ລິ້ງ ສຳຫລັບເຂົ້າຫາ

site logo
ວັນສຸກ, 27 ພຶດສະພາ 2022

ປ. ທຣຳ ຮັບຮູ້ວ່າ ການພົບປະ ສຸດຍອດ ກັບ ເກົາຫຼີເໜືອ ຍັງບໍ່ແນ່ນອນ


Trump Renews Threat to Scrap North Korea Summit
please wait

No media source currently available

0:00 0:01:48 0:00

ປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣຳ ​ກ່າວ​ວ່າ ມັນ​ບໍ່​ແນ່ນອນ​ວ່າ ຈະ​ເກີດ​ມີຂຶ້ນ,
ແຕ່ວ່າ ​ແຜນ​ກຳໜົດ​ການ ​ທີ່​ໄດ້​ວາງ​ໄວ້​ນັ້ນ ​ແມ່ນ​ຈະ​ດຳ​ເນີນ​ສືບ​ຕໍ່​ໄປ ສຳລັບ​ການ​ພົບ​ປະ
​ກັບຜູ້ນຳ​ເກົາຫຼີ​ເໜືອ ກິມ ຈົງ ອຶນ ​ເຖິງ​ແມ່ນ​ວ່າ ພຽງ​ຢາງຈະໄດ້​ຂົ່ມຂູ່​ວ່າ ຈະ​ຍົກ​ເລີກ​ການ
​ພົບ​ປະສຸ​ດຍອດ​ນັ້ນ ກໍ​ຕາມ. ຄວາມ​ເຫັນ​ຂອງ​ທ່ານ​ທຣຳ ໄດ້ມີ​ຂຶ້ນ ​ໃນ​ວັນ​ອັງຄານ​ວານ​ນີ້
ໃນ​ຂະນະ​ທີ່​ພົບ​ປະ​ກັບ ປະທານາທິບໍດີ​ເກົາຫຼີ​ໃຕ້ ທ່ານ​ມູນ ​ແຈ​-ອິນ ຊຶ່ງ ​ນັກ​ຂ່າວ​ວີ​ໂອ​ເອ
Bill Gallo ມີ​ລາຍ​ລະອຽດ ​ກ່ຽວ​ກັບ​ເລື່ອງ​ດັ່ງກ່າວ ທີ່​ວັນນະ​ສອນ ຈະ​ນຳ​ມາສະ​ເໜີທ່ານ ​
ໃນ​ອັນ​ດັບ​ຕໍ່​ໄປ.

ການ​ພົບ​ປະກັນ​ຂອງປະທານາທິບໍດີ​ສະຫະລັດ ທ່ານ​ດໍ​ໂນ​ລ ທຣຳ ກັບ​ຄູ່​ຕຳ​ແໜ່​ງ​ເກົາຫຼີ​
ໃຕ້ທີ່​ທຳນຽບຂາວ ​ໄດ້​ມີ​ຂຶ້ນ ​ໃນ​ຂະນະ​ທີ່ ການພົບ​ປະສຸດ​ຍອດ​ກັບ ກິມ ຈົງ ອຶນ ຍັງເປັນ
ຄຳ​ຖາມຢູ່​.

ປະທານາທິບໍດີ​ທຣຳ ກ່າວ​ວ່າ “ມັນ​ມີ​ບາງ​ເງື່ອນໄຂ​ທີ່​ພວກ​ເຮົາ​ຕ້ອງການ, ​ແລະຂ້າພະ​
ເຈົ້າຄິດ​ວ່າ ​ພວກ​ເຮົາຈະ​ໄດ້ຮັບສິ່ງ​ທີ່​ພວກ​ເຮົາ​ຕ້ອງການ, ຖ້າ​ຫາກ​ວ່າ ພວກ​ເຮົາ ບໍ່​ໄດ້​
ຕາມ​ທີ່ພວກ​ເຮົາ​ມັກ ມັນກໍ​ຈະ​ບໍ່​ມີ​ການ​ພົບ​ປະກັນ. ຖ້າ​ຫາກ​ວ່າ​ມັນ​ບໍ່​ເກີດ​ຂຶ້ນ, ມັນ​ກໍ
​ອາດຈະ​ເກີດ​ຂຶ້ນ​ນຳ​ຫຼັງ. ບາງທີ ມັນ​ອາດ​ຈະ​ເກີດ​ຂຶ້ນ ​ໃນ​ເວລາ​ອື່ນ.”

