ແຮງງານລາວ ທີ່ລັກລອບທໍາ
ງານຢູ່ໃນໄທຫລາຍກ່ວາ
15.000 ຄົນ ໄດ້ຕິດຕໍ່ສະຖານ
ທູດລາວປະຈໍາບາງກອກ ເພື່ອຂໍ
ໃຫ້ຊ່ວຍເຫລືອ ແລະອຳນວຍ
ຄວາມສະດວກໃນການເດີນທາງ
ຄືນເມືອ ປະເທດລາວ.
ເຈົ້າໜ້າທີ່ຂັ້ນສູງປະຈໍາສະຖານ
ທູດລາວຢູ່ບາງກອກ ໄດ້ໃຫ້ການ
ຍອມຮັບວ່າ ແຮງງານລາວທີ່ລັກ
ລອບໄປທໍາງານໂດຍຜິດກົດ
ໝາຍຢູ່ໃນປະເທດໄທ ໄດ້ຕົກ
ເປັນເຫຍື່ອຂອງການຄ້າມະນຸດ
ຢູ່ໃນໄທເພີ່ມຂຶ້ນນັບມື້ ໂດຍສະຖິຕິສະເພາະໃນລະຫວ່າງ ເດືອນມັງກອນ-ຕຸລາ 2010
ທີ່ຜ່ານມາກໍປາກົດວ່າທາງການຕໍາຫລວດ ໄທ ສາມາດໃຫ້ການຊ່ວຍເຫລືອແຮງງານ
ລາວ ທີ່ຕົກເປັນເຫຍື່ອຂອງການຄ້າມະນຸດໄດ້ເຖິງ 614ຄົນ ແລະໃນໄລຍະເວລານີ້ ກໍ
ຍັງສັງເກດເຫັນວ່າ ຍັງມີແຮງງານຄົນລາວ ທີ່ລັກລອບທໍາງານຢູ່ໄທ ຈໍານວນເຖິງ
15,970 ຄົນ ທີ່ຕິດຕໍ່ທາງສະຖານທູດລາວປະຈໍາບາງກອກເພື່ອຂໍໃຫ້ຊ່ວຍເຫຼືອ ແລະ
ອໍານວຍຄວາມສະດວກໃນການເດີນທາງກັບຄືນເມືອບ້ານຢູ່ໃນລາວ.
ສາຍເຫດ ທີ່ເຮັດໃຫ້ແຮງງານ
ຄົນລາວຢາກຈະກັບຄືນເມືອ
ບ້ານຫຼາຍຂຶ້ນນັ້ນ ກໍຍ້ອນສາຍ
ເຫດວ່າ ຜົນທີ່ໄດ້ຮັບຈາກການ
ລັກລອບທໍາງານໂດຍຜິດກົດ
ໝາຍ ຢູ່ໃນໄທນັ້ນມັນບໍ່ກຸ້ມ
ຄ່າກັບການທີ່ຕ້ອງເຮັດວຽກ
ຢ່າງໜັກຕິດຕໍ່ກັນເກີນກ່ວາ
12 ຊົ່ວໂມງໃນແຕ່ລະມື້ ເພື່ອ
ແລກກັບຄ່າແຮງານ 3,000-
5,000 ບາດຕໍ່ເດືອນ ແຕ່ຖ້າ
ຫາກວ່າແຮງານລາວຄົນໃດທີ່
ໂຊກຮ້າຍໄປກ່ວານັ້ນ ກໍຍັງບໍ່
ມີໂອກາດໄດ້ຮັບຄ່າຈ້າງເລີຍ ດັ່ງທີ່ນາງ ວາດສະໜາ ຊຶ່ງຕົກເປັນເຫຍື່ອຂອງການຄ້າ
ມະນຸດ ແລະຖືກຂາຍໃຫ້ໄປເປັນຄົນຮັບໃຊ້ຂອງຄອບຄົວຄົນໄທຢູ່ບາງກອກ ແລະຖືກ ບັງຄັບໃຫ້ແຕ່ຢູ່ໃນເຮືອນເປັນເວລາເຖິງ 16 ປີ ຕິດຕໍ່ກັນໄດ້ສະທ້ອນເຖິງຊິວິດການ
ເປັນຢູ່ ຂອງຕົນ ໃນໄລຍະເວລາດັ່ງກ່າວ:
“ບ່ອນພັກ ບ່ອນເຊົາກະເປັນຫ້ອງນ້ອຍໆ ຕື່ນກະສີ່ໂມງ ຫ້າໂມງ ແລ້ວກະຕອນ
ແລງກະທໍາງານ ແລ້ວກະ ຫົກໂມງ ເຈັດໂມງແຫລະ ແຕ່ວ່າມັນວຽກຫຼາຍຫັ້ນ
ນາ ຖ້າເຮົາເຮັດບໍ່ທັນໃຈເພິ່ນຫັ້ນ ນຶ່ງມາເພິ່ນກະຊິດ່າ ຄັນທໍາງານບໍ່ໄດ້ໃຈເຂົາ
ເຂົ້າກະຕົບໜ້າ ບັດໜີ້ສີ້ນເດືອນໄປຖາມ ຖາມເພິ່ນວ່າຢາກໄດ້ເງິນເດືອນຫັ້ນນາ
ເພິ່ນບອກວ່າ ເພິ່ນຊື້ເອົາພວກຂ້ອຍຜູ້ນຶ່ງນັ້ນ ແປດພັນ ສິບປີ ສິບປາຍປີ ເອື້ອຍ
ກະຍັງບໍ່ໄດ້ ” .
