ລິ້ງ ສຳຫລັບເຂົ້າຫາ

logo-print

ບໍ່ມີການເມີນເສີຍ ຕໍ່ໄປອີກແລ້ວ ຊາວໜຸ່ມ ຣັດເຊຍ ເຂົ້າຮ່ວມ ການໂຮມຊຸມນຸມປະທ້ວງ


ເຊີນຊົມວີດີໂອ ພາສາອັງກິດ ກ່ຽວກັບເລື້ອງນີ້

ຈຳນວນການໂຮມຊຸມນຸມດ້ານການເມືອງທີ່ເພີ້ມຫຼາຍຂຶ້ນນັບມື້ ໃນຣັດ ເຊຍ ໄດ້ດຶງດູດ
ເອົາພວກຊາວໜຸ່ມ ຫຼາຍໆຄົນອອກມາ ຜູ້ຊຶ່ງຈົນເຖິງປັດຈຸບັນນີ້ ໂດຍສ່ວນໃຫຍ່ແລ້ວ
ບໍ່ຄ່ອຍຫົວຊານຳເລື້ອງການເມືອງ. ຢູເລຍ ຊາບເຊັງໂກ (Yulia Savchenko) ນັກຂ່າວ
ຂອງວີໂອເອ ປະຈຳມົສກູ ກ່າວວ່າ ການຂາດໂອກາດທາງດ້ານເສດຖະກິດ ແລະເມື່ອ
ມໍ່ໆມານີ້ ພາບຕ່າງໆຂອງຕຳຫຼວດ ທຳຮ້າຍຮ່າງກາຍພວກປະທ້ວງ ແມ່ນເຫດຜົນນຶ່ງ
ໃນຫຼາຍໆເຫດຜົນ ທີ່​ວ່າເປັນຫຍັງ ພວກຊາວໜຸ່ມຣັດເຊຍ ຈຶ່ງເຂົ້າຮ່ວມໃນການໂຮມ
ຊຸມນຸມທັງຫຼາຍນັ້ນ. ໄຊຈະເລີນສຸກ ມີລາຍລະອຽດກ່ຽວກັບເລື້ອງນີ້ ມາສະເໜີທ່ານ.

“ບໍ່ມີປະເທດສຳລັບພວກຊາຍໜຸ່ມ” ນັ້ນຄືສິ່ງທີ່ຣັດເຊຍໄດ້ກາຍເປັນ ໃນສາຍຕາຂອງ ນັກວິຈານເພງຣັອກທີ່ມີຊື່ສຽງ ທ່ານອາຣເທນີ ທຣອຍສ໌ກີ.

ທ່ານທຣອຍສ໌ກີ ອາຍຸ 64 ປີ ຊຶ່ງເປັນສັນຍາລັກຂອງການຕໍ່ຕ້ານ ໄດ້ເຫັນ ສະພາບການ
ແລະຮູ້ສຶກຜິດຫວັງ ໃນຂະນະທີ່ພວກຊາວໜຸ່ມຣັດເຊຍ ຂາດ ຄວາມສົນໃຈຫຼາຍຂຶ້ນ.

ທ່ານທຣອຍສ໌ກີ ເວົ້າວ່າ “ນັບເປັນເວລາຫຼາຍທົດສະວັດມ​າ​ແລ້ວ ເລີ້ມ​ແຕ່ເດືອນສິງຫາ
ປີ 1991 ​ເປັນ​ຕົ້ນ​ມາ ທີ່ພວກຊາວໜຸ່ມໄດ້ກາຍເປັນພາກສ່ວນນຶ່ງ ຂອງ ພົນລະເມືອງ
ທີ່ເມີນເສີຍ ບໍ່ຫົວຊາ ບໍ່ສົນໃຈໃນເລື້ອງການເມືອງ ຫຼາຍທີ່ສຸດຂອງສັງຄົມ.”


ແຕ່ອັນນັ້ນ ໄດ້ປ່ຽນແປງໄປແລ້ວ ໃນບໍ່ເທົ່າໃດປີມານີ້. ໃນປີ 2017 ການປະທ້ວງຕໍ່ຕ້ານ
ການສໍ້ລາດບັງຫຼວງ ນຳພາໂດຍ ຜູ້ນຳຝ່າຍຄ້ານ ທ່ານອາເລັກຊີ ນາວາລນີ ໄດ້ນຳເອົາ
ພວກຊາວໜຸ່ມ ທີ່​ເປັນຮຽນ ລົງສູ່ຫົນ​ຖະ​ໜົນທາງຊຶ່ງບໍ່ໜ້າ ເປັນໄປໄດ້ເລີຍ. ແນວໂນ້ມ
ອັນນັ້ນ ໄດ້ມີຢູ່ຕໍ່​ມາ.

