ອົງການອະນຸລັກແມ່ນໍ້າຂອງສາກົນ (International Rivers)
ພ້ອມດ້ວຍເຄືອຂ່າຍປະຊາຊົນໄທເພື່ອການອະນຸລັກແມ່ນໍ້າຂອງ
ໄດ້ເຄື່ອນໄຫວອີກເທື່ອໃໝ່ໃນອາທິດນີ້ ດ້ວຍການປຸກລະດົມໃຫ້
ຄົນໄທຮ່ວມຄັດຄ້ານແຜນການ ຂອງລັດຖະບານໄທທີ່ຈະຮັບຊື້
ພະລັງງານໄຟຟ້າຈາກໂຄງການເຂື່ອນໄຊຍະ ບຸລີໃນລາວ ໂດຍ
ການປຸກລະດົມໃນຄັ້ງນີ້ຈະສິ້ນສຸດລົງດ້ວຍການຍື່ນໜັງສື ທີ່ມີ
ລາຍເຊັນຂອງຄົນໄທຈໍານວນຫຼາຍໝື່ນຄົນເພື່ອສະແດງການຄັດ
ຄ້ານດັ່ງກ່າວເຖິງລັດຖະບານໄທຢ່າງເປັນທາງການໃນທ້າຍ
ເດືອນກັນຍານີ້.
ການເຄື່ອນໄຫວດັ່ງກ່າວນີ້ ຖືເປັນສ່ວນນຶ່ງໃນເປົ້າໝາຍຂອງການ
ຄັດຄ້ານທຸກໂຄງການກໍ່ສ້າງເຂື່ອນເທິງແນວແມ່ນໍ້າຂອງ ທີ່ອົງ
ການອະນຸລັກແມ່ນໍ້າສາກົນ ແລະເຄືອຂ່າຍໃນປະເທດໄທໄດ້ມີ
ການປະກາດຢ່າງຊັດເຈນແລ້ວວ່າ ຈະຮ່ວມກັນເຄື່ອນໄຫວຄັດ
ຄ້ານຢ່າງເຖິງທີ່ສຸດ. ໃນເດືອນສິງຫາຜ່ານມາກໍໄດ້ຮ່ວມກັນຍື່ນຄໍາຮ້ອງເຖິງຄະນະຕຸລາ
ການສານປົກຄອງຂອງໄທ ເພື່ອຂໍໃຫ້ມີຄໍາສັ່ງຍົກເລີກສັນຍາທີ່ການໄຟຟ້າຝ່າຍຜະລິດແຫ່ງປະເທດໄທ (EGAT ) ຈະຮັບຊື້ພະລັງງານໄຟຟ້າຈາກເຂື່ອນໄຊຍະບຸລີໃນລາວ ດ້ວຍເຫດຜົນທີ່ວ່າໂຄງການດັ່ງກ່າວຍັງບໍ່ໄດ້ທໍາການສຶກສາເພື່ອປ້ອງກັນບັນຫາຜົນກະທົບຕໍ່ສິ່ງແວດລ້ອມທໍາມະຊາດຢ່າງໄດ້ມາດຕະຖານ.
ສະຖານທີ່ກໍ່ສ້າງເຂື່ອນໄຊຍະບູລີທີ່ມີການເລີ້ມລົງມືບຸກເບີກຫົນທາງບາງບ່ອນ
ໃນໂອກາດດຽວກັນນີ້ ເຄືອຂ່າຍປະຊາຊົນໄທ ກໍຍັງໄດ້ອອກຖະ
ແຫຼງການຢືນຢັນອີກດ້ວຍວ່າ ຈະທໍາການຟ້ອງຮ້ອງຕໍ່ສານປົກ
ຄອງຂອງໄທອີກດ້ວຍເຊັ່ນກັນ ຖ້າຫາກວ່າກຸ່ມບໍລິສັດ ຊ. ການ
ຊ່າງຈໍາກັດ (ມະຫາຊົນ) ຍັງຄົງຢືນຢັນທີ່ຈະທໍາການກໍ່ສ້າງເຂື່ອນ
ໄຊຍະບູລີຕໍ່ໄປ ກັບທັງຍັງຈະຟ້ອງຮ້ອງທະນາຄານໃນໄທທຸກ
ທະນາຄານທີ່ຈະຕົກລົງອະນຸມັດໃຫ້ກັບກຸ່ມບໍລິສັດ ຊ. ການຊ່າງ ອີກດ້ວຍ.