​ເກົາຫຼີ​ເໜືອ ​ໄດ້ເລີ່​ມ​ມີຄວາມສົງໄສ ​ກ່ຽວ​ກັບ​ການ​ພົບ​ປະກັນດັ່ງກ່າວ...ຫຼັງ​ຈາກ​ທີ່​ສະຫະ
ລັດ ​ກັບເກົາຫຼີ​ໃຕ້ ​ໄດ້​ເລີ່ມຝຶກ​ຊ້ອມ​ທາງ​ທະຫານ​ແລ້ວ.

ທີ່​ປຶກສາ​ດ້ານ​ຄວາມ​ປອດ​ໄພ​ແຫ່ງ​ຊາດ ທ່ານ​ຈອນ ​ໂບລ​ເຕິນ ​ໄດ້​ແນະນຳໃຫ້ນຳໃຊ້​
ຕົວຢ່າງແບບ “ລີ​ເບຍ” ໃນການເຮັດ​ໃຫ້​ປອດ​ນິວ​ເຄລຍ.

ນັ້ນເປັນການ​ອ້າງ​ອີງ​ໃສ່ ຜູ້ນຳ​ລີ​ເບຍ ມົວ​ມາ ກາ​ດາ​ຟີ ຜູ້ທີ່​ໄດ້​ຍົກ​ເລີກອາວຸດ​ນິວ​ເຄລຍ
ຂອງ​ເຂົາ ​ໃນ​ປີ 2003 ນັ້ນ.

ອີກ 8 ປີ ຕໍ່​ມາ ​ເຂົາກໍ​ໄດ້​ຖືກໂຄ່ນລົ້ມ....ຖືກຂຸດ​ອອກມາ​ຈາກ​ຂຸມ ​ແລະຖືກ​ຍິງ​ໃສ່​ຫົວ
​ໃນ​ຂະນະ​ທີ່​ມີ​ການ​ລຸກ​ຮື​ຂຶ້ນ ທີ່​ໜຸນ​ຫຼັງ​ໂດຍ​ສະຫະລັດ​.

ໃນ​ວັນ​ອັງຄານ​ວານ​ນີ້ ທ່ານ​ທຣຳ ​ໄດ້ເນັ້ນຢໍ້າ​ວ່າກິມ ບໍ່​ມີ​ຫຍັງ​ຕ້ອງໄດ້​ກັງວົນ ຖ້າ​ຫາກ​ວ່າ
ເພິ່ນຍົກ​ເລີກ​ໂຄງການ​ອາວຸດ​ນິວ​ເຄລຍຂອງເພິ່ນ.

ທ່ານທຣຳ ກ່າວ​ວ່າ “​ແມ່ນ​ແລ້ວ, ພວກ​ເຮົາ​ຈະ​ຄ້ຳປະກັນ​ຄວາມ​ປອດ​ໄພ​ຂອງ​ເພິ່ນ. ​
ແລະ​ພວກ​ເຮົາ ກໍ​ເຄີຍໄດ້​ໂອ້​ລົ​ມ ກ່ຽວ​ກັບ​ເລື່ອງ​ນັ້ນມາ ຕັ້ງ​ແຕ່​ຕອນ​ເລີ່​ມຕົ້ນ​ພຸ້ນ​ແລ້ວ.
ເພິ່ນ​ຈະ​ໄດ້ຮັບຄວາມປອດ​ໄພ. ເພິ່ນ​ຈະ​ມີ​ຄວາມສຸກ, ປະ​ເທດ​ຂອງ​ເພິ່ນ ກໍ​ຈະ​ຮັ່ງມີ​ຂຶ້ນ,
ປະ​ເທດ​ຂອງເພິ່ນ ກໍ​ຈະ​ປະກອບ​ກິດຈະການ​ຢ່າງ​ແຂງ​ຂັນ ​ແລະ​ຈະ​ເລີ​ນຮຸ່ງ​ເຮືອງ.”