ທ່ານທຣອຍສ໌ກີ ກ່າວວ່າ “ສ່ວນນຶ່ງ ກໍ​ເປັນ​ຍ້ອນ ທ່ານອາເລັກຊີ ນາວາລນີ ສ່ວນນຶ່ງ
ກໍເປັນຍ້ອນການສໍ້ລາດບັງຫຼວງ ແລະຄວາມບໍ່ລະອາຍໃຈ ຂອງລະ ບອບການປົກ
ຄອງຂອງປູຕິນ ທີ່ມີຫຼາຍຂຶ້ນນັບມື້ ພວກຊາວໜຸ່ມຈຶ່ງໄດ້ເລີ້ມຕື່ນ ຕົວແລະໃນທັນທີ
ທັນໃດນັ້ນ ພວກເຂົາເຈົ້າໄດ້ພົບເຫັນວ່າ ມັນເປັນການສະໜຸກສະໜານ ທີ່ໄດ້ອອກ
ມາປະທ້ວງ.”


ພວກຊາວໜຸ່ມ ໄດ້ພາກັນລົງສູ່ຖະໜົນຫົນທາງຫຼາຍສາຍຂອງນະຄອນຫຼວງມົສກູ ໃນ
ໄລ​ຍະສອງສາມເດືອນຜ່ານ​ມານີ້.

ຊາຍໜຸ່ມຜູ້ປະທ້ວງຊາວຣັດເຊຍ ກ່າວວ່າ “ຍຸກສະໄໝຂອງພວກເຮົາ ບໍ່ໄດ້ເຫັນສະຫະ
ພາບໂຊຫວຽດ ຫຼື​ຊຸມປີ 1990 ເລີຍ. ຍຸກສະໄໝຂອງພວກເຮົາ ມີຄວາມຮູ້ສຶກພາກ
ພູມໃຈໃນຕົນເອງ ແລະດ້ວຍອັນນັ້ນ ພວກເຮົາຢາກຈະຕໍ່ສູ້ ເພື່ອສິດທິຂອງ ພວກເຮົາ
ແລະປ່ຽນແປງປະເທດ ໃຫ້ດີຂຶ້ນກວ່າເກົ່າ. ໃນຍຸກສະໄໝຂອງຂ້າພະເຈົ້າ ໝູ່ເພື່ອນ​
ໃນ​ແວດ​ວົງ ທີ່ສະໜັບສະໜຸນປູຕິນນັ້ນ ແມ່ນບໍ່ໄດ້ເລີຍ ມັນເປັນ ສິ່ງທີ່ໜ້າລະອາຍ.
ຂ້າພະເຈົ້າບໍ່ໄດ້ພົບຜູ້ໃດເລີຍ ໃນໄວດຽວກັນກັບຂ້າພະເຈົ້າ ຜູ້ທີ່ສະໜັບສະໜຸນປູຕິນ.”

ສ່ວນຍິງສາວຜູ້ປະທ້ວງຊາວຣັດເຊຍ ກໍກ່າວວ່າ “ການກົດຂີ່ຂົ່ມເຫັງທັງຫຼາຍເຫຼົ່ານັ້ນ ທີ່
ທາງ ການໄດ້ເລີ້ມຕົ້ນຂຶ້ນ ໃນການຕອບ ໂຕ້ຕໍ່ພວກຄົນທີ່ພະຍາຍາມຕໍ່ສູ້ເພື່ອສິດທິ
ໃນ ການໃຊ້ສິດອອກສຽງ ແມ່ນເປັນທີ່ ໜ້າຢ້ານກົວ ແລະເກີນກວ່າທີ່ຈະເຂົ້າໃຈໄດ້.”


ນັກສຶກສາດ້ານເສດຖະສາດ ທ້າວອີກໍ ຊູຄັອຟວ໌ ຜູ້ທີ່ໄດ້ຖືກຈັບກຸມ ຢູ່ທີ່ການ ໂຮມຊຸມນຸມ
ໃນນະຄອນມົສກູ ໄດ້ກາຍມາເປັນສັນຍາລັກ ຂອງການກົດຂີ່ຂົ່ມ ເຫັງຂອງມົສກູ.

ຊາຍໜຸ່ມຜູ້ປະທ້ວງຊາວຣັດເຊຍ ອີກຄົນນຶ່ງ ກ່າວວ່າ “ເພື່ອນທີ່ດີຂອງຂ້າພະເຈົ້າ ທ້າວ
ອີກໍ ຊູຄັອຟວ໌ ຜູ້ທີ່ລາວເອງ ລົງແຂ່ງຂັນເປັນສະມາຊິກສະພາຕ່ຳ ດູມາຂອງມົສກູ ໄດ້
ຖືກຈັບກຸມ ໂດຍບໍ່ມີເຫດຜົນຫຍັງ. ຂ້າພະເຈົ້າຢູ່ນະທີ່ນີ້ ເພື່ອປະທ້ວງ ການກະທຳທີ່
ຜິດກົດໝາຍ ແລະການກົດຂີ່ຂົ່ມເຫັງທາງການເມືອງ ຕໍ່ລາວ.”


ສິລະປິນຮ້ອງເພງແຣັປ ວົງອັອກຊີມີຣອນ (Oxxxymiron) ໄດ້ຮຽກຮ້ອງຕໍ່ແຟນເພງ
ຂອງລາວ ໃຫ້ມາຮ່ວມໃນການໂຮມຊຸມນຸມ ໃນວັນທີ 10 ສິງຫາ ຜ່ານມານີ້ ເພື່ອສະໜັບ
ສະໜຸນ ທ້າວອີກໍ ຊູຄັອຟວ໌ ແລະພວກນັກໂທດການເມືອງ​ຄົນອື່ນໆ. ສ່ວນສິລະປິນອື່ນໆ
ຍັງໄດ້ທຳການສະແດງ ເພື່ອສະແດງອອກເຖິງຄວາມເປັນເອກ​ກະ​ພາບ. ກະປະມານໄດ້
ວ່າ ມີ 60,000 ຄົນ ໄດ້ໄປຮ່ວມໃນການໂຮມຊຸມ ນຸມ ຊຶ່ງໄດ້ຮັບອະນຸຍາດໂດຍທາງການ
ມົສກູ.

ແຕ່ການອະນຸຍາດຢ່າງເປັນທາງການ ຂອງການໂຮມຊຸມນຸມ ກໍບໍ່ໄດ້ຢຸດຢັ້ງຕຳຫຼວດ
ຈາກການເຄື່ອນໄຫວຕໍ່ຕ້ານພວກປະທ້ວງ ແຕ່ຢ່າງໃດເລີຍ. ຫຼາຍກວ່າ 130 ຄົນ ໄດ້ຖືກ
ຈັບໄປ.

Russia's growing number of political rallies are drawing many young people who - until now - had largely ignored politics. VOA's Yulia Savchenko in Moscow says a lack of economic opportunities and - lately - images of police brutality against demonstrators are among the reasons why Russian youth are joining the rallies.

"No country for young men" is what Russia has been in the eyes of famous rock music critic Artemiy Troitsky.

The 64-year-old symbol of resistance watched with disappointment as young Russian grew apathetic.

(ARTEMIY TROITSKY, MUSIC CRITIC - MALE IN ENGLISH)

"For several decades , from August 1991, Russian young people have been the most passive, apolitical , apathetic demographic part of the society.

But that has changed in the last few years. In 2017, anti-corruption protests led by opposition leader Alexey Navalny brought to the streets an unlikely group - school aged teens. The trend has continued.

(ARTEMIY TROITSKY, MUSIC CRITIC - MALE IN ENGLISH)

"Partly thanks to Alexey Navalny , partly thanks to the growing shamelessness and the corruption of the Putin regime, young people started to wake up and they suddenly found out that it is fun to be protesting.

Young people have been taking to the streets of Moscow in recent months.

(PROTESTER - MALE IN RUSSIAN)

"Our generation didn't see neither the Soviet Union, nor the 90s. Our generation has a sense of self-esteem, and with that we want to fight for our rights and change the country for the better.""In my generation, in my circle supporting Putin is a no go, it is a shame. I haven't met anyone my age, who support Putin"

(PROTESTER (FEMALE IN RUSSIAN)

"All those repressions that authorities started in response to people trying to fight for their electoral rights, are terrifying and beyond comprehension."

Economics student Egor Zhukov - who was detained at Moscow rallies - has become symbol of Moscow's of repression.

(RUSSIAN PROTESTER( MALE IN RUSSIAN)

"My good friend Egor Zhukov, who himself was running for Moscow state Duma, was arrested for nothing. I am here to protest this unlawfulness and political repression against him."

Rap musician Oxxxymiron called on his fans to participate in an August 10th rally to support Egor Zhukov and other political prisoners. Other artists also performed in solidarity.

An estimated 60-thousand people made it to the rally, which was sanctioned by the Moscow authorities.

But official approval of the rally did not stop police from moving against the demonstrators. More than 130 were detained.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG