ​ບັນດາ​ປະ​ເທດ​ເອ​ເຊຍ​ເຫລົ່ານັ້ນ.”

ຄຳ​ຕິຕຽນຈຳນວນ​ໜຶ່ງ​ທີ່​ແຮງ​ສຸດ​ຕໍ່ປະທານາທິບໍດີ ​ແມ່ນມາ​ຈາກ​ບັນດາ​ສະ​ມາ​ຊິກ​ໃນ​ພັກ
​ຂອງ​ທ່ານ​ເອງ ​ແລະ​ບັນດາ​ກຸ່ມ​ແຮງ​ງານ ​ທີ່​ອະທິບາຍ​ວ່າ ຂໍ້​ຕົກລົງ TPP ​ເປັນ​ຜູ້ທຳລາຍ
ວຽກ. ​ແຕ່​ຜູ້ຕາງໜ້າ​ທາງ​ດ້ານການ​ຄ້າສະຫະລັດ ທ່ານ Micheal Froman ​ໂຕ້​ຖຽງ​ວ່າ
ຂໍ້​ຕົກລົງ TPP ຈະ​ຕັດ​ພາສີ​ສິນຄ້າ ທີ່​ຜະລິດ​ໂດຍສະຫະ ລັດ ​ແລະເພີ້ມການ​ສົ່ງ​ອອກ​
ຂອງປະ​ເທດ.

ທ່ານ Froman ກ່າວ​ວ່າ “ທຸກໆ​ພັນ​ລ້ານ​ໂດ​ລາ​ໃດຂອງ​ສິນຄ້າ​ຂາອອກ ສະ​ໜັບສະ​ໜູນ
ຫ້າ​ຫາ​ເຈັດ​ພັນ​ໜ້າ​ວຽກ​ຢູ່​ໃນສະຫະລັດ. ບັນດາ​ວຽກ​ການ​ເຫລົ່າ​ນັ້ນ​ຈ່າຍ 18% ສູງ​ກວ່າ​
ວຽກ​ການ​ທີ່ບໍ່​ພົວພັນ​ກັບ​ການ​ສົ່ງ​ອອກ​ໂດຍ​ສະ​ເລ່ຍ. ​ເພາະສະ​ນັ້ນ ​ໂດຍ​ການ​ເປີດ​ຕະ
ຫລາດ ການ​ແຂ່ງຂັນ​ທີ່​ເທົ່າ​ທຽມ​ກັນ ພວກ​ເຮົາ​ຊ່ວຍສະໜັບ ສະໜູນວຽການ​ທີ່​ຈ່າຍ​ດີ
ຫລາຍ ​ກວ່າ​ຢູ່​ທີ່​ນີ້ ​ໃນສະຫະລັດ ແນ່ນອນ ນັ້ນຄື​ສິ່ງທີ່ ກ່ຽວ​ຂ້ອງ​ກັບທັງ​ໝົ​ດນີ້.”

​ໃນ​ຂະນະ​ທີ່ຂໍ້​ຕົກລົງ​ການ​ຄ້າ​ ພາຄີ​ຂ້າມ​ມະຫາ​ສະມຸດ​ປາຊີ​ຟິກ ອາດ​ຈະພາໃຫ້​ມີ ການ​ສູນ
​ເສຍວຽກງານ​ທີ່ແທ້​ຈິງ ຢູ່​ໃນ​ສະຫະລັດນັ້ນ ບັນ​ດາ​ນັກ​ເສດຖະສາດກ່າວ​ ວ່າ ການ​ສູນ​ເສຍ
​ດັ່ງກ່າວ​ອາດ​ຈະໄດ້​ຮັບ​ການ​ຊົດ​ເຊີຍ​ໂດຍວຽກ​ງານ​ໃໝ່​ໃນພາກ ສ່ວນ​ອຶ່ນໆ. ອຸບປະສັກ
​ອັນ​ໃຫຍ່​ຫລວງ​ແມ່ນ​ການ​ເມືອງ ​ໂດຍ​ທີ່​ບັນດາ​ສະມາຊິກ​ສະພາ​ຈຳນວນ​ໜຶ່ງກ່າວ​ວ່າ
​ໂອກາດ​ທີ່​ຂໍ້​ຕົກລົງ TPP ຈະ​ຖືກ​ຮັບຮອງ​ເອົາ​ໂດຍ ​ລັດຖະສະພາທີ່​ມີ​ການ​ແບ່ງ​ແຍກ​ກັນ
ໃນ​ປີ​ການ​ເລືອກ​ຕັ້ງນີ້ ​ແມ່ນມີ​ໜ້ອຍ​ກວ່າ 50 ​ເປີ​ເຊັນ.


U.S. President Barack Obama called for swift passage of the Trans Pacific Partnership trade deal in his final State of the Union address Tuesday, saying it would cut tariffs on American-made products, open overseas markets and create higher paying jobs at home. But the chances lawmakers will pass the landmark trade deal in the president's final year in office may be slim at best. Mil Arcega reports.

In what may be his final prime time address to both houses of Congress, President Obama called for swift action on the pending Trans Pacific Partnership framing the deal as a way to open overseas markets to U.S. goods and leveling the playing field with China.

"With TPP, China does not set the rules in that region; we do. You want to show our strength in this new century? Approve this agreement. Give us the tools to enforce it. It's the right thing to do."

But the pending deal with 12 Pacific trading countries faces an uphill battle in Congress, where there is opposition from lawmakers of both parities who worry American companies can't compete against lower wage earning countries in Asia.

"I, for one, have a significant number of concerns about that agreement and what it will do in making sure the playing field is level with the United States, our products and products that come in from those Asian countries."

Some of the president's strongest critics are members of his own party and labor groups who describe TPP as a net job killer. But U.S. Trade Representative Michael Froman argues TPP would cut tariffs on U.S. made goods and boost U.S. exports.

"Every billion dollars of exports supports five to seven thousand jobs in the U.S. Those jobs pay 18% more on average than non-export related jobs. So by opening markets, leveling the playing field, we're helping to support more good paying jobs here in the United States, which is exactly what this is all about."

While a Pacific trade deal could indeed lead to job losses in the U.S., economists say such losses would more than likely be offset by new jobs in other sectors. The greater obstacle may be politics, with some lawmakers saying the chances of a TPP deal approved by a divided Congress - in an election year -- are less than 50 percent.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG