ລິ້ງ ສຳຫລັບເຂົ້າຫາ

logo-print

ສປຊ ກ່າວຫາ ເກົາຫຼີເໜືອ ກໍ່ອາຊະຍາກຳ ຕ້ານມະນຸດຊາດ (ວີດີໂອ)


ທ່ານ Michael Kirby ປະທານ ຄະນະກຳມາທິການສືບສວນ ກ່ຽວກັບການລະເມີດສິດທິມະນຸດໃນເກົາຫຼີເໜືອ ຍົກລາຍງານຂອງທ່ານຂຶ້ນໃຫ້ເບິ່ງ ໃນລະຫວ່າງການຖະແຫຼງຂ່າວ ທີ່ ສຳນັກງານອົງການ ສປຊ ຢູ່ນະຄອນເຈນີວາ (17 ກຸມພາ 2014)
ລາຍງານສະບັບໃໝ່ຂອງອົງການສະຫະປະຊາຊາດ ໄດ້ກ່າວຫາ
ເກົາຫຼີເໜືອວ່າ ກໍ່ຄວາມໂຫດຮ້າຍຕ່າງໆເຫຼືອທີ່ຈະພັນລະນາໄດ້
ຊຶ່ງຄວາມໂຫດຮ້າຍຫຼາຍຢ່າງແມ່ນເທົ່າກັນກັບເປັນການກໍ່ອາຊະ
ຍາກຳຕ້ານມະນຸດຊາດ. ຄະນະກຳມາທິການສະຫະປະຊາຊາດ
ທີ່ສືບສວນກ່ຽວກັບການລະເມີດສິດທິມະນຸດໃນເກົາຫຼີເໜືອພວມ ຮຽກຮ້ອງໃຫ້ສານອາຍານາໆຊາດສືບສວນສອບສວນເບິ່ງອາຊະ
ຍາກຳເຫຼົ່ານີ້ ແລະນຳເອົາພວກທີ່ຮັບຜິດຊອບ ມາລົງໂທດ. Lisa
Schlein ມີລາຍງານເລື່ອງນີ້ຈາກນະຄອນເຈນີວາດັ່ງໄພສານຈະ
ນຳເອົາລະອຽດ ມາສະເໜີທ່ານ ໃນອັນດັບຕໍ່ໄປ.


ລາຍງານທີ່ຍາວ 400 ໜ້າສະບັບນີ້ແມ່ນກວມກວ້າງຢ່າງທີ່ບໍ່ເຄີຍ
ມີມາກ່ອນ ແລະປະກອບດ້ວຍລາຍລະອຽດ ແລະຮູບພາບທີ່ໜ້າຢ້ານກົວກ່ຽວກັບຄວາມ ໂຫດຮ້າຍທີ່ລັດຖະບານເກົາຫຼີເໜືອໄດ້ນຳໃຊ້ກັບປະຊາຊົນຂອງຕົນ. ລາຍງານສະບັບນີ້ ໄດ້ຈົດບັນທຶກກ່ຽວ ກັບການກໍ່ອາຊະຍາກຳໃນຂອບເຂດທີ່ກວ້າງຂວາງ ຕ້ານມະນຸດຊາດ ຮວມທັງການກຳຈັດ ສັງຫານ ໃຊ້ເປັນຂ້າທາດ ທໍລະມານ ຄຸມຂັງ ຂົ່ມຂືນແລະບີບບັງຄັບ ໃຫ້ຮີດລູກອອກ.

ລາຍງານຍັງກ່າວເຖິງ ການກໍ່ຄວາມໂຫດຮ້າຍເຫລືອທີ່ຈະພັນລະນາໄດ້ ຕໍ່ພວກນັກໂທດ ຢູ່ຕາມສູນຄຸມຂັງນັກໂທດການເມືອງແຫ່ງຕ່າງໆ. ທ່ານ Micheal Kirby ປະທານຄະນະ ກຳມາທິການ ທີ່ປະກອບດ້ວຍສະມາຊິກ 3 ຄົນຂອງອົງການສະຫະປະຊາຊາດທີ່ທຳການ ສືບສວນກ່ຽວກັບການລະເມີດສິດທິມະນຸດ ໃນເກົາຫຼີເໜືອ ກ່າວວ່າ ທາງຄະນະກຳມາທິ ການໄດ້ເກັບກຳທ້ອນໂຮມຫຼັກຖານຕ່າງໆ ຢ່າງຫຼວງຫຼາຍ ຈາກພວກພະຍານ ແລະພາບ ຖ່າຍທາງດາວທຽມກ່ຽວກັບຄວາມໂຫດຮ້າຍທີ່ໄດ້ກະທຳຕໍ່ພວກນັກໂທດຢູ່ຕາມສູນຕ່າງໆ ນັ້ນ.

ທ່ານ Kirby ກ່າວວ່າ: “ພວກເຮົາມີຄຳໃຫ້ການ ທີ່ໄດ້ບັນທຶກລົງ ຢູ່ໃນລາຍງານ ທີ່
ບອກໃຫ້ຮູ້ເລື່ອງລາວຕ່າງໆຢູ່ໃນສູນຄຸມຂັງ ກ່ຽວກັບຄວາມອົດຢາກ ໄພອຶດຫິວ ຮ້າຍແຮງ ແລະການນຳໃຊ້ຊັບພະຍາກອນ ທີ່ບໍ່ພຽງພໍ ພວກເດັກທາລົກທີ່ການ ເຕີບໂຕຢຸດຊະງັກລົງ ໃນເວລາເກີດ ແລະຍັງຢຸດຊະງັກ ຢູ່ຕໍ່ມາ ການລັກພາໂຕ ການປະຫານຊີວິດກາງແຈ້ງ ແລະເລື່ອງທີ່ມີຫຼາຍໆຄົນ ໄດ້ຫາຍໂຕໄປ ແບບບໍ່ ຮູ້ຮ່ອງຮອຍຄືຫາຍໂຕໄປຢູ່ໃນສູນຄຸມຂັງ ແລະບໍ່ກໍຫາຍໂຕໄປຍ້ອນຖືກປະຫານ ຊີວິດໃນທີ່ກາງແຈ້ງ ຫຼືຢູ່ບ່ອນປະຫານຊີວິດລັບອື່ນໆ.”


ລາຍງານສະບັບນີ້ກະປະມານວ່າ ເວລານີ້ມີພວກນັກໂທດການເມືອງລະຫວ່າງ 80 ພັນ
ຫາ 120 ພັນຄົນ ພວມຖືກຂັງຢູ່ໃນສູນຄຸມຂັງນັກໂທດການເມືອງໃຫຍ່ໆ 4 ແຫ່ງ. ລາຍ ງານໄດ້ກ່າວຫາທ່ານກິມ-ຈົງ-ອຸນຜູ້ນຳສູງສຸດຂອງເກົາຫຼີເໜືອວ່າປ່ອຍໃຫ້ພວກນັກໂທດ ການເມືອງເຫຼົ່ານີ້ ອົດຫິວໂດຍເຈດຕະນາ ເພື່ອເປັນວິທີຄວບຄຸມ ແລະລົງໂທດເຂົາເຈົ້າ. ລາຍງານກ່າວຕື່ມວ່າ ນອກນັ້ນແລ້ວ ການລ່ວງລະເມີດຢ່າງຮ້າຍແຮງ ຍັງໄດ້ມີຂຶ້ນ ຢູ່ໃນ ລະບົບຄຸກທຳມະດາຂອງເກົາຫຼີເໜືອນຳດ້ວຍ.

ລິງໂດຍກົງ


ຄະນະກຳມາທິການດັ່ງກ່າວ ບໍ່ໄດ້ຮັບອະນຸຍາດ ໃຫ້ເດີນທາງເຂົ້າໄປ ໃນເກົາຫລີເໜືອ ດັ່ງນັ້ນຈຶ່ງໄດ້ເປີດຮັບຟັງຄຳໃຫ້ການໂດຍກົງ ຈາກພວກພະຍານປະມານ 80 ຄົນ ທີ່ກຸງ
ໂຊລ ກຸງໂຕກຽວ ກຸງລອນດອນ ແລະກຸງວໍຊິງຕັນ. ນອກນັ້ນພວກເຈົ້າໜ້າທີ່ສືບສວນຍັງ ໄດ້ທຳການສຳພາດແບບປິດລັບກັບພວກເຄາະຮ້າຍແລະພະຍານອື່ນໆອີກ 240 ກວ່າ
ຄົນ.

ຄະນະກຳມາທິການບໍ່ໄດ້ກ່າວຢ່າງເປັນການຈະແຈ້ງວ່າທ່ານກິມ-ຈົງ-ອຸນເປັນຜູ້ຮັບຜິດ
ຊອບ ກ່ຽວກັບການກໍ່ອາຊະຍາກຳຕ້ານມະນຸດຊາດ ຫລືຄວນຈະເປັນຜູ້ຮັບຜິດຊອບໃນ ການກໍ່ຄວາມໜ້າຢ້ານກົວຕໍ່ປະຊາຊົນຂອງທ່ານນັ້ນ. ແຕ່ຄະນະກຳມາທິການກໍໃຫ້ຂໍ້ສັງ ເກດວ່າ ທຸກເສັ້ນອຳນາດແມ່ນຢຸດຢູ່ທີ່ຜູ້ນຳສູງສຸດຂອງປະເທດ.

ທ່ານ Marzuki Darusman ຊຶ່ງເປັນສະມາຊິກຄົນນຶ່ງ ຂອງຄະນະກຳມາທິການ ກ່າວ ເຖິງເກົາຫລີເໜືອວ່າ ເປັນປະເທດຜະເດັດການ ທີ່ທຳການຄວບຄຸມຢ່າງສິ້ນເຊີງຕໍ່ຊີວິດ ການເປັນຢູ່ຂອງປະຊາຊົນຂອງຕົນ.

ທ່ານ Darusman ກ່າວວ່າ “ການຄວບຄຸມຢ່າງສິ້ນເຊີງຕໍ່ສັງຄົມໃນທີ່ນັ້ນ ແມ່ນບໍ່ ປ່ອຍໃຫ້ມີບ່ອນສຳລັບການຄັດຄ້ານ ການປະທ້ວງແລະການເຄື່ອນໄຫວຕໍ່ຕ້ານ ລັດຖະບານໄດ້ເລີຍ.”

ລາຍງານເວົ້າວ່າ ປະຊາຊົນເກົາຫລີເໜືອເກືອບວ່າບໍ່ມີສິດທິເລີຍ ທີ່ຈະຊົມໃຊ້ເສລີພາບ ໃນດ້ານຄວາມນຶກຄິດ ຈິດສຳນຶກ ແລະ ສາສະໜາ. ບໍ່ມີສິດເສລີພາບ ໃນການສະແດງ ຄວາມຄິດຄວາມເຫັນ ສິດເສລີພາບໃນດ້ານຂໍ້ມູນຂ່າວສານ ແລະການຄົບຄ້າສະມາຄົມ ຢູ່ໃນເກົາຫຼີເໜືອ. ລາຍງານໃຫ້ຂໍ້ສັງເກດວ່າ ມີການນຳໃຊ້ການຕິດຕາມສອດແນມ ການ ຂູ່ເຂັນບັງຄັບ ການສ້າງຄວາມຢ້ານກົວ ແລະການລົງໂທດ ເພື່ອຂົ່ມຂູ່ປະຊາຊົນ ໃຫ້ເຊື່ອ
ຟັງ.

ຄະນະກຳມາທິການດັ່ງກ່າວ ຂອງສະຫະປະຊາຊາດ ໄດ້ສົ່ງຈົດໝາຍສະບັບນຶ່ງ ໄປຫາ ທ່ານກິມ-ຈົງ-ອຸນ ເພື່ອແຈ້ງໃຫ້ຊາບວ່າ ຕົນຈະສົ່ງລາຍງານ ກ່ຽວກັບສະຖານະການໃນ ເກົາຫຼີເໜືອ ໄປໃຫ້ສານອາຍານາໆຊາດ. ຈົດໝາຍສະບັບນີ້ເວົ້າວ່າ ທາງຄະນະກຳມາ ທິການຈະນຳສະເໜີບັນຊີລາຍຊື່ຜູ້ທີ່ອາດຮັບຜິດຊອບກ່ຽວກັບການກໍ່ອາຊະຍາກຳຕ້ານ ມະນຸດຊາດດັ່ງກ່າວ ຊຶ່ງເປັນໄປໄດ້ວ່າອາດຈະຮວມທັງຜູ້ນຳສູງສຸດຂອງເກົາຫຼີເໜືອນັ້ນ
ນໍາ.

ທ່ານກິມ-ຈົງ-ອຸນ ຍັງບໍ່ທັນຕອບຈົດໝາຍສະບັບນີ້ເທື່ອ. ແຕ່ແນວໃດກໍຕາມ ຄະນະກຳ
ມາທິການເວົ້າວ່າ ລັດຖະບານເກົາຫຼີເໜືອອ້າງວ່າຄຳໃຫ້ການຂອງພວກພະຍານເຫຼົ່ານີ້ ແມ່ນບໍ່ມີມູນຄວາມຈິງ ແລະໃຫ້ໂດຍ ພວກທີ່ລັດຖະບານເກົາຫລີເໜືອ ເອີ້ນວ່າ ຄົນຊົ່ວ ຊ້ານັ້ນ.

ເບິ່ງວີດີໂອກ່ຽວຂ້ອງ:

UN Nokor China
please wait
Embed

No media source currently available

0:00 0:02:37 0:00

ເບິ່ງຄວາມເຫັນ (3)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG