ຢ່າງໜ້ອຍ 12 ຄົນເສຍຊີວິດ ຍ້ອນຫິມະເຈື່ອນ ທີ່ ພູເຂົາ ເອເວີແຣັສ (ວີດີໂອ)

ເກີດ​ຫິມະ​ເຈື່ອນ​ທີ່​ເນ​ປາລ ​ເທິງພູ​ເຂົາເອ​ເວິ​ແຣັສ ເຮັດ​ໃຫ້
ຄົນ​ນຳ​ທ່ຽວທ້ອງ​ຖີ່​ນ​ເສຍ​ຊີວິດ​ຢ່າງໜ້ອຍ​ 12 ຄົນ.​ ອີກ​ຈຳ
ນວນ​ນຶ່ງ​ໄດ້​ຖືກ​ກູ້​ຊິວິດ​ໄວ້​ໄດ້​ ໃນ​ຂະນະ​ທີ່​ຍັງອີກ​ຫຼາຍຄົນ​
ຫາຍ​ສາບ​ສູນຢູ່.

​ເຈົ້າ​ໜ້າ​ທີ່​ເນ​ປານຄົນ​ນຶ່ງ ຂອງ​ກ​ະຊວງ​ທອງ​ທ່ຽວ ກ່າວ​ວ່າ
ຜູ້​ທີ່​ເສຍ​ຊີວິດ​ທັງ​ໝົດ ​ແມ່ນຜູ້ນຳ​ທ່ຽວ ຊົນ​ຊາດ Sherpa ທີ່​
ເຮັດ​ວຽກ​ຢູ່​ເທິ່ງພູ​ເວລາ​ເລີ້ມ​ຕຽມລະດູ​ປີນ​ພູ.

​ເຈົ້າ​ໜ້າ​ທີ່​ ກ່າວ​ວ່າ ຫິມະ​ເຈື່ອນ​ໄດ້​ເກີດ​ຂື້ນ​ປະມານ 6:30
ຕອນ​ເຊົ້າ ວັນ​ສຸກມື້​ນີ້ 1 ​ໂມງຕາມ​ເວລາ​ສາກົນ ​ຢູ່​ໃນ​ເຂ​ດທີ່​
ຮ້ອງ​ວ່າ “popcorn field” ນັ້ນ.

ຫິມະ​ເຈື່ອນ​ທີ່​ຮ້າຍ​ແຮງນີ້​ເປັນເທື່ອ​ທຳ​ອິດຂອງ​ລະດູ​ປີນ​ພູທີ່ສູງທີ່​ສຸດ​ຂອງ​ໂລກ ​ແລະ​ທັງ
​ເປັນ​ເທື່ອ​ທີ່ມີ​ຄົນຕາຍຫຼາຍ​ທີ່​ສຸດໃນພູ​ເຂົາ​ ເອ​ເວິ​ແຣັສ.

ບັນດາ​ນັກ​ປີນ​ພູຫລາຍ​ພັນ​ຄົນ ໄດ້​ພາກັນ​ປີນ​ຂື້ນພູດ່ັງກ່າວ ນັບ​ຕັ້ງ​ແຕ່ ທ່ານ Edmund
Hillary ​ແລະ ທ່ານ Tenzing Norgay ​ໄດ້ປີນສຳເລັດ ​ຄັ້ງ​ທຳ​ອິດ​ໃນປີ 1953​. ​

ເກືອບ 250 ຄົນ​ໄດ້​ເສ​ຍຊີວິດມາ​ແລ້ວ.

​