ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານ Morsi ລົບລ້າງດໍາລັດ ທີ່ໃຫ້ອໍານາດທ່ານ ຢ່າງກວ້າງຂວາງ (ສະໄລດ໌)


ຊາວອີຈິບທີ່ປະທ້ວງຄົນນຶ່ງ ຖ່າຍຮູບເອົາລູກໆຂອງລາວ ທີ່ຢືນຢູ່ເທິງລົດຖັງ ທີ່ກອງທັບສົ່ງໄປປະຈໍາການ ຢູ່ທາງນອກ ທໍານຽບປະທານາທິບໍດີ.
ຊາວອີຈິບທີ່ປະທ້ວງຄົນນຶ່ງ ຖ່າຍຮູບເອົາລູກໆຂອງລາວ ທີ່ຢືນຢູ່ເທິງລົດຖັງ ທີ່ກອງທັບສົ່ງໄປປະຈໍາການ ຢູ່ທາງນອກ ທໍານຽບປະທານາທິບໍດີ.
ທ່ານ Mohamed Morsi ປະທານາທິບໍດີອີ​ຈິບ ​ໄດ້​ຍົກ​ເລີກ​ຄໍາ​ປະກາດ ຢ່າງ​ເປັນ​ທາງ​ການສະບັບນຶ່ງ​ ທີ່​ທ່ານ​ໄດ້​ອອກ​ເມື່ອ​ເດືອນ​ຜ່ານ​ມາ ທີ່​ອະນຸຍາດ​ໃຫ້ທ່ານມີ​ອໍານາດສຸກ​ເສີນ​ຢ່າງກ້ວາງ​ຂວາງ​ນັ້ນ ໃນ​ຄວາມ​ພະຍາຍາມ​ເພື່ອ​ຍຸຕິ​ຄວາມ​ເຄ່ງຕຶງ​ທາງ​ການ​ເມືອງ ​ແລະ​ຄວາມ​ຮຸນ​ແຮງ​ຂັ້ນ​ເລືອດ​ຕົກ​ຢາງ​ອອກ ທີ່​ໄດ້​ຄອບ​ງໍາ​ປະ​ເທດ​ຊາດທີ່​ຖືກ​ແບ່ງ​ແຍກ​ກັນຫຼາຍ​ທີ່​ສຸດ​ໃນ​ຂະນະ​ນີ້.

​ແຕ່​ໂຄສົກ​ຄົນ​ນຶ່ງ​ກ່າວ​ໃນ​ແລງ​ວັນ​ເສົາ​ວານ​ນີ້​ ທີ່​ນະຄອນຫຼວງ​ໄຄ​ໂຣ ວ່າ ການ​ລົງ​ປະຊາ​ມະຕິ​ກ່ຽວ​ກັບຮ່າງລັດຖະທໍາ​ມະນູນທີ່​ເປັນ​ບັນຫາ​ຂັດ​ແຍ້ງກັນ​ນັ້ນ ​ຍັງຈະ​ດໍາ​ເນີນ​ການ​ຕໍ່​ໄປ​ຕາມ​ທີ່​ໄດ້​ກໍານົດ​ໄວ້ ຄື​ວັນ​ທີ່ 15 ​ເດືອນ​ທັນວາ​ນີ້.

ຂະນະ​ນີ້​ ຍັງ​ບໍ່​ມີ​ການ​ຕອບ​ໂຕ້​ຢ່າງ​ເປັນ​ທາງ​ການ​ຂອງ​ຝ່າຍ​ຄ້ານ​ກ່ຽວ​ກັບ ການ​ລົບ​ລ້າງ​ດໍາ ລັດດັ່ງກ່າວຂອງ​ທ່ານ Morsi ​ແລະ​ກໍ​ຍັງ​ບໍ່​ເປັນ​ທີ່​ແຈ້ງຂາວ ໃນທັນທີນີ້​ເທື່ອ​ວ່າ​ ມັນຈະ​ມີ​ຜົນ​ກະທົບ​ຢ່າງ​ໃດຕໍ່​ການ​ປະ​ທ້ວງຂອງ​ຝ່າຍ​ຄ້ານ ທີ່​ພາກັນ​ປຸກ​ເຕັ້ນ​ຢູ່ໃກ້​ທໍານຽບປະທານາ ທິບໍດີ ຕັ້ງ​ແຕ່​ວັນ​ອັງຄານ​ຜ່ານ​ມາ.

ທັງສອງບັນຫາ​ສໍາຄັນ ຄືດໍາລັດ​ປະທານາທິບໍດີ ​ແລະການປະຊາ​ມະຕິ ແມ່ນເປັນສາ​ເຫດ ໃຫຍ່ຂອງ​ການ​ປະ​ທ້ວງ​ຕໍ່ຕ້ານ​ທ່ານ Morsi ທີ່​ໄດ້​ສັ່ນ​ສະ​ເທືອ​ນປະ​ເທດ​ຊາດ​ ຕະຫຼອດ​ເວລາສ່ວນ​ໃຫຍ່ໃນ​ໄລຍະ​ສອງ​ອາທິດ​ຜ່ານ​ມາ. ກຸ່ມ​ປະ​ສົມຂອງ​ຝ່າຍ​ຄ້ານ ທີ່​ມີ​ທັງພວກຫົວ​ນິຍົມ​ເສລີ ພວກ​ນິຍົມ​ທາງ​ໂລກ ​ແລະ​ຜູ້​ສະ​ໜັບສະ​ໜຸນ​ລະບອບ​ເກົ່າ ອ້າງ​ວ່າ​ຮ່າງ​ລັດຖະທໍາ​ມະນູນ ​ແມ່ນ​ຖືກ​ຜັກ​ດັນໃຫ້​ເກີດ​ຂຶ້ນ ​ໂດຍ​ພວກ​ສະໜັບສະໜຸນ​ຫົວ​ອິສລາ​ມ ຂອງ​ປະທານາ
ທິບໍດີ Morsi ​ໂດຍ​ບໍ່​ມີ​ການ​ເຂົ້າປະກອບສ່ວນ​ຂອງ​ຝ່າຍ​ຄ້ານ​ ທີ່​ໄດ້​ທວງ​ໃຫ້ລົບ​ລ້າງການ​ ລົງ​ປະຊາ​ມະຕິດັ່ງກ່າວ ​ແລະ​ໃຫ້​ຮ່າງ​ລັດຖະທໍາ​ມະນູນ​ສະບັບໃໝ່​ຂຶ້ນມາ​ ​ໂດຍ​ມີ​ການ​ປະກອບສ່ວນ​ ​ຂອງ​ຝ່າຍ​ຄ້ານ​ນໍາ.

ບັນດາ​ຜູ້ນໍາຝ່າຍ​ຄ້ານ ຍັງ​ໄດ້​ກ່າວ​ຫາ​ປະທານາທິບໍດີ Morsi ວ່າ ນໍາໃຊ້​ດໍາລັດ​ທີ່​ອອກ​ເມື່ອ​ວັນ​ທີ 22 ​ເດືອນ​ພິຈິກ​ຜ່ານ​ມານັ້ນ ​ເພື່ອສ້າງຕັ້ງສິ່ງ​ທີ່​ພວກ​ເຂົາ​ເຈົ້າ​ເວົ້າ​ວ່າ​ ລະບອບ​ປົກຄອງ​ແບບ​ຜະ​ເດັດ​ການ ​ແບບ​ທີ່​ຄ້າຍຄື​ກັນ​ກັບ​ລະບອບ​ຂອງ​ປະທານາທິບໍດີ Hosni Mubarak ທີ່​ຖືກ​ໂຄ່ນ​ລົ້ມ​ໄປ​ແລ້ວ​ນັ້ນ.

XS
SM
MD
LG