ທັງນີ້ເຄືອຂ່າຍປະຊາຊົນໄທ ມອງເຫັນວ່າການກະທໍາດັ່ງກ່າວ
ຂອງທະນາຄານໄທ ໂດຍສະເພາະແມ່ນສັນຍາຮັບຊື້ພະລັງງານໄຟຟ້າຈາກເຂື່ອນໄຊຍະບູລີໃນລາວນັ້ນ ໄດ້ຈັດທໍາຂຶ້ນໂດຍບໍ່ໄດ້ໃຫ້ຂໍ້ມູນຂ່າວສານແກ່ຄົນໄທໃນວົງກວ້າງ ຈຶ່ງເປັນການຂັດຕໍ່ລັດຖະທໍາມະນູນການປົກຄອງຂອງໄທໂດຍກົງ.
ນອກຈາກນີ້ ການທີ່ປາກົດວ່າ ຍັງຄົງມີການສືບຕໍ່ດໍາເນີນໂຄງການໃນລາວຢູ່ເລື້ອຍມາ ກໍ
ຍັງເປັນການຂັດຕໍ່ມະຕິຂອງຄະນະກໍາມາທິການແມ່ນໍ້າຂອງ (MRC) ທີ່ໄດ້ກໍານົດໃຫ້ທໍາ
ການສຶກສາເພື່ອປ້ອງກັນຜົນກະທົບຕໍ່ສັງຄົມແລະ ສິ່ງແວດລ້ອມທໍາມະຊາດຢ່າງຄົບຖ້ວນ
ເສຍກ່ອນອີກດ້ວຍ.
ການປະທ້ວງຕ້ານການສ້າງເຂື່ອນໄຊຍະບູລີຢູ່ສະຖານທູະລາວທີ່ບາງກອກ
ຍິ່ງໄປກວ່ານັ້ນ ການທີ່ທາງການໄທກໍໄດ້ຕົກລົງທີ່ຈະຮັບຊື້ພະ
ລັງງານໄຟຟ້າ ຈາກລາວເຖິງ 7,000 ເມກາວັດ ນັບຈາກປີ
2015 ເປັນຕົ້ນໄປ ນອກຈາກຈະເປັນການລະເມີດຕໍ່ສິດທິ
ຂັ້ນພື້ນຖານຂອງຜູ້ບໍລິໂພກໃນໄທກ່ຽວກັບທາງເລືອກໃນ
ການຊົມໃຊ້ພະລັງງານໄຟຟ້າແລ້ວ ການຕົກລົງຮັບຊື້ພະລັງ
ງານໄຟຟ້າດັ່ງກ່າວນີ້ ກໍຍັງເກີນກວ່າລະດັບຄວາມຕ້ອງການ
ທີ່ເປັນຈິງໃນໄທອີກດ້ວຍ ດັ່ງທີ່ເຈົ້າໜ້າທີ່ບໍລິຫານເຄືອຂ່າຍ
ປະຊາຊົນໄທ ໄດ້ໃຫ້ການຢືນຢັນວ່າ:
“ໃນປະເທດໄທ ໄຟຟ້າຂອງເຮົານີ້ ລົ້ນເຫຼືອເກີນໄປແລ້ວ ໝາຍເຖິງວ່າ ລົ້ນ
ເກີນ 60% ຈາກທີ່ໃຊ້ຕົວຈິງ ເຮົາບໍ່ໄດ້ເວົ້າເຖິງເລຶ່ອງທີ່ບໍ່ເປັນຈິງ ຄືບໍ່ແມ່ນ
ຄ້ານໂດຍທີ່ພວກເຮົາບໍ່ມີເຫດຜົນ ຫຼືບໍ່ມີຫຼັກຖານໃດໆ ເຖິງຈຸດນີ້ຈະຖາມວ່າ
ຖ້າລາວຍັງມຸ້ງໜ້າທີ່ຈະສ້າງເຂື່ອນ 40 ໂຄງກວ່າໂຄງການຫຼື 60 ໂຄງການ
ຢ່າງທີ່ເຂົາເຈົ້າເຄີຍຄິດເອົາໄວ້ນັ້ນ ພວກເຂົາເຈົ້າຈະຂາຍໃຫ້ໃຜ.”
ທາງດ້ານທ່ານ ວີລະພົນ ວີລະວົງ ລັດຖະມົນຕີຊ່ວຍວ່າການກະຊວງພະລັງງານ ແລະບໍ່ແຮ່
ກໍໄດ້ຖະແຫຼງຢືນຢັນກ່ອນໜ້ານີ້ວ່າ ລັດຖະບານລາວ ໄດ້ວ່າຈ້າງບໍລິສັດ POYRY ຈາກ
ປະເທດສະວິດເຊີແລນດ໌ ແລະ CNR ຈາກຝຣັ່ງ ຊຶ່ງທັງສອງບໍລິສັດກໍໄດ້ໃຫ້ການຢືນຢັນ
ວ່າ ຈະສາມາດປ້ອງກັນ ຜົນກະທົບຈາກການກໍ່ສ້າງເຂື່ອນໄຊຍະບຸລີໄດ້ຢ່າງແນ່ນອນ ຫາກ
ແຕ່ຫລ້າສຸດ ກໍມີລາຍງານວ່າທະນາຄານພານິດໄທ (ມະຫາຊົນ) ໄດ້ໂຈະແຜນການພິຈາ
ລະນາເງິນກູ້ຢືມກັບກຸ່ມບໍລິສັດ ຊ. ການຊ່າງ ແລ້ວໃນຂະນະນີ້.
ພ້ອມດ້ວຍເຄືອຂ່າຍປະຊາຊົນໄທເພື່ອການອະນຸລັກແມ່ນໍ້າຂອງ
ໄດ້ເຄື່ອນໄຫວອີກເທື່ອໃໝ່ໃນອາທິດນີ້ ດ້ວຍການປຸກລະດົມໃຫ້
ຄົນໄທຮ່ວມຄັດຄ້ານແຜນການ ຂອງລັດຖະບານໄທທີ່ຈະຮັບຊື້
ພະລັງງານໄຟຟ້າຈາກໂຄງການເຂື່ອນໄຊຍະ ບຸລີໃນລາວ ໂດຍ
ການປຸກລະດົມໃນຄັ້ງນີ້ຈະສິ້ນສຸດລົງດ້ວຍການຍື່ນໜັງສື ທີ່ມີ
ລາຍເຊັນຂອງຄົນໄທຈໍານວນຫຼາຍໝື່ນຄົນເພື່ອສະແດງການຄັດ
ຄ້ານດັ່ງກ່າວເຖິງລັດຖະບານໄທຢ່າງເປັນທາງການໃນທ້າຍ
ເດືອນກັນຍານີ້.
ການເຄື່ອນໄຫວດັ່ງກ່າວນີ້ ຖືເປັນສ່ວນນຶ່ງໃນເປົ້າໝາຍຂອງການ
ຄັດຄ້ານທຸກໂຄງການກໍ່ສ້າງເຂື່ອນເທິງແນວແມ່ນໍ້າຂອງ ທີ່ອົງ
ການອະນຸລັກແມ່ນໍ້າສາກົນ ແລະເຄືອຂ່າຍໃນປະເທດໄທໄດ້ມີ
ການປະກາດຢ່າງຊັດເຈນແລ້ວວ່າ ຈະຮ່ວມກັນເຄື່ອນໄຫວຄັດ
ຄ້ານຢ່າງເຖິງທີ່ສຸດ. ໃນເດືອນສິງຫາຜ່ານມາກໍໄດ້ຮ່ວມກັນຍື່ນຄໍາຮ້ອງເຖິງຄະນະຕຸລາ
ການສານປົກຄອງຂອງໄທ ເພື່ອຂໍໃຫ້ມີຄໍາສັ່ງຍົກເລີກສັນຍາທີ່ການໄຟຟ້າຝ່າຍຜະລິດແຫ່ງປະເທດໄທ (EGAT ) ຈະຮັບຊື້ພະລັງງານໄຟຟ້າຈາກເຂື່ອນໄຊຍະບຸລີໃນລາວ ດ້ວຍເຫດຜົນທີ່ວ່າໂຄງການດັ່ງກ່າວຍັງບໍ່ໄດ້ທໍາການສຶກສາເພື່ອປ້ອງກັນບັນຫາຜົນກະທົບຕໍ່ສິ່ງແວດລ້ອມທໍາມະຊາດຢ່າງໄດ້ມາດຕະຖານ.
ໃນໂອກາດດຽວກັນນີ້ ເຄືອຂ່າຍປະຊາຊົນໄທ ກໍຍັງໄດ້ອອກຖະ
ແຫຼງການຢືນຢັນອີກດ້ວຍວ່າ ຈະທໍາການຟ້ອງຮ້ອງຕໍ່ສານປົກ
ຄອງຂອງໄທອີກດ້ວຍເຊັ່ນກັນ ຖ້າຫາກວ່າກຸ່ມບໍລິສັດ ຊ. ການ
ຊ່າງຈໍາກັດ (ມະຫາຊົນ) ຍັງຄົງຢືນຢັນທີ່ຈະທໍາການກໍ່ສ້າງເຂື່ອນ
ໄຊຍະບູລີຕໍ່ໄປ ກັບທັງຍັງຈະຟ້ອງຮ້ອງທະນາຄານໃນໄທທຸກ
ທະນາຄານທີ່ຈະຕົກລົງອະນຸມັດໃຫ້ກັບກຸ່ມບໍລິສັດ ຊ. ການຊ່າງ ອີກດ້ວຍ.
ທັງນີ້ເຄືອຂ່າຍປະຊາຊົນໄທ ມອງເຫັນວ່າການກະທໍາດັ່ງກ່າວ
ຂອງທະນາຄານໄທ ໂດຍສະເພາະແມ່ນສັນຍາຮັບຊື້ພະລັງງານໄຟຟ້າຈາກເຂື່ອນໄຊຍະບູລີໃນລາວນັ້ນ ໄດ້ຈັດທໍາຂຶ້ນໂດຍບໍ່ໄດ້ໃຫ້ຂໍ້ມູນຂ່າວສານແກ່ຄົນໄທໃນວົງກວ້າງ ຈຶ່ງເປັນການຂັດຕໍ່ລັດຖະທໍາມະນູນການປົກຄອງຂອງໄທໂດຍກົງ.
ນອກຈາກນີ້ ການທີ່ປາກົດວ່າ ຍັງຄົງມີການສືບຕໍ່ດໍາເນີນໂຄງການໃນລາວຢູ່ເລື້ອຍມາ ກໍ
ຍັງເປັນການຂັດຕໍ່ມະຕິຂອງຄະນະກໍາມາທິການແມ່ນໍ້າຂອງ (MRC) ທີ່ໄດ້ກໍານົດໃຫ້ທໍາ
ການສຶກສາເພື່ອປ້ອງກັນຜົນກະທົບຕໍ່ສັງຄົມແລະ ສິ່ງແວດລ້ອມທໍາມະຊາດຢ່າງຄົບຖ້ວນ
ເສຍກ່ອນອີກດ້ວຍ.
ຍິ່ງໄປກວ່ານັ້ນ ການທີ່ທາງການໄທກໍໄດ້ຕົກລົງທີ່ຈະຮັບຊື້ພະ
ລັງງານໄຟຟ້າ ຈາກລາວເຖິງ 7,000 ເມກາວັດ ນັບຈາກປີ
2015 ເປັນຕົ້ນໄປ ນອກຈາກຈະເປັນການລະເມີດຕໍ່ສິດທິ
ຂັ້ນພື້ນຖານຂອງຜູ້ບໍລິໂພກໃນໄທກ່ຽວກັບທາງເລືອກໃນ
ການຊົມໃຊ້ພະລັງງານໄຟຟ້າແລ້ວ ການຕົກລົງຮັບຊື້ພະລັງ
ງານໄຟຟ້າດັ່ງກ່າວນີ້ ກໍຍັງເກີນກວ່າລະດັບຄວາມຕ້ອງການ
ທີ່ເປັນຈິງໃນໄທອີກດ້ວຍ ດັ່ງທີ່ເຈົ້າໜ້າທີ່ບໍລິຫານເຄືອຂ່າຍ
ປະຊາຊົນໄທ ໄດ້ໃຫ້ການຢືນຢັນວ່າ:
“ໃນປະເທດໄທ ໄຟຟ້າຂອງເຮົານີ້ ລົ້ນເຫຼືອເກີນໄປແລ້ວ ໝາຍເຖິງວ່າ ລົ້ນ
ເກີນ 60% ຈາກທີ່ໃຊ້ຕົວຈິງ ເຮົາບໍ່ໄດ້ເວົ້າເຖິງເລຶ່ອງທີ່ບໍ່ເປັນຈິງ ຄືບໍ່ແມ່ນ
ຄ້ານໂດຍທີ່ພວກເຮົາບໍ່ມີເຫດຜົນ ຫຼືບໍ່ມີຫຼັກຖານໃດໆ ເຖິງຈຸດນີ້ຈະຖາມວ່າ
ຖ້າລາວຍັງມຸ້ງໜ້າທີ່ຈະສ້າງເຂື່ອນ 40 ໂຄງກວ່າໂຄງການຫຼື 60 ໂຄງການ
ຢ່າງທີ່ເຂົາເຈົ້າເຄີຍຄິດເອົາໄວ້ນັ້ນ ພວກເຂົາເຈົ້າຈະຂາຍໃຫ້ໃຜ.”
ທາງດ້ານທ່ານ ວີລະພົນ ວີລະວົງ ລັດຖະມົນຕີຊ່ວຍວ່າການກະຊວງພະລັງງານ ແລະບໍ່ແຮ່
ກໍໄດ້ຖະແຫຼງຢືນຢັນກ່ອນໜ້ານີ້ວ່າ ລັດຖະບານລາວ ໄດ້ວ່າຈ້າງບໍລິສັດ POYRY ຈາກ
ປະເທດສະວິດເຊີແລນດ໌ ແລະ CNR ຈາກຝຣັ່ງ ຊຶ່ງທັງສອງບໍລິສັດກໍໄດ້ໃຫ້ການຢືນຢັນ
ວ່າ ຈະສາມາດປ້ອງກັນ ຜົນກະທົບຈາກການກໍ່ສ້າງເຂື່ອນໄຊຍະບຸລີໄດ້ຢ່າງແນ່ນອນ ຫາກ
ແຕ່ຫລ້າສຸດ ກໍມີລາຍງານວ່າທະນາຄານພານິດໄທ (ມະຫາຊົນ) ໄດ້ໂຈະແຜນການພິຈາ
ລະນາເງິນກູ້ຢືມກັບກຸ່ມບໍລິສັດ ຊ. ການຊ່າງ ແລ້ວໃນຂະນະນີ້.
