ລິ້ງ ສຳຫລັບເຂົ້າຫາ

ວັນອາທິດ, ໑໙ ພຶດສະພາ ໒໐໒໔

ປ. ມຽນມາ ປະຕິເສດວ່າ ບໍ່ໄດ້ເກີດ ຄວາມວຸ້ນວາຍ ດ້ານ ຊົນເຜົ່າ


ທ່ານ Than Lwin Htun ຫົວໜ້າພະແນກ ພາສາມຽນມາ ຂອງວີໂອເອ ສຳພາດພິເສດ ກັບ ປະທານາທິບໍດີມຽນມາ ທ່ານ Thein Sein
ທ່ານ Than Lwin Htun ຫົວໜ້າພະແນກ ພາສາມຽນມາ ຂອງວີໂອເອ ສຳພາດພິເສດ ກັບ ປະທານາທິບໍດີມຽນມາ ທ່ານ Thein Sein

ຢູ່​ໃນ​ການ​ສຳ​ພາດພິ​ເສດ​ ກັບວີ​ໂອ​ເອ ພະ​ແນ​ກພາສາ​ມຽນມາ
ປະທານາທິບໍດີ Thien Sein ​ໄດ້​ປະຕິ​ເສດ​ຢ່າງ​ແຮງ ​ກ່ຽວກັບ
ການ​ປະ​ຫັດ​ປະຫານທີ່​ພົວພັນ​ກັບ​ປະຊາຄົມຊາວມຸສລິ​ມໂຣຮິງ
ຢາ ຊຶ່ງເປັນຊົນກຸ່ມນ້ອຍໃນມຽນມານັ້ນ​.

ທ່ານ Thien Sein ​ໄດ້​ກ່າວ​ຕໍ່ ຫົວໜ້າ​ພະ​ແນ​ກພາສາ​ມຽນມາ
ຂອງວີໂອເອ ທ່ານ Than Lwin Htun ​ໃນ​ວັນ​ພະຫັດ​ທີ່​ຜ່ານ
​ມາ ຢູ່​ທຳນຽບປະທານາທິບໍດີ ໃນນະຄອນຫລວງ Naypyitaw
ວ່າ “ຄວາມ​ເປັນ​ຫ່ວງ​ຂອງ​ນາໆ​ຊາດ​ກ່ຽວ​ກັບ​ເລື້ອງ​ນີ້ແມ່ນເກີນ
​ຂອບ​ເຂ​ດໂພດ”.

ທ່ານກ່າວ​ວ່າ ມັນ​ພຽງ​ແຕ່ເປັນ​ “​ເລື້ອງ​ຂອງ​ສື່​ມວນ​ຊົນ ທີ່ວ່າຜູ້​ຄົນພາກັນ​ຫລົບໜີ​ຈາກ​ການ​ທໍລະມານ.”

ການໃຫ້ຄວາມເຫັນຂອງປະທານາທິບໍດີ ແມ່ນ​ກົງກັນຂ້າມ​ກັບ ລາຍ​ງາ​ນຂອງ ສະຫະ​ປະ
ຊາ​ຊາດ ທີ່​ກ່າວ​ວ່າ ມີຊາວໂຣຮິງຢາ​ເກືອບ 140,000 ຄົນຍັງ​ບໍ່ມີ​ບ່ອນອາ​ໄສຢູ່ ​ໃນ​ສູນ​ກັກ​
ຂັງ​ຕ່າງໆ ຫລັງ​ຈາກໄດ້ເກີດການ​ປະ​ທະ​ກັນ​ຢ່າງ​ຮ້າຍ​ແຮງ ກັບ​ຊາວ​ພຸດ ໃນເຂດ​ທ້ອງ​ຖິ່ນ
​ເມື່ອ​ປີ 2012. ຫລາຍ​ກວ່າ 100,000 ຄົນ​ໄດ້​ຫລົບໜີ​ຈາກມຽນມາໂດຍ​ທາງ​ເຮືອ​ໄປ​ສູ່ມາ
ເລ​ເຊຍ ​ແລະ​ໄທ.

ບັນດາ​ກຸ່ມ​ສິດທິ​ມະນຸດ ກ່າວ​ວ່າ ສະມາຊິກ​ສ່ວນ​ໃຫຍ່​ຂອງຊົນ​ກຸ່ມນ້ອຍ ແມ່ນ ໄດ້ຖືກຈຳ
ກັດຮັດແຄບຢ່າງເຄັ່ງຂັດ ​ໃນ​ທຸກໆ​ດ້ານ​ຂອງ​ຊີ​ວິດ ຮວມທັງ​ການ​ສຶກສາ ​ແລະ​ການ​ແຕ່ງ
ງານນຳດ້ວຍ.

ບັນຫາ​ການ​ເມືອງຢູ່​ໃນ​ມຽນມາ ກໍເປັນ​ເລື່ອງນອງນັນຄືກັນ​ກັບການ​ຂັດ​ແຍ້​ງຂອງ ພວກ​
ຊົນເຜົ່າ​ຕ່າງໆ ທີ່ຍັງດຳເນີນໄປ​ ໃນ​ປະ​ເທດ​ທີ່ຍັງບອບບາງຢູ່.

ບັນດາ​ຜູ້​ຕິຕຽນລັດຖະບານກ່າວ​ວ່າ ມັນ​ພວມຖອຍ​ກັບ​ຄືນ​ມາ​ຢູ່​ໃນ​ສະ​ໄໝ ການ​ປົກຄອງ
ຂອງພວກທະຫານ ທີ່ຍັງມີການຈຳກັດຮັດແຄບ ຫລັງ​ຈາກເລີ້ມ​ປະຕິ​ຮູບ​ທີ່​ຍັງບໍ່ທັນແໜ້ນ
ໜາ. ຜູ້​ນຳ​ຝ່າຍ​ຄ້ານ ທ່ານ​ນາງ Aung San Suu Kyi ພັກ​ສັນນິບາດແຫ່ງຊາດເພື່ອປະ
ຊາທິປະໄຕຫຼື NLD ຕ້ອງການ​ຢາກ​ປ່ຽນ​ລັດຖະທໍາ ມະນູນ ທີ່​ຫ້າມບໍ່ໃຫ້​ບຸກຄົນ​ໃດ​ກໍຕາມ ​
ເປັນ​ປະທານາທິບໍດີ ທີ່​ມີ​ສາມີ ຫລື​ລູກ​ເຕົ້າ​ເປັນ​ສັນຊາດ​ຕ່າງ​ດ້າວ.

ມື້ລາງ​ສາມີຂອງ ທ່ານ​ນາງ Aung Sa Suu Kyi ​ແມ່ນ​ສັນຊາດ​ອັງ​ກິດ ພ້ອມ​ດ້ວຍ​ລູກ​ຊາຍ​ສອງ​ຄົນ.

XS
SM
MD
LG