ພວກຜູ້ຄົນ ພາກັນເບິ່ງໂທລະພາບ ທີ່ສະແດງໃຫ້ເຫັນປະທານາທິບໍດີສະຫະລັດ ທ່ານດໍໂນລ ທຣຳ ກັບຜູ້ນຳເກົາຫຼີເໜືອ ກິມ ຈົງ ອຶນ ໃນສະຖານີລົດໄຟໃຕ້ດິນທີ່ໂຊລ, ເກົາຫຼີໃຕ້, 18 ພຶດສະພາ 2018.
ພວກຜູ້ຄົນ ພາກັນເບິ່ງໂທລະພາບ ທີ່ສະແດງໃຫ້ເຫັນປະທານາທິບໍດີສະຫະລັດ ທ່ານດໍໂນລ ທຣຳ ກັບຜູ້ນຳເກົາຫຼີເໜືອ ກິມ ຈົງ ອຶນ ໃນສະຖານີລົດໄຟໃຕ້ດິນທີ່ໂຊລ, ເກົາຫຼີໃຕ້, 18 ພຶດສະພາ 2018.

ແຕ່​ ໃນ​ຂະ​ດຽວ​ກັນ​ ​ເກົາຫຼີ​ເໜືອ ​ ​ກໍແມ່ນຍັງສືບຕໍ່​ ກ່າວ​ຕຳ​ໜິການຊ້ອມ​ລົບ​ທາງ​ທະຫານ
ລະຫວ່າງ​ສະຫະລັດ ກັບ​ເກົາຫຼີ​ໃຕ້ຢູ່...​ເຖິງ​ແມ່ນ​ວ່າ ຕົນ​ກຳລັງ​ຕຽມ​ການ​ທີ່​ຈະ​ທຳລາຍ​
ສະຖານ​ທີ່​ທົດ​ລອງ​ນິວ​ເຄລຍທາງ​ຝັ່ງ​ທະ​ເລ​ຕາ​ເວັນ​ອອກ ໃນ​ທ້າ​ຍສັບປະດາ​ນີ້ ຢູ່ ກໍ​ຕາມ.

ພວກນັກ​ຊ່ຽວຊານ​ພາກັນກ່າວວ່າ ສັນຍານ​ທີ່ສັບສົນປົນ​ກັນດັ່ງກ່າວ ຊຶ່ງ​ເປັນ​ຜົນ​ມາຈາກ
​ຫຼາຍໆ​ທົດ​ສະ​ວັດ​ ໃນ​ການ​ເປັນ​ປໍ​ລະ​ປັກ​ກັນນັ້ນ ບໍ່​ເປັນ​ການ​ງ່າຍທີ່​ຈະ​ແກ້ໄຂໄດ້.

ທ່ານ​ໂຣ​ເບີຣ໌ດ ​ແມນ​ນິງ ​ເຈົ້າ​ໜ້າ​ທີ່​ອາ​ວຸ​ໂສ​ ຈາກ​ສະພາ​ອັດ​ແລນ​ຕິກ ກ່າວ​ວ່າ “ມັນ​ມີ​
ຄວາມ​ບໍ່​ເຊື່ອໃຈກັນ ​ຈາກ​ທັງ​ສອງ​ຝ່າຍຢ່າງຫຼວງຫຼາຍ ​ໃນ​ຄວາມ​ຄິດ​ທີ່ເອີ້ນວ່າ
ການ​ເອົາບົດ​ບາດ​ ຕ້ານບົດບາດ, ນັ້ນໝາຍຄວາມວ່າ ຖ້າ​ຫາກພວກ​ເຂົາ​ເຈົ້າ​ເຮັດ​ແນວໃດແນວນຶ່ງ

​ພວກ​ເຮົາ ກໍຈະ​ເຮັດ​ສິ່ງ​ໃດ​ສິ່ງ​ນຶ່ງ ​ແລ້ວໃນ​ທີ່​ສຸດພວກ​ເຮົາ ກໍ​ຈະ​ສ້າງ​ຄວາມ​ເຊື່ອ​ໃຈກັນ ເທື່ອລະນ້ອຍ ຄວາມ​ໄວ້​ວາງ​ໃຈກັນ​. ຂ້າພະ​ເຈົ້າ​ເຊື່ອ​ວ່າ ບາງທີ ນັ້ນອາດ​ຈະ​ເປັນ​ການ
​ເອົາ​ບາດກ້າວ​ຂອງ​ປະທານາທິບໍດີ ມູນ ​ໄປສູ່ປະທານາທິບໍດີ​ທຣຳ.”

ທັງນີ້ ມັນ​ຈະ​ສຳ​ເລັດ​ ຫຼື​ບໍ່​ ກໍ​ໃຫ້ທຸກຄົນລອງ​ເດົາ​ເບິ່ງ.

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ທ່ານອາດຈະມັກເລື້ອງນີ້ຄືກັນ

XS
SM
MD
LG