ທາງດ້ານທ່ານ ຄໍາໄຊ ຈັນທະວິສຸກ ຫົວໜ້າຝ່າຍປ້ອງກັນ
ແລະຮັກສາຜູ້ຕິດເຊື້ອ HIV-AIDS ປະຈໍາໂຮງໝໍແມ່
ແລະເດັກຢູ່ນະຄອນຫຼວງວຽງຈັນໄດ້ເປີດເຜີຍໃຫ້ຮູ້ວ່າໃນ
ແຕ່ລະເດືອນຈະມີແຮງງານລາວທີ່ຕົກເປັນ ເຫຍື່ອຂອງ
ການຄ້າມະນຸດ ຢູ່ໃນໄທທີ່ໄດ້ຮັບການຊ່ວຍເຫຼືອ ແລະຖືກ
ສົ່ງກັບຄືນມາລາວແລ້ວນັ້ນ ຈໍານວນລະຫວ່າງ 15-45
ຄົນທີ່ເຂົ້າຮັບການຮັກສາອາການເຈັບປ່ວຍດ້ວຍໂຣກຕ່າງໆ
ໂດຍສະເພາະແມ່ນຜູ້ທີ່ຕິດເຊື້ອ HIV-AIDS ນັ້ນກໍມີຢູ່
ຫລາຍກ່ວາ 500 ຄົນ ທີ່ເຂົ້າຮັກສາຢູ່ໃນປັດຈຸບັນຊຶ່ງຄິດເປັນ 75% ທີ່ເປັນຜູ້ປ່ວຍເພດຍິງ ທີ່ໄດ້ຮັບເຊື້ອຈາກການຖືກບັງຄັບໃຫ້ຂາຍບໍລິການທາງເພດຢູ່ໃນໄທ .
ໃນປັດຈຸບັນນີ້ ອົງການເຄືອຂ່າຍເພື່ອໃຫ້ການຊ່ວຍເຫລືອແຮງງານຕ່າງດ້າວຈາກລາວ, ກຳ
ປູເຈຍ ແລະພະມ້າ ຢູ່ໃນໄທໄດ້ປະເມີນວ່າ ມີແຮງງານລາວຫຼາຍກ່ວາ 4 ແສນຄົນ ທີ່ລັກ
ລອບທໍາງານໂດຍຜິດກົດໝາຍຢູ່ໃນໄທ ແລະໃນຈໍານວນດັ່ງກ່າວນີ້ກໍຄິດເປັນ 63% ທີ່
ເປັນແຮງງານລາວ ເພດຍິງ ທີ່ມີຄວາມສ່ຽງສູງ ທີ່ຈະຕົກເປັນເຫຍື່ອຂອງການຄ້າມະນຸດ
ເພາະວ່າ ແຮງງານລາວເພດຍິງດັ່ງກ່າວນີ້ ນອກຈາກຈະເປັນເຍົາວະຊົນ ທີ່ມີອາຍຸລະຫວ່າງ
13-18 ປີແລ້ວ ກໍຍັງບໍ່ຈົບຊັ້ນປະຖົມສຶກສາເປັນສ່ວນໃຫຍ່ ອີກດ້ວຍ ຈຶ່ງເຮັດໃຫ້ຖືກລອກ
ລວງໄດ້ງ່າຍນັ້ນເອງ.
ແຕ່ຢ່າງໃດກໍຕາມ ການທີ່ຢູ່ໃນລາວມີອັດຕາຄ່າຈ້າງທີ່
ຕໍ່າຫລາຍ ກໍຄື 348,000 ກີບ ຊຶ່ງເມື່ອຮວມກັບຄ່າລ່ວງ
ເວລາ ແລະເງິນອຸດໜູນຕ່າງໆ ເພື່ອການຄອງຊີບແລ້ວ
ກໍຈະເຮັດໃຫ້ຜູ້ໃຊ້ແຮງງານລາວແຕ່ລະຄົນ ມີລາຍໄດ້
ສະເລ່ຍປະມານ 5 ແສນກີບຕໍ່ເດືອນເທົ່ານັ້ນ ຈຶ່ງຖືວ່າ
ເປັນລາຍໄດ້ທີ່ຕໍ່າຫລາຍ ເມື່ອທຽບໃສ່ກັບຄ່າຄອງຊີບ ທີ່ເພີ້ມສູງຂຶ້ນຕະຫລອດເວລາ.
ຍິ່ງໄປກ່ວານັ້ນ ການທີ່ຢູ່ໃນລາວກໍມີຕໍາແໜ່ງງານຢູ່ຢ່າງຈໍາກັດ ໃນຂະນະທີ່ການຂຶ້ນທະ
ບຽນກັບທາງການລາວເພື່ອເປັນແຮງງານທີ່ທໍາງານໃນໄທຢ່າງຖືກຕ້ອງຕາມກົດໝາຍນັ້ນ
ກໍຈະຕ້ອງໃຊ້ເງິນເຖິງ 4 ລ້ານກີບ ຫຼື ປະມານ 15,000 ບາດອີກດ້ວຍແລ້ວ ຈຶ່ງເຮັດໃຫ້
ແຮງງານລາວ ສ່ວນໃຫຍ່ໄດ້ພາກັນສະໝັກໃຈເດີນທາງໄປ ລັກລອບທໍາງານຢູ່ໃນໄທຫຼາຍ
ຂຶ້ນນັບມື້ອີກດ້ວຍ.
